WhatsApp 'ਤੇ ਜਲਦ ਆ ਸਕਦੈ FB Messenger ਵਰਗਾ ਫੀਚਰ, ਚੈਟਿੰਗ ਲਈ ਵਾਰ-ਵਾਰ ਐਪ ਖੋਲ੍ਹਣ ਦੀ ਟੈਨਸ਼ਨ ਹੋਵੇਗੀ ਖ਼ਤਮ!

ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ : ਵਿਜ਼ੂਅਲ ਬਦਲਾਵਾਂ ਦੀ ਇਕ ਸੀਰੀਜ਼ ਤੋਂ ਬਾਅਦ WhatsApp ਹੁਣ ਕਥਿਤ ਤੌਰ 'ਤੇ ਇਕ ਨਵੇਂ ਤੇ ਫਰੈਸ਼ ਇੰਟਰਫੇਸ 'ਤੇ ਕੰਮ ਕਰ ਰਿਹਾ ਹੈ, ਜੋ ਐਪ ਦੇ ਟਾਪ ਨੇਵੀਗੇਸ਼ਨ ਬਾਰ ਦੇ ਨਾਲ ਯੂਜ਼ਰਜ਼ ਦੇ ਇੰਟਰੈਕਸ਼ਨ ਦੇ ਤਰੀਕੇ ਨੂੰ ਬਦਲ ਸਕਦਾ ਹੈ। WaBetaInfo ਦੇ ਮੁਤਾਬਕ, Meta ਦੇ ਮਾਲਕੀ ਹੱਕ ਵਾਲਾ ਇਹ ਇੰਸਟੈਂਟ ਮੈਸੇਜਿੰਗ ਪਲੇਟਫਾਰਮ ਟੈਕਸਟ-ਬੇਸਡ ਐਪ ਨੇਮ (WhatsApp ਲਿਖਿਆ ਹੋਇਆ) ਦੀ ਜਗ੍ਹਾ ਆਪਣਾ ਆਫੀਸ਼ੀਅਲ ਲੋਗੋ ਲਗਾ ਸਕਦਾ ਹੈ। ਉਮੀਦ ਹੈ ਕਿ ਇਸ ਅਪਡੇਟ ਨਾਲ ਨਵੇਂ ਫੀਚਰਜ਼ ਲਈ ਜਗ੍ਹਾ ਬਣੇਗੀ ਜਿਸ ਵਿਚ ਟਾਪ ਸੈਕਸ਼ਨ ਤੋਂ ਹੀ ਸਟੇਟਸ ਅਪਡੇਟਸ ਨੂੰ ਆਸਾਨੀ ਨਾਲ ਐਕਸੈਸ ਕਰਨਾ ਸ਼ਾਮਲ ਹੈ।

ਵਿਜ਼ੂਅਲ ਬਦਲਾਵਾਂ ਦੇ ਨਾਲ-ਨਾਲ, ਮੈਸੇਜਿੰਗ ਪਲੇਟਫਾਰਮ ਅਜਿਹੇ ਨਵੇਂ ਟੂਲਸ 'ਤੇ ਵੀ ਕੰਮ ਕਰ ਰਿਹਾ ਹੈ ਜਿਨ੍ਹਾਂ ਦਾ ਮਕਸਦ ਗੱਲਬਾਤ ਨੂੰ ਤੇਜ਼ ਅਤੇ ਇੰਟਰੈਕਸ਼ਨ ਨੂੰ ਬਹੁਤ ਆਸਾਨ ਬਣਾਉਣਾ ਹੈ। WABetaInfo ਦੇ ਮੁਤਾਬਕ, ਮੁੱਖ ਐਡੀਸ਼ਨਾਂ 'ਚ ਫੇਸਬੁੱਕ ਮੈਸੇਂਜਰ ਦੀ ਤਰ੍ਹਾਂ ਨੋਟੀਫਿਕੇਸ਼ਨ ਬਬਲਸ (Notification Bubbles) ਦਾ ਸਪੋਰਟ ਸ਼ਾਮਲ ਹੈ। ਇਹ ਫੀਚਰ ਐਂਡਰਾਇਡ ਸਿਸਟਮ ਨਾਲ ਜੁੜਿਆ ਹੋਇਆ ਹੈ ਜੋ ਚੈਟਸ ਨੂੰ ਸਕ੍ਰੀਨ 'ਤੇ ਫਲੋਟਿੰਗ ਆਈਕਨਸ ਦੇ ਤੌਰ 'ਤੇ ਦਿਖਾਉਣ ਦੀ ਇਜਾਜ਼ਤ ਦਿੰਦਾ ਹੈ।

