Mahalaxmi Vrat 2024 : 23 ਜਾਂ 24 ਸਤੰਬਰ, ਕਦੋਂ ਹੈ ਅੰਤਿਮ ਮਹਾਲਕਸ਼ਮੀ ਵਰਤ ? ਨੋਟ ਕਰ ਲਓ ਉਦਯਾਪਨ ਦੀ ਵਿਧੀ

ਧਰਮ ਡੈਸਕ, ਨਵੀਂ ਦਿੱਲੀ : Mahalaxmi Vrat 2024: ਮਹਾਲਕਸ਼ਮੀ ਵਰਤ ਹਰ ਸਾਲ ਭਾਦੋਂ ਮਹੀਨੇ ਦੇ ਸ਼ੁਕਲ ਪੱਖ ਦੀ ਅਸ਼ਟਮੀ ਤਰੀਕ ਤੋਂ ਸ਼ੁਰੂ ਹੁੰਦਾ ਹੈ। ਇਸ ਦੇ ਨਾਲ ਹੀ ਇਹ ਅੱਸੂ ਮਹੀਨੇ ਦੇ ਕ੍ਰਿਸ਼ਨ ਪੱਖ ਦੀ ਅਸ਼ਟਮੀ ਤਿਥੀ ਨੂੰ ਸਮਾਪਤ ਹੁੰਦਾ ਹੈ। ਇਸ ਦੌਰਾਨ ਦੇਵੀ ਲਕਸ਼ਮੀ ਦੀ ਵਿਸ਼ੇਸ਼ ਪੂਜਾ ਕਰਨ ਦੀ ਪਰੰਪਰਾ ਹੈ। ਨਾਲ ਹੀ ਸੁੱਖ- ਖੁਸ਼ਹਾਲੀ ਵਧਾਉਣ ਲਈ ਵਰਤ ਰੱਖਿਆ ਜਾਂਦਾ ਹੈ। ਧਾਰਮਿਕ ਮਾਨਤਾ ਹੈ ਕਿ ਅਜਿਹਾ ਕਰਨ ਨਾਲ ਵਿਅਕਤੀ ਨੂੰ ਧਨ ਸੰਬੰਧੀ ਸਮੱਸਿਆਵਾਂ ਤੋਂ ਛੁਟਕਾਰਾ ਮਿਲਦਾ ਹੈ। ਮਹਾਲਕਸ਼ਮੀ ਵਰਤ ਪੂਜਾ ਵਿਧੀ ਦੇ ਆਖਰੀ ਦਿਨ ਉਦਿਆਪਣ ਕਰਨ ਦੀ ਪਰੰਪਰਾ ਹੈ। ਆਓ ਜਾਣਦੇ ਹਾਂ ਮਹਾਲਕਸ਼ਮੀ ਦੇ ਉਦਯਾਪਨ ਦੀ ਸਰਲ ਵਿਧੀ ਬਾਰੇ।

ਕਦੋਂ ਹੈ ਮਹਾਲਕਸ਼ਮੀ ਵਰਤ ਦਾ ਉਦਯਾਪਨ ?

ਪੰਚਾਂਗ ਅਨੁਸਾਰ ਅੱਸੂ ਮਹੀਨੇ ਦੇ ਕ੍ਰਿਸ਼ਨ ਪੱਖ ਦੀ ਅਸ਼ਟਮੀ ਤਿਥੀ 24 ਸਤੰਬਰ ਨੂੰ ਸ਼ਾਮ 5.45 ਵਜੇ ਸ਼ੁਰੂ ਹੋਵੇਗੀ। ਇਹ ਮਿਤੀ ਅਗਲੇ ਦਿਨ ਯਾਨੀ 25 ਸਤੰਬਰ ਨੂੰ ਸ਼ਾਮ 4:44 ਵਜੇ ਖਤਮ ਹੋਵੇਗੀ। ਮਹਾਲਕਸ਼ਮੀ ਵਰਤ ਦੀ ਸ਼ੁਰੂਆਤ 24 ਸਤੰਬਰ ਨੂੰ ਹੋਵੇਗੀ।

