ਸਿਰਫ਼ ਸਜਾਵਟ ਨਹੀਂ, 'ਕਿਸਮਤ ਦੀ ਘੰਟੀ' ਹੈ ਵਿੰਡ ਚਾਈਮ; ਫੇਂਗਸ਼ੂਈ ਅਨੁਸਾਰ ਘਰ ਵਿਚ ਇੱਥੇ ਟੰਗੋ

ਧਰਮ ਡੈਸਕ, ਨਵੀਂ ਦਿੱਲੀ: ਅਕਸਰ ਲੋਕ ਘਰ ਦੀ ਸਜਾਵਟ ਲਈ ਵਿੰਡ ਚਾਈਮ (Wind Chime) ਲਗਾਉਣਾ ਪਸੰਦ ਕਰਦੇ ਹਨ, ਪਰ ਇਹ ਸਿਰਫ਼ ਸਜਾਵਟ ਦੀ ਇੱਕ ਵਸਤੂ ਨਹੀਂ ਹੈ, ਸਗੋਂ ਫੇਂਗਸ਼ੂਈ ਅਨੁਸਾਰ ਇਸਨੂੰ ਇੱਕ ਸ਼ਕਤੀਸ਼ਾਲੀ ਹੀਲਿੰਗ ਟੂਲ (Healing Tool) ਮੰਨਿਆ ਗਿਆ ਹੈ। ਚਲੋ ਜਾਣਦੇ ਹਾਂ ਕਿ ਫੇਂਗਸ਼ੂਈ ਦੇ ਨਿਯਮਾਂ ਦਾ ਧਿਆਨ ਰੱਖਦੇ ਹੋਏ ਤੁਸੀਂ ਕਿਸ ਤਰ੍ਹਾਂ ਘਰ ਵਿੱਚ ਵਿੰਡ ਚਾਈਮ ਲਗਾ ਕੇ ਲਾਭ ਪ੍ਰਾਪਤ ਕਰ ਸਕਦੇ ਹੋ।

ਕਿਵੇਂ ਕੰਮ ਕਰਦਾ ਹੈ ਵਿੰਡ ਚਾਈਮ?

ਜਦੋਂ ਹਵਾ ਚੱਲਦੀ ਹੈ, ਤਾਂ ਵਿੰਡ ਚਾਈਮ ਵਿੱਚੋਂ ਇਕ ਮਿੱਠੀ ਆਵਾਜ਼ ਨਿਕਲਦੀ ਹੈ। ਫੇਂਗਸ਼ੂਈ ਅਨੁਸਾਰ, ਇਹ ਆਵਾਜ਼ ਘਰ ਦੀ ਖੜ੍ਹੀ ਹੋਈ ਨਕਾਰਾਤਮਕ ਊਰਜਾ (Stagnant Energy) ਨੂੰ ਤੋੜ ਕੇ ਉਸਨੂੰ ਸਰਗਰਮ ਸਕਾਰਾਤਮਕ ਊਰਜਾ 'ਚ ਬਦਲਣ ਦਾ ਕੰਮ ਕਰਦੀ ਹੈ। ਇਸ ਦੀ ਆਵਾਜ਼ ਨਾਲ ਘਰ ਦੇ ਮੈਂਬਰਾਂ ਦਾ ਮਾਨਸਿਕ ਤਣਾਅ ਘੱਟ ਹੁੰਦਾ ਹੈ ਅਤੇ ਵਾਤਾਵਰਨ 'ਚ ਖੁਸ਼ਹਾਲੀ ਆਉਂਦੀ ਹੈ।

ਕਿੱਥੇ ਲਗਾਈਏ ਵਿੰਡ ਚਾਈਮ?

ਵਿੰਡ ਚਾਈਮ ਨੂੰ ਘਰ ਦੀ ਪੱਛਮ, ਉੱਤਰ ਜਾਂ ਉੱਤਰ-ਪੱਛਮ ਦਿਸ਼ਾ ਦੀ ਖਿੜਕੀ ਜਾਂ ਫਿਰ ਬਾਲਕੋਨੀ 'ਚ ਲਗਾਉਣਾ ਚਾਹੀਦਾ ਹੈ। ਇਸ ਨਾਲ ਘਰ ਵਿਚ ਸਕਾਰਾਤਮਕ ਊਰਜਾ ਤੇ ਸੁੱਖ-ਸ਼ਾਂਤੀ ਬਣੀ ਰਹਿੰਦੀ ਹੈ। ਤੁਸੀਂ ਇਸਨੂੰ ਮੁੱਖ ਦਰਵਾਜ਼ੇ ਦੇ ਕੋਲ ਜਾਂ ਅਜਿਹੇ ਕੋਨਿਆਂ 'ਚ ਲਟਕਾ ਸਕਦੇ ਹੋ ਜਿੱਥੇ ਹਵਾ ਦਾ ਵਹਾਅ ਚੰਗਾ ਹੋਵੇ ਤਾਂ ਜੋ ਇਸ ਦੀ ਆਵਾਜ਼ ਨਾਲ ਘਰ ਵਿਚ ਪਾਜ਼ੇਟਿਵ ਐਨਰਜੀ ਦਾ ਪ੍ਰਵਾਹ ਬਣਿਆ ਰਹੇ।

ਕਿਹੋ ਜਿਹਾ ਹੋਣਾ ਚਾਹੀਦਾ ਹੈ ਵਿੰਡ ਚਾਈਮ?

