Name Astrology : ਬਾਹਰੋਂ ਸ਼ਾਂਤ ਤੇ ਅੰਦਰੋਂ ਜਵਾਲਾਮੁਖੀ; ਕਿਉਂ 'M' ਨਾਮ ਵਾਲੇ ਲੋਕ ਭੀੜ 'ਚ ਵੀ ਦਿਖਦੇ ਹਨ ਵੱਖਰੇ?

ਧਰਮ ਡੈਸਕ, ਨਵੀਂ ਦਿੱਲੀ: ਨਾਮ ਜੋਤਿਸ਼, ਜੋ ਕਿ ਜੋਤਿਸ਼ ਸ਼ਾਸਤਰ ਦਾ ਹੀ ਇਕ ਹਿੱਸਾ ਹੈ, 'ਚ ਵਿਅਕਤੀ ਦੇ ਨਾਂ ਦੇ ਪਹਿਲੇ ਅੱਖਰ ਦਾ ਬਹੁਤ ਮਹੱਤਵ ਮੰਨਿਆ ਗਿਆ ਹੈ। ਨਾਮ ਜੋਤਿਸ਼ 'ਚ ਇਹ ਮੰਨਿਆ ਜਾਂਦਾ ਹੈ ਕਿ ਹਰ ਨਾਂ ਦਾ ਆਪਣਾ ਮਹੱਤਵ ਹੁੰਦਾ ਹੈ, ਜੋ ਵਿਅਕਤੀ ਦੀਆਂ ਖੂਬੀਆਂ ਤੇ ਕਮਜ਼ੋਰੀਆਂ ਨੂੰ ਉਜਾਗਰ ਕਰ ਸਕਦਾ ਹੈ। ਅੱਜ ਅਸੀਂ ਉਨ੍ਹਾਂ ਲੋਕਾਂ ਬਾਰੇ ਗੱਲ ਕਰਾਂਗੇ ਜਿਨ੍ਹਾਂ ਦਾ ਨਾਂ ਅੰਗਰੇਜ਼ੀ ਦੇ 'M' ਅੱਖਰ ਤੇ ਪੰਜਾਬੀ/ਹਿੰਦੀ ਦੇ 'ਮ' ਅੱਖਰ ਨਾਲ ਸ਼ੁਰੂ ਹੁੰਦਾ ਹੈ।

ਕਿਹੋ ਜਿਹਾ ਹੁੰਦਾ ਹੈ ਸੁਭਾਅ?

'M' ਨਾਂ ਵਾਲੇ ਲੋਕਾਂ ਦੇ ਸੁਭਾਅ ਦੀ ਗੱਲ ਕੀਤੀ ਜਾਵੇ ਤਾਂ ਇਹ ਲੋਕ ਆਮ ਤੌਰ 'ਤੇ ਉਤਸ਼ਾਹੀ (ਖਾਹਸ਼ੀ) ਤੇ ਮਿਹਨਤੀ ਹੋਣ ਦੇ ਨਾਲ-ਨਾਲ ਕਾਫ਼ੀ ਭਾਵੁਕ ਹੁੰਦੇ ਹਨ। ਇਹ ਲੋਕ ਬਹੁਤ ਹੀ ਅਨੁਸ਼ਾਸਨਪਸੰਦ ਤੇ ਆਪਣੇ ਕੰਮ ਪ੍ਰਤੀ ਇਮਾਨਦਾਰ ਹੁੰਦੇ ਹਨ। ਇਨ੍ਹਾਂ ਨੂੰ ਹਰ ਕੰਮ ਯੋਜਨਾਬੱਧ ਤਰੀਕੇ ਨਾਲ ਕਰਨਾ ਪਸੰਦ ਹੁੰਦਾ ਹੈ। ਨਾਮ ਜੋਤਿਸ਼ ਸ਼ਾਸਤਰ ਅਨੁਸਾਰ 'M' ਨਾਮ ਵਾਲੇ ਲੋਕ ਦਿਲ ਦੇ ਬਹੁਤ ਸਾਫ਼ ਮੰਨੇ ਜਾਂਦੇ ਹਨ।

'M' ਨਾਮ ਵਾਲਿਆਂ ਦੀਆਂ ਖੂਬੀਆਂ:

