ਆਪਣੀਆਂ ਗੱਲਾਂ 'ਚ ਫਸਾਉਣ 'ਚ ਮਾਹਿਰ ਹੁੰਦੇ ਹਨ ਇਸ ਮੁਲਾਂਕ ਦੇ ਲੋਕ, ਵੱਡੇ-ਵੱਡੇ ਟੇਕ ਦਿੰਦੇ ਹਨ ਇਨ੍ਹਾਂ ਸਾਹਮਣੇ ਗੋਡੇ

ਧਰਮ ਡੈਸਕ, ਨਵੀਂ ਦਿੱਲੀ: ਮੁਲਾਂਕ ਤੁਹਾਡੀ ਜਨਮ ਤਾਰੀਖ਼ ਦਾ ਕੁੱਲ ਜੋੜ ਹੁੰਦਾ ਹੈ ਜਿਵੇਂ ਕਿ ਜੇਕਰ ਤੁਹਾਡਾ ਜਨਮ ਕਿਸੇ ਮਹੀਨੇ ਦੀ 16 ਤਾਰੀਖ਼ ਨੂੰ ਹੋਇਆ ਹੈ ਤਾਂ ਮੁਲਾਂਕ $1+6=7$ ਹੋਵੇਗਾ। ਅੱਜ ਅਸੀਂ ਤੁਹਾਨੂੰ ਕੁਝ ਅਜਿਹੇ ਮੁਲਾਂਕ ਦੇ ਜਾਤਕਾਂ ਬਾਰੇ ਦੱਸਣ ਜਾ ਰਹੇ ਹਾਂ, ਜਿਨ੍ਹਾਂ ਬਾਰੇ ਅੰਕ ਜੋਤਿਸ਼ ਸ਼ਾਸਤਰ 'ਚ ਮੰਨਿਆ ਗਿਆ ਹੈ ਕਿ ਇਹ ਜਾਤਕ ਜਿਸ ਨਾਲ ਵੀ ਗੱਲ ਕਰਦੇ ਹਨ, ਉਸ ਨੂੰ ਆਪਣਾ ਮੁਰੀਦ ਬਣਾ ਲੈਂਦੇ ਹਨ। ਇਹ ਆਪਣੀਆਂ ਗੱਲਾਂ ਨਾਲ ਕਿਸੇ ਨੂੰ ਵੀ ਸ਼ੀਸ਼ੇ ਵਿੱਚ ਉਤਾਰ ਲੈਂਦੇ ਹਨ, ਯਾਨੀ ਕਿਸੇ ਨੂੰ ਵੀ ਆਪਣੀਆਂ ਗੱਲਾਂ ਦੇ ਜਾਲ ਵਿੱਚ ਫਸਾ ਲੈਂਦੇ ਹਨ।

ਮੁਲਾਂਕ 1

ਜਿਨ੍ਹਾਂ ਲੋਕਾਂ ਦੇ ਜਨਮ ਦੀ ਤਾਰੀਖ਼ 1, 10, 19 ਜਾਂ 28 ਹੁੰਦੀ ਹੈ, ਅੰਕ ਜੋਤਿਸ਼ ਸ਼ਾਸਤਰ 'ਚ ਉਹ ਲੋਕ ਜਨਮਜਾਤ ਲੀਡਰ ਮੰਨੇ ਜਾਂਦੇ ਹਨ। ਇਸ ਮੁਲਾਂਕ ਦਾ ਸੁਆਮੀ ਸੂਰਜ ਹੈ। ਸੂਰਜ ਦੇ ਪ੍ਰਭਾਵ ਕਾਰਨ ਇਨ੍ਹਾਂ ਲੋਕਾਂ 'ਚ ਰਾਜਿਆਂ ਵਰਗੇ ਗੁਣ ਹੁੰਦੇ ਹਨ।

ਵਿਸ਼ੇਸ਼ਤਾਵਾਂ:

• ਮੁਲਾਂਕ 1 ਵਾਲੇ ਲੋਕ ਪੈਦਾਇਸ਼ੀ ਲੀਡਰ ਹੁੰਦੇ ਹਨ।
• ਇਨ੍ਹਾਂ ਵਿਚ ਗਜ਼ਬ ਦਾ ਆਤਮ-ਵਿਸ਼ਵਾਸ ਹੁੰਦਾ ਹੈ।
• ਆਪਣੀ ਗੱਲ ਨੂੰ ਇੰਨੀ ਸਪੱਸ਼ਟਤਾ ਨਾਲ ਰੱਖਦੇ ਹਨ ਕਿ ਸਾਹਮਣੇ ਵਾਲਾ ਬੇਝਿਜਕ ਦੇ ਮੰਨ ਲੈਂਦਾ ਹੈ।
• ਦਫ਼ਤਰ ਹੋਵੇ ਜਾਂ ਦੋਸਤਾਂ ਦਾ ਗਰੁੱਪ, ਇਹ ਹਰ ਜਗ੍ਹਾ ਆਪਣੀ ਧਾਕ ਜਮਾ ਲੈਂਦੇ ਹਨ।
• ਆਪਣੀ ਕਮਾਂਡਿੰਗ ਪਰਸਨੈਲਿਟੀ ਨਾਲ ਕਿਸੇ ਨੂੰ ਵੀ ਪ੍ਰਭਾਵਿਤ ਕਰ ਸਕਦੇ ਹਨ।

