Solar Eclipse 2024 Date & Timing : 8 ਅਪ੍ਰੈਲ ਨੂੰ ਇਸ ਸਮੇਂ ਲੱਗੇਗਾ ਸੂਰਜ ਗ੍ਰਹਿਣ, ਕੀ ਭਾਰਤ 'ਚ ਪਵੇਗਾ ਇਸ ਦਾ ਅਸਰ?

Solar Eclipse 2024 Date & Timing : ਧਰਮ ਡੈਸਕ, ਨਵੀਂ ਦਿੱਲੀ : Solar Eclipse 2024: 8 ਅਪ੍ਰੈਲ, 2024 ਨੂੰ ਪੂਰਨ ਸੂਰਜ ਗ੍ਰਹਿਣ ਲੱਗਣ ਜਾ ਰਿਹਾ ਹੈ। ਇਹ ਚੇਤ ਦੇ ਨਰਾਤੇ ਸ਼ੁਰੂ ਹੋਣ ਤੋਂ ਇਕ ਦਿਨ ਪਹਿਲਾਂ ਸੋਮਵਤੀ ਮੱਸਿਆ 'ਤੇ ਲੱਗੇਗਾ। ਇਹ ਸਾਲ ਦਾ ਪਹਿਲਾ ਸੂਰਜ ਗ੍ਰਹਿਣ ਹੈ, ਇਸ ਲਈ ਸਾਰਿਆਂ ਦੀਆਂ ਨਜ਼ਰਾਂ ਇਸ 'ਤੇ ਟਿਕੀਆਂ ਹੋਈਆਂ ਹਨ। ਜੋਤਿਸ਼ ਸ਼ਾਸਤਰ ਅਨੁਸਾਰ ਇਸ ਸਮੇਂ ਦੌਰਾਨ ਲੋਕਾਂ ਨੂੰ ਵੱਧ ਤੋਂ ਵੱਧ ਮਾਨਸਿਕ ਪੂਜਾ ਕਰਨਾ ਚਾਹੀਦਾ ਹੈ।

ਕਿਉਂਕਿ ਹਿੰਦੂ ਧਰਮ ਅਨੁਸਾਰ ਇਸ ਦੌਰਾਨ ਕਿਸੇ ਵੀ ਦੇਵੀ-ਦੇਵਤੇ ਦੀ ਮੂਰਤੀ ਨੂੰ ਛੂਹਣਾ ਨਹੀਂ ਚਾਹੀਦਾ। ਹਾਲਾਂਕਿ ਕਿਹਾ ਜਾ ਰਿਹਾ ਹੈ ਕਿ ਇਸ ਗ੍ਰਹਿਣ ਦਾ ਭਾਰਤ 'ਤੇ ਕੋਈ ਅਸਰ ਨਹੀਂ ਹੋਣ ਵਾਲਾ ਹੈ।

ਸੂਰਜ ਗ੍ਰਹਿਣ ਭਾਰਤ 'ਚ ਮੰਨਿਆ ਜਾਵੇਗਾ ਜਾਂ ਨਹੀਂ ?

ਸਾਲ 2024 ਦਾ ਪਹਿਲਾ ਸੂਰਜ ਗ੍ਰਹਿਣ ਭਾਰਤ 'ਚ ਨਹੀਂ ਦਿਖਾਈ ਦੇਵੇਗਾ। ਅਜਿਹੀ ਸਥਿਤੀ 'ਚ ਭਾਰਤ 'ਚ ਇਸ ਦਾ ਸੂਤਕ ਕਾਲ ਨਹੀਂ ਮੰਨਿਆ ਜਾਵੇਗਾ। ਭਾਵ ਇਸ ਗ੍ਰਹਿਣ ਦਾ ਦੇਸ਼ ਅਤੇ ਦੁਨੀਆ 'ਤੇ ਕਿਸੇ ਤਰ੍ਹਾਂ ਦਾ ਧਾਰਮਿਕ ਤੇ ਅਧਿਆਤਮਕ ਪ੍ਰਭਾਵ ਨਹੀਂ ਪੈਣ ਵਾਲਾ। ਜੋਤਿਸ਼ ਸ਼ਾਸਤਰ ਅਨੁਸਾਰ, ਇਸ ਦਿਨ ਭਾਰਤ 'ਚ ਆਮ ਰੁਟੀਨ ਰਹੇਗੀ, ਕਿਉਂਕਿ ਕਿਹਾ ਜਾਂਦਾ ਹੈ ਕਿ ਗ੍ਰਹਿਣ ਦਾ ਪ੍ਰਭਾਵ ਉਸ ਜਗ੍ਹਾ 'ਤੇ ਪੈਂਦਾ ਹੈ ਜਿੱਥੇ ਇਹ ਦਿਖਾਈ ਦਿੰਦਾ ਹੈ।