ਜੇਕਰ ਤੁਸੀਂ ਘਰ ਦੀ ਉੱਤਰ ਜਾਂ ਪੱਛਮ ਦਿਸ਼ਾ ਵਿੱਚ ਵਿੰਡ ਚਾਈਮ ਲਗਾ ਰਹੇ ਹੋ, ਤਾਂ ਧਾਤੂ (Metal) ਦੇ ਵਿੰਡ ਚਾਈਮ ਦੀ ਵਰਤੋਂ ਕਰੋ, ਜਿਸ ਵਿੱਚ 6 ਜਾਂ 7 ਛੜਾਂ (rods) ਹੋਣ। ਇਸਨੂੰ ਕਰੀਅਰ ਲਈ ਸ਼ੁਭ ਮੰਨਿਆ ਜਾਂਦਾ ਹੈ। ਦਫ਼ਤਰ ਜਾਂ ਦੁਕਾਨ ਵਿੱਚ ਵਿੰਡ ਚਾਈਮ ਲਗਾਉਣ ਲਈ ਹਮੇਸ਼ਾ ਪੂਰਬ ਜਾਂ ਉੱਤਰ ਦਿਸ਼ਾ ਦੀ ਚੋਣ ਕਰਨੀ ਚਾਹੀਦੀ ਹੈ, ਕਿਉਂਕਿ ਇਸ ਨਾਲ ਉੱਨਤੀ ਹੁੰਦੀ ਹੈ ਅਤੇ ਤੁਹਾਨੂੰ ਕਰੀਅਰ ਵਿੱਚ ਚੰਗੇ ਨਤੀਜੇ ਮਿਲਣ ਲੱਗਦੇ ਹਨ।

ਨਾ ਕਰੋ ਇਹ ਗ਼ਲਤੀ

• ਇਸ ਗੱਲ ਦਾ ਧਿਆਨ ਰੱਖੋ ਕਿ ਵਿੰਡ ਚਾਈਮ 'ਤੇ ਧੂੜ ਜਮ੍ਹਾਂ ਨਾ ਹੋਣ ਦਿਓ। ਕਿਉਂਕਿ ਫੇਂਗਸ਼ੂਈ ਵਿੱਚ ਮੰਨਿਆ ਗਿਆ ਹੈ ਕਿ ਗੰਦੀਆਂ ਚੀਜ਼ਾਂ ਨਕਾਰਾਤਮਕਤਾ ਨੂੰ ਆਕਰਸ਼ਿਤ ਕਰਦੀਆਂ ਹਨ।
• ਵਿੰਡ ਚਾਈਮ ਖ਼ਰੀਦਦੇ ਸਮੇਂ ਧਿਆਨ ਦਿਓ ਕਿ ਉਸ ਦੀ ਆਵਾਜ਼ ਕੰਨਾਂ ਨੂੰ ਚੁਭਣ ਵਾਲੀ ਨਾ ਹੋਵੇ, ਸਗੋਂ ਇਹ ਆਵਾਜ਼ ਸਕੂਨ ਦੇਣ ਵਾਲੀ ਸੰਗੀਤ ਵਰਗੀ ਹੋਣੀ ਚਾਹੀਦੀ ਹੈ।
• ਕਦੇ ਵੀ ਬੈੱਡ ਦੇ ਉੱਪਰ ਜਾਂ ਦਰਵਾਜ਼ੇ ਦੇ ਬਿਲਕੁਲ ਉੱਪਰ ਵਿੰਡ ਚਾਈਮ ਨਹੀਂ ਲਗਾਉਣਾ ਚਾਹੀਦਾ। ਇਸ ਦੀ ਬਜਾਏ ਇਸਨੂੰ ਸੱਜੇ ਜਾਂ ਖੱਬੇ ਪਾਸੇ ਲਗਾਓ।
• ਵਿੰਡ ਚਾਈਮ ਨੂੰ ਰਸੋਈ ਜਾਂ ਮੰਦਰ ਵਿੱਚ ਲਗਾਉਣ ਤੋਂ ਬਚੋ।
• ਵਿੰਡ ਚਾਈਮ ਨੂੰ ਅਜਿਹੀਆਂ ਥਾਵਾਂ 'ਤੇ ਵੀ ਨਾ ਲਗਾਓ ਜਿੱਥੋਂ ਵਾਰ-ਵਾਰ ਲੰਘਣਾ ਪੈਂਦਾ ਹੋਵੇ ਜਾਂ ਉਸ ਦੇ ਹੇਠਾਂ ਬੈਠਣਾ ਪਵੇ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।