ਪੈਸਿਆਂ ਦੀ ਤੰਗੀ ਹੋਵੇਗੀ ਦੂਰ: ਅਕਸ਼ੈ ਤ੍ਰਿਤੀਆ ਦੀ ਰਾਤ ਤਿਜੋਰੀ 'ਚ ਰੱਖ ਦਿਉ ਇਹ 5 ਜਾਦੂਈ ਚੀਜ਼ਾਂ, ਬਣਾ ਦੇਣਗੀਆਂ ਮਾਲਾਮਾਲ

ਧਰਮ ਡੈਸਕ, ਨਵੀਂ ਦਿੱਲੀ : ਅਕਸ਼ੈ ਤ੍ਰਿਤੀਆ ਦਾ ਦਿਨ ਸੌਭਾਗ ਦੀ ਪ੍ਰਾਪਤੀ ਦਾ ਤਿਉਹਾਰ ਮੰਨਿਆ ਜਾਂਦਾ ਹੈ। ਸ਼ਾਸਤਰਾਂ ਅਨੁਸਾਰ, ਇਸ ਦਿਨ ਕੀਤੇ ਗਏ ਉਪਾਵਾਂ ਦਾ ਫਲ ਕਦੇ ਖ਼ਤਮ ਨਹੀਂ ਹੁੰਦਾ। ਜੇਕਰ ਤੁਸੀਂ ਲੰਬੇ ਸਮੇਂ ਤੋਂ ਆਰਥਿਕ ਤੰਗੀ, ਧਨ ਦੀ ਕਮੀ ਜਾਂ ਵਧਦੇ ਹੋਏ ਕਰਜ਼ੇ ਤੋਂ ਪਰੇਸ਼ਾਨ ਹੋ ਤਾਂ ਅਕਸ਼ੈ ਤ੍ਰਿਤੀਆ ਦੀ ਰਾਤ ਦਾ ਸਮਾਂ ਤੁਹਾਡੇ ਲਈ ਵਰਦਾਨ ਸਾਬਤ ਹੋ ਸਕਦਾ ਹੈ। ਜੋਤਿਸ਼ ਸ਼ਾਸਤਰ 'ਚ ਕੁਝ ਅਜਿਹੀਆਂ ਜਾਦੂਈ ਚੀਜ਼ਾਂ ਬਾਰੇ ਦੱਸਿਆ ਗਿਆ ਹੈ ਜਿਨ੍ਹਾਂ ਨੂੰ ਜੇਕਰ ਅਕਸ਼ੈ ਤ੍ਰਿਤੀਆ ਦੀ ਰਾਤ ਪੂਰੀ ਸ਼ਰਧਾ ਭਾਵਨਾ ਨਾਲ ਆਪਣੀ ਤਿਜੋਰੀ 'ਚ ਰੱਖਿਆ ਜਾਵੇ ਤਾਂ ਮਾਂ ਲਕਸ਼ਮੀ ਦਾ ਉਸ ਘਰ ਵਿਚ ਪੱਕਾ ਵਾਸ ਹੋ ਜਾਂਦਾ ਹੈ। ਆਓ ਜਾਣਦੇ ਹਾਂ ਉਨ੍ਹਾਂ 5 ਚੀਜ਼ਾਂ ਬਾਰੇ ਜੋ ਤੁਹਾਡੀ ਖਾਲੀ ਤਿਜੋਰੀ ਨੂੰ ਪੈਸਿਆਂ ਨਾਲ ਭਰ ਸਕਦੀਆਂ ਹਨ।

ਤਿਜੋਰੀ ਲਈ 5 ਚਮਤਕਾਰੀ ਚੀਜ਼ਾਂ

ਪੀਲੀਆਂ ਕੌਡੀਆਂ: ਕੌਡੀਆਂ ਮਾਂ ਲਕਸ਼ਮੀ ਨੂੰ ਬਹੁਤ ਪਿਆਰੀਆਂ ਹਨ, ਕਿਉਂਕਿ ਇਨ੍ਹਾਂ ਦੀ ਉਤਪੱਤੀ ਵੀ ਸਮੁੰਦਰ ਮੰਥਨ ਤੋਂ ਹੋਈ ਸੀ। ਅਕਸ਼ੈ ਤ੍ਰਿਤੀਆ ਦੀ ਰਾਤ 5 ਜਾਂ 11 ਪੀਲੀਆਂ ਕੌਡੀਆਂ ਨੂੰ ਕੇਸਰ ਨਾਲ ਰੰਗੋ ਤੇ ਮਾਂ ਲਕਸ਼ਮੀ ਦੇ ਚਰਨਾਂ ਨਾਲ ਛੁਹਾ ਕੇ ਆਪਣੀ ਤਿਜੋਰੀ 'ਚ ਰੱਖ ਦਿਓ। ਇਸ ਨਾਲ ਧਨ ਲਾਭ ਦੇ ਯੋਗ ਬਣਦੇ ਹਨ।

