Numerology : ਜਨਮ ਤਾਰੀਖ ਤੋਂ ਜਾਣੋ ਪਾਰਟਨਰ ਦਾ ਸੁਭਾਅ, ਇਨ੍ਹਾਂ ਤਾਰੀਖਾਂ ਵਾਲੇ ਹੋ ਸਕਦੇ ਹਨ ਫਲਰਟੀ
ਅੰਕ ਜੋਤਿਸ਼ ਅਨੁਸਾਰ, ਇਸ ਦੇ ਪਿੱਛੇ ਉਨ੍ਹਾਂ ਦੀ ਜਨਮ ਤਾਰੀਖ ਦਾ ਵੱਡਾ ਹੱਥ ਹੋ ਸਕਦਾ ਹੈ। ਕੁਝ ਵਿਸ਼ੇਸ਼ ਮੁਲਾਂਕ ਅਜਿਹੇ ਹੁੰਦੇ ਹਨ, ਜਿਨ੍ਹਾਂ ਵਿੱਚ ਚੰਚਲਤਾ, ਸਮਾਜਿਕ ਹੋਣ ਦੀ ਇੱਛਾ ਅਤੇ ਨਵੇਂ ਲੋਕਾਂ ਨਾਲ ਜੁੜਨ ਦਾ ਸ਼ੌਕ ਹੁੰਦਾ ਹੈ। ਆਓ ਉਨ੍ਹਾਂ ਮੁਲਾਂਕਾਂ ਬਾਰੇ ਜਾਣਦੇ ਹਾਂ।
Posted By Seema Anand
Publish Date: Tue, 28 Apr 2026 01:29 PM (IST)
Updated Date: Tue, 28 Apr 2026 01:32 PM (IST)
ਧਰਮ ਡੈਸਕ, ਨਵੀਂ ਦਿੱਲੀ : ਅੰਕ ਜੋਤਿਸ਼ 'ਚ ਜਨਮ ਤਾਰੀਖ ਦਾ ਵਿਸ਼ੇਸ਼ ਮਹੱਤਵ ਹੁੰਦਾ ਹੈ। ਜਿਸ ਤਰ੍ਹਾਂ ਰਾਸ਼ੀਆਂ ਦਾ ਪ੍ਰਭਾਵ ਸਾਡੇ ਜੀਵਨ 'ਤੇ ਪੈਂਦਾ ਹੈ, ਉਸੇ ਤਰ੍ਹਾਂ ਮੁਲਾਂਕ ਸਾਡੀ ਸ਼ਖ਼ਸੀਅਤ ਬਾਰੇ ਦੱਸਦਾ ਹੈ। ਅਕਸਰ ਲੋਕ ਸ਼ਿਕਾਇਤ ਕਰਦੇ ਹਨ ਕਿ ਉਨ੍ਹਾਂ ਦਾ ਪਾਰਟਨਰ ਬਹੁਤ 'ਫਲਰਟੀ' ਹੈ ਜਾਂ ਉਹ ਇਕ ਜਗ੍ਹਾ ਟਿਕ ਕੇ ਨਹੀਂ ਰਹਿ ਪਾਉਂਦਾ। ਅੰਕ ਜੋਤਿਸ਼ ਅਨੁਸਾਰ, ਇਸ ਦੇ ਪਿੱਛੇ ਉਨ੍ਹਾਂ ਦੀ ਜਨਮ ਤਾਰੀਖ ਦਾ ਵੱਡਾ ਹੱਥ ਹੋ ਸਕਦਾ ਹੈ। ਕੁਝ ਵਿਸ਼ੇਸ਼ ਮੁਲਾਂਕ ਅਜਿਹੇ ਹੁੰਦੇ ਹਨ, ਜਿਨ੍ਹਾਂ ਵਿੱਚ ਚੰਚਲਤਾ, ਸਮਾਜਿਕ ਹੋਣ ਦੀ ਇੱਛਾ ਅਤੇ ਨਵੇਂ ਲੋਕਾਂ ਨਾਲ ਜੁੜਨ ਦਾ ਸ਼ੌਕ ਹੁੰਦਾ ਹੈ। ਆਓ ਉਨ੍ਹਾਂ ਮੁਲਾਂਕਾਂ ਬਾਰੇ ਜਾਣਦੇ ਹਾਂ।
ਇਨ੍ਹਾਂ ਤਾਰੀਖਾਂ 'ਤੇ ਜਨਮੇ ਲੋਕ ਹੁੰਦੇ ਹਨ ਸੁਭਾਅ ਤੋਂ ਫਲਰਟੀ
ਮੁਲਾਂਕ 3 (ਕਿਸੇ ਵੀ ਮਹੀਨੇ ਦੀ 3, 12, 21 ਜਾਂ 30 ਤਾਰੀਖ)
