ਜੇਠ ਮਹੀਨੇ 'ਚ ਬਣ ਰਿਹਾ 4 ਇਕਾਦਸ਼ੀਆਂ ਦਾ ਦੁਰਲੱਭ ਸੰਯੋਗ, ਡਾਇਰੀ 'ਚ ਹੁਣੇ ਨੋਟ ਕਰੋ ਤਰੀਕਾਂ ਤੇ ਸ਼ੁੱਭ ਮਹੂਰਤ

ਧਰਮ ਡੈਸਕ, ਨਵੀਂ ਦਿੱਲੀ : ਵੈਦਿਕ ਪੰਚਾਂਗ ਅਨੁਸਾਰ ਅਧਿਕ ਮਾਸ (ਮਲਮਾਸ) ਕਾਰਨ ਇਸ ਵਾਰ 2 ਜੇਠ (Jyesth Maas) ਮਹੀਨੇ ਹੋਣਗੇ। ਸਨਾਤਨ ਧਰਮ 'ਚ ਅਧਿਕ ਮਾਸ ਦਾ ਵਿਸ਼ੇਸ਼ ਮਹੱਤਵ ਹੈ। ਅਧਿਕ ਮਾਸ ਦੀ ਸ਼ੁਰੂਆਤ 17 ਮਈ ਤੋਂ ਹੋਵੇਗੀ। 2 ਜੇਠ ਮਹੀਨੇ ਹੋਣ ਕਾਰਨ 4 ਇਕਾਦਸ਼ੀਆਂ ਦਾ ਸ਼ੁਭ ਸੰਯੋਗ ਬਣ ਰਿਹਾ ਹੈ। ਧਾਰਮਿਕ ਮਾਨਤਾ ਅਨੁਸਾਰ, ਇਕਾਦਸ਼ੀ ਦਾ ਵਰਤ ਰੱਖਣ ਨਾਲ ਸਾਧਕ ਨੂੰ ਸਾਰੇ ਪਾਪਾਂ ਤੋਂ ਮੁਕਤੀ ਮਿਲਦੀ ਹੈ। ਨਾਲ ਹੀ ਭਗਵਾਨ ਵਿਸ਼ਨੂੰ ਦੀ ਕਿਰਪਾ ਨਾਲ ਵਿਗੜੇ ਹੋਏ ਕੰਮ ਪੂਰੇ ਹੋ ਜਾਂਦੇ ਹਨ। ਅਜਿਹੇ ਵਿੱਚ ਆਓ ਜਾਣਦੇ ਹਾਂ ਕਿ ਜੇਠ ਮਹੀਨੇ ਵਿੱਚ ਕਦੋਂ ਕਿਹੜੀ ਇਕਾਦਸ਼ੀ ਦਾ ਵਰਤ ਰੱਖਿਆ ਜਾਵੇਗਾ।

ਜੇਠ ਮਹੀਨੇ 'ਚ ਕਦੋਂ ਕਿਹੜੀ ਇਕਾਦਸ਼ੀ ਹੈ?

ਵੈਦਿਕ ਪੰਚਾਂਗ ਅਨੁਸਾਰ, ਜੇਠ ਮਹੀਨੇ ਅਪਰਾ ਇਕਾਦਸ਼ੀ, ਪਦਮਿਨੀ ਇਕਾਦਸ਼ੀ, ਪਰਮਾ ਇਕਾਦਸ਼ੀ ਤੇ ਨਿਰਜਲਾ ਇਕਾਦਸ਼ੀ ਦਾ ਵਰਤ ਰੱਖਿਆ ਜਾਵੇਗਾ।

