Jagannath Rath Yatra 2023 : ਕਦੋਂ ਆਪਣੀ ਮਾਸੀ ਦੇ ਘਰ ਜਾਣਗੇ ਭਗਵਾਨ ਜਗਨਨਾਥ ? ਜਾਣੋ ਰਥ ਯਾਤਰਾ 2023 ਦੀ ਤਿਥੀ ਤੇ ਮਹੱਤਵ

Jagannath Rath Yatra 2023 : ਓਡੀਸ਼ਾ ਵਿਚ ਸਥਿਤ ਸਿੱਧ ਸ਼ਹਿਰ ਪੁਰੀ ਵਿੱਚ ਭਗਵਾਨ ਜਗਨਨਾਥ ਰੱਥ ਯਾਤਰਾ ਉਤਸਵ ਬੜੇ ਉਤਸ਼ਾਹ ਨਾਲ ਮਨਾਇਆ ਜਾਂਦਾ ਹੈ। ਹਿੰਦੂ ਕੈਲੰਡਰ ਅਨੁਸਾਰ, ਭਗਵਾਨ ਜਗਨਨਾਥ ਦੀ ਰੱਥ ਯਾਤਰਾ ਅਸਾਧ ਮਹੀਨੇ ਦੇ ਸ਼ੁਕਲ ਪੱਖ ਦੇ ਦੂਜੇ ਦਿਨ ਕੱਢੀ ਜਾਂਦੀ ਹੈ। ਇਸ ਵਿਸ਼ੇਸ਼ ਦਿਨ ਭਗਵਾਨ ਜਗਨਨਾਥ ਆਪਣੇ ਵੱਡੇ ਭਰਾ ਬਲਭਦਰ ਤੇ ਭੈਣ ਸੁਭਦਰਾ ਨਾਲ ਤਿੰਨ ਵਿਸ਼ਾਲ ਰੱਥਾਂ 'ਤੇ ਸ਼ਹਿਰ ਦੀ ਯਾਤਰਾ ਕਰਦੇ ਹਨ ਤੇ ਗੁੰਡੀਚਾ ਮੰਦਰ ਵਿਖੇ ਆਪਣੀ ਮਾਸੀ ਦੇ ਘਰ ਜਾਂਦੇ ਹਨ। ਆਓ ਜਾਣਦੇ ਹਾਂ ਕਦੋਂ ਧੂਮਧਾਮ ਨਾਲ ਕੱਢੀ ਜਾਵੇਗੀ ਭਗਵਾਨ ਜਗਨਨਾਥ ਦੀ ਰੱਥ ਯਾਤਰਾ, ਸਮਾਂ ਤੇ ਮਹੱਤਵ ?

ਜਗਨਨਾਥ ਰਥ ਯਾਤਰਾ 2023 ਕਦੋਂ?

ਹਿੰਦੂ ਕੈਲੰਡਰ ਅਨੁਸਾਰ ਅੱਸੂ ਦੇ ਮਹੀਨੇ ਦੇ ਸ਼ੁਕਲ ਪੱਖ ਦੀ ਦ੍ਵਵੀਤਿਆ ਤਰੀਕ 19 ਜੂਨ ਨੂੰ ਸਵੇਰੇ 11:25 ਵਜੇ ਸ਼ੁਰੂ ਹੋਵੇਗੀ ਅਤੇ 20 ਜੂਨ ਨੂੰ ਦੁਪਹਿਰ 01:07 ਵਜੇ ਸਮਾਪਤ ਹੋਵੇਗੀ। ਅਜਿਹੇ ਵਿਚ ਭਗਵਾਨ ਜਗਨਨਾਥ ਦੀ ਰੱਥ ਯਾਤਰਾ 20 ਜੂਨ 2023 ਮੰਗਲਵਾਰ ਨੂੰ ਭਜਨ ਤੇ ਸੰਗੀਤ ਦੇ ਨਾਲ ਕੱਢੀ ਜਾਵੇਗੀ। ਦੱਸ ਦੇਈਏ ਕਿ ਭਗਵਾਨ ਜਗਨਨਾਥ ਦੀ ਰੱਥ ਯਾਤਰਾ 20 ਜੂਨ ਨੂੰ ਰਾਤ 10.04 ਵਜੇ ਸ਼ੁਰੂ ਹੋਵੇਗੀ ਤੇ ਯਾਤਰਾ 21 ਜੂਨ ਨੂੰ ਸ਼ਾਮ 07.09 ਵਜੇ ਸਮਾਪਤ ਹੋਵੇਗੀ।

ਜਗਨਨਾਥ ਰੱਥ ਯਾਤਰਾ 2023 ਮਹੱਤਤਾ

ਪੂਰੇ ਦੇਸ਼ ਅਤੇ ਵਿਦੇਸ਼ਾਂ ਤੋਂ ਲੋਕ ਪੁਰੀ ਵਿਚ ਹੋਣ ਵਾਲੀ ਵਿਸ਼ਾਲ ਰੱਥ ਯਾਤਰਾ ਨੂੰ ਦੇਖਣ ਲਈ ਇਸ ਸਿੱਧ ਸ਼ਹਿਰ ਵਿਚ ਇਕੱਠੇ ਹੁੰਦੇ ਹਨ। ਧਾਰਮਿਕ ਮਾਨਤਾਵਾਂ ਅਨੁਸਾਰ, ਭਗਵਾਨ ਜਗਨਨਾਥ ਦੀ ਰੱਥ ਯਾਤਰਾ ਦੇ ਦਰਸ਼ਨ ਸਾਧਕ ਨੂੰ ਚੰਗੀ ਕਿਸਮਤ ਤੇ ਖੁਸ਼ਹਾਲੀ ਦੀ ਬਖਸ਼ਿਸ਼ ਕਰਦੇ ਹਨ। ਇਸ ਦੇ ਨਾਲ ਹੀ ਭਗਵਾਨ ਜਗਨਨਾਥ ਦੇ ਆਸ਼ੀਰਵਾਦ ਨਾਲ ਜੀਵਨ ਦੀਆਂ ਮੁਸ਼ਕਲਾਂ ਦੂਰ ਹੋ ਜਾਂਦੀਆਂ ਹਨ। ਇਸ ਦੇ ਨਾਲ ਹੀ ਦੱਸ ਦੇਈਏ ਕਿ ਪੁਰੀ ਵਿੱਚ ਸਥਿਤ ਭਗਵਾਨ ਜਗਨਨਾਥ ਮੰਦਿਰ ਨੂੰ ਵਿਸ਼ਵ ਪ੍ਰਸਿੱਧ ਚਾਰ ਧਾਮਾਂ ਵਿੱਚ ਗਿਣਿਆ ਜਾਂਦਾ ਹੈ। ਅਜਿਹੇ 'ਚ ਇਸ ਸਥਾਨ 'ਤੇ ਪੂਜਾ ਕਰਨ ਵਾਲੇ ਨੂੰ ਪੁੰਨ ਪ੍ਰਾਪਤ ਹੁੰਦਾ ਹੈ।