ਇਹ ਬਬਲਸ ਯੂਜ਼ਰਜ਼ ਨੂੰ ਉਸ ਐਪ ਨੂੰ ਛੱਡੇ ਬਿਨਾਂ ਮੈਸੇਜ ਖੋਲ੍ਹਣ ਅਤੇ ਰਿਪਲਾਈ ਕਰਨ ਦੀ ਸਹੂਲਤ ਦੇਣਗੇ ਜਿਸ ਦੀ ਉਹ ਉਸ ਸਮੇਂ ਵਰਤੋਂ ਕਰ ਰਹੇ ਹਨ। ਜਦੋਂ ਯੂਜ਼ਰਜ਼ ਬਬਲ 'ਤੇ ਟੈਪ ਕਰਨਗੇ ਤਾਂ ਇੱਕ ਛੋਟਾ ਜਿਹਾ ਚੈਟ ਵਿੰਡੋ ਖੁੱਲ੍ਹ ਜਾਵੇਗਾ, ਜਿਸ ਨਾਲ ਮਲਟੀਟਾਸਕਿੰਗ ਦੌਰਾਨ ਤੁਰੰਤ ਰਿਪਲਾਈ ਦਿੱਤਾ ਜਾ ਸਕੇਗਾ। ਇਹ ਫੀਚਰ ਗੱਲਬਾਤ ਨੂੰ ਹਰ ਸਮੇਂ ਐਕਸੈਸਬਲ ਰੱਖਣ ਲਈ ਡਿਜ਼ਾਈਨ ਕੀਤਾ ਗਿਆ ਹੈ, ਖਾਸ ਕਰਕੇ ਤਦ ਜਦੋਂ ਯੂਜ਼ਰਜ਼ ਵੀਡੀਓ ਦੇਖਣ ਜਾਂ ਐਪਸ ਬ੍ਰਾਊਜ਼ ਕਰਨ ਵਰਗੇ ਦੂਜੇ ਕੰਮਾਂ ਵਿੱਚ ਬਿਜ਼ੀ ਹੋਣ।

ਰਿਪੋਰਟ 'ਚ ਇਹ ਵੀ ਦੱਸਿਆ ਗਿਆ ਹੈ ਕਿ ਨੋਟੀਫਿਕੇਸ਼ਨ ਬਬਲਸ ਐਂਡਰਾਇਡ 11 ਅਤੇ ਉਸ ਤੋਂ ਉੱਪਰਲੇ ਵਰਜ਼ਨਾਂ 'ਤੇ ਚੱਲਣ ਵਾਲੀਆਂ ਡਿਵਾਈਸਾਂ 'ਤੇ ਸਪੋਰਟਿਡ ਹਨ, ਜਿੱਥੇ ਇਹ ਫੀਚਰ ਜ਼ਿਆਦਾ ਸਟੇਬਲ ਅਤੇ ਸਿਸਟਮ ਦੇ ਨਾਲ ਬਿਹਤਰ ਤਰੀਕੇ ਨਾਲ ਜੁੜਿਆ ਹੋਇਆ ਮਹਿਸੂਸ ਹੁੰਦਾ ਹੈ। ਹਾਲਾਂਕਿ, ਇਸਦੀ ਉਪਲਬਧਤਾ ਡਿਵਾਈਸ ਸੈਟਿੰਗਜ਼ ਅਤੇ ਸਿਸਟਮ ਕੰਪੈਟਿਬਿਲਟੀ 'ਤੇ ਨਿਰਭਰ ਕਰ ਸਕਦੀ ਹੈ ਕਿਉਂਕਿ ਸਾਰੇ ਐਂਡਰਾਇਡ ਵਰਜ਼ਨ ਬਬਲਸ ਨੂੰ ਇੱਕੋ ਤਰ੍ਹਾਂ ਹੈਂਡਲ ਨਹੀਂ ਕਰਦੇ।

ਰੀਡਿਜ਼ਾਈਨ ਕੀਤਾ ਗਿਆ ਟਾਪ ਬਾਰ ਤੇ ਨੋਟੀਫਿਕੇਸ਼ਨ ਬਬਲ ਫੀਚਰ ਦੋਵੇਂ ਅਜੇ ਡਿਵੈਲਪਮੈਂਟ ਫੇਜ਼ ਵਿੱਚ ਹਨ ਅਤੇ ਇਨ੍ਹਾਂ ਦੇ ਵੱਡੇ ਪੱਧਰ 'ਤੇ ਰਿਲੀਜ਼ ਹੋਣ ਤੋਂ ਪਹਿਲਾਂ ਬੀਟਾ ਟੈਸਟਰਸ ਲਈ ਰੋਲ ਆਊਟ ਹੋਣ ਦੀ ਸੰਭਾਵਨਾ ਹੈ। ਪਬਲਿਕ ਰਿਲੀਜ਼ ਆਉਣ ਵਾਲੇ ਮਹੀਨਿਆਂ ਵਿੱਚ ਹੋਣ ਦੀ ਉਮੀਦ ਹੈ।