15 ਜਾਂ 16 ਮਈ? ਕਦੋਂ ਹੈ ਸਾਲ ਦੀ ਪਹਿਲੀ ਸ਼ਨੀ ਮੱਸਿਆ ? ਨੋਟ ਕਰ ਲਓ ਸਹੀ ਤਰੀਕ, ਸ਼ੁੱਭ ਮਹੂਰਤ ਤੇ ਪੂਜਾ ਵਿਧੀ

ਧਰਮ ਡੈਸਕ, ਨਵੀਂ ਦਿੱਲੀ: ਹਿੰਦੂ ਧਰਮ 'ਚ ਮੱਸਿਆ ਦੀ ਤਰੀਕ ਦਾ ਵਿਸ਼ੇਸ਼ ਮਹੱਤਵ ਹੈ, ਪਰ ਜਦੋਂ ਮੱਸਿਆ ਸ਼ਨਿਚਰਵਾਰ ਦੇ ਦਿਨ ਪੈਂਦੀ ਹੈ ਤਾਂ ਇਸਨੂੰ ਸ਼ਨੀ ਮੱਸਿਆ ਕਿਹਾ ਜਾਂਦਾ ਹੈ। ਸਾਲ 2026 ਦੀ ਪਹਿਲੀ ਸ਼ਨੀ ਮੱਸਿਆ ਜੇਠ ਮਹੀਨੇ ਦੇ ਕ੍ਰਿਸ਼ਨ ਪੱਖ 'ਚ ਪੈ ਰਹੀ ਹੈ। ਸ਼ਨੀਦੇਵ ਨੂੰ ਨਿਆਂ ਦਾ ਦੇਵਤਾ ਤੇ ਕਰਮਫਲ ਦਾਤਾ ਮੰਨਿਆ ਜਾਂਦਾ ਹੈ, ਇਸ ਲਈ ਸ਼ਨੀ ਮੱਸਿਆ ਦਾ ਦਿਨ ਉਨ੍ਹਾਂ ਨੂੰ ਪ੍ਰਸੰਨ ਕਰਨ ਤੇ ਕੁੰਡਲੀ ਦੇ ਸ਼ਨੀ ਦੋਸ਼ਾਂ ਤੋਂ ਮੁਕਤੀ ਪਾਉਣ ਲਈ ਬਹੁਤ ਫਲਦਾਇਕ ਮੰਨਿਆ ਜਾਂਦਾ ਹੈ। ਇਸ ਵਾਰ ਮੱਸਿਆ ਦੀ ਤਰੀਕ ਨੂੰ ਲੈ ਕੇ ਲੋਕਾਂ ਦੇ ਮਨ ਵਿਚ ਥੋੜ੍ਹੀ ਉਲਝਣ ਹੈ ਕਿ ਇਹ 15 ਮਈ ਨੂੰ ਹੈ ਜਾਂ 16 ਮਈ ਨੂੰ। ਅਜਿਹੀ ਸਥਿਤੀ 'ਚ, ਆਓ ਇੱਥੇ ਸਹੀ ਤਰੀਕ ਤੋਂ ਲੈ ਕੇ ਸਾਰੀਆਂ ਗੱਲਾਂ ਜਾਣਦੇ ਹਾਂ।

ਸ਼ਨੀ ਮੱਸਿਆ ਦੀ ਤਰੀਕ ਤੇ ਸ਼ੁੱਭ ਮਹੂਰਤ

ਹਿੰਦੂ ਪੰਚਾਂਗ ਅਨੁਸਾਰ, ਜੇਠ ਮਹੀਨੇ ਦੇ ਕ੍ਰਿਸ਼ਨ ਪੱਖ ਦੀ ਮੱਸਿਆ ਤਰੀਕ 16 ਮਈ ਨੂੰ ਸਵੇਰੇ 5 ਵਜ ਕੇ 11 ਮਿੰਟ 'ਤੇ ਸ਼ੁਰੂ ਹੋਵੇਗੀ। ਉੱਥੇ ਹੀ, ਇਸਦੀ ਸਮਾਪਤੀ 17 ਮਈ ਨੂੰ ਦੇਰ ਰਾਤ 01 ਵਜ ਕੇ 30 ਮਿੰਟ 'ਤੇ ਹੋਵੇਗੀ। ਉਦੈ ਤਿਥੀ ਦੇ ਅਧਾਰ 'ਤੇ ਸਾਲ ਦੀ ਪਹਿਲੀ ਸ਼ਨੀ ਮੱਸਿਆ 16 ਮਈ ਦਿਨ ਸ਼ਨੀਵਾਰ ਨੂੰ ਮਨਾਈ ਜਾਵੇਗੀ।

