ਬੁੱਧ ਨਕਸ਼ੱਤਰ ਗੋਚਰ 2026 : ਕਰਕ ਰਾਸ਼ੀ ਨੂੰ ਦਫ਼ਤਰ 'ਚ ਮਿਲੇਗੀ ਨਵੀਂ ਪਛਾਣ, 3 ਰਾਸ਼ੀਆਂ ਦੀ ਲੱਗੇਗੀ ਲਾਟਰੀ !

ਆਨੰਦ ਸਾਗਰ ਪਾਠਕ, ਐਸਟ੍ਰੋਪੱਤਰੀ : ਬੁੱਧੀ ਅਤੇ ਬਾਣੀ ਦੇ ਸੁਆਮੀ ਬੁੱਧ ਗ੍ਰਹਿ 7 ਮਈ 2026 ਨੂੰ ਮੇਖ ਰਾਸ਼ੀ ਦੇ ਭਰਣੀ ਨਕਸ਼ੱਤਰ ਵਿੱਚ ਪ੍ਰਵੇਸ਼ ਕਰਨ ਜਾ ਰਹੇ ਹਨ। ਇਸ ਨਕਸ਼ੱਤਰ 'ਤੇ ਸ਼ੁੱਕਰ ਦੇਵ ਦਾ ਰਾਜ ਹੈ, ਜਿਸ ਕਾਰਨ ਇਹ ਗੋਚਰ ਇਨਸਾਨ ਦੀ ਸੋਚ ਵਿੱਚ ਤੇਜ਼ੀ ਅਤੇ ਨਿਡਰਤਾ ਲੈ ਕੇ ਆਵੇਗਾ।

ਬੁੱਧ ਦਾ ਭਰਣੀ ਨਕਸ਼ੱਤਰ 'ਚ ਗੋਚਰ ਮੇਖ, ਬ੍ਰਿਖ, ਮਿਥੁਨ ਅਤੇ ਕਰਕ ਰਾਸ਼ੀ ਲਈ ਬੇਹੱਦ ਖਾਸ ਮੰਨਿਆ ਜਾ ਰਿਹਾ ਹੈ। ਇਸ ਗੋਚਰ ਨਾਲ ਰਾਸ਼ੀਆਂ ਨੂੰ ਕਮਾਉਣ ਦੇ ਨਵੇਂ ਮੌਕੇ ਮਿਲਣਗੇ ਅਤੇ ਕਰੀਅਰ 'ਤੇ ਫੋਕਸ ਰਹੇਗਾ। ਆਓ ਜੋਤਸ਼ੀ ਆਨੰਦ ਸਾਗਰ ਪਾਠਕ ਤੋਂ ਜਾਣਦੇ ਹਾਂ ਕਿ ਬੁੱਧ ਦਾ ਭਰਣੀ ਨਕਸ਼ੱਤਰ ਵਿੱਚ ਗੋਚਰ ਦਾ ਸਮਾਂ ਇਨ੍ਹਾਂ 4 ਰਾਸ਼ੀਆਂ ਲਈ ਕਿਹੋ ਜਿਹਾ ਰਹੇਗਾ।