• 'M' ਨਾਮ ਵਾਲੇ ਲੋਕ ਆਪਣੇ ਟੀਚਿਆਂ ਨੂੰ ਲੈ ਕੇ ਗੰਭੀਰ ਹੁੰਦੇ ਹਨ ਅਤੇ ਸਖ਼ਤ ਮਿਹਨਤ ਨਾਲ ਸਫਲਤਾ ਹਾਸਲ ਕਰਦੇ ਹਨ।
• ਨਾਮ ਜੋਤਿਸ਼ 'ਚ ਇਨ੍ਹਾਂ ਲੋਕਾਂ ਨੂੰ ਇਮੋਸ਼ਨਲ ਮੰਨਿਆ ਗਿਆ ਹੈ ਤੇ ਇਹ ਰਿਸ਼ਤਿਆਂ ਨੂੰ ਬਹੁਤ ਅਹਿਮੀਅਤ ਦਿੰਦੇ ਹਨ।
• ਇਨ੍ਹਾਂ ਲੋਕਾਂ ਨੂੰ ਗੱਲਾਂ ਘੁਮਾ-ਫਿਰਾ ਕੇ ਕਰਨਾ ਪਸੰਦ ਨਹੀਂ ਹੁੰਦਾ; ਜੋ ਦਿਲ ਵਿੱਚ ਹੁੰਦਾ ਹੈ, ਉਹ ਸਾਫ਼ ਬੋਲ ਦਿੰਦੇ ਹਨ।
• 'M' ਨਾਮ ਵਾਲੇ ਲੋਕ ਬਹੁਤ ਭਰੋਸੇਮੰਦ ਮੰਨੇ ਜਾਂਦੇ ਹਨ।
• ਆਪਣੇ ਪਿਆਰਿਆਂ ਲਈ ਇਹ ਲੋਕ ਕਿਸੇ ਵੀ ਹੱਦ ਤੱਕ ਜਾ ਸਕਦੇ ਹਨ।
• ਇਹ ਲੋਕ ਗੰਭੀਰ ਸੋਚ ਵਾਲੇ ਤੇ ਪ੍ਰੈਕਟੀਕਲ ਹੋਣ ਦੇ ਨਾਲ-ਨਾਲ ਰਚਨਾਤਮਕ (creative) ਤਰੀਕੇ ਨਾਲ ਮੁਸ਼ਕਲਾਂ ਦਾ ਹੱਲ ਲੱਭ ਲੈਂਦੇ ਹਨ।

ਕਿਹੋ ਜਿਹੀ ਹੁੰਦੀ ਹੈ ਲਵ ਲਾਈਫ?

'M' ਨਾਮ ਵਾਲੇ ਲੋਕਾਂ ਦੀ ਲਵ ਲਾਈਫ ਦੀ ਗੱਲ ਕਰੀਏ ਤਾਂ ਇਹ ਲੋਕ ਰਿਸ਼ਤਿਆਂ ਨੂੰ ਪੂਰੀ ਵਫ਼ਾਦਾਰੀ ਨਾਲ ਨਿਭਾਉਂਦੇ ਹਨ। ਪਿਆਰ ਦੇ ਮਾਮਲੇ 'ਚ ਇਹ ਬਹੁਤ ਭਾਵੁਕ, ਸੰਵੇਦਨਸ਼ੀਲ ਤੇ ਵਫ਼ਾਦਾਰ ਹੁੰਦੇ ਹਨ। ਇਹ ਲੋਕ ਜਲਦੀ ਪਿਆਰ ਵਿੱਚ ਪੈ ਜਾਂਦੇ ਹਨ, ਪਰ ਆਪਣੇ ਦਿਲ ਦੀ ਗੱਲ ਖੁੱਲ੍ਹ ਕੇ ਨਹੀਂ ਕਹਿ ਪਾਉਂਦੇ।

ਇਨ੍ਹਾਂ ਨੂੰ ਪਿਆਰ 'ਚ ਕਾਹਲੀ ਕਰਨਾ ਪਸੰਦ ਨਹੀਂ ਹੁੰਦਾ, ਪਰ ਇੱਕ ਵਾਰ ਜਦੋਂ ਰਿਸ਼ਤਾ ਜੁੜ ਜਾਂਦਾ ਹੈ ਤਾਂ ਇਹ ਲੋਕ ਉਸਨੂੰ ਪੂਰੀ ਸ਼ਿੱਦਤ ਨਾਲ ਨਿਭਾਉਂਦੇ ਹਨ। ਇਹ ਆਪਣੇ ਪਾਰਟਨਰ ਲਈ ਬਹੁਤ ਵਫ਼ਾਦਾਰ (Loyal) ਰਹਿੰਦੇ ਹਨ।