ਸਿਰ 'ਤੇ ਸਵਾਰ ਰਹਿੰਦੈ 'ਕੰਮ ਦਾ ਭੂਤ', Numerology 'ਚ ਇਨ੍ਹਾਂ 2 ਮੁਲਾਕਾਂ ਨੂੰ ਮੰਨਿਆ ਗਿਆ ਹੈ 'ਵਰਕਹੋਲਿਕ'

ਧਰਮ ਡੈਸਕ, ਨਵੀਂ ਦਿੱਲੀ : ਅੰਕ ਜੋਤਿਸ਼ 'ਚ ਕੁਝ ਮੁਲਾਂਕ ਅਜਿਹੇ ਹੁੰਦੇ ਹਨ ਜਿਨ੍ਹਾਂ ਨੂੰ ਸਭ ਤੋਂ ਪਿਆਰਾ ਆਪਣਾ ਕੰਮ ਹੁੰਦਾ ਹੈ ਤੇ ਇਸੇ ਲਈ ਇਨ੍ਹਾਂ ਵਰਕਹੋਲਿਕ (Workaholic) ਮੰਨਿਆ ਗਿਆ ਹੈ। ਅੰਦਰ ਕੁੱਟ-ਕੁੱਟ ਕੇ ਭਰਿਆ ਕੰਮ ਪ੍ਰਤੀ ਜਨੂਨ ਤੇ ਸਮਰਪਣ ਦੀ ਭਾਵਨਾ ਇਨ੍ਹਾਂ ਨੂੰ ਆਰਾਮ ਨਾਲੋਂ ਜ਼ਿਆਦਾ ਟੀਚਿਆਂ ਨੂੰ ਫੁੰਡਣ ਵੱਲ ਫੋਕਸ ਕਰਨ 'ਚ ਮਦਦ ਕਰਦੀ ਹੈ। ਆਓ ਜਾਣਦੇ ਹਾਂ ਅਜਿਹੇ ਦੋ ਮੁਲਾਂਕਾਂ ਬਾਰੇ ਜਿਹੜੇ ਨਿੱਠ ਕੇ ਕੰਮ ਕਰਦੇ ਹਨ।

ਹਰ ਵੇਲੇ ਰਹਿੰਦਾ ਕੰਮ ਦਾ ਭੂਤ ਸਵਾਰ

ਜਿਹੜੇ ਜਾਤਕਾਂ ਦਾ ਜਨਮ ਕਿਸੇ ਵੀ ਮਹੀਨੇ ਦੀ 4, 13, 22 ਜਾਂ 31 ਤਾਰੀਖ ਨੂੰ ਹੋਇਆ ਹੋਵੇ, ਉਨ੍ਹਾਂ ਦਾ ਮੁਲਾਂਕ 4 ਮੰਨਿਆ ਜਾਂਦਾ ਹੈ। ਇਸ ਦਾ ਸਵਾਮੀ ਗ੍ਰਹਿ ਰਾਹੂ ਹੈ। ਇਸ ਮੁਲਾਂਕ ਦੇ ਜਾਤਕਾਂ ਨੂੰ ਅਨੁਸ਼ਾਸਨ ਬੇਹੱਦ ਪਿਆਰਾ ਹੁੰਦਾ ਹੈ। ਮਿਹਨਤੀ ਅਤੇ ਜ਼ਿੱਦੀ ਸੁਭਾਅ ਦੇ ਮਾਲਕ ਹੋਣ ਕਰਕੇ ਇਹ ਲੋਕ ਜਿਹੜਾ ਵੀ ਟੀਚਾ ਮਿੱਥ ਲੈਂਦੇ ਹਨ, ਉਸ ਨੂੰ ਪੂਰਾ ਕਰਨ ਦੀ ਦਿਨ-ਰਾਤ ਇਕ ਕਰ ਦਿੰਦੇ ਹਨ।