ਮਹਾਲਕਸ਼ਮੀ ਵਰਤ ਉਦਯਾਪਨ ਵਿਧੀ

ਮਹਾਲਕਸ਼ਮੀ ਵਰਤ ਵਾਲੇ ਦਿਨ ਬ੍ਰਹਮ ਮਹੂਰਤ 'ਚ ਉੱਠੋ ਤੇ ਦਿਨ ਦੀ ਸ਼ੁਰੂਆਤ ਮਾਂ ਲਕਸ਼ਮੀ ਦਾ ਸਿਮਰਨ ਕਰ ਕੇ ਕਰੋ। ਘਰ ਨੂੰ ਚੰਗੀ ਤਰ੍ਹਾਂ ਸਾਫ਼ ਕਰੋ ਤੇ ਇਸ਼ਨਾਨ ਕਰ ਕੇ ਸਾਫ਼ ਕੱਪੜੇ ਪਾਓ। ਚੌਕੀ 'ਤੇ ਦੇਵੀ ਲਕਸ਼ਮੀ ਦੀ ਮੂਰਤੀ ਰੱਖੋ। ਪੂਜਾ ਸਥਾਨ 'ਤੇ ਸੋਨੇ-ਚਾਂਦੀ ਦੇ ਸਿੱਕੇ ਵੀ ਰੱਖੋ। ਮਹਾਲਕਸ਼ਮੀ ਵਰਤ ਦੀ ਸ਼ੁਰੂਆਤ 'ਚ 16 ਗੰਢਾਂ ਵਾਲਾ ਧਾਗਾ ਬੰਨ੍ਹਣ ਦੀ ਪਰੰਪਰਾ ਹੈ। ਮਹਾਲਕਸ਼ਮੀ ਵਰਤ ਦੇ ਆਖਰੀ ਦਿਨ ਪੂਜਾ ਦੌਰਾਨ ਇਸ ਧਾਗੇ ਨੂੰ ਆਪਣੇ ਹੱਥ 'ਚ ਬੰਨ੍ਹੋ। ਹੁਣ ਦੇਸੀ ਘਿਓ ਦੇ 16 ਦੀਵੇ ਜਗਾਓ ਅਤੇ ਵਿਧੀਪੂਰਵਕ ਪੂਜਾ ਦੀ ਰਸਮ ਕਰੋ। ਵਰਤ ਦੇ ਅਗਲੇ ਦਿਨ ਇਸ ਧਾਗੇ ਨੂੰ ਤਿਜੌਰੀ 'ਚ ਰੱਖੋ। ਮੰਨਿਆ ਜਾਂਦਾ ਹੈ ਕਿ ਇਸ ਨਾਲ ਧਨ ਦੀ ਕਮੀ ਨਹੀਂ ਹੁੰਦੀ।

ਦੇਵੀ ਲਕਸ਼ਮੀ ਨੂੰ ਚੜ੍ਹਾਓ ਇਹ ਚੀਜ਼ਾਂ

ਤੁਹਾਨੂੰ ਪੂਜਾ ਦੌਰਾਨ ਇਸ ਗੱਲ ਦਾ ਖਾਸ ਧਿਆਨ ਰੱਖਣਾ ਚਾਹੀਦਾ ਹੈ ਕਿ ਤੁਸੀਂ ਜੋ ਵੀ ਸਮੱਗਰੀ ਚੜ੍ਹਾ ਰਹੇ ਹੋ, ਉਹ ਸੋਲਾਂ ਦੀ ਗਿਣਤੀ 'ਚ ਹੋਵੇ। ਜਿਵੇਂ 16 ਸ਼ਿੰਗਾਰ ਤੇ 16 ਲੌਂਗ ਆਦਿ। ਇਸ ਤੋਂ ਇਲਾਵਾ ਤੁਸੀਂ ਦੇਵੀ ਲਕਸ਼ਮੀ ਨੂੰ ਬਤਾਸ਼ਾ, ਮੱਖਣ, ਫੁੱਲ ਤੇ ਚਾਵਲ ਵੀ ਚੜ੍ਹਾ ਸਕਦੇ ਹੋ। ਇਸ ਤੋਂ ਬਾਅਦ ਦੇਵੀ ਲਕਸ਼ਮੀ ਨੂੰ ਖੀਰ, ਫਲ ਤੇ ਮਠਿਆਈ ਆਦਿ ਚੜ੍ਹਾਓ। ਸੁੱਖ ਅਤੇ ਸ਼ਾਂਤੀ ਲਈ ਵੀ ਪ੍ਰਾਰਥਨਾ ਕਰੋ।

ਮਾਂ ਲਕਸ਼ਮੀ ਵਰਤ

या रक्ता रुधिराम्बरा हरिसखी या श्री मनोल्हादिनी॥

या रत्नाकरमन्थनात्प्रगटिता विष्णोस्वया गेहिनी।

सा मां पातु मनोरमा भगवती लक्ष्मीश्च पद्मावती ॥