ਮੁਲਾਂਕ 6

ਜਿਨ੍ਹਾਂ ਲੋਕਾਂ ਦੀ ਜਨਮ ਤਾਰੀਖ਼ 6, 15 ਜਾਂ 24 ਹੁੰਦੀ ਹੈ, ਉਨ੍ਹਾਂ ਦਾ ਮੁਲਾਂਕ 6 ਮੰਨਿਆ ਜਾਂਦਾ ਹੈ। ਇਸ ਮੁਲਾਂਕ ਦੇ ਜਾਤਕਾਂ 'ਤੇ ਸ਼ੁੱਕਰ ਗ੍ਰਹਿ ਦਾ ਸ਼ਾਸਨ ਹੁੰਦਾ ਹੈ, ਜੋ ਗਲੈਮਰ, ਆਕਰਸ਼ਣ ਤੇ ਪਿਆਰ ਦੇ ਕਾਰਕ ਹਨ।

ਵਿਸ਼ੇਸ਼ਤਾਵਾਂ:

• ਸ਼ੁੱਕਰ ਦੇ ਪ੍ਰਭਾਵ ਨਾਲ ਇਹ ਲੋਕ ਬੇਹੱਦ ਆਕਰਸ਼ਕ, ਮਿਲਨਸਾਰ ਅਤੇ ਕਲਾ ਪ੍ਰੇਮੀ ਹੁੰਦੇ ਹਨ।
• ਇਨ੍ਹਾਂ ਦਾ ਸੁਭਾਅ ਹਸਮੁੱਖ ਹੁੰਦਾ ਹੈ।
• ਇਹ ਦੂਜੇ ਲੋਕਾਂ ਨਾਲ ਤੁਰੰਤ ਜੁੜ ਜਾਂਦੇ ਹਨ।
• ਇਹ ਲੋਕ ਆਪਣੀਆਂ ਮਿੱਠੀਆਂ ਗੱਲਾਂ ਨਾਲ ਕਿਸੇ ਦਾ ਵੀ ਦਿਲ ਪਲ ਭਰ 'ਚ ਜਿੱਤ ਲੈਂਦੇ ਹਨ।
• ਇਨ੍ਹਾਂ ਨੂੰ "ਗੱਲਾਂ ਨਾਲ ਆਪਣਾ ਕੰਮ ਕਢਵਾਉਣ" ਵਿੱਚ ਉਸਤਾਦ ਮੰਨਿਆ ਜਾਂਦਾ ਹੈ।

ਮੁਲਾਂਕ 8

ਅੰਕ ਜੋਤਿਸ਼ ਸ਼ਾਸਤਰ ਮੁਤਾਬਕ, ਜਿਨ੍ਹਾਂ ਲੋਕਾਂ ਦੀ ਜਨਮ ਤਾਰੀਖ਼ 8, 17, 26 ਹੁੰਦੀ ਹੈ, ਉਨ੍ਹਾਂ ਦਾ ਮੂਲਾਂਕ 8 ਹੁੰਦਾ ਹੈ। ਇਹ ਲੋਕ ਸ਼ਨੀ ਗ੍ਰਹਿ ਤੋਂ ਪ੍ਰਭਾਵਿਤ ਹੁੰਦੇ ਹਨ, ਜੋ ਅਨੁਸ਼ਾਸਨ ਤੇ ਨਿਆਂ ਦੇ ਪ੍ਰਤੀਕ ਹਨ।

ਵਿਸ਼ੇਸ਼ਤਾਵਾਂ:

• ਇਨ੍ਹਾਂ ਲੋਕਾਂ 'ਚ ਗਜ਼ਬ ਦਾ ਸਬਰ ਤੇ ਇਕ ਬਿਹਤਰੀਨ ਰਣਨੀਤਕ ਦਿਮਾਗ ਹੁੰਦਾ ਹੈ।
• ਇਹ ਬਹੁਤ ਪ੍ਰੈਕਟੀਕਲ ਹੁੰਦੇ ਹਨ ਤੇ ਬਿਨਾਂ ਸੋਚੇ-ਸਮਝੇ ਜਾਂ ਬਿਨਾਂ ਤੱਥਾਂ ਦੇ ਕੋਈ ਗੱਲ ਨਹੀਂ ਕਰਦੇ।
• ਆਪਣੀ ਇਸੇ ਗੰਭੀਰ, ਸੁਲਝੀ ਹੋਈ ਤੇ ਤਰਕਪੂਰਣ ਸੋਚ ਦੇ ਦਮ 'ਤੇ ਇਹ ਦੂਜਿਆਂ ਨੂੰ ਬਹੁਤ ਜਲਦੀ ਪ੍ਰਭਾਵਿਤ ਅਤੇ ਪ੍ਰੇਰਿਤ ਕਰ ਲੈਂਦੇ ਹਨ।
• ਵੱਡੇ ਤੋਂ ਵੱਡਾ ਬੁੱਧੀਮਾਨ ਵਿਅਕਤੀ ਵੀ ਇਨ੍ਹਾਂ ਦੀ ਡੂੰਘੀ ਸੋਚ ਦੇ ਅੱਗੇ ਨਹੀਂ ਟਿਕ ਪਾਉਂਦਾ।
• ਕਾਰਜਖੇਤਰ ਹੋਵੇ ਜਾਂ ਸਮਾਜਿਕ ਜੀਵਨ, ਇਨ੍ਹਾਂ ਦੀਆਂ ਗੱਲਾਂ ਦਾ ਜਾਦੂ ਲੋਕਾਂ 'ਤੇ ਅਜਿਹਾ ਚੱਲਦਾ ਹੈ ਕਿ ਵੱਡੇ-ਵੱਡੇ ਵੀ ਇਨ੍ਹਾਂ ਦੇ ਤਰਕਾਂ ਦੇ ਸਾਹਮਣੇ ਗੋਡੇ ਟੇਕ ਦਿੰਦੇ ਹਨ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।