ਮੇਖ ਰਾਸ਼ੀ

ਬੁੱਧ ਤੁਹਾਡੀ ਰਾਸ਼ੀ ਦੇ ਪਹਿਲੇ ਭਾਵ ਵਿਚ ਆ ਰਹੇ ਹਨ, ਜਿਸ ਨਾਲ ਤੁਸੀਂ ਕਾਫ਼ੀ ਨਿਡਰ ਮਹਿਸੂਸ ਕਰੋਗੇ ਤੇ ਆਪਣੇ 'ਤੇ ਭਰੋਸਾ ਵੀ ਵਧੇਗਾ। ਤੁਹਾਡਾ ਦਿਮਾਗ ਬਹੁਤ ਤੇਜ਼ ਚੱਲੇਗਾ ਤੇ ਤੁਸੀਂ ਹਰ ਕੰਮ ਵਿਚ ਅੱਗੇ ਰਹਿਣਾ ਚਾਹੋਗੇ। ਲੋਕ ਤੁਹਾਡੀਆਂ ਗੱਲਾਂ ਨੂੰ ਗੌਰ ਨਾਲ ਸੁਣਨਗੇ। ਬੱਸ ਇਕ ਗੱਲ ਦਾ ਧਿਆਨ ਰੱਖੋ ਕਿ ਕਾਹਲੀ ਵਿਚ ਕੁਝ ਅਜਿਹਾ ਨਾ ਬੋਲ ਦਿਓ ਜਿਸ ਨਾਲ ਕੋਈ ਗਲਤਫਹਿਮੀ ਹੋ ਜਾਵੇ। ਰਿਸ਼ਤਿਆਂ 'ਚ ਨਰਮੀ ਬਣਾਈ ਰੱਖੋ।

ਉਪਾਅ: 'ਓਮ ਬੁੰ ਬੁੱਧਾਏ ਨਮਹ' ਦਾ ਜਾਪ ਕਰੋ ਤੇ ਬੋਲਣ ਤੋਂ ਪਹਿਲਾਂ ਜ਼ਰੂਰ ਸੋਚੋ।

ਬ੍ਰਿਖ ਰਾਸ਼ੀ

ਬੁੱਧ ਤੁਹਾਡੇ ਬਾਰ੍ਹਵੇਂ ਭਾਵ ਵਿਚ ਹੋਣਗੇ ਜਿਸ ਨਾਲ ਮਨ ਵਿਚ ਥੋੜ੍ਹੀ ਬੇਚੈਨੀ ਰਹਿ ਸਕਦੀ ਹੈ। ਤੁਸੀਂ ਪੁਰਾਣੀਆਂ ਗੱਲਾਂ ਨੂੰ ਲੈ ਕੇ ਜ਼ਿਆਦਾ ਸੋਚ-ਵਿਚਾਰ ਕਰ ਸਕਦੇ ਹੋ। ਇਹ ਸਮਾਂ ਖੁਦ ਨੂੰ ਸ਼ਾਂਤ ਰੱਖਣ ਅਤੇ ਫਾਲਤੂ ਦੀ ਭੱਜ-ਦੌੜ ਤੋਂ ਬਚਣ ਦਾ ਹੈ। ਸੁੱਖ-ਸਹੂਲਤਾਂ ਜਾਂ ਸਫਰ 'ਤੇ ਪੈਸਾ ਜ਼ਿਆਦਾ ਖਰਚ ਹੋ ਸਕਦਾ ਹੈ, ਇਸ ਲਈ ਆਪਣੇ ਖਰਚਿਆਂ 'ਤੇ ਕਾਬੂ ਰੱਖੋ। ਨੀਂਦ ਪੂਰੀ ਲਓ ਤੇ ਇਕ ਤੈਅ ਸਮੇਂ 'ਤੇ ਕੰਮ ਕਰਨ ਦੀ ਆਦਤ ਪਾਓ।