ਗੋਮਤੀ ਚੱਕਰ: ਗੋਮਤੀ ਨਦੀ 'ਚ ਪਾਏ ਜਾਣ ਵਾਲੇ ਗੋਮਤੀ ਚੱਕਰ ਨੂੰ ਭਗਵਾਨ ਵਿਸ਼ਨੂੰ ਦਾ ਸਰੂਪ ਮੰਨਿਆ ਜਾਂਦਾ ਹੈ। 7 ਗੋਮਤੀ ਚੱਕਰਾਂ ਨੂੰ ਲਾਲ ਕੱਪੜੇ 'ਚ ਬੰਨ੍ਹ ਕੇ ਤਿਜੋਰੀ ਵਿਚ ਰੱਖਣ ਨਾਲ ਘਰ ਦੇ ਵਾਸਤੂ ਦੋਸ਼ ਦੂਰ ਹੁੰਦੇ ਹਨ ਅਤੇ ਫ਼ਜ਼ੂਲ ਖ਼ਰਚਾ ਬੰਦ ਹੋ ਜਾਂਦਾ ਹੈ।

ਏਕਾਕਸ਼ੀ ਨਾਰੀਅਲ: ਜਿਸ ਨਾਰੀਅਲ 'ਚ ਇੱਕੋ ਅੱਖ ਹੁੰਦੀ ਹੈ, ਉਸਨੂੰ ਸਾਖਸ਼ਾਤ ਲਕਸ਼ਮੀ ਦਾ ਰੂਪ ਮੰਨਿਆ ਜਾਂਦਾ ਹੈ। ਅਕਸ਼ੈ ਤ੍ਰਿਤੀਆ ਦੀ ਰਾਤ ਇਕਾਸ਼ੀ ਨਾਰੀਅਲ ਦੀ ਪੂਜਾ ਕਰਕੇ ਇਸਨੂੰ ਤਿਜੋਰੀ 'ਚ ਸਥਾਪਿਤ ਕਰਨ ਨਾਲ ਕਦੇ ਵੀ ਅੰਨ ਅਤੇ ਧਨ ਦੀ ਕਮੀ ਨਹੀਂ ਹੁੰਦੀ।

ਹਲਦੀ ਦੀ ਗੰਢ: ਅਕਸ਼ੈ ਤ੍ਰਿਤੀਆ ਦੀ ਪੂਜਾ 'ਚ ਰੱਖੀ ਗਈ ਸਾਬਤ ਹਲਦੀ ਦੀ ਗੰਢ ਨੂੰ ਤਿਜੋਰੀ 'ਚ ਰੱਖਣ ਨਾਲ ਗੁਰੂ ਗ੍ਰਹਿ ਮਜ਼ਬੂਤ ਹੁੰਦਾ ਹੈ। ਕਿਉਂਕਿ ਗੁਰੂ ਧਨ ਦੇ ਕਾਰਕ ਹਨ, ਇਸ ਲਈ ਇਹ ਉਪਾਅ ਬੈਂਕ ਬੈਲੇਂਸ ਵਧਾਉਣ 'ਚ ਮਦਦ ਕਰਦਾ ਹੈ।

ਕਮਲਗੱਟਾ: ਮਾਂ ਲਕਸ਼ਮੀ ਕਮਲ ਦੇ ਆਸਣ 'ਤੇ ਬਿਰਾਜਮਾਨ ਹੁੰਦੇ ਹਨ। ਕਮਲ ਦੇ ਬੀਜਾਂ ਯਾਨੀ ਕਮਲਗੱਟੇ ਦੀ ਮਾਲਾ ਜਾਂ ਕੁਝ ਦਾਣੇ ਤਿਜੋਰੀ 'ਚ ਰੱਖਣ ਨਾਲ ਆਰਥਿਕ ਰੁਕਾਵਟਾਂ ਤੁਰੰਤ ਦੂਰ ਹੋਣ ਲੱਗਦੀਆਂ ਹਨ ਅਤੇ ਕਰਜ਼ੇ ਤੋਂ ਮੁਕਤੀ ਮਿਲਦੀ ਹੈ।

ਪੂਜਾ ਮਹੂਰਤ

ਅਕਸ਼ੈ ਤ੍ਰਿਤੀਆ ਦੀ ਰਾਤ (ਨਿਸ਼ਿਤਾ ਕਾਲ) 'ਚ ਇਨ੍ਹਾਂ ਚੀਜ਼ਾਂ ਨੂੰ ਤਿਜੋਰੀ 'ਚ ਰੱਖਣ ਤੋਂ ਪਹਿਲਾਂ ਇਨ੍ਹਾਂ ਨੂੰ ਗੰਗਾ ਜਲ ਨਾਲ ਸ਼ੁੱਧ ਕਰੋ ਅਤੇ ਮਾਤਾ ਲਕਸ਼ਮੀ ਦੇ ਬੀਜ ਮੰਤਰਾਂ ਦਾ ਜਾਪ ਕਰੋ। ਫਿਰ ਇਨ੍ਹਾਂ ਉਪਾਵਾਂ ਨੂੰ ਕਰੋ।

ਪੂਜਾ ਮੰਤਰ

ॐ श्रीं महालक्ष्म्यै नमः ॥

ॐ श्रीं ह्रीं क्लीं महालक्ष्म्यै नमः॥

ॐ श्रीं ह्रीं क्लीं महालक्ष्म्यै नमः॥

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।