Vastu Tips : ਕੀ ਤੁਹਾਡਾ ਘਰ ਵੀ ਗਲੀ ਦੇ ਮੋੜ 'ਤੇ ਹੈ? ਜਾਣ ਲਓ ਇਸ ਦੇ ਸ਼ੁਭ-ਅਸ਼ੁਭ ਪ੍ਰਭਾਵ ਤੇ ਉਪਾਅ

ਧਰਮ ਡੈਸਕ, ਨਵੀਂ ਦਿੱਲੀ: ਵਾਸਤੂ ਸ਼ਾਸਤਰ ਅਨੁਸਾਰ, ਅਸੀਂ ਜਿਸ ਸਥਾਨ 'ਤੇ ਰਹਿੰਦੇ ਹਾਂ, ਉੱਥੋਂ ਦੀ ਊਰਜਾ ਸਾਡੇ ਜੀਵਨ ਦੇ ਹਰ ਪਹਿਲੂ ਨੂੰ ਪ੍ਰਭਾਵਿਤ ਕਰਦੀ ਹੈ। ਅਕਸਰ ਲੋਕ ਗਲੀ ਦੇ ਮੋੜ ਵਾਲੇ ਘਰ ਨੂੰ ਇਸ ਲਈ ਪਸੰਦ ਕਰਦੇ ਹਨ ਕਿਉਂਕਿ ਉੱਥੇ ਰੌਸ਼ਨੀ ਅਤੇ ਹਵਾਦਾਰੀ (Ventilation) ਬਿਹਤਰ ਹੁੰਦੀ ਹੈ, ਪਰ ਵਾਸਤੂ ਦੀ ਨਜ਼ਰ ਤੋਂ ਕੋਨੇ ਦਾ ਮਕਾਨ ਹਮੇਸ਼ਾ ਫਾਇਦੇਮੰਦ ਨਹੀਂ ਹੁੰਦਾ। ਅਜਿਹੇ 'ਚ ਆਓ ਇਸ ਲੇਖ ਰਾਹੀਂ ਜਾਣਦੇ ਹਾਂ ਕਿ ਗਲੀ ਦੇ ਕਿਨਾਰੇ ਜਾਂ ਚੌਰਾਹੇ 'ਤੇ ਸਥਿਤ ਘਰ ਵਾਸਤੂ ਅਨੁਸਾਰ ਕਿਹੋ ਜਿਹੇ ਹੁੰਦੇ ਹਨ?

ਕੋਨੇ ਵਾਲੇ ਘਰ ਦਾ ਵਾਸਤੂ ਗਣਿਤ

ਵਾਸਤੂ 'ਚ ਘਰ ਦੀ ਸਥਿਤੀ ਇਸ ਗੱਲ 'ਤੇ ਨਿਰਭਰ ਕਰਦੀ ਹੈ ਕਿ ਗਲੀ ਦਾ ਮੋੜ ਜਾਂ ਕੋਨਾ ਕਿਸ ਦਿਸ਼ਾ ਵਿੱਚ ਹੈ।

ਸ਼ੁੱਭ ਸਥਿਤੀ: ਜੇਕਰ ਘਰ ਉੱਤਰ-ਪੂਰਬ (ਈਸ਼ਾਨ ਕੋਣ) ਦੇ ਕੋਨੇ 'ਤੇ ਹੈ ਅਤੇ ਦੋ ਪਾਸਿਆਂ ਤੋਂ ਸੜਕਾਂ ਖੁੱਲ੍ਹ ਰਹੀਆਂ ਹਨ ਤਾਂ ਇਸ ਨੂੰ ਬਹੁਤ ਸ਼ੁਭ ਮੰਨਿਆ ਜਾਂਦਾ ਹੈ। ਅਜਿਹਾ ਘਰ ਸੁੱਖ-ਸੰਪਤੀ ਅਤੇ ਮਾਣ-ਸਨਮਾਨ ਦੇਣ ਵਾਲਾ ਹੁੰਦਾ ਹੈ।

ਅਸ਼ੁਭ ਸਥਿਤੀ: ਜੇਕਰ ਘਰ ਦੱਖਣ-ਪੱਛਮ (ਨੈਰਿਤਿਆ ਕੋਣ) ਜਾਂ ਦੱਖਣ-ਪੂਰਬ (ਅਗਨੀ ਕੋਣ) ਦੇ ਕਿਨਾਰੇ 'ਤੇ ਹੈ ਤਾਂ ਉੱਥੇ ਰਹਿਣ ਵਾਲਿਆਂ ਨੂੰ ਖ਼ਰਾਬ ਸਿਹਤ, ਅਦਾਲਤੀ ਮਾਮਲੇ ਜਾਂ ਵਪਾਰ ਵਿੱਚ ਨੁਕਸਾਨ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।

