Shardiya Navratri 2025 : 22 ਜਾਂ 23 ਸਤੰਬਰ, ਕਦੋਂ ਤੋਂ ਸ਼ੁਰੂ ਹੋਣਗੇ ਨਰਾਤੇ ? ਇੱਥੇ ਨੋਟ ਕਰ ਲਓ ਕਲਸ਼ ਸਥਾਪਨਾ ਦਾ ਸ਼ੁੱਭ ਸਮਾਂ

Shardiya Navratri 2025 : ਧਰਮ ਡੈਸਕ, ਨਵੀਂ ਦਿੱਲੀ : ਸਨਾਤਨ ਧਰਮ 'ਚ ਅੱਸੂ ਮਹੀਨੇ ਦਾ ਖਾਸ ਮਹੱਤਵ ਹੈ। ਇਹ ਮਹੀਨਾ ਜਗਤ ਦੇਵੀ ਮਾਂ ਦੁਰਗਾ ਨੂੰ ਸਮਰਪਿਤ ਹੁੰਦਾ ਹੈ। ਇਸ ਮਹੀਨੇ ਪਿੱਤਰ ਪੱਖ ਅਤੇ ਅੱਸੂ ਦੇ ਨਰਾਤੇ ਆਉਂਦੇ ਹਨ। ਕ੍ਰਿਸ਼ਨ ਪੱਖ 'ਚ ਸਰਾਧ ਤੇ ਤਰਪਣ ਕੀਤਾ ਜਾਂਦਾ ਹੈ, ਜਦੋਂਕਿ ਸ਼ੁਕਲ ਪੱਖ 'ਚ ਅੱਸੂ ਦੇ ਨਰਾਤੇ ਮਨਾਏ ਜਾਂਦੇ ਹਨ। ਅੱਸੂ ਦੇ ਨਰਾਤਿਆਂ ਦੌਰਾਨ ਜਗਤ ਜਨਨੀ ਮਾਂ ਦੁਰਗਾ ਤੇ ਉਨ੍ਹਾਂ ਦੇ ਰੂਪਾਂ ਦੀ ਪੂਜਾ ਕੀਤੀ ਜਾਂਦੀ ਹੈ।

ਧਾਰਮਿਕ ਮਾਨਤਾ ਹੈ ਕਿ ਅੱਸੂ ਦੇ ਨਰਾਤਿਆਂ ਦੌਰਾਨ ਦੇਵੀ ਮਾਂ ਦੁਰਗਾ ਦੀ ਪੂਜਾ ਕਰਨ ਨਾਲ ਸਾਧਕ ਦੇ ਸੁੱਖ ਤੇ ਕਿਸਮਤ 'ਚ ਵਾਧਾ ਹੁੰਦਾ ਹੈ। ਇਸ ਦੇ ਨਾਲ ਹੀ ਜੀਵਨ 'ਚ ਮੌਜੂਦ ਸਾਰੀਆਂ ਪਰੇਸ਼ਾਨੀਆਂ ਤੋਂ ਮੁਕਤੀ ਮਿਲਦੀ ਹੈ। ਆਓ ਜਾਣੀਏ ਕਿ ਅੱਸੂ ਦੇ ਨਰਾਤੇ (Shardiya Navratri 2025) ਕਦੋਂ ਤੋਂ ਸ਼ੁਰੂ ਹੋਣਗੇ?

ਕਦੋਂ ਆਉਂਦੇ ਹਨ ਅੱਸੂ ਦੇ ਨਰਾਤੇ ?

ਹਰ ਸਾਲ ਅੱਸੂ ਮਹੀਨੇ ਦੇ ਸ਼ੁਕਲ ਪੱਖ ਦੀ ਪ੍ਰਤੀਪਦਾ ਤਿਥੀ ਤੋਂ ਲੈ ਕੇ ਨੌਮੀ ਤਿਥੀ ਤਕ ਅੱਸੂ ਦੇ ਨਰਾਤੇ ਮਨਾਏ ਜਾਂਦੀ ਹੈ। ਇਸ ਦੌਰਾਨ ਜਗਤ ਦੇਵੀ ਮਾਂ ਦੁਰਗਾ ਤੇ ਉਨ੍ਹਾਂ ਦੇ ਨੌਂ ਰੂਪਾਂ ਦੀ ਭਗਤੀ ਭਾਵ ਨਾਲ ਪੂਜਾ ਕੀਤੀ ਜਾਂਦੀ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨਿਮਿੱਤ ਨੌਂ ਦਿਨਾਂ ਤਕ ਨਰਾਤਿਆਂ ਦਾ ਵਰਤ ਰੱਖਿਆ ਜਾਂਦਾ ਹੈ। ਇਸ ਵਰਤ ਦੇ ਪੁੰਨ-ਪ੍ਰਤਾਪ ਨਾਲ ਸਾਧਕ ਦੀ ਹਰ ਮਨੋਕਾਮਨਾ ਪੂਰੀ ਹੁੰਦੀ ਹੈ।

ਅੱਸੂ ਦੇ ਨਰਾਤਿਆਂ ਦਾ ਸ਼ੁੱਭ ਮਹੂਰਤ (Shardiya Navratri 2025 Start Date)

