ਜੇਠ ਮਹੀਨੇ ਦਾ ਪਹਿਲਾ ਵੱਡਾ ਮੰਗਲਵਾਰ: ਬਜਰੰਗਬਲੀ ਨੂੰ ਖੁਸ਼ ਕਰਨ ਲਈ ਅਰਪਿਤ ਕਰੋ ਇਹ ਖ਼ਾਸ ਚੀਜ਼ਾਂ

ਧਰਮ ਡੈਸਕ, ਨਵੀਂ ਦਿੱਲੀ: ਜੇਠ ਦੇ ਮਹੀਨੇ ਵਿੱਚ ਆਉਣ ਵਾਲੇ ਮੰਗਲਵਾਰ ਨੂੰ 'ਵੱਡਾ ਮੰਗਲਵਾਰ' (ਬੜਾ ਮੰਗਲ) ਜਾਂ 'ਬੁੱਢਾ ਮੰਗਲਵਾਰ' (ਬੁਢਵਾ ਮੰਗਲ) ਕਿਹਾ ਜਾਂਦਾ ਹੈ। ਉੱਤਰ ਪ੍ਰਦੇਸ਼, ਖਾਸ ਕਰਕੇ ਲਖਨਊ ਵਿੱਚ ਇਸਦਾ ਵਿਸ਼ੇਸ਼ ਮਹੱਤਵ ਹੈ। ਇਹ ਤਿਉਹਾਰ ਨਾ ਸਿਰਫ਼ ਧਾਰਮਿਕ ਆਸਥਾ ਦਾ ਪ੍ਰਤੀਕ ਹੈ, ਸਗੋਂ ਇਹ ਆਪਸੀ ਪਿਆਰ ਅਤੇ ਸੇਵਾ ਭਾਵਨਾ ਨੂੰ ਵੀ ਦਰਸਾਉਂਦਾ ਹੈ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਇਸੇ ਦਿਨ ਹਨੂਮਾਨ ਜੀ ਦੀ ਮੁਲਾਕਾਤ ਭਗਵਾਨ ਸ੍ਰੀ ਰਾਮ ਜੀ ਨਾਲ ਹੋਈ ਸੀ। ਇਸ ਦਿਨ ਨੂੰ ਲੈ ਕੇ ਲੋਕਾਂ ਦੀਆਂ ਆਪਣੀਆਂ-ਆਪਣੀਆਂ ਮਾਨਤਾਵਾਂ ਹਨ। ਅਜਿਹੇ ਵਿੱਚ ਆਓ ਇਸ ਲੇਖ ਰਾਹੀਂ ਭਗਵਾਨ ਹਨੂਮਾਨ ਦੇ ਪਸੰਦੀਦਾ ਭੋਗ ਬਾਰੇ ਜਾਣਦੇ ਹਾਂ।

ਵੱਡੇ ਮੰਗਲਵਾਰ 'ਤੇ ਹਨੂਮਾਨ ਜੀ ਦੇ ਪਸੰਦੀਦਾ ਭੋਗ

ਬੂੰਦੀ ਦੇ ਲੱਡੂ - ਹਨੂਮਾਨ ਜੀ ਨੂੰ ਬੂੰਦੀ ਦੇ ਲੱਡੂ ਬਹੁਤ ਪਿਆਰੇ ਹਨ। ਅਜਿਹੀ ਮਾਨਤਾ ਹੈ ਕਿ ਇਹ ਚੜ੍ਹਾਉਣ ਨਾਲ ਗ੍ਰਹਿਆਂ ਦੇ ਦੋਸ਼ ਸ਼ਾਂਤ ਹੁੰਦੇ ਹਨ।

ਵੇਸਣ ਦੇ ਲੱਡੂ - ਸ਼ੁੱਧ ਘਿਓ ਵਿੱਚ ਬਣੇ ਵੇਸਣ ਦੇ ਲੱਡੂ ਅਰਪਿਤ ਕਰਨ ਨਾਲ ਸੁਖ-ਸਮ੍ਰਿਧੀ ਦੀ ਪ੍ਰਾਪਤੀ ਹੁੰਦੀ ਹੈ।

ਇਮਰਤੀ ਅਤੇ ਜਲੇਬੀ - ਕਈ ਭਗਤ ਇਸ ਦਿਨ ਕੇਸਰੀ ਇਮਰਤੀ ਦਾ ਭੋਗ ਵੀ ਲਗਾਉਂਦੇ ਹਨ, ਜੋ ਬਜਰੰਗਬਲੀ ਨੂੰ ਬਹੁਤ ਪਸੰਦ ਹੈ।

