ਸਫ਼ਟਿਕ ਰਤਨ ਪਹਿਨਦੇ ਹੀ ਇਨ੍ਹਾਂ ਰਾਸ਼ੀਆਂ ਦਾ ਸ਼ੁਰੂ ਹੋ ਜਾਂਦੈ ਗੋਲਡਨ ਟਾਈਮ, ਚੁੰਬਕ ਵਾਂਗ ਖਿੱਚਦਾ ਹੈ ਪੈਸਾ !

ਧਰਮ ਡੈਸਕ, ਨਵੀਂ ਦਿੱਲੀ : ਜੇਕਰ ਤੁਸੀਂ ਆਪਣੀ ਜ਼ਿੰਦਗੀ ਸੁਖ, ਸ਼ਾਂਤੀ ਅਤੇ ਧਨ ਨਾਲ ਭਰੀ ਚਾਹੁੰਦੇ ਹੋ, ਤਾਂ ਇਸ ਸੁਖ ਲਈ ਧਨ ਅਤੇ ਐਸ਼ੋ-ਆਰਾਮ ਦੀ ਦੇਵੀ ਮਾਂ ਲਕਸ਼ਮੀ ਦੀ ਕਿਰਪਾ ਹੋਣਾ ਬਹੁਤ ਜ਼ਰੂਰੀ ਹੈ। ਰਤਨ ਸ਼ਾਸਤਰ ਵਿੱਚ ਮਾਂ ਲਕਸ਼ਮੀ ਦਾ ਆਸ਼ੀਰਵਾਦ ਪ੍ਰਾਪਤ ਕਰਨ ਲਈ ਇੱਕ ਵਿਸ਼ੇਸ਼ ਰਤਨ ਬਾਰੇ ਦੱਸਿਆ ਗਿਆ ਹੈ।

ਸਫ਼ਟਿਕ ਰਤਨ ਮਾਂ ਲਕਸ਼ਮੀ ਨੂੰ ਬਹੁਤ ਪਿਆਰਾ ਹੈ। ਰਤਨ ਸ਼ਾਸਤਰ ਦੇ ਅਨੁਸਾਰ, ਇਸ ਰਤਨ ਨੂੰ ਪਹਿਨਣ ਨਾਲ ਧਨ ਲਾਭ ਦੇ ਯੋਗ ਬਣਦੇ ਹਨ ਅਤੇ ਸ਼ੁਭ ਫਲ ਦੀ ਪ੍ਰਾਪਤੀ ਹੁੰਦੀ ਹੈ। ਅਜਿਹੇ ਵਿੱਚ ਆਓ ਇਸ ਆਰਟੀਕਲ ਵਿੱਚ ਤੁਹਾਨੂੰ ਦੱਸਦੇ ਹਾਂ ਕਿ ਸਫ਼ਟਿਕ ਰਤਨ ਕਿਨ੍ਹਾਂ ਰਾਸ਼ੀਆਂ ਲਈ ਫਲਦਾਇਕ ਹੁੰਦਾ ਹੈ।

1. ਬ੍ਰਿਖ (ਵ੍ਰਿਸ਼ਭ) ਅਤੇ ਤੁਲਾ

ਇਨ੍ਹਾਂ ਦੋਵਾਂ ਰਾਸ਼ੀਆਂ ਦੇ ਸੁਆਮੀ ਸ਼ੁੱਕਰ ਗ੍ਰਹਿ ਹਨ। ਸਫ਼ਟਿਕ ਰਤਨ ਸ਼ੁੱਕਰ ਗ੍ਰਹਿ ਦਾ ਹੈ। ਇਸ ਲਈ ਇਨ੍ਹਾਂ ਦੋਵਾਂ ਰਾਸ਼ੀਆਂ ਲਈ ਸਫ਼ਟਿਕ ਰਤਨ ਬੇਹੱਦ ਸ਼ੁਭ ਮੰਨਿਆ ਜਾਂਦਾ ਹੈ। ਇਸ ਰਤਨ ਨੂੰ ਧਾਰਨ ਕਰਨ ਨਾਲ ਮਾਂ ਲਕਸ਼ਮੀ ਦੀ ਕਿਰਪਾ ਪ੍ਰਾਪਤ ਹੁੰਦੀ ਹੈ। ਨਾਲ ਹੀ ਵਿਆਹੁਤਾ ਜੀਵਨ ਵਿੱਚ ਖੁਸ਼ੀਆਂ ਦਾ ਆਗਮਨ ਹੁੰਦਾ ਹੈ ਅਤੇ ਧਨ ਲਾਭ ਦੇ ਯੋਗ ਬਣਦੇ ਹਨ।