ਸੂਰਜ ਗ੍ਰਹਿਣ ਦਾ ਸਮਾਂ

ਗ੍ਰਹਿਣ ਸੋਮਵਾਰ, 8 ਅਪ੍ਰੈਲ, 2024 ਨੂੰ ਰਾਤ 9:12 ਵਜੇ ਸ਼ੁਰੂ ਹੋਵੇਗਾ ਤੇ ਸਵੇਰੇ 2:22 ਵਜੇ ਸਮਾਪਤ ਹੋਵੇਗਾ। ਇਸ ਸੂਰਜ ਗ੍ਰਹਿਣ ਦਾ ਕੇਂਦਰੀ ਸਮਾਂ ਰਾਤ 11:47 ਵਜੇ ਹੋਵੇਗਾ। ਜੋਤਿਸ਼ ਸ਼ਾਸਤਰ ਅਨੁਸਾਰ ਇਸ ਨੂੰ ਪੂਰਨ ਸੂਰਜ ਗ੍ਰਹਿਣ ਮੰਨਿਆ ਜਾ ਰਿਹਾ ਹੈ। ਜਾਣਕਾਰੀ ਲਈ ਤੁਹਾਨੂੰ ਦੱਸ ਦੇਈਏ ਕਿ ਸੂਰਜ ਗ੍ਰਹਿਣ ਦੀ ਮਿਆਦ 05 ਘੰਟੇ 10 ਮਿੰਟ ਹੋਵੇਗੀ।

