ਸ਼ਾਰਟ ਟੈਂਪਰਡ ਹੁੰਦੀਆਂ ਹਨ ਇਹ ਰਾਸ਼ੀਆਂ: ਪਲਾਂ 'ਚ ਖੋ ਬੈਠਦੀਆਂ ਆਪਾ, ਫਿਰ ਸਿਵਾਏ ਪਛਤਾਉਣ ਦੇ ਕੁਝ ਨਹੀਂ ਬਚਦਾ

ਧਰਮ ਡੈਸਕ, ਨਵੀਂ ਦਿੱਲੀ: ਜੋਤਿਸ਼ ਸ਼ਾਸਤਰ ਅਨੁਸਾਰ, ਵਿਅਕਤੀ ਦਾ ਸੁਭਾਅ ਉਸ ਦੀ ਰਾਸ਼ੀ ਤੇ ਉਸ ਦੇ ਸੁਆਮੀ ਗ੍ਰਹਿਆਂ 'ਤੇ ਨਿਰਭਰ ਕਰਦਾ ਹੈ। ਜਿੱਥੇ ਕੁਝ ਲੋਕ ਸ਼ਾਂਤ ਤੇ ਸਬਰ ਵਾਲੇ ਹੁੰਦੇ ਹਨ, ਉੱਥੇ ਹੀ ਕੁਝ ਰਾਸ਼ੀਆਂ ਦੇ ਜਾਤਕਾਂ ਦੀ ਨੱਕ 'ਤੇ ਹਮੇਸ਼ਾ ਗੁੱਸਾ ਰਹਿੰਦਾ ਹੈ। ਇਨ੍ਹਾਂ ਦਾ ਗੁੱਸਾ ਅੱਗ ਵਾਂਗ ਆਉਂਦਾ ਹੈ ਅਤੇ ਕੁਝ ਹੀ ਸਮੇਂ 'ਚ ਇਹ ਆਪਣਾ ਕਾਫ਼ੀ ਨੁਕਸਾਨ ਕਰ ਲੈਂਦੇ ਹਨ। ਅਕਸਰ ਦੇਖਿਆ ਗਿਆ ਹੈ ਕਿ ਇਹ ਜਾਤਕ ਗੁੱਸੇ ਵਿਚ ਆ ਕੇ ਅਜਿਹੀਆਂ ਗੱਲਾਂ ਕਹਿ ਜਾਂਦੇ ਹਨ ਜਾਂ ਅਜਿਹੇ ਫੈਸਲੇ ਲੈ ਲੈਂਦੇ ਹਨ, ਜਿਸ ਨਾਲ ਲੋਕ ਇਨ੍ਹਾਂ ਤੋਂ ਦੂਰੀ ਬਣਾ ਲੈਂਦੇ ਹਨ।

ਇਨ੍ਹਾਂ ਰਾਸ਼ੀਆਂ ਦਾ ਪਾਰਾ ਹਮੇਸ਼ਾ ਰਹਿੰਦਾ ਹੈ ਹਾਈ

ਮੇਖ ਰਾਸ਼ੀ (Aries)

ਰਾਸ਼ੀ ਚੱਕਰ ਦੀ ਪਹਿਲੀ ਰਾਸ਼ੀ ਮੇਖ ਦਾ ਸੁਆਮੀ ਮੰਗਲ ਹੈ, ਜੋ ਅਗਨੀ ਤੱਤ ਦਾ ਪ੍ਰਤੀਕ ਹੈ। ਮੇਖ ਰਾਸ਼ੀ ਵਾਲੇ ਲੋਕ ਸੁਭਾਅ ਤੋਂ ਨਿਡਰ ਹੁੰਦੇ ਹਨ, ਪਰ ਇਨ੍ਹਾਂ ਦਾ ਸਬਰ ਬਹੁਤ ਘੱਟ ਹੁੰਦਾ ਹੈ। ਜੇਕਰ ਇਨ੍ਹਾਂ ਦੇ ਮਨ ਮੁਤਾਬਕ ਕੰਮ ਨਾ ਹੋਵੇ, ਤਾਂ ਇਹ ਤੁਰੰਤ ਆਪਣਾ ਆਪਾ ਗੁਆ ਦਿੰਦੇ ਹਨ। ਗੁੱਸੇ ਵਿੱਚ ਇਹ ਅਕਸਰ ਅਪਸ਼ਬਦ ਬੋਲ ਜਾਂਦੇ ਹਨ, ਜਿਸ ਨਾਲ ਇਨ੍ਹਾਂ ਦੇ ਬਣੇ-ਬਣਾਏ ਰਿਸ਼ਤੇ ਵਿਗੜ ਜਾਂਦੇ ਹਨ।

ਬ੍ਰਿਸ਼ਚਕ ਰਾਸ਼ੀ (Scorpio)

