ਆਖਿਰ Clockwise ਹੀ ਕਿਉਂ ਸ਼ੁਰੂ ਕੀਤੀ ਜਾਂਦੀ ਹੈ ਭਗਵਾਨ ਦੀ ਪਰਿਕਰਮਾ, ਜਾਣ ਲਓ ਕੀ ਹੈ ਸਹੀ ਨਿਯਮ

ਧਰਮ ਡੈਸਕ, ਨਵੀਂ ਦਿੱਲੀ: ਸਨਾਤਨ ਧਰਮ 'ਚ ਦੇਵੀ-ਦੇਵਤਿਆਂ ਦੀ ਪੂਜਾ-ਅਰਚਨਾ ਕਰਨ ਦਾ ਵਿਸ਼ੇਸ਼ ਮਹੱਤਵ ਹੈ। ਪੂਜਾ ਦੌਰਾਨ ਨਿਯਮਾਂ ਦੀ ਪਾਲਣਾ ਕਰਨ ਨਾਲ ਸਾਧਕ ਨੂੰ ਸ਼ੁਭ ਫਲ ਮਿਲਦਾ ਹੈ ਤੇ ਜੀਵਨ ਵਿਚ ਸੁੱਖ-ਸ਼ਾਂਤੀ ਬਣੀ ਰਹਿੰਦੀ ਹੈ। ਇਸ ਦੇ ਨਾਲ ਹੀ ਦੇਵੀ-ਦੇਵਤਿਆਂ ਦੀ ਪਰਿਕਰਮਾ ਕੀਤੀ ਜਾਂਦੀ ਹੈ।

ਇਸ ਨਾਲ ਦੇਵੀ-ਦੇਵਤੇ ਪ੍ਰਸੰਨ ਹੁੰਦੇ ਹਨ ਤੇ ਸਾਧਕ ਦੀਆਂ ਸਾਰੀਆਂ ਮੁਰਾਦਾਂ ਪੂਰੀਆਂ ਕਰਦੇ ਹਨ, ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਮੰਦਰ 'ਚ ਪਰਿਕਰਮਾ ਘੜੀ ਦੀ ਦਿਸ਼ਾ ਵਿਚ ਹੀ ਕਿਉਂ ਕੀਤੀ ਜਾਂਦੀ ਹੈ। ਜੇਕਰ ਨਹੀਂ ਪਤਾ ਤਾਂ ਆਓ ਤੁਹਾਨੂੰ ਇਸ ਬਾਰੇ ਵਿਸਥਾਰ ਨਾਲ ਦੱਸਦੇ ਹਾਂ।

ਘੜੀ ਦੀ ਦਿਸ਼ਾ 'ਚ ਕਿਉਂ ਕੀਤੀ ਜਾਂਦੀ ਹੈ ਪਰਿਕਰਮਾ?

ਪੂਜਾ-ਪਾਠ ਦੌਰਾਨ ਮੰਦਰਾਂ 'ਚ ਭਗਵਾਨ ਦੀ ਪਰਿਕਰਮਾ ਹਮੇਸ਼ਾ ਘੜੀ ਦੀ ਦਿਸ਼ਾ (Clockwise) 'ਚ ਕੀਤੀ ਜਾਂਦੀ ਹੈ। ਧਾਰਮਿਕ ਮਾਨਤਾ ਅਨੁਸਾਰ, ਘੜੀ ਦੀ ਸੂਈ ਦੀ ਦਿਸ਼ਾ 'ਚ ਪਰਿਕਰਮਾ ਕਰਨ ਨਾਲ ਸਾਧਕ ਦਾ ਸਰੀਰ ਸਕਾਰਾਤਮਕ ਊਰਜਾ ਨੂੰ ਸਹੀ ਤਰੀਕੇ ਨਾਲ ਗ੍ਰਹਿਣ ਕਰ ਪਾਉਂਦਾ ਹੈ। ਇਸ ਲਈ ਮੰਦਰ 'ਚ ਇਸ ਦਿਸ਼ਾ 'ਚ ਪਰਿਕਰਮਾ ਕਰਨ ਦਾ ਵਿਸ਼ੇਸ਼ ਮਹੱਤਵ ਹੈ।

ਹਿੰਦੂ ਧਰਮ 'ਚ ਕਹਿੰਦੇ ਹਨ ਪ੍ਰਦੱਖਣ

ਪਰਿਕਰਮਾ ਹਮੇਸ਼ਾ ਘੜੀ ਦੀ ਦਿਸ਼ਾ 'ਚ ਕੀਤੀ ਜਾਂਦੀ ਹੈ, ਜਿਸ ਨੂੰ ਹਿੰਦੂ ਧਰਮ 'ਚ 'ਪ੍ਰਦੱਖਣਾ' ਕਿਹਾ ਜਾਂਦਾ ਹੈ। ਪਰਿਕਰਮਾ ਕਰਨ ਨਾਲ ਮਨ ਸ਼ਾਂਤ ਹੁੰਦਾ ਹੈ ਤੇ ਸਕਾਰਾਤਮਕ ਊਰਜਾ 'ਚ ਵਾਧਾ ਹੁੰਦਾ ਹੈ। ਜੇਕਰ ਉਲਟ ਦਿਸ਼ਾ 'ਚ ਘੁੰਮੋਗੇ ਤਾਂ ਊਰਜਾ ਦਾ ਟਕਰਾਅ ਹੋਵੇਗਾ, ਜਿਸ ਨਾਲ ਪਰਿਕਰਮਾ ਦਾ ਪੂਰਾ ਫਲ ਪ੍ਰਾਪਤ ਨਹੀਂ ਹੁੰਦਾ। ਅਗਨੀ ਪੁਰਾਣ ਤੇ ਵਰਾਹ ਪੁਰਾਣ 'ਚ ਮੂਰਤੀਆਂ ਦੀ ਪ੍ਰਦੱਖਣਾ ਦੇ ਨਿਯਮਾਂ ਬਾਰੇ ਵਿਸਥਾਰ ਨਾਲ ਦੱਸਿਆ ਗਿਆ ਹੈ।

