ਕੀ ਹੈ ਖੱਪਰ ਯੋਗ? ਇਨ੍ਹਾਂ ਰਾਸ਼ੀਆਂ ਵਾਲਿਆਂ ਦੇ ਜੀਵਨ 'ਚ ਆ ਸਕਦਾ ਹੈ ਵੱਡਾ ਬਦਲਾਅ, ਰਹਿਣ ਸਾਵਧਾਨ

ਧਰਮ ਡੈਸਕ, ਨਵੀਂ ਦਿੱਲੀ : ਜੋਤਿਸ਼ ਅਚਾਰੀਆ ਆਨੰਦ ਸਾਗਰ ਪਾਠਕ ਨੇ ਦੱਸਿਆ ਕਿ ਜੋਤਿਸ਼ ਸ਼ਾਸਤਰ 'ਚ ਖੱਪਰ ਯੋਗ ਅਜਿਹੀ ਸਥਿਤੀ ਨੂੰ ਦਰਸਾਉਂਦਾ ਹੈ, ਜਿੱਥੇ ਗ੍ਰਹਿਆਂ ਦਾ ਡੂੰਘਾ ਪ੍ਰਭਾਵ ਜੀਵਨ 'ਚ ਅਚਾਨਕ ਵੱਡੇ ਬਦਲਾਅ ਲੈ ਕੇ ਆਉਂਦਾ ਹੈ। ਜਦੋਂ ਗ੍ਰਹਿਆਂ ਦੀ ਊਰਜਾ 'ਚ ਅਸਥਿਰਤਾ ਆਉਂਦੀ ਹੈ ਤਾਂ ਇਸ ਯੋਗ ਦਾ ਪ੍ਰਭਾਵ ਦੇਖਣ ਨੂੰ ਮਿਲਦਾ ਹੈ।

ਇਹ ਸਮਾਂ ਡਰਨ ਦਾ ਨਹੀਂ, ਸਗੋਂ ਆਪਣੇ ਆਪ ਨੂੰ ਅੰਦਰੋਂ ਮਜ਼ਬੂਤ ਬਣਾਉਣ ਤੇ ਜੀਵਨ ਨੂੰ ਇਕ ਨਵੀਂ ਦਿਸ਼ਾ ਦੇਣ ਦਾ ਹੁੰਦਾ ਹੈ। ਵਿਸ਼ੇਸ਼ ਤੌਰ 'ਤੇ ਮੇਖ, ਕਰਕ, ਬ੍ਰਿਸ਼ਚਕ ਤੇ ਕੁੰਭ ਰਾਸ਼ੀ ਦੇ ਜਾਤਕਾਂ ਲਈ ਇਹ ਸਮਾਂ ਥੋੜ੍ਹਾ ਚੁਣੌਤੀਪੂਰਨ ਹੋ ਸਕਦਾ ਹੈ।

ਇਸ ਦੌਰਾਨ ਉਨ੍ਹਾਂ ਨੂੰ ਭਾਵਨਾਤਮਕ ਉਤਰਾਅ-ਚੜ੍ਹਾਅ ਜਾਂ ਅਚਾਨਕ ਆਉਣ ਵਾਲੇ ਬਦਲਾਵਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਪਰ ਯਾਦ ਰੱਖੋ ਇਹ ਚੁਣੌਤੀਆਂ ਅਸਲ ਵਿੱਚ ਤੁਹਾਡੇ ਪੁਰਾਣੇ ਕਰਮਾਂ ਦੇ ਹਿਸਾਬ ਅਤੇ ਭਵਿੱਖ ਲਈ ਇੱਕ ਨਵੀਂ ਸਿੱਖਿਆ ਵਾਂਗ ਹਨ।

ਆਤਮ-ਸੁਧਾਰ ਤੇ ਨਵੀਂ ਦਿਸ਼ਾ

ਜੋਤਿਸ਼ ਅਚਾਰੀਆ ਆਨੰਦ ਸਾਗਰ ਪਾਠਕ ਦਾ ਕਹਿਣਾ ਹੈ ਕਿ ਖੱਪਰ ਯੋਗ ਦਾ ਇਹ ਸਮਾਂ ਤੁਹਾਡੇ ਲਈ ਆਪਣੇ ਅੰਤਰ ਝਾਤ ਮਾਰਨ ਤੇ ਖ਼ੁਦ ਨੂੰ ਬਦਲਣ ਦਾ ਬਹੁਤ ਵੱਡਾ ਮੌਕਾ ਹੈ। ਇਹ ਯੋਗ ਸਾਨੂੰ ਸਿਖਾਉਂਦਾ ਹੈ ਕਿ ਔਖੇ ਸਮੇਂ ਹੀ ਅਸਲੀ ਸਾਹਸ ਤੇ ਸਹਿਜਤਾ ਦੀ ਪਛਾਣ ਹੁੰਦੀ ਹੈ। ਜੇਕਰ ਤੁਸੀਂ ਧੀਰਜ ਨਾਲ ਕੰਮ ਲੈਂਦੇ ਹੋ ਤਾਂ ਇਹੀ ਚੁਣੌਤੀਆਂ ਤੁਹਾਡੇ ਲਈ ਸਫਲਤਾ ਦੇ ਨਵੇਂ ਰਾਹ ਖੋਲ੍ਹ ਸਕਦੀਆਂ ਹਨ।

