Vastu Tips : ਸੁੱਖ ਤੇ ਖੁਸ਼ਹਾਲੀ ਦਾ ਦੁਆਰ ਖੋਲ੍ਹਦਾ ਹੈ ਚਾਂਦੀ ਦਾ ਹਾਥੀ, ਘਰ 'ਚ ਰੱਖਣ ਤੋਂ ਪਹਿਲਾਂ ਜਾਣ ਲਓ ਸਹੀ ਦਿਸ਼ਾ ਤੇ ਨਿਯਮ?

ਧਰਮ ਡੈਸਕ, ਨਵੀਂ ਦਿੱਲੀ : ਸਨਾਤਨ ਧਰਮ 'ਚ ਵਾਸਤੂ ਸ਼ਾਸਤਰ (Vastu Shastra) ਦਾ ਬਹੁਤ ਖ਼ਾਸ ਮਹੱਤਵ ਹੈ। ਵਾਸਤੂ ਨਾਲ ਜੁੜੇ ਨਿਯਮਾਂ ਦੀ ਪਾਲਣਾ ਕਰਨ ਨਾਲ ਘਰ ਵਿਚ ਸੁੱਖ-ਸ਼ਾਂਤੀ ਬਣੀ ਰਹਿੰਦੀ ਹੈ ਅਤੇ ਨਕਾਰਾਤਮਕ ਊਰਜਾ ਦਾ ਨਾਸ਼ ਹੁੰਦਾ ਹੈ। ਵਾਸਤੂ ਸ਼ਾਸਤਰ 'ਚ ਹਾਥੀ ਨੂੰ ਐਸ਼ੋ-ਆਰਾਮ, ਸ਼ਕਤੀ, ਗਿਆਨ, ਸਬਰ ਤੇ ਚੰਗੀ ਕਿਸਮਤ ਦਾ ਪ੍ਰਤੀਕ ਮੰਨਿਆ ਗਿਆ ਹੈ। ਇਸਦਾ ਸਬੰਧ ਮਹਾਦੇਵ ਦੇ ਪੁੱਤਰ ਗਣਪਤੀ ਬੱਪਾ ਨਾਲ ਹੈ। ਘਰ ਵਿਚ ਚਾਂਦੀ ਜਾਂ ਪਿੱਤਲ ਦੇ ਹਾਥੀ ਦੀ ਮੂਰਤੀ ਰੱਖਣ ਨਾਲ ਸਕਾਰਾਤਮਕ ਊਰਜਾ ਦਾ ਵਾਸ ਹੁੰਦਾ ਹੈ ਤੇ ਆਰਥਿਕ ਸਥਿਤੀ ਮਜ਼ਬੂਤ ਹੁੰਦੀ ਹੈ। ਅਜਿਹੇ 'ਚ ਆਓ ਇਸ ਲੇਖ ਰਾਹੀਂ ਤੁਹਾਨੂੰ ਦੱਸਦੇ ਹਾਂ ਘਰ ਵਿਚ ਚਾਂਦੀ ਜਾਂ ਪਿੱਤਲ ਦੇ ਹਾਥੀ ਦੀ ਮੂਰਤੀ ਰੱਖਣ ਦੀ ਸਹੀ ਦਿਸ਼ਾ ਤੇ ਨਿਯਮਾਂ ਬਾਰੇ।

1. ਚਾਂਦੀ ਦਾ ਹਾਥੀ

ਜੋਤਿਸ਼ ਸ਼ਾਸਤਰ ਅਨੁਸਾਰ ਚਾਂਦੀ ਨੂੰ ਚੰਦਰਮਾ ਤੇ ਸ਼ੁੱਕਰ ਦੀ ਧਾਤ ਮੰਨਿਆ ਗਿਆ ਹੈ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਘਰ ਵਿਚ ਚਾਂਦੀ ਦੇ ਹਾਥੀ ਦੀ ਮੂਰਤੀ ਰੱਖਣ ਨਾਲ ਪਰਿਵਾਰ 'ਚ ਸੁੱਖ-ਸ਼ਾਂਤੀ ਬਣੀ ਰਹਿੰਦੀ ਹੈ ਅਤੇ ਆਰਥਿਕ ਸਥਿਤੀ 'ਚ ਸੁਧਾਰ ਦੇਖਣ ਨੂੰ ਮਿਲਦਾ ਹੈ। ਨਾਲ ਹੀ ਸ਼ੁੱਭ ਫਲ ਦੀ ਪ੍ਰਾਪਤੀ ਹੁੰਦੀ ਹੈ। ਜੇਕਰ ਤੁਸੀਂ ਕਾਰੋਬਾਰ 'ਚ ਤਰੱਕੀ ਪਾਉਣਾ ਚਾਹੁੰਦੇ ਹੋ ਤਾਂ ਘਰ ਦੀ ਤਿਜੋਰੀ 'ਚ ਚਾਂਦੀ ਦੇ ਹਾਥੀ ਦੀ ਮੂਰਤੀ ਰੱਖੋ। ਇਸ ਨਾਲ ਰਾਹੂ-ਕੇਤੂ ਦਾ ਨਕਾਰਾਤਮਕ ਪ੍ਰਭਾਵ ਦੂਰ ਹੁੰਦਾ ਹੈ ਤੇ ਕਾਰੋਬਾਰ 'ਚ ਸਫ਼ਲਤਾ ਮਿਲਦੀ ਹੈ।

