ਮਈ 'ਚ ਜਨਮੇ ਲੋਕ ਹੁੰਦੇ ਹਨ ਬੇਹੱਦ ਖ਼ਾਸ ਤੇ ਜਨੂੰਨੀ, ਪੜ੍ਹੋ ਇਨ੍ਹਾਂ ਦੇ ਸੁਭਾਅ ਤੇ ਕਰੀਅਰ ਨਾਲ ਜੁੜੀਆਂ ਦਿਲਚਸਪ ਗੱਲਾਂ

ਧਰਮ ਡੈਸਕ, ਨਵੀਂ ਦਿੱਲੀ : ਜੋਤਿਸ਼ ਸ਼ਾਸਤਰ ਅਨੁਸਾਰ, ਕਿਸੇ ਵੀ ਵਿਅਕਤੀ ਦੇ ਜਨਮ ਦੇ ਮਹੀਨੇ ਤੋਂ ਉਸ ਦੀ ਸ਼ਖ਼ਸੀਅਤ, ਸੁਭਾਅ ਤੇ ਭਵਿੱਖ ਬਾਰੇ ਬਹੁਤ ਕੁਝ ਆਸਾਨੀ ਨਾਲ ਜਾਣਿਆ ਜਾ ਸਕਦਾ ਹੈ। ਮਈ ਦਾ ਮਹੀਨਾ ਸ਼ੁਰੂ ਹੋ ਗਿਆ ਹੈ। ਅਜਿਹੇ ਵਿੱਚ ਜਿਨ੍ਹਾਂ ਲੋਕਾਂ ਦਾ ਜਨਮ ਇਸ ਮਹੀਨੇ ਵਿੱਚ ਹੋਇਆ ਹੈ, ਉਹ ਆਪਣੇ ਬਾਰੇ ਜਾਣਨ ਲਈ ਕਾਫ਼ੀ ਉਤਸੁਕ ਰਹਿੰਦੇ ਹਨ। ਆਓ ਜਾਣਦੇ ਹਾਂ ਮਈ ਵਿੱਚ ਪੈਦਾ ਹੋਏ ਲੋਕਾਂ ਦੀਆਂ ਕੁਝ ਬੇਹੱਦ ਦਿਲਚਸਪ ਅਤੇ ਖ਼ਾਸ ਗੱਲਾਂ।

1. ਮੈਗਨੈਟਿਕ ਤੇ ਆਕਰਸ਼ਕ ਸ਼ਖ਼ਸੀਅਤ

ਜੋਤਿਸ਼ ਕਹਿੰਦਾ ਹੈ ਕਿ ਮਈ 'ਚ ਜਨਮੇ ਲੋਕ ਜਨਮ ਤੋਂ ਹੀ ਆਕਰਸ਼ਕ (Magnetic Personality) ਹੁੰਦੇ ਹਨ। ਇਨ੍ਹਾਂ ਦਾ ਡਰੈਸਿੰਗ ਸੈਂਸ ਕਮਾਲ ਦਾ ਹੁੰਦਾ ਹੈ ਤੇ ਇਹ ਹਮੇਸ਼ਾ ਬਣ-ਠਣ ਕੇ ਯਾਨੀ ਟਿਪ-ਟਾਪ ਰਹਿਣਾ ਪਸੰਦ ਕਰਦੇ ਹਨ। ਇਨ੍ਹਾਂ ਦੇ ਗੱਲ ਕਰਨ ਦਾ ਤਰੀਕਾ ਇੰਨਾ ਜ਼ਬਰਦਸਤ ਹੁੰਦਾ ਹੈ ਕਿ ਕੋਈ ਵੀ ਪਹਿਲੀ ਮੁਲਾਕਾਤ 'ਚ ਹੀ ਇਨ੍ਹਾਂ ਵੱਲ ਖਿੱਚਿਆ ਚਲਿਆ ਆਉਂਦਾ ਹੈ।

2. ਸੁਪਨਿਆਂ ਨੂੰ ਪੂਰਾ ਕਰਨ ਦਾ ਜਨੂੰਨ

ਇਨ੍ਹਾਂ ਲੋਕਾਂ ਦੀ ਸਭ ਤੋਂ ਵੱਡੀ ਤਾਕਤ ਇਨ੍ਹਾਂ ਦਾ ਜਨੂੰਨ ਤੇ ਥੋੜ੍ਹੀ ਜਿਹੀ ਜ਼ਿੱਦ ਹੁੰਦੀ ਹੈ। ਜੇਕਰ ਇਹ ਲੋਕ ਇਕ ਵਾਰ ਕਿਸੇ ਕੰਮ ਨੂੰ ਕਰਨ ਦਾ ਮਨ ਬਣਾ ਲੈਣ, ਤਾਂ ਫਿਰ ਪਿੱਛੇ ਮੁੜ ਕੇ ਨਹੀਂ ਦੇਖਦੇ। ਆਪਣੀ ਇਸੇ ਜ਼ਿੱਦ ਅਤੇ ਮਿਹਨਤ ਦੇ ਦਮ 'ਤੇ ਇਹ ਅਸੰਭਵ ਲੱਗਣ ਵਾਲੇ ਕੰਮ ਨੂੰ ਵੀ ਸੰਭਵ ਕਰ ਦਿਖਾਉਂਦੇ ਹਨ।