ਵੈਦਿਕ ਪੰਚਾਂਗ ਅਨੁਸਾਰ ਅੱਸੂ ਮਹੀਨੇ ਦੇ ਸ਼ੁਕਲ ਪੱਖ ਦੀ ਪ੍ਰਤੀਪਦਾ ਤਿਥੀ ਸੋਮਵਾਰ 22 ਸਤੰਬਰ ਨੂੰ ਸ਼ੁਰੂ ਹੋਵੇਗੀ। ਇਸ ਦਿਨ ਪ੍ਰਤੀਪਦਾ ਤਿਥੀ 23 ਸਤੰਬਰ ਨੂੰ ਖਤਮ ਹੋਵੇਗੀ। ਆਸਾਨ ਸ਼ਬਦਾਂ 'ਚ ਕਹੀਏ ਤਾਂ ਪ੍ਰਤੀਪਦਾ ਤਿਥੀ ਦੀ ਸ਼ੁਰੂਆਤ 22 ਸਤੰਬਰ ਨੂੰ ਰਾਤ 01 ਵਜੇ 23 ਮਿੰਟ 'ਤੇ ਹੋਵੇਗੀ ਤੇ 23 ਸਤੰਬਰ ਨੂੰ ਰਾਤ 02 ਵਜੇ 55 ਮਿੰਟ 'ਤੇ ਖਤਮ ਹੋਵੇਗੀ।

ਕਦੋਂ ਤੋਂ ਸ਼ੁਰੂ ਹੋਣਗੇ ਅੱਸ ਦੇ ਨਰਾਤੇ ?

ਸਨਾਤਨ ਧਰਮ 'ਚ ਉਦਯਾ ਤਿਥੀ ਮਾਨ (ਪ੍ਰਦੋਸ਼ ਵਰਤ ਤੇ ਅਸ਼ਟਮੀ ਵਰਤ ਨੂੰ ਛੱਡ ਕੇ)। ਇਸ ਲਈ ਅੱਸੂ ਦੇ ਨਰਾਤਿਆਂ ਦੀ ਸ਼ੁਰੂਆਤ 22 ਸਤੰਬਰ ਤੋਂ ਹੋਵੇਗੀ। ਇਸ ਦਿਨ ਕਲਸ਼ ਸਥਾਪਨਾ ਕਰ ਕੇ ਜਗਤ ਦੀ ਦੇਵੀ ਮਾਂ ਦੁਰਗਾ ਦੇ ਪਹਿਲੇ ਰੂਪ ਮਾਂ ਸ਼ੈਲਪੁਤਰੀ ਦੀ ਭਗਤੀ ਭਾਵ ਨਾਲ ਪੂਜਾ ਕੀਤੀ ਜਾਵੇਗੀ। ਇਸ ਦੇ ਨਾਲ ਹੀ ਉਨ੍ਹਾਂ ਨਿਮਿੱਤ ਵਰਤ ਰੱਖਿਆ ਜਾਵੇਗਾ।

ਕਲਸ਼ ਸਥਾਪਨਾ ਸਮਾਂ (Ghatasthapana Shubh Muhurat)

22 ਸਤੰਬਰ ਨੂੰ ਕਲਸ਼ ਸਥਾਪਨਾ ਲਈ ਦੋ ਸ਼ੁੱਭ ਮਹੂਰਤ ਹਨ। ਸਾਧਕ ਪ੍ਰਾਤ: ਕਾਲ (ਸਵੇਰੇ) 06 ਵਜੇ 09 ਮਿੰਟ ਤੋਂ ਲੈ ਕੇ ਸਵੇਰੇ 08 ਵਜੇ 06 ਮਿੰਟ ਦੇ ਵਿਚਕਾਰ ਕਲਸ਼ ਸਥਾਪਨਾ ਕਰ ਕੇ ਦੇਵੀ ਮਾਂ ਦੁਰਗਾ ਦੀ ਪੂਜਾ ਕਰ ਸਕਦੇ ਹਨ। ਇਸ ਤੋਂ ਬਾਅਦ ਅਭਿਜੀਤ ਮਹੂਰਤ 'ਚ 11 ਵਜੇ 49 ਮਿੰਟ ਤੋਂ ਲੈ ਕੇ ਦੁਪਹਿਰ 12 ਵਜੇ 38 ਮਿੰਟ ਦੇ ਵਿਚਕਾਰ ਵੀ ਕਲਸ਼ ਸਥਾਪਨਾ ਕਰ ਸਕਦੇ ਹਨ।

ਪੰਚਾਂਗ

ਸੂਰਜ ਉਗਣਾ - ਸਵੇਰੇ 06 ਵਜੇ 09 ਮਿੰਟ 'ਤੇ

ਸੂਰਜ ਡੁੱਬਣਾ - ਸ਼ਾਮ 06 ਵਜੇ 18 ਮਿੰਟ 'ਤੇ

ਚੰਦਰਮਾ ਉਗਣਾ - ਸਵੇਰੇ 06 ਵਜੇ 25 ਮਿੰਟ 'ਤੇ

ਚੰਦਰਮਾ ਡੁੱਬਣਾ - ਸ਼ਾਮ 06 ਵਜੇ 30 ਮਿੰਟ 'ਤੇ

ਬ੍ਰਹਮ ਮਹੂਰਤ - ਸਵੇਰੇ 04 ਵਜੇ 35 ਮਿੰਟ ਤੋਂ 05 ਵਜੇ 22 ਮਿੰਟ ਤਕ

ਵਿਜੇ ਮਹੂਰਤ - ਦੁਪਹਿਰ 02 ਵਜੇ 15 ਮਿੰਟ ਤੋਂ 03 ਵਜੇ 03 ਮਿੰਟ ਤੱਕ

ਗੋਧੂਲੀ ਮਹੂਰਤ - ਸ਼ਾਮ 06 ਵਜੇ 18 ਮਿੰਟ ਤੋਂ 06 ਵਜੇ 41 ਮਿੰਟ ਤੱਕ

ਨਿਸ਼ਿਤਾ ਮਹੂਰਤ - ਰਾਤ 11 ਵਜੇ 50 ਮਿੰਟ ਤੋਂ 12 ਵਜੇ 38 ਮਿੰਟ ਤੱਕ