2. ਪਿੱਤਲ ਦਾ ਹਾਥੀ

ਵਾਸਤੂ ਸ਼ਾਸਤਰ ਮੁਤਾਬਕ ਘਰ ਵਿਚ ਪਿੱਤਲ ਦੇ ਹਾਥੀ ਦੀ ਮੂਰਤੀ ਨੂੰ ਰੱਖਣ ਨਾਲ ਕਾਰਜ ਖੇਤਰ 'ਚ ਆ ਰਹੀਆਂ ਰੁਕਾਵਟਾਂ ਦੂਰ ਹੁੰਦੀਆਂ ਹਨ ਤੇ ਆਤਮ-ਵਿਸ਼ਵਾਸ 'ਚ ਵਾਧਾ ਹੁੰਦਾ ਹੈ। ਨਾਲ ਹੀ ਪਿੱਤਲ ਦਾ ਹਾਥੀ ਘਰ ਦੀ ਨਕਾਰਾਤਮਕ ਊਰਜਾ ਨੂੰ ਨਸ਼ਟ ਕਰਨ ਲਈ ਲਾਭਦਾਇਕ ਮੰਨਿਆ ਜਾਂਦਾ ਹੈ।

ਕਿਹੜੀ ਦਿਸ਼ਾ 'ਚ ਰੱਖਣੀ ਚਾਹੀਦੀ ਹੈ ਹਾਥੀ ਦੀ ਮੂਰਤੀ?

• ਵਾਸਤੂ ਸ਼ਾਸਤਰ ਅਨੁਸਾਰ, ਘਰ ਵਿਚ ਹਾਥੀ ਦੀ ਮੂਰਤੀ ਰੱਖਣ ਲਈ ਉੱਤਰ ਦਿਸ਼ਾ ਨੂੰ ਸ਼ੁੱਭ ਮੰਨਿਆ ਜਾਂਦਾ ਹੈ ਕਿਉਂਕਿ ਇਹ ਦਿਸ਼ਾ ਧਨ ਦੇ ਦੇਵਤਾ ਕੁਬੇਰ ਦੀ ਮੰਨੀ ਜਾਂਦੀ ਹੈ। ਇਸ ਦਿਸ਼ਾ 'ਚ ਹਾਥੀ ਦੀ ਮੂਰਤੀ ਰੱਖਣ ਨਾਲ ਧਨ ਲਾਭ ਦੇ ਯੋਗ ਬਣਦੇ ਹਨ।
• ਇਸ ਤੋਂ ਇਲਾਵਾ ਹਾਥੀ ਦੀ ਮੂਰਤੀ ਨੂੰ ਰੱਖਣ ਲਈ ਮੁੱਖ ਦੁਆਰ ਨੂੰ ਉੱਤਮ ਮੰਨਿਆ ਜਾਂਦਾ ਹੈ। ਮੂਰਤੀ ਨੂੰ ਰੱਖਦੇ ਸਮੇਂ ਧਿਆਨ ਰੱਖੋ ਕਿ ਹਾਥੀ ਦਾ ਮੂੰਹ ਘਰ ਦੇ ਅੰਦਰ ਵੱਲ ਹੋਵੇ। ਇਸ ਨਾਲ ਘਰ 'ਚ ਚੰਗੀ ਕਿਸਮਤ ਤੇ ਖੁਸ਼ਹਾਲੀ ਦਾ ਆਗਮਨ ਹੁੰਦਾ ਹੈ।
• ਹਾਥੀ ਦੀ ਮੂਰਤੀ ਨੂੰ ਬੈੱਡਰੂਮ 'ਚ ਰੱਖਣਾ ਵੀ ਉੱਤਮ ਮੰਨਿਆ ਜਾਂਦਾ ਹੈ। ਇਸ ਨਾਲ ਵਿਆਹੁਤਾ ਜੀਵਨ ਖੁਸ਼ਹਾਲ ਹੁੰਦਾ ਹੈ।
• ਘਰ ਵਿਚ ਭੁੱਲ ਕੇ ਵੀ ਮੂਰਤੀ ਖੰਡਿਤ ਨਹੀਂ ਹੋਣੀ ਚਾਹੀਦੀ। ਟੁੱਟੀ ਹੋਈ ਮੂਰਤੀ ਰੱਖਣ ਨਾਲ ਸ਼ੁਭ ਫਲ ਦੀ ਪ੍ਰਾਪਤੀ ਨਹੀਂ ਹੁੰਦੀ।