Sharad Purnima 2025 : 6 ਜਾਂ 7 ਅਕਤੂਬਰ, ਕਿਸ ਦਿਨ ਮਨਾਈ ਜਾਵੇਗੀ ਸ਼ਰਧ ਪੂਰਨਿਮਾ ? ਜਾਣੋ ਇਸ਼ਨਾਨ-ਦਾਨ ਦੀ ਤਰੀਕ, ਮਹੂਰਤ ਤੇ ਪੂਜਾ ਵਿਧੀ
Sharad Purnima 2025 : ਸ਼ਰਦ ਪੁੰਨਿਆ ਦੇ ਦਿਨ ਚੰਦਰਮਾ ਧਰਤੀ ਦੇ ਸਭ ਤੋਂ ਨੇੜੇ ਹੁੰਦੇ ਹਨ। ਇਹ ਮੰਨਿਆ ਜਾਂਦਾ ਹੈ ਕਿ ਇਸ ਤਰੀਕ 'ਤੇ ਰਾਤ ਦੇ ਸਮੇਂ ਚੰਦਰਮਾ ਦੀ ਚਾਂਦਨੀ 'ਚ ਖੀਰ ਜਾਂ ਦੁੱਧ ਰੱਖਣ ਨਾਲ ਉਹ ਅੰਮ੍ਰਿਤ ਦੇ ਸਾਮਾਨ ਹੋ ਜਾਂਦਾ ਹੈ। ਇਹ ਖੀਰ ਪ੍ਰਸਾਦ ਦੇ ਰੂਪ 'ਚ ਪ੍ਰਾਪਤ ਕਰਨ ਨਾਲ ਬਿਮਾਰੀਆਂ ਤੋਂ ਮੁਕਤੀ ਮਿਲਦੀ ਹੈ ਤੇ ਸਿਹਤਮੰਦ ਜੀਵਨ ਪ੍ਰਾਪਤ ਹੁੰਦਾ ਹੈ।
Posted By Seema Anand
Publish Date: Mon, 29 Sep 2025 03:00 PM (IST)
Updated Date: Mon, 29 Sep 2025 03:22 PM (IST)
ਧਰਮ ਡੈਸਕ, ਨਵੀਂ ਦਿੱਲੀ : Sharad Purnima 2025 Date : ਅੱਸੂ ਮਹੀਨੇ ਦੇ ਸ਼ੁਕਲ ਪੱਖ ਦੀ ਪੂਰਨਿਮਾ ਤਿਥੀ ਨੂੰ ਅੱਸੂ ਪੁੰਨਿਆ ਮਨਾਈ ਜਾਵੇਗੀ ਜਿਸਨੂੰ ਸ਼ਰਦ ਪੁੰਨਿਆ ਤੇ ਕੋਜਾਗਰੀ ਪੁੰਨਿਆ ਦੇ ਨਾਮ ਨਾਲ ਵੀ ਜਾਣਿਆ ਜਾਂਦਾ ਹੈ। ਧਾਰਮਿਕ ਮਾਨਤਾਵਾਂ ਅਨੁਸਾਰ, ਇਹ ਸਾਲ ਦੀ ਸਭ ਤੋਂ ਮਹੱਤਵਪੂਰਨ ਤਰੀਕ ਮੰਨੀ ਜਾਂਦੀ ਹੈ, ਜਦੋਂ ਲੋਕ ਵੱਖ-ਵੱਖ ਕਿਸਮ ਦੇ ਪੂਜਾ ਅਨੁਸ਼ਠਾਨਾਂ ਦਾ ਪਾਲਣ ਕਰਦੇ ਹਨ ਕਿਉਂਕਿ ਇਸ ਦਿਨ (Ashwin Purnima 2025) ਚੰਦਰਮਾ ਆਪਣੀਆਂ ਸੋਲ਼ਾਂ ਕਲਾਵਾਂ ਨਾਲ ਸੰਪੂਰਨ ਹੁੰਦਾ ਹੈ। ਆਓ, ਇਸ ਦਿਨ ਨਾਲ ਜੁੜੀਆਂ ਕੁਝ ਮੁੱਖ ਗੱਲਾਂ ਨੂੰ ਜਾਣੀਏ :
ਸ਼ਰਦ ਪੂਰਨਿਮਾ 2025 ਕਦੋਂ ਹੈ? (Sharad Purnima 2025 Date and Time)
ਹਿੰਦੂ ਪੰਚਾਂਗ ਅਨੁਸਾਰ ਅੱਸੂ ਮਹੀਨੇ ਦੀ ਪੁੰਨਿਆ ਤਿਥੀ ਦੀ ਸ਼ੁਰੂਆਤ 6 ਅਕਤੂਬਰ ਨੂੰ ਦੁਪਹਿਰ 12 ਵਜ ਕੇ 23 ਮਿੰਟ 'ਤੇ ਹੋਵੇਗੀ। ਇਸ ਦੀ ਸਮਾਪਤੀ ਅਗਲੇ ਦਿਨ 07 ਅਕਤੂਬਰ ਨੂੰ ਸਵੇਰੇ 9 ਵਜ ਕੇ 16 ਮਿੰਟ 'ਤੇ ਹੋਵੇਗੀ। ਪੰਚਾਂਗ ਗਣਨਾ ਦੇ ਅਧਾਰ 'ਤੇ ਇਸ ਸਾਲ ਸ਼ਰਦ ਪੁੰਨਿਆ ਦਾ ਤਿਉਹਾਰ 6 ਅਕਤੂਬਰ (Sharad Purnima 2025 Date) ਨੂੰ ਮਨਾਇਆ ਜਾਵੇਗਾ।
