Happy Maha Shivratri 2020 : ਮਨਚਾਹਿਆ ਫਲ਼ ਚਾਹੀਦਾ ਹੈ ਤਾਂ ਰਾਸ਼ੀ ਅਨੁਸਾਰ ਕਰੋ ਭੋਲੇਨਾਥ ਦੀ ਪੂਜਾ

ਜੇਐੱਨਐੱਨ, ਨਵੀਂ ਦਿੱਲੀ : Happy Maha Shivratri 2020 : ਫਰਵਰੀ ਮਹੀਨੇ ਦਾ ਅਹਿਮ ਤਿਉਹਾਰ ਹੈ ਮਹਾਸ਼ਿਵਰਾਤਰੀ। ਇਹ ਤਿਉਹਾਰ ਹਿੰਦੂ ਧਰਮ ਵਿਚ ਖਾਸ ਮਹੱਤਵ ਰੱਖਦਾ ਹੈ। ਮਹਾਸ਼ਿਵਰਾਤਰੀ 21 ਫਰਵਰੀ ਦੀ ਸ਼ਾਮ ਨੂੰ 5.20 ਵਜੇ ਤੋਂ ਸ਼ੁਰੂ ਹੋ ਕੇ ਅਗਲੇ ਦਿਨ 22 ਫਰਵਰੀ ਦਿਨ ਸ਼ਨਿਚਰਵਾਰ ਨੂੰ ਸ਼ਾਮ 7.02 ਵਜੇ ਤਕ ਮਨਾਈ ਜਾਵੇਗੀ। ਰਾਤ ਦੇ ਪਹਿਰ ਦੀ ਪੂਜਾ ਸ਼ਾਮ ਨੂੰ 6.41 ਵਜੇ ਤੋਂ ਰਾਤ 12.52 ਵਜੇ ਤਕ ਹੋਵੇਗੀ। ਅਗਲੇ ਦਿਨ ਸਵੇਰੇ ਮੰਦਰਾਂ 'ਚ ਭਗਵਾਨ ਸ਼ਿਵ ਦੀ ਵਿਧੀ ਵਿਧਾਨ-ਨਾਲ ਪੂਜਾ ਕੀਤੀ ਜਾਵੇਗੀ।

ਅਭਿਸ਼ੇਕ ਦਾ ਹੈ ਮਹੱਤਵ

ਮਹਾਸ਼ਿਵਰਾਤਰੀ 'ਤੇ ਸ਼ਿਵ ਆਰਾਧਨਾ ਅਤੇ ਅਭਿਸ਼ੇਕ ਬੇਹੱਦ ਫਲਦਾਈ ਹੁੰਦੇ ਹਨ। ਸ਼ਿਵ ਨੂੰ ਯੋਗ, ਸਾਧਨਾ ਅਤੇ ਗਿਆਨ ਦਾ ਵੀ ਸਰੂਪ ਮੰਨਿਆ ਜਾਂਦਾ ਹੈ। ਸ਼ਿਵਰਾਤਰੀ 'ਤੇ ਅਭਿਸ਼ੇਕ ਕਰਨ ਨਾਲ ਭਗਤਾਂ ਨੂੰ ਧਨ, ਖ਼ੁਸ਼ਹਾਲੀ ਅਤੇ ਮੁਕਤੀ ਦੀ ਪ੍ਰਾਪਤੀ ਹੁੰਦੀ ਹੈ। ਨਾਲ ਹੀ ਬਿਮਾਰੀ ਤੋਂ ਮੁਕਤੀ ਮਿਲਦੀ ਹੈ। ਸੰਤਾਨ ਅਤੇ ਸੁੱਖ ਦਾ ਅਸ਼ੀਰਵਾਦ ਮਿਲਦਾ ਹੈ ਅਤੇ ਮੁਸੀਬਤਾਂ ਤੋਂ ਵੀ ਛੁਟਕਾਰਾ ਮਿਲਦਾ ਹੈ। ਸ਼ੁੱਧ ਜਲ, ਤੀਰਥ ਸਥਲਾਂ ਦੀਆਂ ਨਦੀਆਂ ਦਾ ਜਲ, ਗੰਨੇ ਦਾ ਰਸ, ਵੱਖ-ਵੱਖ ਫੁੱਲ, ਦੁੱਧ, ਦਹੀ, ਸੀਤਲ ਜਲ ਨਾਲ ਅਭਿਸ਼ੇਕ ਕਰਨਾ ਸਭ ਤੋਂ ਲਾਭਕਾਰੀ ਫਲਦਾਈ ਮੰਨਿਆ ਜਾਂਦਾ ਹੈ।