1. ਅਪਰਾ ਇਕਾਦਸ਼ੀ 2026: ਤਾਰੀਖ ਤੇ ਸ਼ੁਭ ਮਹੂਰਤ

ਇਸ ਵਾਰ ਅਪਰਾ ਇਕਾਦਸ਼ੀ ਦਾ ਵਰਤ 13 ਮਈ ਨੂੰ ਰੱਖਿਆ ਜਾਵੇਗਾ।

ਇਕਾਦਸ਼ੀ ਤਿਥੀ ਦੀ ਸ਼ੁਰੂਆਤ: 12 ਮਈ ਨੂੰ ਦੁਪਹਿਰ 02:52 ਵਜੇ ਤੋਂ

ਇਕਾਦਸ਼ੀ ਤਿਥੀ ਦੀ ਸਮਾਪਤੀ: 13 ਮਈ ਨੂੰ ਦੁਪਹਿਰ 01:29 ਵਜੇ ਤਕ

ਵਰਤ ਖੋਲ੍ਹਣ (ਪਾਰਣ) ਦਾ ਸਮਾਂ: ਸਵੇਰੇ 05:31 ਵਜੇ ਤੋਂ 08:14 ਵਜੇ ਤਕ

2. ਪਦਮਿਨੀ ਇਕਾਦਸ਼ੀ 2026: ਤਾਰੀਖ ਤੇ ਸ਼ੁੱਭ ਮਹੂਰਤ

ਵੈਦਿਕ ਪੰਚਾਂਗ ਅਨੁਸਾਰ, ਪਦਮਿਨੀ ਇਕਾਦਸ਼ੀ 27 ਮਈ ਨੂੰ ਮਨਾਈ ਜਾਵੇਗੀ।

ਇਕਾਦਸ਼ੀ ਤਿਥੀ ਦੀ ਸ਼ੁਰੂਆਤ: 26 ਮਈ ਨੂੰ ਸਵੇਰੇ 05:10 ਵਜੇ ਤੋਂ

ਇਕਾਦਸ਼ੀ ਤਿਥੀ ਦੀ ਸਮਾਪਤੀ: 27 ਮਈ ਨੂੰ ਸਵੇਰੇ 06:21 ਵਜੇ ਤਕ

ਵਰਤ ਖੋਲ੍ਹਣ (ਪਾਰਣ) ਦਾ ਸਮਾਂ: ਸਵੇਰੇ 05:25 ਵਜੇ ਤੋਂ 07:56 ਵਜੇ ਤਕ

3. ਪਰਮਾ ਇਕਾਦਸ਼ੀ 2026: ਤਾਰੀਖ ਅਤੇ ਸ਼ੁਭ ਮਹੂਰਤ

ਇਸ ਵਾਰ ਪਰਮਾ ਇਕਾਦਸ਼ੀ 11 ਜੂਨ ਨੂੰ ਮਨਾਈ ਜਾਵੇਗੀ।

ਇਕਾਦਸ਼ੀ ਤਿਥੀ ਦੀ ਸ਼ੁਰੂਆਤ: 11 ਜੂਨ ਨੂੰ ਰਾਤ 12:57 ਵਜੇ ਤੋਂ

ਇਕਾਦਸ਼ੀ ਤਿਥੀ ਦੀ ਸਮਾਪਤੀ: 11 ਜੂਨ ਦੀ ਰਾਤ 10:36 ਵਜੇ ਤਕ

ਵਰਤ ਖੋਲ੍ਹਣ (ਪਾਰਣ) ਦਾ ਸਮਾਂ: ਸਵੇਰੇ 05:23 ਵਜੇ ਤੋਂ 08:10 ਵਜੇ ਤਕ

4. ਨਿਰਜਲਾ ਇਕਾਦਸ਼ੀ 2026: ਤਾਰੀਖ ਅਤੇ ਸ਼ੁਭ ਮਹੂਰਤ

ਇਸ ਵਾਰ ਨਿਰਜਲਾ ਇਕਾਦਸ਼ੀ ਦਾ ਵਰਤ 25 ਜੂਨ ਨੂੰ ਰੱਖਿਆ ਜਾਵੇਗਾ।

ਇਕਾਦਸ਼ੀ ਤਿਥੀ ਦੀ ਸ਼ੁਰੂਆਤ: 24 ਜੂਨ ਨੂੰ ਸ਼ਾਮ 06:12 ਵਜੇ ਤੋਂ

ਇਕਾਦਸ਼ੀ ਤਿਥੀ ਦੀ ਸਮਾਪਤੀ: 25 ਜੂਨ ਨੂੰ ਰਾਤ 08:09 ਵਜੇ ਤਕ

ਵਰਤ ਖੋਲ੍ਹਣ (ਪਾਰਣ) ਦਾ ਸਮਾਂ: 26 ਜੂਨ ਨੂੰ ਸਵੇਰੇ 05:25 ਵਜੇ ਤੋਂ 08:13 ਵਜੇ ਤਕ

ਇਕਾਦਸ਼ੀ ਦਾ ਮਹੱਤਵ

ਅਪਰਾ ਇਕਾਦਸ਼ੀ: ਇਸ ਦਾ ਵਰਤ ਰੱਖਣ ਨਾਲ ਸਾਧਕ ਨੂੰ ਧਨ ਅਤੇ ਪੁੰਨ ਦੀ ਪ੍ਰਾਪਤੀ ਹੁੰਦੀ ਹੈ।

ਪਦਮਿਨੀ ਇਕਾਦਸ਼ੀ: ਇਸ ਵਰਤ ਨਾਲ ਤੀਰਥ ਯਾਤਰਾ ਦੇ ਬਰਾਬਰ ਪੁੰਨ ਮਿਲਦਾ ਹੈ ਅਤੇ ਸੁੱਖ ਤੇ ਖੁਸ਼ਹਾਲੀ ਵਧਦੀ ਹੈ।

ਪਰਮਾ ਇਕਾਦਸ਼ੀ: ਭਗਵਾਨ ਵਿਸ਼ਨੂੰ ਤੇ ਮਾਂ ਲਕਸ਼ਮੀ ਦੀ ਪੂਜਾ ਕਰਨ ਨਾਲ ਜੀਵਨ ਵਿੱਚ ਖੁਸ਼ਹਾਲੀ ਆਉਂਦੀ ਹੈ।

ਨਿਰਜਲਾ ਇਕਾਦਸ਼ੀ: ਇਹ ਸਭ ਤੋਂ ਕਠਿਨ ਵਰਤ ਹੈ। ਮੰਨਿਆ ਜਾਂਦਾ ਹੈ ਕਿ ਇਸ ਨੂੰ ਕਰਨ ਨਾਲ ਸਾਲ ਦੀਆਂ ਸਾਰੀਆਂ ਇਕਾਦਸ਼ੀਆਂ ਦੇ ਬਰਾਬਰ ਫਲ ਮਿਲਦਾ ਹੈ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।