ਸੂਰਜ ਗ੍ਰਹਿਣ ਦੌਰਾਨ ਰੱਖੋ ਇਨ੍ਹਾਂ ਗੱਲਾਂ ਦਾ ਖ਼ਿਆਲ

• ਕਿਸੇ ਵੀ ਭਗਵਾਨ ਦੀ ਤਸਵੀਰ ਨੂੰ ਹੱਥ ਨਾ ਲਾਓ।
• ਗ੍ਰਹਿਣ ਦੌਰਾਨ ਭੋਜਨ ਨਾ ਖਾਓ।
• ਕੋਈ ਨਵਾਂ ਕੰਮ ਸ਼ੁਰੂ ਨਾ ਕਰੋ।
• ਗ੍ਰਹਿਣ ਤੋਂ ਬਾਅਦ ਨਿਸ਼ਚਤ ਤੌਰ 'ਤੇ ਇਸ਼ਨਾਨ ਕਰੋ ਤੇ ਵਿਧੀ ਅਨੁਸਾਰ ਪੂਜਾ ਕਰੋ।
• ਗ੍ਰਹਿਣ ਨੂੰ ਖੁੱਲ੍ਹੀਆਂ ਅੱਖਾਂ ਨਾਲ ਨਾ ਦੇਖੋ, ਜੇਕਰ ਤੁਸੀਂ ਇਸ ਨੂੰ ਦੇਖਣਾ ਚਾਹੁੰਦੇ ਹੋ ਤਾਂ ਐਕਸ-ਰੇ ਦੀ ਮਦਦ ਲੈ ਸਕਦੇ ਹੋ।
• ਘਰ ਨੂੰ ਪਰਦੇ ਨਾਲ ਢੱਕੋ ਤਾਂ ਕਿ ਇਸ ਦੀਆਂ ਕਿਰਨਾਂ ਘਰ ਦੇ ਅੰਦਰ ਨਾ ਆ ਸਕਣ।
• ਇਸ ਦੌਰਾਨ ਗਰਭਵਤੀ ਔਰਤਾਂ ਨੂੰ ਘਰ ਤੋਂ ਬਾਹਰ ਨਹੀਂ ਨਿਕਲਣਾ ਚਾਹੀਦਾ।
• ਗਰਭਵਤੀ ਔਰਤਾਂ ਨੂੰ ਤਿੱਖੀ ਵਸਤੂ ਜਿਵੇਂ ਕੈਂਚੀ, ਚਾਕੂ, ਬਲੇਡ ਆਦਿ ਦੀ ਵਰਤੋਂ ਨਹੀਂ ਕਰਨੀ ਚਾਹੀਦੀ, ਇਸ ਨਾਲ ਬੱਚੇ ਦੇ ਅੰਗਾਂ 'ਚ ਵਿਕਾਰ ਪੈਦਾ ਹੋ ਸਕਦੇ ਹਨ।
• ਕਿਸੇ ਵੀ ਵੈਦਿਕ ਮੰਤਰ ਜਾਂ ਆਪਣੇ ਦੇਵਤੇ ਦਾ ਮਾਨਸਿਕ ਧਿਆਨ ਕਰੋ।
• ਗ੍ਰਹਿਣ ਤੋਂ ਪਹਿਲਾਂ ਭੋਜਨ ਵਿਚ ਤੁਲਸੀ ਦੇ ਪੱਤੇ ਮਿਲਾ ਲਓ।
• ਇਸ ਦੌਰਾਨ ਗਰਭਵਤੀ ਔਰਤਾਂ ਨੂੰ ਭਗਵਾਨ ਕ੍ਰਿਸ਼ਨ ਦਾ ਸਿਮਰਨ ਕਰਨਾ ਚਾਹੀਦਾ ਹੈ ਤੇ ਆਪਣੇ ਕੋਲ ਨਾਰੀਅਲ ਰੱਖਣਾ ਚਾਹੀਦਾ ਹੈ।
• ਗਰਭਵਤੀ ਔਰਤਾਂ, ਬਿਮਾਰ ਲੋਕ ਤੇ ਛੋਟੇ ਬੱਚੇ ਭੁੱਖ ਲੱਗਣ 'ਤੇ ਇਸ ਨੂੰ ਖਾ ਸਕਦੇ ਹਨ, ਪਰ ਇਹ ਧਿਆਨ ਰੱਖੋ ਕਿ ਤੁਲਸੀ ਦੇ ਪੱਤੇ ਪਹਿਲਾਂ ਤੋਂ ਹੀ ਇਨ੍ਹਾਂ ਚੀਜ਼ਾਂ 'ਚ ਮਿਲਾਏ ਹੋਣ।

ਡਿਸਕਲੇਮਰ :

ਇਸ ਲੇਖ 'ਚ ਦਿੱਤੀ ਗਈ ਜਾਣਕਾਰੀ/ਸਮੱਗਰੀ/ਗਣਨਾਵਾਂ ਦੀ ਪ੍ਰਮਾਣਿਕਤਾ ਜਾਂ ਭਰੋਸੇਯੋਗਤਾ ਦੀ ਗਾਰੰਟੀ ਨਹੀਂ ਹੈ। ਜਾਣਕਾਰੀ ਦੇ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀ/ਪੰਚਾਂਗ/ਉਪਦੇਸ਼/ਧਾਰਮਿਕ ਵਿਸ਼ਵਾਸਾਂ/ਸ਼ਾਸਤਰਾਂ ਤੋਂ ਇਕੱਤਰ ਕਰ ਕੇ ਤੁਹਾਡੇ ਤਕ ਪਹੁੰਚਾਈ ਗਈ ਹੈ। ਸਾਡਾ ਉਦੇਸ਼ ਸਿਰਫ ਜਾਣਕਾਰੀ ਪ੍ਰਦਾਨ ਕਰਨਾ ਹੈ, ਪਾਠਕ ਜਾਂ ਉਪਭੋਗਤਾ ਇਸ ਨੂੰ ਸਿਰਫ ਜਾਣਕਾਰੀ ਵਜੋਂ ਹੀ ਲੈਣ। ਇਸ ਤੋਂ ਇਲਾਵਾ, ਇਸ ਨੂੰ ਕਿਸੇ ਵੀ ਤਰੀਕੇ ਨਾਲ ਵਰਤਣ ਦੀ ਜ਼ਿੰਮੇਵਾਰੀ ਉਪਭੋਗਤਾ ਜਾਂ ਪਾਠਕ ਦੀ ਖੁਦ ਹੋਵੇਗੀ।