ਤੁਲਸੀ ਦੇ ਪੱਤੇ (ਤੁਲਸੀ ਦਲ) - ਭੋਗ ਵਿੱਚ ਤੁਲਸੀ ਦੇ ਪੱਤੇ ਜ਼ਰੂਰ ਪਾਓ, ਕਿਉਂਕਿ ਇਸ ਤੋਂ ਬਿਨਾਂ ਹਨੂਮਾਨ ਜੀ ਭੋਗ ਸਵੀਕਾਰ ਨਹੀਂ ਕਰਦੇ।

ਪਾਨ ਦਾ ਬੀੜਾ - ਕੰਮਾਂ ਵਿੱਚ ਸਫਲਤਾ ਲਈ ਹਨੂਮਾਨ ਜੀ ਨੂੰ ਮਿੱਠਾ ਪਾਨ (ਗੁਲਕੰਦ, ਸੌਂਫ ਵਾਲਾ) ਚੜ੍ਹਾਉਣਾ ਸ਼ੁਭ ਹੁੰਦਾ ਹੈ।

ਰੋਟ ਦਾ ਭੋਗ - ਕਣਕ ਦੇ ਆਟੇ, ਗੁੜ ਅਤੇ ਘਿਓ ਤੋਂ ਬਣਿਆ 'ਰੋਟ' ਵੱਡੇ ਮੰਗਲਵਾਰ 'ਤੇ ਵਿਸ਼ੇਸ਼ ਤੌਰ 'ਤੇ ਚੜ੍ਹਾਇਆ ਜਾਂਦਾ ਹੈ।

ਵੱਡੇ ਮੰਗਲਵਾਰ ਦਾ ਧਾਰਮਿਕ ਮਹੱਤਵ

ਪੌਰਾਣਿਕ ਕਥਾਵਾਂ ਅਨੁਸਾਰ, ਤ੍ਰੇਤਾਯੁਗ ਵਿੱਚ ਜਦੋਂ ਹਨੂਮਾਨ ਜੀ ਪ੍ਰਭੂ ਰਾਮ ਨੂੰ ਪਹਿਲੀ ਵਾਰ ਮਿਲੇ ਸਨ, ਤਦ ਜੇਠ ਮਹੀਨੇ ਦਾ ਮੰਗਲਵਾਰ ਹੀ ਸੀ। ਇਸ ਤੋਂ ਇਲਾਵਾ, ਇਸੇ ਸਮੇਂ ਦੌਰਾਨ ਵੀਰ ਬਜਰੰਗੀ ਨੇ ਮਹਾਬਲੀ ਭੀਮ ਦਾ ਹੰਕਾਰ ਇੱਕ ਬੁੱਢੇ ਵਾਨਰ ਦਾ ਰੂਪ ਧਾਰਨ ਕਰਕੇ ਤੋੜਿਆ ਸੀ, ਜਿਸ ਕਾਰਨ ਇਸਨੂੰ 'ਬੁੱਢਾ ਮੰਗਲਵਾਰ' ਵਜੋਂ ਵੀ ਪੂਜਿਆ ਜਾਂਦਾ ਹੈ। ਕਹਿੰਦੇ ਹਨ ਕਿ ਇਸ ਦਿਨ ਦਾਨ-ਪੁੰਨ ਅਤੇ ਭੰਡਾਰੇ ਦਾ ਦੁੱਗਣਾ ਫਲ ਮਿਲਦਾ ਹੈ।

ਕਰੋ ਇਹ ਕੰਮ

ਵੱਡੇ ਮੰਗਲਵਾਰ ਵਾਲੇ ਦਿਨ ਸਿਰਫ਼ ਮੰਦਰ ਜਾਣਾ ਹੀ ਕਾਫ਼ੀ ਨਹੀਂ ਹੈ, ਸਗੋਂ ਇਸ ਦਿਨ ਲੋੜਵੰਦਾਂ ਨੂੰ ਪਾਣੀ ਪਿਲਾਉਣਾ ਅਤੇ ਭੋਜਨ ਕਰਵਾਉਣਾ ਹਨੂਮਾਨ ਜੀ ਦੀ ਸਭ ਤੋਂ ਵੱਡੀ ਸੇਵਾ ਮੰਨੀ ਜਾਂਦੀ ਹੈ। ਅਜਿਹੇ ਵਿੱਚ ਸ਼ਰਧਾ ਦੇ ਨਾਲ ਵੱਧ ਤੋਂ ਵੱਧ ਦਾਨ-ਪੁੰਨ ਕਰੋ।

Disclaimer: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਕਥਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਰੀਡਰਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ।