25 ਮਈ ਸੂਰਜ ਗੋਚਰ: ਰੋਹਿਣੀ ਨਕਸ਼ੱਤਰ 'ਚ ਪ੍ਰਵੇਸ਼ ਕਰ ਕੇ ਸੂਰਜ ਦੇਵਤਾ ਇਨ੍ਹਾਂ 6 ਰਾਸ਼ੀਆਂ ਦੀ ਚਮਕਾਉਣਗੇ ਕਿਸਮਤ

ਆਨੰਦ ਸਾਗਰ ਪਾਠਕ, ਐਸਟ੍ਰੋਪੱਤਰੀ : ਜਦੋਂ ਵੀ ਸੂਰਜ ਦੇਵਤਾ ਆਪਣਾ ਨਕਸ਼ਤਰ ਬਦਲਦੇ ਹਨ ਤਾਂ ਸਾਡੇ ਅੰਦਰਲੇ ਭਰੋਸੇ, ਕਰੀਅਰ ਤੇ ਸਮਾਜ ਵਿਚ ਮਿਲਣ ਵਾਲੇ ਮਾਣ-ਸਨਮਾਨ 'ਤੇ ਇਸ ਦਾ ਸਿੱਧਾ ਅਤੇ ਡੂੰਘਾ ਅਸਰ ਦੇਖਣ ਨੂੰ ਮਿਲਦਾ ਹੈ। 25 ਮਈ 2026 ਨੂੰ ਸੂਰਜ ਦੇਵਤਾ ਰੋਹਿਣੀ ਨਕਸ਼ੱਤਰ ਦੇ ਅੰਦਰ ਪ੍ਰਵੇਸ਼ ਕਰਨ ਜਾ ਰਹੇ ਹਨ।

ਰੋਹਿਣੀ ਨਕਸ਼ੱਤਰ ਦੇ ਸੁਆਮੀ ਖ਼ੁਦ ਚੰਦਰ ਦੇਵਤਾ ਹਨ ਤੇ ਇਹ ਪੂਰੀ ਤਰ੍ਹਾਂ ਸ਼ੁੱਕਰ ਦੇਵਤਾ ਦੀ ਰਾਸ਼ੀ ਬ੍ਰਿਖ ਤਹਿਤ ਆਉਂਦਾ ਹੈ ਜਿਸ ਨੂੰ ਸੁੰਦਰਤਾ, ਸੁੱਖ-ਸਾਧਨਾਂ, ਖਿੱਚ ਤੇ ਸੁੱਖ-ਸਮ੍ਰਿੱਧੀ ਦਾ ਪ੍ਰਤੀਕ ਮੰਨਿਆ ਗਿਆ ਹੈ। ਆਓ ਜਾਣਦੇ ਹਾਂ ਕਿ ਇਸ ਦਾ ਮੇਖ ਤੋਂ ਕੰਨਿਆ ਰਾਸ਼ੀ ਦੇ ਜਾਤਕਾਂ 'ਤੇ ਕੀ ਪ੍ਰਭਾਵ ਪਵੇਗਾ।

ਮੇਖ ਰਾਸ਼ੀ

ਸੂਰਜ ਦੇਵਤਾ ਹੁਣ ਤੁਹਾਡੇ ਦੂਜੇ ਘਰ ਯਾਨੀ ਧਨ ਤੇ ਬਾਣੀ ਦੇ ਸਥਾਨ ਨੂੰ ਪ੍ਰਭਾਵਿਤ ਕਰਨਗੇ। ਇਨ੍ਹਾਂ ਦਿਨਾਂ 'ਚ ਤੁਹਾਡਾ ਪੂਰਾ ਧਿਆਨ ਆਪਣੀ ਕਮਾਈ ਵਧਾਉਣ, ਬੱਚਤ ਨੂੰ ਮਜ਼ਬੂਤ ਕਰਨ ਤੇ ਪਰਿਵਾਰ ਦੀਆਂ ਜ਼ਿੰਮੇਵਾਰੀਆਂ ਨੂੰ ਠੀਕ ਤਰ੍ਹਾਂ ਨਿਭਾਉਣ 'ਤੇ ਟਿਕਿਆ ਰਹੇਗਾ। ਗੱਲਬਾਤ ਦੌਰਾਨ ਤੁਹਾਡੇ ਅੰਦਰ ਇਕ ਨਵਾਂ ਭਰੋਸਾ ਦਿਖਾਈ ਦੇਵੇਗਾ, ਜਿਸ ਨਾਲ ਧਨ ਲਾਭ ਦਾ ਰਾਹ ਹੌਲੀ-ਹੌਲੀ ਆਸਾਨ ਹੋਣ ਲੱਗੇਗਾ। ਬੱਸ ਇਸ ਗੱਲ ਦੀ ਗੰਢ ਬੰਨ੍ਹ ਲਵੋ ਕਿ ਕਿਸੇ ਵੀ ਚਰਚਾ ਦੌਰਾਨ ਜੋਸ਼ ਵਿਚ ਆ ਕੇ ਕਿਸੇ ਨੂੰ ਕੋਈ ਕੌੜੀ ਗੱਲ ਨਾ ਕਹੋ।

ਉਪਾਅ: ਰੋਜ਼ਾਨਾ ਸਵੇਰੇ ਸੂਰਜ ਦੇਵਤਾ ਨੂੰ ਜਲ ਦਾ ਅਰਘ ਦਿਓ ਤੇ ਆਪਣੀ ਗੱਲਬਾਤ 'ਚ ਹਮੇਸ਼ਾ ਮਿਠਾਸ ਬਣਾਈ ਰੱਖੋ।

ਬ੍ਰਿਖ ਰਾਸ਼ੀ

ਸੂਰਜ ਦੇਵਤਾ ਇਸ ਸਮੇਂ ਤੁਹਾਡੀ ਹੀ ਰਾਸ਼ੀ ਯਾਨੀ ਲਗਨ ਭਾਵ ਦੇ ਅੰਦਰ ਗੋਚਰ ਕਰ ਰਹੇ ਹਨ। ਇਸ ਨਾਲ ਤੁਹਾਡੇ ਆਤਮਵਿਸ਼ਵਾਸ, ਖਿੱਚ ਤੇ ਕੰਮ ਦੇ ਸੰਚਾਲਨ ਦੀ ਸਮਰੱਥਾ 'ਚ ਕਾਫ਼ੀ ਚੰਗਾ ਵਾਧਾ ਦੇਖਣ ਨੂੰ ਮਿਲੇਗਾ। ਆਪਣੇ ਟੀਚਿਆਂ ਨੂੰ ਲੈ ਕੇ ਤੁਸੀਂ ਪਹਿਲਾਂ ਨਾਲੋਂ ਕਿਤੇ ਜ਼ਿਆਦਾ ਗੰਭੀਰ ਤੇ ਦ੍ਰਿੜ ਨਿਸ਼ਚਈ ਨਜ਼ਰ ਆਓਗੇ, ਜਿਸ ਨਾਲ ਕਾਰਜ ਖੇਤਰ 'ਚ ਤੁਹਾਡੀ ਇਕ ਨਵੀਂ ਪਛਾਣ ਬਣੇਗੀ ਤੇ ਮਾਣ-ਸਨਮਾਨ ਵਧੇਗਾ। ਬੱਸ ਆਪਣੇ ਸੁਭਾਅ 'ਚ ਹੰਕਾਰ ਜਾਂ ਜ਼ਿੱਦੀਪਨ ਨੂੰ ਬਿਲਕੁਲ ਵੀ ਜਗ੍ਹਾ ਨਾ ਦਿਓ।

ਉਪਾਅ: "ਓਮ ਸੂਰਯਾਏ ਨਮਹ" ਮੰਤਰ ਦਾ ਨਿਯਮਤ ਜਾਪ ਕਰੋ ਤੇ ਆਪਣੇ ਵਿਵਹਾਰ 'ਚ ਹਮੇਸ਼ਾ ਨਿਮਰਤਾ ਰੱਖੋ।

ਮਿਥੁਨ ਰਾਸ਼ੀ

ਸੂਰਜ ਦੇਵਤਾ ਤੁਹਾਡੇ ਬਾਰ੍ਹਵੇਂ ਭਾਵ ਨੂੰ ਪ੍ਰਭਾਵਿਤ ਕਰ ਰਹੇ ਹਨ ਜਿਸ ਕਾਰਨ ਇਹ ਸਮਾਂ ਤੁਹਾਨੂੰ ਥੋੜ੍ਹਾ ਸ਼ਾਂਤ ਤੇ ਆਪਣੇ ਆਪ 'ਚ ਸੀਮਤ ਰਹਿਣ ਵਾਲਾ ਬਣਾ ਸਕਦਾ ਹੈ। ਸੁੱਖ-ਸਹੂਲਤਾਂ, ਯਾਤਰਾਵਾਂ ਜਾਂ ਭੌਤਿਕ ਸਾਧਨਾਂ 'ਤੇ ਤੁਹਾਡੇ ਖ਼ਰਚੇ ਅਚਾਨਕ ਵਧ ਸਕਦੇ ਹਨ, ਜਿਸ ਨਾਲ ਮਨ ਵਿਚ ਥੋੜ੍ਹੀ ਬੇਚੈਨੀ ਰਹਿ ਸਕਦੀ ਹੈ। ਇਸ ਸਮੇਂ ਪੈਸਿਆਂ ਨਾਲ ਜੁੜਿਆ ਕੋਈ ਵੀ ਵੱਡਾ ਫ਼ੈਸਲਾ ਸੋਚ-ਸਮਝ ਕੇ ਲਵੋ ਤੇ ਮਾਨਸਿਕ ਸ਼ਾਂਤੀ ਦੇ ਲਈ ਅਧਿਆਤਮਕ ਕਾਰਜਾੰ ਨਾਲ ਜੁੜੋ।

ਉਪਾਅ: ਨਿਯਮਤ ਰੂਪ ਨਾਲ ਸ਼ੁਕਰਾਨਾ ਧਿਆਨ ਕਰੋ ਤੇ ਕਿਸੇ ਵੀ ਤਰ੍ਹਾਂ ਦੀ ਫ਼ਜ਼ੂਲਖ਼ਰਚੀ ਤੋਂ ਪੂਰੀ ਤਰ੍ਹਾਂ ਬਚੋ।

ਕਰਕ ਰਾਸ਼ੀ

ਸੂਰਜ ਦੇਵਤਾ ਤੁਹਾਡੇ ਗਿਆਰ੍ਹਵੇਂ ਭਾਵ ਯਾਨੀ ਲਾਭ ਤੇ ਮੁਨਾਫ਼ੇ ਦੇ ਸਥਾਨ ਨੂੰ ਮਜ਼ਬੂਤ ਕਰ ਰਹੇ ਹਨ। ਤੁਹਾਡੇ ਸਮਾਜਿਕ ਸੰਪਰਕ ਅਤੇ ਕਾਰਜ ਖੇਤਰ ਨਾਲ ਜੁੜੇ ਵੱਡੇ ਅਧਿਕਾਰੀ ਇਸ ਸਮੇਂ ਤੁਹਾਡੇ ਬਹੁਤ ਕੰਮ ਆ ਸਕਦੇ ਹਨ ਜਿਸ ਨਾਲ ਤਰੱਕੀ ਦੇ ਨਵੇਂ ਰਸਤੇ ਖੁੱਲ੍ਹਣਗੇ। ਆਰਥਿਕ ਹਾਲਤ ਪਹਿਲਾਂ ਨਾਲੋਂ ਸੁਧਰੇਗੀ ਬੱਸ ਆਪਣੇ ਬਹੁਤ ਕਰੀਬੀ ਲੋਕਾਂ ਤੋਂ ਲੋੜ ਨਾਲੋਂ ਜ਼ਿਆਦਾ ਉਮੀਦਾਂ ਰੱਖਣ ਤੋਂ ਖ਼ੁਦ ਨੂੰ ਬਚਾਓ।

ਉਪਾਅ: ਘਰ ਦੇ ਵੱਡੇ-ਬਜ਼ੁਰਗਾਂ ਦਾ ਪੂਰਾ ਸਤਿਕਾਰ ਕਰੋ ਤੇ ਉਨ੍ਹਾਂ ਦੇ ਜੀਵਨ ਦੇ ਤਜਰਬਿਆਂ ਤੋਂ ਕੁਝ ਨਵਾਂ ਸਿੱਖਣ ਦਾ ਯਤਨ ਕਰੋ।