ਰਾਸ਼ੀ ਅਨੁਸਾਰ ਕਰੋ ਪੂਜਾ

ਸ਼ਿਵ ਭੋਲੇ ਨਾਥ ਹਨ ਅਤੇ ਪੂਜਾ ਨਾਲ ਖੁਸ਼ ਹੋ ਜਾਂਦੇ ਹਨ। ਅਜਿਹੇ ਵਿਚ ਵੱਖ-ਵੱਖ ਰਾਸ਼ੀ ਵਾਲੇ ਕੁਝ ਖਾਸ ਸਮੱਗਰੀ ਨਾਲ ਪੂਜਾ ਕਰ ਕੇ ਉਨ੍ਹਾਂ ਨੂੰ ਖੁਸ਼ ਕਰ ਸਕਦੇ ਹਨ। ਇਸ ਦੇ ਲਈ ਮੇਖ ਰਾਸ਼ੀ ਵਾਲੇ ਸਮੀ ਦੇ ਫੁੱਲਾਂ ਨਾਲ, ਬ੍ਰਿਖ ਰਾਸ਼ੀ ਵਾਲੇ ਅੱਕ ਦੇ ਫੁੱਲਾਂ ਨਾਲ, ਮਿਥੁਨ ਰਾਸ਼ੀ ਵਾਲੇ ਸਮੀ ਦੇ ਪੱਤਿਆਂ ਨਾਲ, ਕਰਕ ਰਾਸ਼ੀ ਵਾਲੇ ਬੇਲ ਪੱਤਰਾਂ ਨਾਲ, ਸਿੰਘ ਰਾਸ਼ੀ ਵਾਲੇ ਧਤੂਰੇ ਨਾਲ, ਕੰਨਿਆ ਰਾਸ਼ੀ ਦੇ ਲੋਕ ਸਮੀ ਦੇ ਪੱਤਿਆਂ ਅਤੇ ਕਨੇਰ ਦੇ ਫੁੱਲਾਂ ਨਾਲ, ਤੁਲਾ ਰਕਮ ਵਾਲੇ ਅਕੌੜੇ ਦੇ ਪੱਤਿਆਂ ਨਾਲ, ਬ੍ਰਿਸ਼ਚਕ ਰਾਸ਼ੀ ਵਾਲੇ ਸਮੀ ਦੇ ਫੁੱਲਾਂ ਨਾਲ, ਧਨੁ ਰਾਸ਼ੀ ਵਾਲੇ ਬੇਲ ਪੱਤਰ ਨਾਲ ਮਕਰ ਰਾਸ਼ੀ ਵਾਲੇ ਨੀਲ ਕਮਲ ਦੇ ਫੁੱਲ ਨਾਲ, ਕੁੰਭ ਰਾਸ਼ੀ ਵਾਲੇ ਕਨੇਰ ਦੇ ਫੁੱਲ ਨਾਲ ਅਤੇ ਮੀਨ ਰਾਸ਼ੀ ਵਾਲੇ ਬੇਲ ਪੱਤਰ ਅਤੇ ਕਨੇਰ ਦੇ ਫੁੱਲਾਂ ਨਾਲ ਪੂਜਾ ਕਰਨ। ਇਸ ਤਰ੍ਹਾਂ ਪੂਜਾ ਕਰਨ ਨਾਲ ਸ਼ੁੱਭ ਲਾਭ ਮਿਲਦਾ ਹੈ।