ਪਰਿਕਰਮਾ ਕਰਨ ਦੇ ਨਿਯਮ

1. ਪਰਿਕਰਮਾ ਹਮੇਸ਼ਾ ਹੌਲੀ ਗਤੀ ਤੇ ਸ਼ਾਂਤ ਮਨ ਨਾਲ ਕਰਨੀ ਚਾਹੀਦੀ ਹੈ। ਇਸ ਦੌਰਾਨ ਬਹੁਤ ਤੇਜ਼ ਨਹੀਂ ਚੱਲਣਾ ਚਾਹੀਦਾ।
2. ਪਰਿਕਰਮਾ ਕਰਦੇ ਸਮੇਂ ਪੈਰ ਘਸੀਟ ਕੇ ਚੱਲਣ ਤੋਂ ਬਚਣਾ ਚਾਹੀਦਾ ਹੈ।
3. ਇਸ ਦੌਰਾਨ ਕਿਸੇ ਬਾਰੇ ਵੀ ਗਲਤ ਨਾ ਸੋਚੋ ਅਤੇ ਨਾ ਹੀ ਕਿਸੇ ਨਾਲ ਵਾਦ-ਵਿਵਾਦ ਕਰੋ। ਅਜਿਹਾ ਕਰਨ ਨਾਲ ਪਰਿਕਰਮਾ ਦਾ ਫਲ ਨਸ਼ਟ ਹੋ ਜਾਂਦਾ ਹੈ।
4. ਪਰਿਕਰਮਾ ਹਮੇਸ਼ਾ ਇਸ਼ਨਾਨ ਕਰਨ ਤੋਂ ਬਾਅਦ ਅਤੇ ਸਾਫ਼ ਕੱਪੜੇ ਪਹਿਨ ਕੇ ਕਰਨੀ ਚਾਹੀਦੀ ਹੈ।
5. ਪਰਿਕਰਮਾ ਨੰਗੇ ਪੈਰ ਕਰਨੀ ਚਾਹੀਦੀ ਹੈ।
6. ਪਰਿਕਰਮਾ ਦੇ ਸਮੇਂ ਹੱਥਾਂ ਨੂੰ ਜੋੜ ਕੇ ਹਿਰਦੇ ਕੋਲ ਰੱਖਣਾ ਚਾਹੀਦੀ ਹੈ।
7. ਪਰਿਕਰਮਾ ਕਰਦੇ ਸਮੇਂ ਹੱਥ ਖੁੱਲ੍ਹੇ ਜਾਂ ਲਮਕਦੇ ਹੋਏ ਨਹੀਂ ਹੋਣੇ ਚਾਹੀਦੇ।
8. ਇਸ ਦੌਰਾਨ ਕਾਲੇ ਰੰਗ ਦੇ ਕੱਪੜੇ ਨਹੀਂ ਪਹਿਨਣੇ ਚਾਹੀਦੇ।

ਕਿਸ ਭਗਵਾਨ ਦੀ ਕਿੰਨੀ ਪਰਿਕਰਮਾ ਕਰੀਏ?

• ਭਗਵਾਨ ਗਣੇਸ਼- 3 ਪਰਿਕਰਮਾ ਕਰਨੀ ਚਾਹੀਦੀ ਹੈ।
• ਭਗਵਾਨ ਸ਼ਿਵ- ਪਰਿਕਰਮਾ ਦੌਰਾਨ ਧਿਆਨ ਰੱਖੋ ਕਿ ਸ਼ਿਵ ਜੀ ਦੀ ਜਲਾਧਾਰੀ (ਸੋਮਸੂਤਰ) ਨੂੰ ਲੰਘਿਆ ਨਹੀਂ ਜਾਂਦਾ। ਜਲਾਧਾਰੀ ਤੋਂ ਹੀ ਵਾਪਸ ਮੁੜ ਆਉਣਾ ਚਾਹੀਦੀ ਹੈ।
• ਭਗਵਾਨ ਵਿਸ਼ਨੂੰ- 4 ਪਰਿਕਰਮਾ ਕਰਨਾ ਸ਼ੁੱਭ ਮੰਨਿਆ ਜਾਂਦਾ ਹੈ।
• ਦੇਵੀ ਦੁਰਗਾ ਤੇ ਮਾਤਾ ਲਕਸ਼ਮੀ- 1 ਪਰਿਕਰਮਾ ਕਰਨੀ ਚਾਹੀਦੀ ਹੈ।
• ਸੂਰਜ ਦੇਵ- 7 ਪਰਿਕਰਮਾ ਤੇ ਹਨੂਮਾਨ ਜੀ ਦੀ 3 ਪਰਿਕਰਮਾ ਕਰਨੀ ਚਾਹੀਦੀ ਹੈ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।