ਬ੍ਰਿਸ਼ਚਕ ਰਾਸ਼ੀ ਦਾ ਸੁਆਮੀ ਵੀ ਮੰਗਲ ਹੀ ਹੈ, ਪਰ ਇਨ੍ਹਾਂ ਦਾ ਗੁੱਸਾ ਸ਼ਾਂਤ ਅਤੇ ਡੂੰਘਾ ਹੁੰਦਾ ਹੈ। ਇਹ ਛੋਟੀਆਂ ਗੱਲਾਂ ਨੂੰ ਮਨ ਵਿਚ ਦਬਾ ਕੇ ਰੱਖਦੇ ਹਨ ਤੇ ਜਦੋਂ ਇਨ੍ਹਾਂ ਦਾ ਸਬਰ ਟੁੱਟਦਾ ਹੈ ਤਾਂ ਜਵਾਲਾਮੁਖੀ ਵਾਂਗ ਫਟਦੇ ਹਨ। ਇਨ੍ਹਾਂ ਦਾ ਬਦਲਾ ਲੈਣ ਵਾਲਾ ਸੁਭਾਅ ਕਈ ਵਾਰ ਇਨ੍ਹਾਂ ਨੂੰ ਪ੍ਰੋਫੈਸ਼ਨਲ ਲਾਈਫ 'ਚ ਵੱਡਾ ਨੁਕਸਾਨ ਪਹੁੰਚਾਉਂਦਾ ਹੈ।

ਸਿੰਘ ਰਾਸ਼ੀ (Leo)

ਸੂਰਜ ਦੇ ਪ੍ਰਭਾਵ ਵਾਲੀ ਇਹ ਰਾਸ਼ੀ ਸ਼ਾਹੀ ਸੁਭਾਅ ਦੀ ਹੁੰਦੀ ਹੈ। ਇਸ ਨੂੰ ਆਪਣਾ ਅਪਮਾਨ ਜ਼ਰਾ ਵੀ ਬਰਦਾਸ਼ਤ ਨਹੀਂ ਹੁੰਦਾ। ਜੇਕਰ ਇਸ ਨੂੰ ਲੱਗਦਾ ਹੈ ਕਿ ਇਹਨਾਂ ਨੂੰ ਮਹੱਤਵ ਨਹੀਂ ਦਿੱਤਾ ਜਾ ਰਿਹਾ, ਤਾਂ ਇਹ ਅਪਮਾਨ ਮਹਿਸੂਸ ਕਰਦੇ ਹਨ ਅਤੇ ਭੜਕ ਜਾਂਦੇ ਹਨ। ਸਿੰਘ ਰਾਸ਼ੀ ਵਾਲੇ ਗੁੱਸੇ ਵਿੱਚ ਅਕਸਰ ਆਪਣੇ ਕਰੀਬੀਆਂ ਨੂੰ ਖ਼ੁਦ ਤੋਂ ਦੂਰ ਕਰ ਦਿੰਦੇ ਹਨ।

ਗੁੱਸਾ ਸ਼ਾਂਤ ਕਰਨ ਦੇ ਅਚੂਕ ਉਪਾਅ

ਚਾਂਦੀ ਮਨ ਨੂੰ ਸ਼ੀਤਲਤਾ ਪ੍ਰਦਾਨ ਕਰਦੀ ਹੈ। ਅਜਿਹੇ ਵਿਚ ਹੱਥ ਦੀ ਕਲਾਈ 'ਚ ਚਾਂਦੀ ਦਾ ਕੜਾ ਜਾਂ ਗਲੇ ਵਿੱਚ ਚੇਨ ਪਹਿਨਣਾ ਲਾਭਦਾਇਕ ਹੁੰਦਾ ਹੈ।

ਪੂਰਨਮਾਸ਼ੀ ਤੇ ਸੋਮਵਾਰ ਦੇ ਦਿਨ ਚੰਦਰਮਾ ਨੂੰ ਜਲ ਅਰਪਿਤ ਕਰਨ ਨਾਲ ਮਾਨਸਿਕ ਸ਼ਾਂਤੀ ਮਿਲਦੀ ਹੈ।

ਜਦੋਂ ਵੀ ਗੁੱਸਾ ਆਵੇ, ਤੁਰੰਤ ਇਕ ਗਲਾਸ ਠੰਡਾ ਪਾਣੀ ਪੀਓ।

'ਓਮ ਸ਼ਾਂਤੀ: ਸ਼ਾਂਤੀ: ਸ਼ਾਂਤੀ:' ਜਾਂ 'ਓਮ ਨਮਹ ਸ਼ਿਵਾਏ' ਦਾ ਰੋਜ਼ਾਨਾ ਜਾਪ ਗੁੱਸੇ ਨੂੰ ਘੱਟ ਕਰਦਾ ਹੈ।