ਸੁੱਖ ਤੇ ਖੁਸ਼ਹਾਲੀ ਲਈ ਪ੍ਰਦੋਸ਼ ਵਰਤ ਦੌਰਾਨ ਸ਼ਿਵਲਿੰਗ 'ਤੇ ਕੀ ਚੜ੍ਹਾਈਏ? ਇੱਥੇ ਦੇਖੋ ਪੂਰੀ ਲਿਸਟ

ਧਰਮ ਡੈਸਕ, ਨਵੀਂ ਦਿੱਲੀ: ਹਿੰਦੂ ਧਰਮ ਗ੍ਰੰਥਾਂ ਅਨੁਸਾਰ, ਪ੍ਰਦੋਸ਼ ਵਰਤ ਦੇ ਦਿਨ ਭਗਵਾਨ ਸ਼ਿਵ ਸਭ ਤੋਂ ਪ੍ਰਸੰਨ ਮੁਦਰਾ 'ਚ ਹੁੰਦੇ ਹਨ। ਵੈਸਾਖ ਮਹੀਨੇ ਦੀ ਪਵਿੱਤਰ ਤਿੱਥੀ 'ਤੇ ਕੀਤੇ ਜਾਣ ਵਾਲੇ ਇਸ ਵਰਤ ਵਿੱਚ ਸ਼ਿਵਲਿੰਗ ਦੀ ਪੂਜਾ ਦਾ ਵਿਸ਼ੇਸ਼ ਵਿਧਾਨ ਹੈ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਪ੍ਰਦੋਸ਼ ਕਾਲ (ਸੂਰਜ ਡੁੱਬਣ ਦੇ ਸਮੇਂ) ਵਿੱਚ ਮਹਾਦੇਵ ਸਾਖਸ਼ਾਤ ਸ਼ਿਵਲਿੰਗ ਵਿੱਚ ਵਾਸ ਕਰਦੇ ਹਨ, ਇਸ ਲਈ ਇਸ ਸਮੇਂ ਅਰਪਿਤ ਕੀਤੀ ਗਈ ਛੋਟੀ ਤੋਂ ਛੋਟੀ ਵਸਤੂ ਵੀ ਅਕਸ਼ੈ ਪੁੰਨ ਪ੍ਰਦਾਨ ਕਰਦੀ ਹੈ। ਅਜਿਹੇ ਵਿੱਚ ਆਓ ਇਸ ਲੇਖ ਵਿੱਚ ਜਾਣਦੇ ਹਾਂ ਕਿ ਸ਼ਿਵਲਿੰਗ 'ਤੇ ਕੀ ਚੜ੍ਹਾਉਣਾ ਸ਼ੁਭ ਮੰਨਿਆ ਜਾਂਦਾ ਹੈ?

ਸ਼ਿਵਲਿੰਗ 'ਤੇ ਕੀ ਚੜ੍ਹਾਈਏ?

ਕੱਚਾ ਦੁੱਧ ਤੇ ਗੰਗਾਜਲ: ਸ਼ਿਵਲਿੰਗ 'ਤੇ ਤਾਂਬੇ ਦੇ ਲੋਟੇ ਨੂੰ ਛੱਡ ਕੇ ਕਿਸੇ ਹੋਰ ਭਾਂਡੇ ਨਾਲ ਕੱਚਾ ਦੁੱਧ ਚੜ੍ਹਾਉਣ ਨਾਲ ਮਾਨਸਿਕ ਸ਼ਾਂਤੀ ਮਿਲਦੀ ਹੈ ਤੇ ਘਰ ਦੇ ਕਲੇਸ਼ ਦੂਰ ਹੁੰਦੇ ਹਨ।

ਸ਼ਹਿਦ: ਜੇਕਰ ਤੁਹਾਡੇ ਕੰਮਾਂ ਵਿਚ ਵਾਰ-ਵਾਰ ਰੁਕਾਵਟਾਂ ਆ ਰਹੀਆਂ ਹਨ ਤਾਂ ਸ਼ਹਿਦ ਚੜ੍ਹਾਓ। ਇਸ ਨਾਲ ਬਾਣੀ 'ਚ ਮਿਠਾਸ ਆਉਂਦੀ ਹੈ ਤੇ ਸਮਾਜ ਵਿੱਚ ਮਾਣ-ਸਨਮਾਨ ਵਧਦਾ ਹੈ।

ਦੇਸੀ ਘਿਓ: ਸ਼ਿਵਲਿੰਗ 'ਤੇ ਸ਼ੁੱਧ ਦੇਸੀ ਘਿਓ ਅਰਪਿਤ ਕਰਨ ਨਾਲ ਅਰੋਗਤਾ (ਚੰਗੀ ਸਿਹਤ) ਦੀ ਪ੍ਰਾਪਤੀ ਹੁੰਦੀ ਹੈ ਅਤੇ ਸਰੀਰਕ ਬਿਮਾਰੀਆਂ ਦੂਰ ਹੁੰਦੀਆਂ ਹਨ।