3. ਦਿਲ ਦੇ ਸਾਫ਼ ਅਤੇ ਜ਼ੁਬਾਨ ਦੇ ਪੱਕੇ

ਮਈ 'ਚ ਜਨਮੇ ਲੋਕ ਦਿਲ ਦੇ ਬੇਹੱਦ ਸਾਫ਼ ਹੁੰਦੇ ਹਨ। ਜੋ ਗੱਲ ਇਨ੍ਹਾਂ ਦੇ ਮਨ ਵਿੱਚ ਹੁੰਦੀ ਹੈ, ਉਹੀ ਜ਼ੁਬਾਨ 'ਤੇ ਵੀ ਹੁੰਦੀ ਹੈ। ਇਹ ਘੁਮਾ-ਫਿਰਾ ਕੇ ਗੱਲ ਕਰਨਾ ਪਸੰਦ ਨਹੀਂ ਕਰਦੇ। ਇਸ ਦੇ ਨਾਲ ਹੀ, ਇਹ ਦੋਸਤੀ ਨਿਭਾਉਣ ਵਿੱਚ ਸਭ ਤੋਂ ਅੱਗੇ ਰਹਿੰਦੇ ਹਨ ਅਤੇ ਆਪਣੇ ਵਾਅਦੇ ਦੇ ਪੱਕੇ ਹੁੰਦੇ ਹਨ।

4. ਜਲਦੀ ਆਉਂਦਾ ਹੈ ਗੁੱਸਾ

ਇਨ੍ਹਾਂ ਦੀ ਇਕ ਕਮਜ਼ੋਰੀ ਇਹ ਹੁੰਦੀ ਹੈ ਕਿ ਇਨ੍ਹਾਂ ਨੂੰ ਗੁੱਸਾ ਬਹੁਤ ਜਲਦੀ ਆ ਜਾਂਦਾ ਹੈ। ਹਾਲਾਂਕਿ, ਚੰਗੀ ਗੱਲ ਇਹ ਹੈ ਕਿ ਇਨ੍ਹਾਂ ਦਾ ਗੁੱਸਾ ਪਾਣੀ ਦੇ ਬੁਲਬੁਲੇ ਵਾਂਗ ਹੁੰਦਾ ਹੈ। ਇਹ ਜਿੰਨੀ ਜਲਦੀ ਨਾਰਾਜ਼ ਹੁੰਦੇ ਹਨ, ਉਨੀ ਹੀ ਜਲਦੀ ਸ਼ਾਂਤ ਵੀ ਹੋ ਜਾਂਦੇ ਹਨ ਅਤੇ ਪੁਰਾਣੀਆਂ ਗੱਲਾਂ ਨੂੰ ਭੁੱਲ ਜਾਂਦੇ ਹਨ।

5. ਲਗਜ਼ਰੀ ਲਾਈਫ ਦੇ ਹੁੰਦੇ ਹਨ ਸ਼ੌਕੀਨ

ਇਨ੍ਹਾਂ ਲੋਕਾਂ ਨੂੰ ਰਾਜਸੀ ਤੇ ਲਗਜ਼ਰੀ ਲਾਈਫਸਟਾਈਲ ਬਹੁਤ ਪਸੰਦ ਹੁੰਦੀ ਹੈ। ਮਹਿੰਗੀਆਂ ਗੱਡੀਆਂ, ਚੰਗੇ ਕੱਪੜੇ ਤੇ ਸੁੱਖ-ਸਹੂਲਤਾਂ ਇਨ੍ਹਾਂ ਨੂੰ ਹਮੇਸ਼ਾ ਆਪਣੇ ਵੱਲ ਖਿੱਚਦੀਆਂ ਹਨ। ਇਨ੍ਹਾਂ ਚੀਜ਼ਾਂ ਨੂੰ ਹਾਸਲ ਕਰਨ ਲਈ ਇਹ ਦਿਨ-ਰਾਤ ਕੜੀ ਮਿਹਨਤ ਵੀ ਕਰਦੇ ਹਨ।

ਕਰੀਅਰ ਤੇ ਧਨ

ਜੋਤਿਸ਼ ਸ਼ਾਸਤਰ ਅਨੁਸਾਰ, ਮਈ 'ਚ ਜਨਮੇ ਲੋਕ ਕ੍ਰਿਏਟਿਵ ਫੀਲਡ, ਬਿਜ਼ਨੈੱਸ ਅਤੇ ਮੈਨੇਜਮੈਂਟ 'ਚ ਬਹੁਤ ਤਰੱਕੀ ਕਰਦੇ ਹਨ। ਇਨ੍ਹਾਂ ਵਿਚ ਲੀਡਰਸ਼ਿਪ ਦੇ ਸ਼ਾਨਦਾਰ ਗੁਣ ਹੁੰਦੇ ਹਨ। ਪੈਸਿਆਂ ਦੇ ਮਾਮਲੇ ਵਿੱਚ ਇਨ੍ਹਾਂ ਦੀ ਕਿਸਮਤ ਕਾਫ਼ੀ ਚੰਗੀ ਹੁੰਦੀ ਹੈ, ਪਰ ਆਪਣੇ ਖ਼ਰਚੀਲੇ ਸੁਭਾਅ ਕਾਰਨ ਕਦੇ-ਕਦੇ ਇਨ੍ਹਾਂ ਨੂੰ ਆਰਥਿਕ ਪਰੇਸ਼ਾਨੀ ਦਾ ਸਾਹਮਣਾ ਵੀ ਕਰਨਾ ਪੈ ਜਾਂਦਾ ਹੈ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।