Vastu Tips : ਖੂਬ ਦੌੜੇਗਾ ਤੁਹਾਡਾ ਬੰਦ ਪਿਆ ਕਾਰੋਬਾਰ ! ਘਰ ਦੀ ਇਸ ਦਿਸ਼ਾ 'ਚ ਅੱਜ ਹੀ ਲਗਾਓ ਉਗਦੇ ਸੂਰਜ ਦੀ ਫੋਟੋ

ਧਰਮ ਡੈਸਕ, ਨਵੀਂ ਦਿੱਲੀ: ਸਨਾਤਨ ਧਰਮ 'ਚ ਵਾਸਤੂ ਸ਼ਾਸਤਰ ਦਾ ਖ਼ਾਸ ਮਹੱਤਵ ਹੈ। ਇਸ ਵਿਚ ਘਰ ਦੀਆਂ ਕੰਧਾਂ 'ਤੇ ਲਗਾਈਆਂ ਜਾਣ ਵਾਲੀਆਂ ਤਸਵੀਰਾਂ ਦਾ ਲੋਕਾਂ ਦੇ ਜੀਵਨ 'ਤੇ ਪੈਣ ਵਾਲਾ ਖ਼ਾਸ ਪ੍ਰਭਾਵ ਦੱਸਿਆ ਗਿਆ ਹੈ। ਲੋਕ ਆਪਣੇ ਘਰ ਤੇ ਦਫ਼ਤਰ 'ਚ ਉੱਗਦੇ ਸੂਰਜ ਦੀ ਤਸਵੀਰ ਲਗਾਉਂਦੇ ਹਨ।

ਵਾਸਤੂ ਸ਼ਾਸਤਰ ਅਨੁਸਾਰ, ਘਰ ਵਿਚ ਉੱਗਦੇ ਹੋਏ ਸੂਰਜ ਦੀ ਤਸਵੀਰ ਲਾਉਣਆ ਬੇਹੱਦ ਸ਼ੁੱਭ ਮੰਨਿਆ ਜਾਂਦਾ ਹੈ, ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਘਰ ਤੇ ਦਫ਼ਤਰ 'ਚ ਉੱਗਦੇ ਹੋਏ ਸੂਰਜ (Rising Sun Painting) ਦੀ ਫੋਟੋ ਕਿਉਂ ਲਗਾਈ ਜਾਂਦੀ ਹੈ। ਜੇਕਰ ਨਹੀਂ ਪਤਾ ਤਾਂ ਆਓ ਤੁਹਾਨੂੰ ਦੱਸਦੇ ਹਾਂ ਇਸ ਦੀ ਖ਼ਾਸ ਵਜ੍ਹਾ ਅਤੇ ਨਿਯਮਾਂ ਬਾਰੇ।

ਕਰੀਅਰ 'ਚ ਹੋਵੇਗੀ ਖੂਬ ਤਰੱਕੀ- ਸੂਰਜ ਦੇਵਤਾ ਨੂੰ ਮਾਣ-ਸਨਮਾਨ, ਸਫ਼ਲਤਾ, ਤੇਜ਼ ਅਤੇ ਯਸ਼ ਦਾ ਕਾਰਕ ਮੰਨਿਆ ਜਾਂਦਾ ਹੈ। ਇਸ ਲਈ ਘਰ ਵਿਚ ਉੱਗਦੇ ਹੋਏ ਸੂਰਜ ਦੀ ਫੋਟੋ ਲਗਾਉਣ ਨਾਲ ਨੌਕਰੀ ਤੇ ਵਪਾਰ 'ਚ ਖੂਬ ਤਰੱਕੀ ਹੁੰਦੀ ਹੈ ਤੇ ਕੰਮ ਵਿਚ ਆ ਰਹੀਆਂ ਰੁਕਾਵਟਾਂ ਦੂਰ ਹੁੰਦੀਆਂ ਹਨ। ਨਾਲ ਹੀ ਆਤਮ-ਵਿਸ਼ਵਾਸ 'ਚ ਵਾਧਾ ਦੇਖਣ ਨੂੰ ਮਿਲਦਾ ਹੈ।

ਸਕਾਰਾਤਮਕ ਊਰਜਾ ਦਾ ਹੋਵੇਗਾ ਸੰਚਾਰ- ਵਾਸਤੂ ਮੁਤਾਬਕ, ਘਰ ਵਿਚ ਉੱਗਦੇ ਹੋਏ ਸੂਰਜ ਦੀ ਫੋਟੋ ਲਗਾਉਣ ਨਾਲ ਨਕਾਰਾਤਮਕ ਊਰਜਾ ਦਾ ਨਾਸ਼ ਹੁੰਦਾ ਹੈ ਤੇ ਘਰ ਵਿਚ ਸੁੱਖ-ਸ਼ਾਂਤੀ ਬਣੀ ਰਹਿੰਦੀ ਹੈ। ਪਰਿਵਾਰ ਦੇ ਮੈਂਬਰਾਂ ਦੇ ਮਨ ਵਿਚ ਨਵੇਂ ਵਿਚਾਰ ਆਉਂਦੇ ਹਨ। ਸੁੱਖ ਤੇ ਖੁਸ਼ਹਾਲੀ 'ਚ ਵਾਧਾ ਹੁੰਦਾ ਹੈ।