ਮੁਲਾਂਕ 4 ਦੀਆਂ ਖੂਬੀਆਂ

• ਅੰਕ ਜੋਤਿਸ਼ ਸ਼ਾਸਤਰ 'ਚ ਇਸ ਮੁਲਾਂਕ ਦੇ ਜਾਤਕਾਂ ਨੂੰ ਕਾਫੀ ਮਿਹਨਤੀ ਤੇ ਕ੍ਰਾਂਤੀਕਾਰੀ ਮੰਨਿਆ ਜਾਂਦਾ ਹੈ।
• ਇਨ੍ਹਾਂ ਲੋਕਾਂ ਨੂੰ ਆਪਣਾ ਕੰਮ ਵਿਵਸਥਿਤ ਤੇ ਪਲਾਨਿੰਗ ਨਾਲ ਕਰਨਾ ਪਸੰਦ ਹੁੰਦਾ ਹੈ।
• ਇਹ ਸੁਪਨਿਆਂ 'ਚ ਰਹਿਣ ਦੀ ਬਜਾਏ ਅਸਲੀਅਤ 'ਚ ਯਕੀਨ ਰੱਖਦੇ ਹਨ।
• ਇਨ੍ਹਾਂ ਵਿਚ ਆਪਣੀਆਂ ਸਮੱਸਿਆਵਾਂ ਨੂੰ ਸੁਲਝਾਉਣ ਦੀ ਅਦਭੁਤ ਸਮਰੱਥਾ ਹੁੰਦੀ ਹੈ।
• ਇਹ ਲੋਕ ਆਪਣੀਆਂ ਗੱਲਾਂ 'ਚ ਬੇਹੱਦ ਸੱਚੇ, ਇਮਾਨਦਾਰ ਤੇ ਸਪੱਸ਼ਟਵਾਦੀ ਹੁੰਦੇ ਹਨ।
• ਇਹ ਲੋਕ ਮੂੰਹ 'ਤੇ ਗੱਲ ਕਰਦੇ ਹਨ। ਪਿੱਠ ਪਿੱਛੇ ਗੱਲ ਕਰਨਾ ਇਨ੍ਹਾਂ ਨੂੰ ਬਿਲਕੁਲ ਪਸੰਦ ਨਹੀਂ ਹੁੰਦਾ।
• ਲਵ ਲਾਈਫ ਦੀ ਗੱਲ ਕਰੀਏ ਤਾਂ ਇਹ ਲੋਕ ਆਪਣੇ ਰਿਸ਼ਤਿਆਂ 'ਚ ਕਾਫੀ ਵਫ਼ਾਦਾਰ ਤੇ ਜ਼ਿੰਦਗੀ ਭਰ ਸਾਥ ਨਿਭਾਉਣ ਵਾਲੇ ਹੁੰਦੇ ਹਨ।
• ਇਨ੍ਹਾਂ ਨੂੰ ਲੀਕ ਤੋਂ ਹੱਟ ਕੇ ਕੰਮ ਕਰਨਾ ਪਸੰਦ ਹੁੰਦਾ ਹੈ ਤੇ ਇਹ ਲੋਕ ਭੀੜ ਤੋਂ ਅਲੱਗ ਆਪਣਾ ਇਕ ਵੱਖਰਾ ਰਸਤਾ ਬਣਾਉਂਦੇ ਹਨ।

ਇਹ ਮੁਲਾਂਕ ਵੀ ਹੁੰਦੈ ਵਰਕਹੋਲਿਕ

ਮੁਲਾਂਕ 8 ਨੂੰ ਵੀ ਇਕ ਵਰਕਹੋਲਿਕ ਮੁਲਾਂਕ ਮੰਨਿਆ ਗਿਆ ਹੈ। ਜਿਹੜੇ ਲੋਕਾਂ ਦੀ ਜਨਮ ਤਰੀਕ 8, 17 ਜਾਂ ਫਿਰ 26 ਹੁੰਦੀ ਹੈ, ਉਨ੍ਹਾਂ ਦਾ ਮੁਲਾਂਕ 8 ਹੁੰਦਾ ਹੈ। ਇਸ ਮੁਲਾਂਕ ਦੇ ਗ੍ਰਹਿ ਸਵਾਮੀ ਸ਼ਨੀ ਹਨ। ਅਜਿਹੇ ਵਿਚ ਇਸ ਮੁਲਾਂਕ ਦੇ ਲੋਕ ਕਰਮ ਤੇ ਅਨੁਸ਼ਾਸਨਪ੍ਰਿਅ ਹੁੰਦੇ ਹਨ। ਇਹ ਲੋਕ ਬਹੁਤ ਜ਼ਿਆਦਾ ਕੰਮ (Workholic) ਕਰਨ ਵਾਲੇ ਮੰਨੇ ਜਾਂਦੇ ਹਨ। ਆਪਣੀ ਕਿਸਮਤ ਤੋਂ ਵੱਧ ਕਰਮ 'ਤੇ ਵਿਸ਼ਵਾਸ ਰੱਖਦੇ ਹਨ ਤੇ ਸਖ਼ਤ ਮਿਹਨਤ ਨਾਲ ਕਾਮਯਾਬੀ ਹਾਸਲ ਕਰਦੇ ਹਨ।

ਮੁਲਾਂਕ 8 ਦੀਆਂ ਖੂਬੀਆਂ

• ਇਸ ਮੁਲਾਂਕ ਦੇ ਜਾਤਕ ਖਾਹਸ਼ੀ, ਸੰਘਰਸ਼ਸ਼ੀਲ ਤੇ ਮਜ਼ਬੂਤ ਇਰਾਦਿਆਂ ਵਾਲੇ ਹੁੰਦੇ ਹਨ।
• ਮਿਹਨਤੀ, ਨਿਆਂ ਪ੍ਰਿਅ, ਸੰਜੀਦਾ, ਖਾਹਸ਼ੀ ਤੇ ਅਨੁਸ਼ਾਸਨ 'ਚ ਰਹਿਣ ਵਾਲੇ ਹੁੰਦੇ ਹਨ।
• ਸ਼ਾਂਤ ਤੇ ਗੰਭੀਰ ਸੁਭਾਅ ਦੇ ਮਾਲਕ ਹੁੰਦੇ ਹਨ।
• ਇਕ ਵਾਰੀ ਜੋ ਠਾਣ ਲੈਂਦੇ ਹਨ, ਉਸ ਨੂੰ ਪੂਰਾ ਕਰ ਕੇ ਹੀ ਦਮ ਲੈਂਦੇ ਹਨ।
• ਉਲਟ ਹਾਲਾਤ 'ਚ ਵੀ ਹਾਰ ਨਹੀਂ ਮੰਨਦੇ।
• ਇਹ ਲੋਕ ਗਲਤ ਬਰਦਾਸ਼ਤ ਨਹੀਂ ਕਰਦੇ ਤੇ ਹਮੇਸ਼ਾ ਸਹੀ ਦਾ ਸਾਥ ਦਿੰਦੇ ਹਨ।
• ਇਨ੍ਹਾਂ ਨੂੰ ਦਿਖਾਵਾ ਬਿਲਕੁਲ ਪਸੰਦ ਨਹੀਂ ਹੁੰਦਾ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।