ਸ਼ਨੀ ਜੈਅੰਤੀ ਤੇ ਸ਼ਨਿੱਚਰੀ ਮੱਸਿਆ ਦਾ ਮਹਾ-ਸੰਯੋਗ; ਇਨ੍ਹਾਂ ਸ਼ੁੱਭ ਮਹੂਰਤਾਂ 'ਚ ਪੂਜਾ ਨਾਲ ਟਲਣਗੇ ਸਾਰੇ ਸੰਕਟ

ਧਰਮ ਡੈਸਕ, ਨਵੀਂ ਦਿੱਲੀ: ਮੱਸਿਆ ਦਾ ਦਿਨ ਪੈਣ ਕਾਰਨ ਸ਼ਨੀ ਜੈਅੰਤੀ ਨੂੰ 'ਸ਼ਨੀ ਮੱਸਿਆ' ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ, ਜੋ ਇਸ ਵਾਰ 16 ਮਈ 2026 ਨੂੰ ਮਨਾਈ ਜਾਵੇਗੀ। ਸ਼ਨੀ ਗ੍ਰਹਿ ਤੇ ਸ਼ਨੀਵਾਰ ਦੇ ਦਿਨ ਨੂੰ ਸ਼ਨੀਦੇਵ ਹੀ ਸ਼ਾਸਿਤ ਕਰਦੇ ਹਨ। ਇਸ ਵਾਰ ਸ਼ਨੀ ਜੈਅੰਤੀ ਸ਼ਨੀਵਾਰ ਦੇ ਦਿਨ ਪੈ ਰਹੀ ਹੈ। ਅਜਿਹੇ ਵਿੱਚ ਸ਼ਨੀਵਾਰ ਦੇ ਦਿਨ ਹੀ ਸ਼ਨੀ ਜੈਅੰਤੀ ਦਾ ਹੋਣਾ ਆਪਣੇ ਆਪ 'ਚ ਬੇਹੱਦ ਸ਼ੁੱਭ ਤੇ ਦੁਰਲੱਭ ਸੰਯੋਗ ਮੰਨਿਆ ਜਾ ਰਿਹਾ ਹੈ।

ਬਣ ਰਹੇ ਹਨ ਇਹ ਸ਼ੁੱਭ ਯੋਗ

ਮੱਸਿਆ ਤਰੀਕ ਦੀ ਸ਼ੁਰੂਆਤ: 16 ਮਈ ਨੂੰ ਸਵੇਰੇ 5 ਵੱਜ ਕੇ 11 ਮਿੰਟ 'ਤੇ।

ਮੱਸਿਆ ਤਰੀਕ ਦੀ ਸਮਾਪਤੀ: 17 ਮਈ ਨੂੰ ਦੇਰ ਰਾਤ 1 ਵਜ ਕੇ 30 ਮਿੰਟ ਤਕ।

ਸ਼ੁੱਭ ਯੋਗ: ਸਵੇਰੇ 10 ਵਜ ਕੇ 26 ਮਿੰਟ ਤਕ।

ਸ਼ੋਭਨ ਯੋਗ: ਇਹ ਯੋਗ 16 ਮਈ ਤੋਂ ਸ਼ੁਰੂ ਹੋ ਕੇ 17 ਮਈ ਸਵੇਰੇ 6 ਵਜ ਕੇ 15 ਮਿੰਟ ਤੱਕ ਰਹੇਗਾ।

ਬ੍ਰਹਮ ਮਹੂਰਤ: ਸਵੇਰੇ 4 ਵਜ ਕੇ 7 ਮਿੰਟ ਤੋਂ ਸਵੇਰੇ 4 ਵਜ ਕੇ 48 ਮਿੰਟ ਤੱਕ।

ਸ਼ਨੀ ਜੈਅੰਤੀ ਦਾ ਅਧਿਆਤਮਕ ਮਹੱਤਵ

ਸ਼ਨੀਦੇਵ ਨੂੰ 'ਨਿਆਂ ਦਾ ਦੇਵਤਾ' ਕਿਹਾ ਜਾਂਦਾ ਹੈ, ਉਹ ਵਿਅਕਤੀ ਦੇ ਕਰਮਾਂ ਦੇ ਆਧਾਰ 'ਤੇ ਫਲ ਪ੍ਰਦਾਨ ਕਰਦੇ ਹਨ। ਸ਼ਨੀ ਜੈਅੰਤੀ ਦਾ ਦਿਨ ਕਰਮਫਲ ਦਾਤਾ ਭਗਵਾਨ ਸ਼ਨੀਦੇਵ ਨੂੰ ਸਮਰਪਿਤ ਹੈ। ਇਹ ਦਿਨ ਨਾ ਸਿਰਫ਼ ਉਨ੍ਹਾਂ ਦੀ ਕਿਰਪਾ ਪਾਉਣ ਲਈ ਵਿਸ਼ੇਸ਼ ਹੈ, ਸਗੋਂ ਜੀਵਨ ਦੇ ਸੰਘਰਸ਼ਾਂ ਨੂੰ ਘੱਟ ਕਰਨ ਅਤੇ ਕਿਸਮਤ ਨੂੰ ਜਗਾਉਣ ਲਈ ਇਕ 'ਗੋਲਡਨ ਚਾਂਸ' ਮੰਨਿਆ ਜਾਂਦਾ ਹੈ। ਇਸ ਦਿਨ ਜੋ ਭਗਤ ਸੱਚੇ ਮਨ ਨਾਲ ਸ਼ਨੀਦੇਵ ਦੀ ਅਰਾਧਨਾ ਕਰਦਾ ਹੈ, ਉਨ੍ਹਾਂ ਨੂੰ ਉਹ ਸੌਭਾਗਿਆ ਅਤੇ ਅਟੁੱਟ ਖੁਸ਼ਹਾਲੀ ਦਾ ਆਸ਼ੀਰਵਾਦ ਦਿੰਦੇ ਹਨ।