ਸਿੰਘ ਰਾਸ਼ੀ

ਤੁਹਾਡੀ ਰਾਸ਼ੀ ਦੇ ਸੁਆਮੀ ਸੂਰਜ ਦੇਵਤਾ ਤੁਹਾਡੇ ਦਸਵੇਂ ਭਾਵ ਯਾਨੀ ਕਰਮ ਤੇ ਕਰੀਅਰ ਦੇ ਸਥਾਨ 'ਚ ਬੇਹੱਦ ਮਜ਼ਬੂਤ ਸਥਿਤੀ 'ਚ ਆ ਰਹੇ ਹਨ। ਨੌਕਰੀਪੇਸ਼ਾ ਲੋਕਾਂ ਲਈ ਇਹ ਸਮਾਂ ਪਦ-ਪ੍ਰਤਿਸ਼ਠਾ ਤੇ ਉੱਨਤੀ ਦੇ ਨਵੇਂ ਅਵਸਰ ਲੈ ਕੇ ਆ ਸਕਦਾ ਹੈ। ਤੁਹਾਡੀ ਕਾਰਜਕੁਸ਼ਲਤਾ ਤੇ ਸੰਚਾਲਨ ਸ਼ੈਲੀ ਦੀ ਹਰ ਜਗ੍ਹਾ ਤਾਰੀਫ਼ ਹੋਵੇਗੀ ਤੇ ਕੁਝ ਨਵੀਆਂ ਜ਼ਿੰਮੇਵਾਰੀਆਂ ਮਿਲ ਸਕਦੀਆਂ ਹਨ। ਇਸ ਗੱਲ ਦਾ ਧਿਆਨ ਰੱਖੋ ਕਿ ਦਫ਼ਤਰ 'ਚ ਨਾਲ ਕੰਮ ਕਰਨ ਵਾਲਿਆਂ 'ਤੇ ਬੇਵਜ੍ਹਾ ਆਪਣਾ ਹੁਕਮ ਚਲਾਉਣ ਤੋਂ ਬਚੋ।

ਉਪਾਅ: ਨਿਯਮਿਤ ਰੂਪ ਨਾਲ ਸੂਰਜ ਦੇਵਤਾ ਦੀ ਆਰਾਧਨਾ ਕਰੋ ਅਤੇ ਦੂਜਿਆਂ ਨਾਲ ਗੱਲਬਾਤ ਕਰਦੇ ਸਮੇਂ ਮਨ ਵਿੱਚ ਪੂਰਾ ਧੀਰਜ ਰੱਖੋ।

ਕੰਨਿਆ ਰਾਸ਼ੀ

ਸੂਰਜ ਦੇਵਤਾ ਤੁਹਾਡੇ ਨਵੇਂ ਭਾਵ ਯਾਨੀ ਕਿਸਮਤ ਸਥਾਨ ਨੂੰ ਪ੍ਰਭਾਵਿਤ ਕਰ ਰਹੇ ਹਨ। ਸਿੱਖਿਆ, ਲੇਖਨੀ ਤੇ ਜੀਵਨ ਵਿਚ ਕੁਝ ਨਵਾਂ ਸਿੱਖਣ ਦੇ ਲਿਹਾਜ਼ ਨਾਲ ਇਹ ਸਮਾਂ ਤੁਹਾਡੇ ਲਈ ਬੇਹੱਦ ਮਦਦਗਾਰ ਰਹੇਗਾ। ਕਿਸੇ ਲੰਮੀ ਦੂਰੀ ਦੀ ਯਾਤਰਾ ਜਾਂ ਗੁਰੂਆਂ ਦੇ ਸਹੀ ਮਾਰਗਦਰਸ਼ਨ ਨਾਲ ਤੁਹਾਨੂੰ ਕਰੀਅਰ 'ਚ ਲੰਮੀ ਮਿਆਦ ਦੀਆਂ ਯੋਜਨਾਵਾਂ ਤਿਆਰ ਕਰਨ ਵਿਚ ਵੱਡੀ ਮਦਦ ਮਿਲੇਗੀ। ਹਰ ਛੋਟੇ ਮੌਕੇ ਦੀ ਬਹੁਤ ਜ਼ਿਆਦਾ ਬਾਲ ਦੀ ਖੱਲ ਲਾਹੁਣ ਦੀ ਆਦਤ ਤੋਂ ਬਚੋ।

ਉਪਾਅ: ਸੂਰਜ ਦੇਵਤਾ ਨੂੰ ਤਾਂਬੇ ਦੇ ਬਰਤਨ ਨਾਲ ਜਲ ਦਾ ਅਰਘ ਦਿਓ ਅਤੇ ਆਪਣੇ ਅਧਿਆਪਕਾਂ ਜਾਂ ਗੁਰੂਆਂ ਦਾ ਆਸ਼ੀਰਵਾਦ ਲਵੋ।

ਲੇਖਕ : ਸ਼੍ਰੀ ਆਨੰਦ ਸਾਗਰ ਪਾਠਕ, astropatri.com, ਫੀਡਬੈਕ ਲਈ ਲਿਖੋ : hello@astropatri.com