ਮਾਣ-ਸਨਮਾਨ 'ਚ ਹੁੰਦਾ ਹੈ ਵਾਧਾ- ਜੇਕਰ ਤੁਹਾਡੇ ਬਣਦੇ ਕੰਮ ਵਿਗੜ ਰਹੇ ਹਨ ਤਾਂ ਘਰ ਵਿਚ ਉੱਗਦੇ ਹੋਏ ਸੂਰਜ ਦੀ ਫੋਟੋ ਲਗਾਓ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਇਸ ਫੋਟੋ ਨੂੰ ਘਰ ਵਿਚ ਲਗਾਉਣ ਨਾਲ ਸਾਰੇ ਕੰਮਾਂ 'ਚ ਸਫ਼ਲਤਾ ਮਿਲਦੀ ਹੈ ਤੇ ਕਾਰਜਖੇਤਰ 'ਚ ਤੁਹਾਡੇ ਮਾਣ-ਸਨਮਾਨ ਵਿੱਚ ਵਾਧਾ ਹੋਵੇਗਾ।

ਕਿਸ ਦਿਸ਼ਾ 'ਚ ਲਗਾਓ ਫੋਟੋ- ਪੂਰਬ ਦਿਸ਼ਾ ਤੋਂ ਸੂਰਜ ਉਦੈਮਾਨ ਹੁੰਦਾ ਹੈ। ਇਸ ਲਈ ਇਸ ਦਿਸ਼ਾ 'ਚ ਉੱਗਦੇ ਹੋਏ ਸੂਰਜ ਦੀ ਫੋਟੋ ਨੂੰ ਲਗਾਉਣਾ ਬੇਹੱਦ ਸ਼ੁਭ ਮੰਨਿਆ ਜਾਂਦਾ ਹੈ। ਇਸ ਨਾਲ ਸ਼ੁਭ ਨਤੀਜੇ ਮਿਲਦੇ ਹਨ। ਇਸ ਤੋਂ ਇਲਾਵਾ ਤੁਸੀਂ ਉੱਤਰ-ਪੂਰਬ ਦਿਸ਼ਾ ਵਿੱਚ ਵੀ ਉਗਦੇ ਹੋਏ ਸੂਰਜ ਦੀ ਫੋਟੋ ਲਗਾ ਸਕਦੇ ਹੋ।

ਇਨ੍ਹਾਂ ਦਿਸ਼ਾਵਾਂ 'ਚ ਭੁੱਲ ਕੇ ਵੀ ਨਾ ਲਗਾਓ ਫੋਟੋ- ਜੇਕਰ ਤੁਸੀਂ ਘਰ ਵਿੱਚ ਉਗਦੇ ਹੋਏ ਸੂਰਜ ਦੀ ਫੋਟੋ ਲਗਾਉਣਾ ਚਾਹੁੰਦੇ ਹੋ ਤਾਂ ਪੱਛਮ ਜਾਂ ਦੱਖਣ ਦਿਸ਼ਾ ਦੀ ਦੀਵਾਰ 'ਤੇ ਭੁੱਲ ਕੇ ਵੀ ਨਾ ਲਗਾਓ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਇਸ ਦਿਸ਼ਾ ਵਿਚ ਫੋਟੋ ਨੂੰ ਲਗਾਉਣ ਨਾਲ ਪਰਿਵਾਰ ਦੇ ਮੈਂਬਰਾਂ ਨੂੰ ਵਾਸਤੂ ਦੋਸ਼ ਦੀ ਸਮੱਸਿਆ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਨਾਲ ਹੀ ਧਿਆਨ ਰੱਖੋ ਕਿ ਫੋਟੋ 'ਚ ਸੂਰਜ ਦੀਆਂ ਕਿਰਨਾਂ ਸੁਨਹਿਰੀ ਹੋਣੀਆਂ ਚਾਹੀਦੀਆਂ ਹਨ। ਬਹੁਤ ਜ਼ਿਆਦਾ ਲਾਲ ਭਾਵ ਵਾਲੀਆਂ ਤਸਵੀਰਾਂ ਲਗਾਉਣ ਤੋਂ ਬਚੋ।