ਹਨੂਮਾਨ ਜੀ ਦੀ ਸ਼ਰਨ ਵਿਚ ਰਹਿਣਾ ਤੇ ਅਨੁਸ਼ਾਸਨ ਦੀ ਪਾਲਣਾ ਕਰਨਾ ਤੁਹਾਨੂੰ ਮਾਨਸਿਕ ਤੌਰ 'ਤੇ ਮਜ਼ਬੂਤ ਬਣਾਏਗਾ ਤੇ ਜੀਵਨ ਨੂੰ ਸਹੀ ਦਿਸ਼ਾ ਦੇਣ ਵਿਚ ਮਦਦ ਕਰੇਗਾ।

ਖੱਪਰ ਯੋਗ ਦੇ ਬੁਰੇ ਪ੍ਰਭਾਵਾਂ ਤੋਂ ਬਚਣ ਦੇ ਉਪਾਅ

ਭਗਵਾਨ ਸ਼ਿਵ ਦੀ ਪੂਜਾ : ਖੱਪਰ ਯੋਗ ਦੇ ਨਕਾਰਾਤਮਕ ਪ੍ਰਭਾਵ ਨੂੰ ਘੱਟ ਕਰਨ ਲਈ ਰੋਜ਼ਾਨਾ ਘੱਟੋ-ਘੱਟ 108 ਵਾਰ ਮਹਾਮ੍ਰਿਤੁੰਜੈ ਮੰਤਰ ਦਾ ਜਾਪ ਕਰੋ। ਜੇ ਹੋ ਸਕੇ ਤਾਂ ਕਿਸੇ ਬ੍ਰਾਹਮਣ ਤੋਂ ਜਾਂ ਘਰ 'ਤੇ ਸ਼ਿਵਲਿੰਗ ਦਾ ਜਲਾਭਿਸ਼ੇਕ ਜਾਂ ਪੰਚਾਮ੍ਰਿਤ ਅਭਿਸ਼ੇਕ ਕਰੋ।

ਹਨੂਮਾਨ ਜੀ ਦੀ ਭਗਤੀ: ਹਨੂਮਾਨ ਜੀ ਸੰਕਟਮੋਚਨ ਹਨ ਅਤੇ ਸ਼ਨੀ-ਮੰਗਲ ਵਰਗੇ ਕਰੂਰ ਗ੍ਰਹਿਆਂ ਦੇ ਅਸ਼ੁੱਭ ਪ੍ਰਭਾਵ ਨੂੰ ਸ਼ਾਂਤ ਕਰਦੇ ਹਨ। ਅਜਿਹੇ ਵਿਚ ਸਵੇਰੇ-ਸ਼ਾਮ ਹਨੂਮਾਨ ਚਾਲੀਸਾ ਜਾਂ ਬਜਰੰਗ ਬਾਣ ਦਾ ਪਾਠ ਕਰੋ। ਨਾਲ ਹੀ ਸ਼ਨੀਵਾਰ ਜਾਂ ਮੰਗਲਵਾਰ ਨੂੰ ਸੁੰਦਰਕਾਂਡ ਦਾ ਪਾਠ ਵੀ ਕਰ ਸਕਦੇ ਹੋ। ਇਸ ਨਾਲ ਜੀਵਨ ਵਿੱਚ ਆਉਣ ਵਾਲੇ ਸੰਕਟ ਵੀ ਦੂਰ ਹੁੰਦੇ ਹਨ।

ਦਾਨ ਦਾ ਮਹੱਤਵ: ਗ੍ਰਹਿਆਂ ਦੀ ਸ਼ਾਂਤੀ ਲਈ ਦਾਨ ਨੂੰ ਬਹੁਤ ਪ੍ਰਭਾਵਸ਼ਾਲੀ ਮੰਨਿਆ ਗਿਆ ਹੈ। ਅਜਿਹੇ ਵਿਚ ਗਰੀਬਾਂ ਨੂੰ ਕਾਲੇ ਤਿਲ, ਤੇਲ, ਕਾਲੀ ਉੜਦ ਦੀ ਦਾਲ ਜਾਂ ਕਾਲੇ ਕੱਪੜਿਆਂ ਦਾ ਦਾਨ ਕਰੋ। ਇਸ ਦੇ ਨਾਲ ਹੀ ਕਾਲੇ ਕੁੱਤੇ ਨੂੰ ਰੋਟੀ ਖੁਆਓ ਅਤੇ ਪੰਛੀਆਂ ਨੂੰ ਸੱਤ ਪ੍ਰਕਾਰ ਦੇ ਅਨਾਜ ਪਾਓ।