ਮਈ 'ਚ ਪਦਮਿਨੀ ਇਕਾਦਸ਼ੀ ਦਾ ਵਰਤ ਕਦੋਂ ਰੱਖਿਆ ਜਾਵੇਗਾ? ਨੋਟ ਕਰ ਲਓ ਤਿੱਥੀ, ਸਮਾਂ ਤੇ ਪੂਜਾ ਵਿਧੀ

ਧਰਮ ਡੈਸਕ, ਨਵੀਂ ਦਿੱਲੀ : ਹਿੰਦੂ ਪੰਚਾਂਗ 'ਚ ਇਕਾਦਸ਼ੀ ਦੇ ਵਰਤ ਦਾ ਬਹੁਤ ਮਹੱਤਵ ਹੈ, ਪਰ ਜਦੋਂ ਗੱਲ ਪਦਮਿਨੀ ਇਕਾਦਸ਼ੀ ਦੀ ਆਉਂਦੀ ਹੈ ਤਾਂ ਇਸ ਦਾ ਮਹੱਤਵ ਕਈ ਗੁਣਾ ਵੱਧ ਜਾਂਦਾ ਹੈ। ਧਾਰਮਿਕ ਮਾਨਤਾਵਾਂ ਅਨੁਸਾਰ, ਇਸ ਦਿਨ ਪੂਜਾ-ਪਾਠ ਤੇ ਵਰਤ ਰੱਖਣ ਨਾਲ ਜੀਵਨ ਦੇ ਸਾਰੇ ਸੰਕਟਾਂ ਦਾ ਨਾਸ਼ ਹੁੰਦਾ ਹੈ ਅਤੇ ਸ਼ੁਭ ਫਲ ਪ੍ਰਾਪਤ ਹੁੰਦੇ ਹਨ। ਵੈਸਾਖ ਤੋਂ ਬਾਅਦ ਜੇਠ (ਜੇਸ਼ਠ) ਮਹੀਨੇ ਆਉਣ ਵਾਲੀ ਇਸ ਸ਼ੁਕਲ ਪੱਖ ਦੀ ਇਕਾਦਸ਼ੀ ਨੂੰ 'ਪਦਮਿਨੀ ਇਕਾਦਸ਼ੀ' ਕਿਹਾ ਜਾਂਦਾ ਹੈ। ਕਹਿੰਦੇ ਹਨ ਕਿ ਇਹ ਵਰਤ ਰੱਖਣ ਨਾਲ ਵਿਅਕਤੀ ਨੂੰ ਕਈ ਸਾਲਾਂ ਦੀ ਤਪੱਸਿਆ ਦੇ ਬਰਾਬਰ ਪੁੰਨ ਫਲ ਮਿਲਦਾ ਹੈ। ਆਓ ਇਸ ਲੇਖ ਰਾਹੀਂ ਇਸ ਤਿੱਥੀ ਨਾਲ ਜੁੜੀਆਂ ਮੁੱਖ ਗੱਲਾਂ ਨੂੰ ਜਾਣਦੇ ਹਾਂ।

ਪਦਮਿਨੀ ਇਕਾਦਸ਼ੀ 2026 ਤਿੱਥੀ ਤੇ ਸਮਾਂ

ਹਿੰਦੂ ਪੰਚਾਂਗ ਅਨੁਸਾਰ, ਪਦਮਿਨੀ ਇਕਾਦਸ਼ੀ ਤਿੱਥੀ ਦੀ ਸ਼ੁਰੂਆਤ 26 ਮਈ ਨੂੰ ਸਵੇਰੇ 05 ਵੱਜ ਕੇ 10 ਮਿੰਟ 'ਤੇ ਹੋਵੇਗੀ। ਉੱਥੇ ਹੀ, ਇਸ ਦੀ ਸਮਾਪਤੀ 27 ਮਈ ਨੂੰ ਸਵੇਰੇ 06 ਵੱਜ ਕੇ 21 ਮਿੰਟ 'ਤੇ ਹੋਵੇਗੀ। ਅਜਿਹੇ ਵਿੱਚ ਪਦਮਿਨੀ ਇਕਾਦਸ਼ੀ ਦਾ ਵਰਤ 27 ਮਈ, 2026 ਨੂੰ ਰੱਖਿਆ ਜਾਵੇਗਾ।