ਹੋ ਸਕਦੀਆਂ ਹਨ ਇਹ ਪਰੇਸ਼ਾਨੀਆਂ

ਗਲੀ ਦੇ ਕੋਨੇ ਜਾਂ ਆਖਰੀ ਸਿਰੇ 'ਤੇ ਸਥਿਤ ਘਰ 'ਚ ਊਰਜਾ ਦਾ ਪ੍ਰਵਾਹ ਬਹੁਤ ਤੇਜ਼ ਹੁੰਦਾ ਹੈ। ਮੋੜ 'ਤੇ ਹੋਣ ਕਾਰਨ ਵਾਹਨਾਂ ਦਾ ਸ਼ੋਰ ਤੇ ਉਨ੍ਹਾਂ ਦੀਆਂ ਲਾਈਟਾਂ ਦੀਆਂ ਸਿੱਧੀਆਂ ਕਿਰਨਾਂ ਘਰ ਦੀ ਸ਼ਾਂਤੀ ਭੰਗ ਕਰਦੀਆਂ ਹਨ। ਵਾਸਤੂ ਅਨੁਸਾਰ, ਅਜਿਹੇ ਘਰਾਂ 'ਚ ਰਹਿਣ ਵਾਲੇ ਲੋਕਾਂ ਨੂੰ ਬਿਨਾਂ ਵਜ੍ਹਾ ਮਾਨਸਿਕ ਤਣਾਅ, ਚਿੜਚਿੜਾਪਨ ਅਤੇ ਧਨ ਦੇ ਅਚਾਨਕ ਖਰਚ ਹੋਣ ਦੀ ਸਮੱਸਿਆ ਹੋ ਸਕਦੀ ਹੈ। ਖਾਸ ਕਰਕੇ ਜੇਕਰ ਗਲੀ ਦਾ ਮੋੜ ਘਰ ਦੇ ਮੁੱਖ ਦਰਵਾਜ਼ੇ ਵੱਲ ਹੋਵੇ, ਤਾਂ ਇਹ ਵੱਡਾ ਵਾਸਤੂ ਦੋਸ਼ ਮੰਨਿਆ ਜਾਂਦਾ ਹੈ।

ਵਾਸਤੂ ਦੋਸ਼ ਦੂਰ ਕਰਨ ਦੇ ਸਰਲ ਉਪਾਅ

• ਮੁੱਖ ਦਰਵਾਜ਼ੇ ਦੇ ਬਾਹਰ ਇੱਕ ਫੇਂਗ ਸ਼ੂਈ ਬਾਗੁਆ ਸ਼ੀਸ਼ ਲਗਾਓ, ਜੋ ਬਾਹਰੋਂ ਆਉਣ ਵਾਲੀ ਨਕਾਰਾਤਮਕ ਊਰਜਾ ਨੂੰ ਵਾਪਸ ਮੋੜ ਦਿੰਦਾ ਹੈ।
• ਜੇਕਰ ਘਰ ਦੱਖਣ ਜਾਂ ਪੱਛਮ ਦੇ ਕੋਨੇ 'ਤੇ ਹੈ ਤਾਂ ਉਸ ਦਿਸ਼ਾ ਦੀ ਕੰਧ ਨੂੰ ਦੂਜੀਆਂ ਦਿਸ਼ਾਵਾਂ ਨਾਲੋਂ ਥੋੜ੍ਹਾ ਉੱਚਾ ਤੇ ਭਾਰੀ ਰੱਖੋ।
• ਕੋਨੇ ਵਾਲੇ ਪਾਸੇ ਸੰਘਣੇ ਤੇ ਉੱਚੇ ਪੌਦੇ ਲਗਾਓ।
• ਘਰ ਦੇ ਮੁੱਖ ਦਰਵਾਜ਼ੇ ਜਾਂ ਕੋਨੇ ਵਾਲੇ ਹਿੱਸੇ 'ਚ ਵਾਸਤੂ ਪਿਰਾਮਿਡ ਸਥਾਪਿਤ ਕਰਨ ਨਾਲ ਊਰਜਾ ਸੰਤੁਲਿਤ ਹੁੰਦੀ ਹੈ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।