ਗੰਨੇ ਦਾ ਰਸ: ਆਰਥਿਕ ਤੰਗੀ ਨਾਲ ਜੂਝ ਰਹੇ ਲੋਕਾਂ ਨੂੰ ਪ੍ਰਦੋਸ਼ ਦੇ ਦਿਨ ਗੰਨੇ ਦੇ ਰਸ ਨਾਲ ਸ਼ਿਵ ਜੀ ਦਾ ਅਭਿਸ਼ੇਕ ਕਰਨਾ ਚਾਹੀਦਾ ਹੈ। ਇਸ ਨਾਲ ਲਕਸ਼ਮੀ ਦੀ ਪ੍ਰਾਪਤੀ ਦੇ ਯੋਗ ਬਣਦੇ ਹਨ।

ਕਾਲੇ ਤਿਲ: ਜੇਕਰ ਤੁਹਾਡੇ 'ਤੇ ਸ਼ਨੀ ਦੀ ਸਾੜ੍ਹਸਤੀ ਜਾਂ ਢਈਏ ਦਾ ਪ੍ਰਭਾਵ ਹੈ ਤਾਂ ਜਲ ਵਿਚ ਕਾਲੇ ਤਿਲ ਮਿਲਾ ਕੇ ਸ਼ਿਵਲਿੰਗ 'ਤੇ ਚੜ੍ਹਾਓ। ਇਸ ਨਾਲ ਸਾਰੇ ਪਾਪਾਂ ਤੋਂ ਮੁਕਤੀ ਮਿਲਦੀ ਹੈ ਅਤੇ ਸ਼ਨੀ ਦੋਸ਼ ਦੂਰ ਹੁੰਦਾ ਹੈ।

ਅਕਸ਼ਤ (ਸਾਬਤ ਚੌਲ): ਅਕਸ਼ਤ ਚੜ੍ਹਾਉਣ ਨਾਲ ਅਖੰਡ ਲਕਸ਼ਮੀ ਦੀ ਪ੍ਰਾਪਤੀ ਹੁੰਦੀ ਹੈ। ਧਿਆਨ ਰਹੇ ਕਿ ਚੌਲ ਟੁੱਟੇ ਹੋਏ ਨਾ ਹੋਣ।

ਸ਼ਮੀ ਦੇ ਪੱਤਰ ਤੇ ਬੇਲ ਪੱਤਰ: ਮਹਾਦੇਵ ਨੂੰ ਪ੍ਰਸੰਨ ਕਰਨ ਲਈ 11 ਜਾਂ 21 ਬਿਲਵ ਪੱਤਰਾਂ 'ਤੇ ਚੰਦਨ ਨਾਲ 'ਰਾਮ' ਲਿਖ ਕੇ ਅਰਪਿਤ ਕਰੋ। ਇਸ ਨਾਲ ਸਾਰੀਆਂ ਮਨੋਕਾਮਨਾਵਾਂ ਪੂਰੀਆਂ ਹੁੰਦੀਆਂ ਹਨ।

ਪੂਜਾ ਦੌਰਾਨ ਰੱਖੋ ਇਨ੍ਹਾਂ ਗੱਲਾਂ ਦਾ ਧਿਆਨ

ਦਿਸ਼ਾ: ਸ਼ਿਵਲਿੰਗ ਦੀ ਪੂਜਾ ਕਰਦੇ ਸਮੇਂ ਤੁਹਾਡਾ ਮੂੰਹ ਉੱਤਰ ਦਿਸ਼ਾ ਵੱਲ ਹੋਣਾ ਚਾਹੀਦਾ ਹੈ।

ਪ੍ਰਦੋਸ਼ ਕਾਲ: ਪੂਜਾ ਦਾ ਸਭ ਤੋਂ ਸ਼ੁਭ ਸਮਾਂ ਸੂਰਜ ਡੁੱਬਣ ਤੋਂ ਲਗਪਗ 45 ਮਿੰਟ ਪਹਿਲਾਂ ਅਤੇ 45 ਮਿੰਟ ਬਾਅਦ ਤੱਕ ਦਾ ਹੁੰਦਾ ਹੈ।

ਪਵਿੱਤਰਤਾ: ਸਮੱਗਰੀ ਚੜ੍ਹਾਉਣ ਤੋਂ ਪਹਿਲਾਂ ਸ਼ਿਵਲਿੰਗ ਨੂੰ ਸ਼ੁੱਧ ਜਲ ਜਾਂ ਗੰਗਾਜਲ ਨਾਲ ਜ਼ਰੂਰ ਸਾਫ਼ ਕਰੋ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।