ਸਾੜ੍ਹਸਤੀ ਤੇ ਢਈਏ ਤੋਂ ਮੁਕਤੀ ਦਾ ਮੰਤਰ

ਜਿਨ੍ਹਾਂ ਲੋਕਾਂ ਦੀ ਕੁੰਡਲੀ 'ਚ ਸ਼ਨੀ ਦੀ ਸਾੜ੍ਹਸਤੀ ਜਾਂ ਢਈਆ ਚੱਲ ਰਿਹਾ ਹੈ, ਉਨ੍ਹਾਂ ਲਈ ਸ਼ਨੀ ਜੈਅੰਤੀ ਦਾ ਦਿਨ ਕਿਸੇ ਵਰਦਾਨ ਤੋਂ ਘੱਟ ਨਹੀਂ ਹੈ। ਇਸ ਦਿਨ ਕੀਤੇ ਗਏ ਵਿਸ਼ੇਸ਼ ਅਨੁਸ਼ਠਾਨ ਅਤੇ ਉਪਾਅ ਕਸ਼ਟਾਂ ਦੀ ਤੀਬਰਤਾ ਨੂੰ ਘੱਟ ਕਰ ਦਿੰਦੇ ਹਨ।

ਕਰ ਸਕਦੇ ਹੋ ਇਹ ਕੰਮ:

• ਸ਼ਨੀ ਜੈਅੰਤੀ ਦੇ ਦਿਨ ਸ਼ਨੀਦੇਵ ਦੀ ਮੂਰਤੀ 'ਤੇ ਸਰ੍ਹੋਂ ਦਾ ਤੇਲ ਅਰਪਿਤ ਕਰਨਾ ਚਾਹੀਦਾ ਹੈ। ਇਹ ਸ਼ਨੀ ਦੋਸ਼ਾਂ ਨੂੰ ਸ਼ਾਂਤ ਕਰਨ ਦਾ ਸਭ ਤੋਂ ਪ੍ਰਭਾਵਸ਼ਾਲੀ ਤਰੀਕਾ ਮੰਨਿਆ ਜਾਂਦਾ ਹੈ।
• ਗ੍ਰਹਿਆਂ ਦੀ ਸ਼ਾਂਤੀ ਲਈ ਸ਼ਨੀ ਜੈਅੰਤੀ ਦੇ ਦਿਨ ਹਵਨ ਅਤੇ ਯੱਗ ਦਾ ਵਿਸ਼ੇਸ਼ ਫਲ ਮਿਲਦਾ ਹੈ।
• ਇਸ ਦਿਨ ਸਮਰੱਥਾ ਅਨੁਸਾਰ ਕਾਲੀ ਉੜਦ, ਕਾਲੇ ਤਿਲ, ਲੋਹੇ ਦੀਆਂ ਵਸਤੂਆਂ ਅਤੇ ਅੰਨ ਦਾ ਦਾਨ ਕਰਨਾ ਬਹੁਤ ਫਲਦਾਇਕ ਹੁੰਦਾ ਹੈ।
• ਇਸ ਦਿਨ ਵਰਤ ਰੱਖਣਾ ਅਤੇ ਸ਼ਨੀ ਮੰਦਰਾਂ ਵਿੱਚ ਦਰਸ਼ਨ ਕਰਨਾ ਵੀ ਵਿਸ਼ੇਸ਼ ਤੌਰ 'ਤੇ ਲਾਭਕਾਰੀ ਮੰਨਿਆ ਗਿਆ ਹੈ।
• ਮਾਨਤਾ ਹੈ ਕਿ ਇਸ ਦਿਨ ਪੂਰੀ ਸ਼ਰਧਾ ਨਾਲ ਕੀਤੀ ਗਈ 'ਸ਼ਨੀ ਚਾਲੀਸਾ' ਦਾ ਪਾਠ ਅਤੇ 'ॐ शं शनैश्चराय नमः' ਮੰਤਰ ਦਾ ਜਾਪ ਸਾਧਕ ਦੇ ਜੀਵਨ ਦੇ ਸਾਰੇ ਕਸ਼ਟ ਹਰ ਲੈਂਦਾ ਹੈ।
• ਜੇਕਰ ਤੁਸੀਂ ਸ਼ਨੀ ਦੋਸ਼ ਨਾਲ ਜੂਝ ਰਹੇ ਹੋ, ਤਾਂ ਇਸ ਸ਼ਨੀ ਜੈਅੰਤੀ 'ਤੇ ਪਿੱਪਲ ਦੇ ਰੁੱਖ ਹੇਠਾਂ ਸਰ੍ਹੋਂ ਦੇ ਤੇਲ ਦਾ ਚੌਮੁਖਾ ਦੀਵਾ ਜ਼ਰੂਰ ਜਗਾਓ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।