2. ਮਿਥੁਨ ਅਤੇ ਕੰਨਿਆ

ਇਨ੍ਹਾਂ ਦੋਵਾਂ ਰਾਸ਼ੀਆਂ ਦੇ ਸੁਆਮੀ ਬੁੱਧ ਗ੍ਰਹਿ ਹਨ। ਜਿਓਤਿਸ਼ ਸ਼ਾਸਤਰ ਦੇ ਮੁਤਾਬਕ, ਬੁੱਧ ਅਤੇ ਸ਼ੁੱਕਰ ਮਿੱਤਰ ਹਨ। ਇਸ ਲਈ ਇਨ੍ਹਾਂ ਦੋਵਾਂ ਰਾਸ਼ੀਆਂ ਲਈ ਸਫ਼ਟਿਕ ਰਤਨ ਫਲਦਾਇਕ ਮੰਨਿਆ ਜਾਂਦਾ ਹੈ। ਇਸ ਰਤਨ ਨੂੰ ਪਹਿਨਣ ਨਾਲ ਕਰੀਅਰ ਅਤੇ ਕਾਰੋਬਾਰ ਵਿੱਚ ਤਰੱਕੀ ਹੁੰਦੀ ਹੈ ਅਤੇ ਜੀਵਨ ਦੇ ਸਾਰੇ ਦੁੱਖ-ਦਰਦ ਦੂਰ ਹੁੰਦੇ ਹਨ। ਇਸ ਲਈ ਸਫ਼ਟਿਕ ਰਤਨ ਇਨ੍ਹਾਂ ਰਾਸ਼ੀਆਂ ਲਈ ਬਹੁਤ ਲੱਕੀ ਸਾਬਤ ਹੁੰਦਾ ਹੈ।

3. ਮਕਰ ਤੇ ਕੁੰਭ

ਇਨ੍ਹਾਂ ਰਾਸ਼ੀਆਂ ਦੇ ਸੁਆਮੀ ਸ਼ਨੀ ਹਨ। ਸ਼ਨੀ ਤੇ ਸ਼ੁੱਕਰ ਦੇ ਵਿਚਕਾਰ ਵੀ ਡੂੰਘੀ ਮਿੱਤਰਤਾ ਮੰਨੀ ਜਾਂਦੀ ਹੈ। ਰਤਨ ਸ਼ਾਸਤਰ ਅਨੁਸਾਰ, ਇਸ ਰਤਨ ਨੂੰ ਪਹਿਨਣ ਨਾਲ ਆਰਥਿਕ ਤੰਗੀ ਅਤੇ ਕਰਜ਼ੇ ਦੀ ਸਮੱਸਿਆ ਤੋਂ ਛੁਟਕਾਰਾ ਮਿਲਦਾ ਹੈ ਤੇ ਸੁੱਖ-ਸਮ੍ਰਿੱਧੀ 'ਚ ਅਪਾਰ ਵਾਧਾ ਹੁੰਦਾ ਹੈ।

ਕਿਸ ਦਿਨ ਪਹਿਨੀਏ ਸਫ਼ਟਿਕ ਰਤਨ?

ਸਫ਼ਟਿਕ ਰਤਨ ਨੂੰ ਪਹਿਨਣ ਲਈ ਸ਼ੁੱਕਰਵਾਰ ਦਾ ਦਿਨ ਸ਼ੁੱਭ ਮੰਨਿਆ ਜਾਂਦਾ ਹੈ ਕਿਉਂਕਿ ਮਾਂ ਲਕਸ਼ਮੀ ਨੂੰ ਸ਼ੁੱਕਰਵਾਰ ਦਾ ਦਿਨ ਸਮਰਪਿਤ ਹੈ। ਸ਼ੁੱਕਰਵਾਰ ਦੀ ਸਵੇਰ ਇਸ਼ਨਾਨ ਕਰਨ ਤੋਂ ਬਾਅਦ ਸਫ਼ਟਿਕ ਰਤਨ ਨੂੰ ਪਹਿਨਣਾ ਚਾਹੀਦਾ ਹੈ। ਰਤਨ ਨੂੰ ਪਹਿਨਣ ਤੋਂ ਪਹਿਲਾਂ ਮਾਂ ਲਕਸ਼ਮੀ ਦੇ ਚਰਨਾਂ 'ਚ ਜ਼ਰੂਰ ਰੱਖੋ। ਰਤਨ ਨੂੰ ਪਹਿਨਦੇ ਸਮੇਂ 'ॐ महालक्ष्म्यै नमः' ਜਾਂ ਸ਼ੁੱਕਰ ਦੇ ਮੰਤਰ 'ॐ शुक्राय नमः' ਮੰਤਰ ਦਾ ਜਾਪ ਕਰਨਾ ਚਾਹੀਦਾ ਹੈ।

ਪੁਰਸ਼ਾਂ ਨੂੰ ਸਫ਼ਟਿਕ ਰਤਨ ਸੱਜੇ ਹੱਥ ਦੀ ਵਿਚਕਾਰਲੀ ਉਂਗਲ (Middle Finger) ਜਾਂ ਅਨਾਮਿਕਾ ਉਂਗਲ (Ring Finger) 'ਚ ਅਤੇ ਔਰਤਾਂ ਲਈ ਸੱਜੇ ਜਾਂ ਖੱਬੇ ਹੱਥ ਦੀ ਵਿਚਕਾਰਲੀ ਜਾਂ ਅਨਾਮਿਕਾ ਉਂਗਲ 'ਚ ਧਾਰਨ ਕਰਨਾ ਸ਼ੁੱਭ ਮੰਨਿਆ ਜਾਂਦਾ ਹੈ। ਰਤਨ ਨੂੰ ਪਹਿਨਣ ਤੋਂ ਪਹਿਲਾਂ ਗੰਗਾਜਲ ਤੇ ਕੱਚੇ ਦੁੱਧ ਨਾਲ ਪਵਿੱਤਰ ਕਰਨਾ ਚਾਹੀਦਾ ਹੈ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।