ਇਸ ਮੁਲਾਂਕ ਦਾ ਸੁਆਮੀ ਬ੍ਰਹਿਸਪਤੀ (Jupiter) ਹੈ। ਇਹ ਲੋਕ ਸੁਭਾਅ ਤੋਂ ਬਹੁਤ ਮਿਲਣਸਾਰ ਹੁੰਦੇ ਹਨ। ਆਪਣੀਆਂ ਮਿੱਠੀਆਂ ਗੱਲਾਂ ਨਾਲ ਇਹ ਕਿਸੇ ਦਾ ਵੀ ਦਿਲ ਜਿੱਤ ਲੈਂਦੇ ਹਨ। ਹਾਲਾਂਕਿ ਇਹ ਫਲਰਟੀ ਹੋਣ ਦੇ ਨਾਲ-ਨਾਲ ਵਫ਼ਾਦਾਰ ਵੀ ਹੋ ਸਕਦੇ ਹਨ, ਪਰ ਇਨ੍ਹਾਂ ਦੀ ਸੋਸ਼ਲ ਹੋਣ ਦੀ ਆਦਤ ਨੂੰ ਅਕਸਰ ਲੋਕ ਗਲਤ ਸਮਝ ਲੈਂਦੇ ਹਨ। ਇਹ ਹਮੇਸ਼ਾ ਚਰਚਾ ਦਾ ਵਿਸ਼ਾ ਬਣੇ ਰਹਿੰਦੇ ਹਨ।
ਮੁਲਾਂਕ 5 (ਕਿਸੇ ਵੀ ਮਹੀਨੇ ਦੀ 5, 14 ਜਾਂ 23 ਤਾਰੀਖ)
ਮੁਲਾਂਕ 5 ਦਾ ਸੁਆਮੀ ਬੁੱਧ (Mercury) ਹੈ, ਜਿਸ ਨੂੰ ਗ੍ਰਹਿਆਂ ਦਾ ਰਾਜਕੁਮਾਰ ਤੇ ਬਦਲਾਅ ਦਾ ਕਾਰਕ ਮੰਨਿਆ ਜਾਂਦਾ ਹੈ। ਇਸ ਤਾਰੀਖ ਨੂੰ ਜਨਮੇ ਲੋਕ ਬਹੁਤ ਬੁੱਧੀਮਾਨ ਤੇ ਗੱਲੀਂ-ਬਾਤੀਂ ਬਹੁਤ ਤੇਜ਼ ਹੁੰਦੇ ਹਨ। ਇਨ੍ਹਾਂ ਦਾ 'ਸੈਂਸ ਆਫ ਹਿਊਮਰ' ਕਮਾਲ ਦਾ ਹੁੰਦਾ ਹੈ ਜਿਸ ਕਾਰਨ ਲੋਕ ਇਨ੍ਹਾਂ ਵੱਲ ਖਿੱਚੇ ਚਲੇ ਆਉਂਦੇ ਹਨ। ਇਹ ਪਿਆਰ ਵਿੱਚ ਵੀ ਬਹੁਤ ਜਲਦੀ ਬੋਰ ਹੋ ਜਾਂਦੇ ਹਨ। ਨਵੇਂ ਲੋਕਾਂ ਨਾਲ ਦੋਸਤੀ ਕਰਨਾ ਅਤੇ ਫਲਰਟ ਕਰਨਾ ਇਨ੍ਹਾਂ ਲਈ ਇੱਕ ਰੋਮਾਂਚ ਦੀ ਤਰ੍ਹਾਂ ਹੁੰਦਾ ਹੈ।
ਮੁਲਾਂਕ 6 (ਕਿਸੇ ਵੀ ਮਹੀਨੇ ਦੀ 6, 15 ਜਾਂ 24 ਤਾਰੀਖ)
ਮੁਲਾਂਕ 6 ਦਾ ਸੁਆਮੀ ਸ਼ੁੱਕਰ (Venus) ਹੈ, ਜੋ ਪ੍ਰੇਮ ਅਤੇ ਸੁੱਖ-ਸਹੂਲਤਾਂ ਦੇ ਕਾਰਕ ਗ੍ਰਹਿ ਮੰਨੇ ਜਾਂਦੇ ਹਨ। ਇਹ ਲੋਕ ਬੇਹੱਦ ਆਕਰਸ਼ਕ ਤੇ ਸੁੰਦਰਤਾ ਪ੍ਰੇਮੀ ਹੁੰਦੇ ਹਨ। ਇਨ੍ਹਾਂ ਦੀ ਸ਼ਖ਼ਸੀਅਤ ਵਿਚ ਇਕ ਕਮਾਲ ਦੀ ਖਿੱਚ ਹੁੰਦੀ ਹੈ। ਇਨ੍ਹਾਂ ਨੂੰ ਲੋਕਾਂ ਦੇ ਵਿਚਕਾਰ ਰਹਿਣਾ ਅਤੇ ਉਨ੍ਹਾਂ ਦੀ ਤਾਰੀਫ਼ ਪਾਉਣਾ ਬਹੁਤ ਪਸੰਦ ਹੁੰਦਾ ਹੈ, ਜਿਸ ਨਾਲ ਇਨ੍ਹਾਂ ਦਾ ਸੁਭਾਅ ਥੋੜ੍ਹਾ ਫਲਰਟੀ ਨਜ਼ਰ ਆਉਂਦਾ ਹੈ।
ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।