ਉਪਾਅ: ਰੋਜ਼ ਮਨ ਨੂੰ ਸ਼ਾਂਤ ਰੱਖਣ ਦੀ ਕੋਸ਼ਿਸ਼ ਕਰੋ ਅਤੇ ਹਰੀਆਂ ਚੀਜ਼ਾਂ ਦਾ ਦਾਨ ਕਰੋ।

ਮਿਥੁਨ ਰਾਸ਼ੀ

ਤੁਹਾਡੀ ਰਾਸ਼ੀ ਦੇ ਸੁਆਮੀ ਬੁੱਧ ਹੁਣ ਤੁਹਾਡੇ ਗਿਆਰ੍ਹਵੇਂ ਭਾਵ 'ਚ ਰਹਿਣਗੇ, ਜੋ ਕਮਾਈ ਤੇ ਲਾਭ ਦਾ ਘਰ ਹੈ। ਤੁਹਾਨੂੰ ਪੈਸੇ ਕਮਾਉਣ ਦੇ ਨਵੇਂ ਮੌਕੇ ਮਿਲਣਗੇ ਅਤੇ ਨਵੇਂ ਲੋਕਾਂ ਨਾਲ ਮੇਲ-ਜੋਲ ਵਧੇਗਾ। ਦੋਸਤਾਂ ਅਤੇ ਪੁਰਾਣੇ ਜਾਣਕਾਰਾਂ ਤੋਂ ਤੁਹਾਨੂੰ ਫਾਇਦਾ ਮਿਲ ਸਕਦਾ ਹੈ। ਕਿਸੇ ਨੂੰ ਵੀ ਵਾਅਦਾ ਕਰਨ ਤੋਂ ਪਹਿਲਾਂ ਆਪਣੀ ਸਮਰੱਥਾ ਜ਼ਰੂਰ ਦੇਖ ਲਓ। ਆਪਣੀਆਂ ਯੋਜਨਾਵਾਂ ਨੂੰ ਲੈ ਕੇ ਹਵਾ ਵਿੱਚ ਨਾ ਉੱਡੋ, ਹਕੀਕਤ ਨੂੰ ਧਿਆਨ ਵਿੱਚ ਰੱਖ ਕੇ ਹੀ ਅੱਗੇ ਵਧੋ।

ਉਪਾਅ: ਭਗਵਾਨ ਵਿਸ਼ਨੂੰ ਦੀ ਪੂਜਾ ਕਰੋ ਤੇ ਆਪਣੀਆਂ ਉਮੀਦਾਂ ਨੂੰ ਸੀਮਤ ਰੱਖੋ।

ਕਰਕ ਰਾਸ਼ੀ

ਬੁੱਧ ਤੁਹਾਡੇ ਦਸਵੇਂ ਭਾਵ 'ਚ ਰਹਿਣਗੇ, ਜਿਸ ਨਾਲ ਤੁਹਾਡਾ ਪੂਰਾ ਧਿਆਨ ਆਪਣੇ ਕੰਮ ਅਤੇ ਕਰੀਅਰ 'ਤੇ ਰਹੇਗਾ। ਤੁਹਾਨੂੰ ਕਾਰਜ ਖੇਤਰ 'ਚ ਨਵੀਂ ਪਛਾਣ ਮਿਲ ਸਕਦੀ ਹੈ ਅਤੇ ਵੱਡੇ ਅਧਿਕਾਰੀ ਤੁਹਾਡੀਆਂ ਗੱਲਾਂ ਨੂੰ ਅਹਿਮੀਅਤ ਦੇਣਗੇ। ਕੰਮ ਦਾ ਦਬਾਅ ਵਧਣ ਨਾਲ ਥਕਾਵਟ ਹੋ ਸਕਦੀ ਹੈ, ਇਸ ਲਈ ਸਿਹਤ ਦਾ ਵੀ ਖਿਆਲ ਰੱਖੋ। ਅਧਿਕਾਰੀਆਂ ਜਾਂ ਵੱਡਿਆਂ ਨਾਲ ਗੱਲ ਕਰਦੇ ਸਮੇਂ ਸਾਵਧਾਨੀ ਰੱਖੋ ਤਾਂ ਜੋ ਕੋਈ ਗੱਲ ਵਿਗੜੇ ਨਹੀਂ।

ਉਪਾਅ: ਸੂਰਜ ਦੇਵ ਨੂੰ ਜਲ ਚੜ੍ਹਾਓ ਅਤੇ ਗੱਲਬਾਤ 'ਚ ਅਨੁਸ਼ਾਸਨ ਬਣਾਈ ਰੱਖੋ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।