ਪਦਮਿਨੀ ਇਕਾਦਸ਼ੀ ਪੂਜਾ ਵਿਧੀ

• ਬ੍ਰਹਮ ਮਹੂਰਤ 'ਚ ਉੱਠ ਕੇ ਇਸ਼ਨਾਨ ਕਰੋ ਤੇ ਹੱਥ ਵਿਚ ਜਲ ਲੈ ਕੇ ਵਰਤ ਦਾ ਸੰਕਲਪ ਲਓ।
• ਇਕ ਚੌਕੀ 'ਤੇ ਪੀਲਾ ਕੱਪੜਾ ਵਿਛਾ ਕੇ ਭਗਵਾਨ ਵਿਸ਼ਨੂੰ ਤੇ ਮਾਤਾ ਲਕਸ਼ਮੀ ਦੀ ਮੂਰਤੀ ਸਥਾਪਿਤ ਕਰੋ।
• ਭਗਵਾਨ ਨੂੰ ਪੀਲੇ ਫੁੱਲ, ਪੀਲਾ ਚੰਦਨ, ਅਕਸ਼ਤ (ਚੌਲ) ਤੇ ਤੁਲਸੀ ਦੇ ਪੱਤੇ ਭੇਟ ਕਰੋ। ਧਿਆਨ ਰਹੇ ਕਿ ਇਕਾਦਸ਼ੀ 'ਤੇ ਤੁਲਸੀ ਤੋੜਨਾ ਵਰਜਿਤ ਹੈ, ਇਸ ਲਈ ਇਕ ਦਿਨ ਪਹਿਲਾਂ ਹੀ ਪੱਤੇ ਤੋੜ ਕੇ ਰੱਖ ਲਓ।
• ਇਸ ਦਿਨ ਅਖੰਡ ਜੋਤ ਜਗਾਉਣਾ ਬਹੁਤ ਫਲਦਾਇਕ ਹੁੰਦਾ ਹੈ। ਸ਼ਾਮ ਦੇ ਸਮੇਂ ਪਿੱਪਲ ਦੇ ਰੁੱਖ ਕੋਲ ਦੀਪਦਾਨ ਜ਼ਰੂਰ ਕਰੋ।
• ਪਦਮਿਨੀ ਇਕਾਦਸ਼ੀ ਵਰਤ ਕਥਾ ਦਾ ਪਾਠ ਕਰੋ ਅਤੇ ਅੰਤ ਵਿੱਚ ਵਿਸ਼ਨੂੰ ਜੀ ਦੀ ਆਰਤੀ ਕਰੋ।
• ਇਸ ਵਰਤ 'ਚ ਰਾਤ ਦੇ ਜਾਗਰਣ ਦਾ ਵਿਸ਼ੇਸ਼ ਮਹੱਤਵ ਹੈ। ਇਸ ਲਈ ਰਾਤ ਨੂੰ ਭਜਨ-ਕੀਰਤਨ ਕਰੋ।

ਪਦਮਿਨੀ ਇਕਾਦਸ਼ੀ ਦਾ ਧਾਰਮਿਕ ਮਹੱਤਵ

ਧਾਰਮਿਕ ਗ੍ਰੰਥਾਂ ਅਨੁਸਾਰ, ਜੋ ਪੁੰਨ ਫਲ ਕਠਿਨ ਤਪੱਸਿਆ, ਯੱਗ ਤੇ ਦਾਨ ਨਾਲ ਪ੍ਰਾਪਤ ਨਹੀਂ ਹੁੰਦਾ, ਉਹ ਕੇਵਲ ਪਦਮਿਨੀ ਇਕਾਦਸ਼ੀ ਦਾ ਵਰਤ ਰੱਖਣ ਨਾਲ ਮਿਲ ਜਾਂਦਾ ਹੈ। ਇਹ ਵਰਤ ਸੰਤਾਨ ਸੁਖ, ਆਰਥਿਕ ਖੁਸ਼ਹਾਲੀ ਅਤੇ ਮੋਕਸ਼ ਪ੍ਰਦਾਨ ਕਰਨ ਵਾਲਾ ਮੰਨਿਆ ਗਿਆ ਹੈ। ਅਧਿਕ ਮਾਸ ਨੂੰ 'ਮਲਮਾਸ' ਵੀ ਕਿਹਾ ਜਾਂਦਾ ਹੈ, ਜਿਸ ਵਿੱਚ ਸ਼ੁਭ ਕੰਮ ਵਰਜਿਤ ਹੁੰਦੇ ਹਨ, ਪਰ ਨਾਮ ਜਪ ਅਤੇ ਭਗਤੀ ਲਈ ਇਹ ਸਮਾਂ ਸ਼ੁਭ ਅਵਸਰ ਦੇ ਬਰਾਬਰ ਹੁੰਦਾ ਹੈ।