ਸ਼ਰਦ ਪੂਰਨਿਮਾ ਇਸ਼ਨਾਨ-ਦਾਨ ਸਮਾਂ (Sharad Purnima 2025 Snan-Daan Time)
- ਬ੍ਰਹਮ ਮਹੂਰਤ : 4 : 39 ਮਿੰਟ ਤੋਂ 05 : 28 ਮਿੰਟ ਤਕ
- ਲਾਭ-ਉੱਨਤੀ ਮਹੂਰਤ : 10 : 41 ਮਿੰਟ ਤੋਂ 12 : 09 ਮਿੰਟ ਤਕ
- ਅੰਮ੍ਰਿਤ-ਸਰੋਤਮ ਮਹੂਰਤ : 12 : 09 ਮਿੰਟ ਤੋਂ 01 : 37 ਮਿੰਟ ਤਕ
ਸ਼ਰਦ ਪੁੰਨਿਆ ਦਾ ਮਹੱਤਵ (Sharad Purnima 2025 Significance)
ਸ਼ਰਦ ਪੁੰਨਿਆ ਦੇ ਦਿਨ ਚੰਦਰਮਾ ਧਰਤੀ ਦੇ ਸਭ ਤੋਂ ਨੇੜੇ ਹੁੰਦੇ ਹਨ। ਇਹ ਮੰਨਿਆ ਜਾਂਦਾ ਹੈ ਕਿ ਇਸ ਤਰੀਕ 'ਤੇ ਰਾਤ ਦੇ ਸਮੇਂ ਚੰਦਰਮਾ ਦੀ ਚਾਂਦਨੀ 'ਚ ਖੀਰ ਜਾਂ ਦੁੱਧ ਰੱਖਣ ਨਾਲ ਉਹ ਅੰਮ੍ਰਿਤ ਦੇ ਸਾਮਾਨ ਹੋ ਜਾਂਦਾ ਹੈ। ਇਹ ਖੀਰ ਪ੍ਰਸਾਦ ਦੇ ਰੂਪ 'ਚ ਪ੍ਰਾਪਤ ਕਰਨ ਨਾਲ ਬਿਮਾਰੀਆਂ ਤੋਂ ਮੁਕਤੀ ਮਿਲਦੀ ਹੈ ਤੇ ਸਿਹਤਮੰਦ ਜੀਵਨ ਪ੍ਰਾਪਤ ਹੁੰਦਾ ਹੈ।
ਇਸ ਤਰੀਕ 'ਤੇ ਮਾਂ ਲਕਸ਼ਮੀ ਤੇ ਭਗਵਾਨ ਵਿਸ਼ਨੂੰ ਦੀ ਪੂਜਾ ਦਾ ਵਿਧਾਨ ਹੈ ਜਿਸ ਨਾਲ ਧਨ-ਧਨਾਢ ਅਤੇ ਸੁੱਖ-ਖੁਸ਼ਹਾਲੀ ਦੀ ਪ੍ਰਾਪਤੀ ਹੁੰਦੀ ਹੈ।
ਸ਼ਰਦ ਪੁੰਨਿਆ ਪੂਜਾ ਵਿਧੀ (Sharad Purnima 2025 Puja Rituals)
- ਇਸ ਦਿਨ ਪਵਿੱਤਰ ਨਦੀ ਜਾਂ ਘਰ 'ਤੇ ਹੀ ਪਾਣੀ 'ਚ ਗੰਗਾਜਲ ਮਿਲਾ ਕੇ ਨਹਾਉਣ ਕਰੋ।
- ਸਾਫ਼ ਕੱਪੜੇ ਧਾਰਨ ਕਰੋ।
- ਵਰਤ ਅਤੇ ਪੂਜਾ ਦਾ ਸੰਕਲਪ ਲਓ।
- ਭਗਵਾਨ ਵਿਸ਼ਨੂੰ, ਮਾਤਾ ਲਕਸ਼ਮੀ ਤੇ ਚੰਦਰ ਦੇਵ ਦੀ ਪੂਜਾ ਕਰੋ।
- ਉਨ੍ਹਾਂ ਨੂੰ ਖੂਬਸੂਰਤ ਵਸਤਰ, ਫਲ, ਫੁੱਲ, ਅਕਸ਼ਤ, ਧੂਪ, ਦੀਪ ਆਦਿ ਅਰਪਿਤ ਕਰੋ।
- ਗਾਂ ਦੇ ਦੁੱਧ ਨਾਲ ਖੀਰ ਬਣਾ ਕੇ ਭੋਗ ਤਿਆਰ ਕਰੋ।
- ਇਸ ਦਿਨ ਚੰਦਰ ਦੇਵ ਨੂੰ ਅਰਘ ਦੇਣਾ ਨਾ ਭੁੱਲੋ।
- ਅਰਘ ਵਿਚ ਦੁੱਧ, ਚੌਲ ਤੇ ਸਫੈਦ ਫੁੱਲ ਮਿਲਾਓ।
- ਅਗਲੇ ਦਿਨ ਸੂਰਜ ਉੱਗਣ ਤੋਂ ਪਹਿਲਾਂ ਉਸ ਖੀਰ ਨੂੰ ਪ੍ਰਸਾਦ ਦੇ ਰੂਪ 'ਚ ਪ੍ਰਾਪਤ ਕਰੋ।
- ਪੁੰਨਿਆ ਦੇ ਦਿਨ ਅੰਨ, ਵਸਤਰ, ਚੌਲ, ਦੁੱਧ, ਮਠਿਆਈ ਤੇ ਦੱਖਣਾ ਦਾ ਦਾਨ ਜ਼ਰੂਰ ਕਰੋ।