ਪੂਜਾ ਵਿਧੀ

• ਇਸ ਦਿਨ ਸਵੇਰੇ ਜਲਦੀ ਉੱਠ ਕੇ ਕਿਸੇ ਪਵਿੱਤਰ ਨਦੀ ਵਿੱਚ ਜਾਂ ਘਰ ਵਿੱਚ ਹੀ ਗੰਗਾਜਲ ਮਿਲਾ ਕੇ ਇਸ਼ਨਾਨ ਕਰੋ।
• ਨੀਲੇ ਰੰਗ ਦੇ ਕੱਪੜੇ ਧਾਰਨ ਕਰੋ।
• ਸ਼ਨੀਦੇਵ ਦਾ ਵਾਸ ਪਿੱਪਲ 'ਚ ਮੰਨਿਆ ਗਿਆ ਹੈ। ਅਜਿਹੇ ਵਿਚ ਸਵੇਰੇ ਪਿੱਪਲ ਦੇ ਰੁੱਖ 'ਤੇ ਜਲ ਚੜ੍ਹਾਓ ਤੇ ਸੱਤ ਵਾਰ ਪਰਿਕਰਮਾ ਕਰੋ।
• ਸ਼ਨੀ ਮੰਦਰ ਜਾ ਕੇ ਸ਼ਨੀਦੇਵ ਦੀ ਸ਼ਿਲਾ 'ਤੇ ਸਰ੍ਹੋਂ ਦਾ ਤੇਲ ਚੜ੍ਹਾਓ। ਧਿਆਨ ਰੱਖੋ ਕਿ ਤੇਲ ਚੜ੍ਹਾਉਂਦੇ ਸਮੇਂ ਉਨ੍ਹਾਂ ਦੀਆਂ ਅੱਖਾਂ 'ਚ ਸਿੱਧਾ ਨਾ ਦੇਖੋ।
• ਸ਼ਾਮ ਦੇ ਸਮੇਂ ਪਿੱਪਲ ਦੇ ਰੁੱਖ ਹੇਠਾਂ ਅਤੇ ਘਰ ਦੇ ਮੁੱਖ ਦਰਵਾਜ਼ੇ 'ਤੇ ਸਰ੍ਹੋਂ ਦੇ ਤੇਲ ਦਾ ਦੀਵਾ ਜਗਾਓ। ਦੀਵੇ ਵਿੱਚ ਥੋੜ੍ਹੇ ਕਾਲੇ ਤਿਲ ਜ਼ਰੂਰ ਪਾਓ।
• ਪੂਜਾ ਦੌਰਾਨ "ॐ शं शनैश्चराय नमः" ਮੰਤਰ ਦਾ 108 ਵਾਰ ਜਾਪ ਕਰੋ।
• ਸ਼ਨੀ ਕਥਾ, ਚਾਲੀਸਾ ਅਤੇ ਕਵਚ ਦਾ ਪਾਠ ਕਰੋ।
• ਅਖੀਰ 'ਚ ਆਰਤੀ ਕਰੋ ਤੇ ਪੂਜਾ ਵਿਚ ਹੋਈ ਕਿਸੇ ਵੀ ਗਲਤੀ ਲਈ ਮੁਆਫ਼ੀ ਮੰਗੋ।

ਸ਼ਨੀ ਮੱਸਿਆ ਦਾ ਮਹੱਤਵ

ਇਹ ਦਿਨ ਉਨ੍ਹਾਂ ਲੋਕਾਂ ਲਈ ਵਰਦਾਨ ਵਾਂਗ ਹੈ ਜਿਨ੍ਹਾਂ ਦੀ ਕੁੰਡਲੀ ਵਿੱਚ ਸ਼ਨੀ ਦੀ ਸਾੜ੍ਹਸਤੀ ਜਾਂ ਢਈਆ ਚੱਲ ਰਹੀ ਹੈ। ਇਸ ਦਿਨ ਦਾਨ ਦਾ ਵਿਸ਼ੇਸ਼ ਮਹੱਤਵ ਹੈ। ਅਜਿਹੇ ਵਿੱਚ ਗਰੀਬਾਂ ਨੂੰ ਕਾਲੇ ਛਤਰੀਆਂ, ਜੁੱਤੇ-ਚੱਪਲਾਂ, ਕਾਲੀ ਉੜਦ ਦੀ ਦਾਲ ਅਤੇ ਕਾਲੇ ਕੱਪੜਿਆਂ ਦਾ ਦਾਨ ਕਰੋ। ਅਜਿਹਾ ਕਰਨ ਨਾਲ ਸ਼ਨੀਦੇਵ ਬਹੁਤ ਪ੍ਰਸੰਨ ਹੁੰਦੇ ਹਨ ਅਤੇ ਜੀਵਨ ਵਿੱਚ ਸੁੱਖ-ਸ਼ਾਂਤੀ ਆਉਂਦੀ ਹੈ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।