ਦੀਵਾਲੀ ਤੋਂ ਪਹਿਲਾਂ ਪੁਸ਼ਯ ਨਕਸ਼ੱਤਰ ਦਾ ਮਹਾ ਸੰਯੋਗ, ਇੱਥੇ ਨੋਟ ਕਰੋ ਸੋਨਾ ਤੇ ਵਾਹਨ ਖਰੀਦਣ ਦਾ ਸ਼ੁੱਭ ਮਹੂਰਤ

ਧਰਮ ਡੈਸਕ, ਨਵੀਂ ਦਿੱਲੀ : ਵੈਦਿਕ ਪੰਚਾਂਗ ਅਨੁਸਾਰ, ਹਰ ਸਾਲ ਕੱਤਕ ਮਹੀਨੇ ਦੀ ਮੱਸਿਆ ਤਿਥੀ 'ਤੇ ਦੀਵਾਲੀ ਮਨਾਈ ਜਾਂਦੀ ਹੈ। ਇਸ ਵਾਰ 20 ਅਕਤੂਬਰ ਨੂੰ ਰੌਸ਼ਨੀਆਂ ਦਾ ਤਿਉਹਾਰ ਦੀਵਾਲੀ ਮਨਾਇਆ ਜਾਵੇਗਾ। ਇਹ ਤਿਉਹਾਰ ਦੇਸ਼ ਭਰ 'ਚ ਉਤਸਾਹ ਤੇ ਉਮੰਗ ਨਾਲ ਮਨਾਇਆ ਜਾਂਦਾ ਹੈ। ਧਾਰਮਿਕ ਮਾਨਤਾ ਅਨੁਸਾਰ, ਇਸ ਦਿਨ ਮਾਂ ਲਕਸ਼ਮੀ ਤੇ ਭਗਵਾਨ ਗਣੇਸ਼ ਦੀ ਪੂਜਾ ਕਰਨ ਨਾਲ ਧਨ ਵਿਚ ਅਪਾਰ ਵਾਧਾ ਹੁੰਦਾ ਹੈ। ਨਾਲ ਹੀ, ਜੀਵਨ ਦੇ ਸਾਰੇ ਦੁੱਖ ਦੂਰ ਹੁੰਦੇ ਹਨ। ਇਸ ਤੋਂ ਇਲਾਵਾ ਭਗਵਾਨ ਗਣੇਸ਼ ਦੀ ਕਿਰਪਾ ਨਾਲ ਸਾਰੇ ਵਿਗੜੇ ਕੰਮ ਪੂਰੇ ਹੁੰਦੇ ਹਨ।

ਜੋਤਸ਼ੀ ਗਣਨਾ ਅਨੁਸਾਰ, ਇਸ ਵਾਰ ਦੀਵਾਲੀ ਤੋਂ ਪਹਿਲਾਂ 2 ਦਿਨ ਪੁਸ਼ਯ ਨਕਸ਼ੱਤਰ ਦਾ ਮਹਾ ਸੰਯੋਗ ਬਣ ਰਿਹਾ ਹੈ। ਇਸ ਯੋਗ ਵਿਚ ਕਿਸੇ ਕਾਰੋਬਾਰ ਦੀ ਸ਼ੁਰੂਆਤ ਕਰਨਾ ਤੇ ਸੋਨਾ ਅਤੇ ਵਾਹਨ ਦੀ ਖਰੀਦਾਰੀ ਕਰਨਾ ਸ਼ੁਭ ਮੰਨਿਆ ਜਾਂਦਾ ਹੈ।

ਇਸ ਯੋਗ ਦੌਰਾਨ ਖਰੀਦਾਰੀ ਕਰਨ ਨਾਲ ਸ਼ੁੱਖ ਤੇ ਖੁਸ਼ਹਾਲੀ 'ਚ ਵਾਧਾ ਹੁੰਦਾ ਹੈ। ਦੱਸਣਾ ਚਾਹੀਦਾ ਹੈ ਕਿ ਮੰਗਲ ਪੁਸ਼ਯ ਯੋਗ ਬਣਨ ਨਾਲ ਧਨ ਵਿਚ ਵਾਧਾ ਹੁੰਦਾ ਹੈ ਤੇ ਬੁੱਧ ਪੁਸ਼ਯ ਨਾਲ ਕੰਮਾਂ 'ਚ ਸਫਲਤਾ ਮਿਲਦੀ ਹੈ। ਇਸ ਲਈ, ਆਓ ਇਸ ਲੇਖ ਵਿਚ ਇਨ੍ਹਾਂ ਯੋਗਾਂ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਹਾਸਲ ਕਰੀਏ।

ਪੁਸ਼ਯ ਨਕਸ਼ੱਤਰ ਦੀ ਸ਼ੁਰੂਆਤ ਤੇ ਸਮਾਂ

ਪੁਸ਼ਯ ਨਕਸ਼ੱਤਰ ਦੀ ਸ਼ੁਰੂਆਤ : 14 ਅਕਤੂਬਰ ਨੂੰ ਸਵੇਰੇ 11.53 ਮਿੰਟ 'ਤੇ

ਪੁਸ਼ਯ ਨਕਸ਼ੱਤਰ ਦਾ ਸਮਾਪਨ: 15 ਅਕਤੂਬਰ ਨੂੰ ਦੁਪਹਿਰ 12 ਵਜੇ ਤਕ

ਪੁਸ਼ਯ ਨਕਸ਼ੱਤਰ 'ਚ ਖਰੀਦਾਰੀ ਦਾ ਸ਼ੁੱਭ ਮਹੂਰਤ

(14 ਅਕਤੂਬਰ ਨੂੰ ਸ਼ੁਭ ਸਮਾਂ)

- ਸਵੇਰੇ 11.54 ਤੋਂ ਦੁਪਹਿਰ 1.33 ਮਿੰਟ ਤਕ

- ਦੁਪਹਿਰ 3 ਵਜੇ ਤੋਂ ਸ਼ਾਮ 4.26 ਮਿੰਟ ਤਕ

- ਸ਼ਾਮ 7.26 ਮਿੰਟ ਤੋਂ ਰਾਤ 9 ਵਜੇ ਤੱ

(15 ਅਕਤੂਬਰ ਨੂੰ ਸ਼ੁਭ ਸਮਾਂ)

- ਦੁਪਹਿਰ 12 ਵਜੇ ਤਕ...

ਕੰਮ 'ਚ ਵਾਧਾ

ਜੋਤਿਸ਼ ਸ਼ਾਸਤਰ 'ਚ ਪੁਸ਼ਯ ਨਕਸ਼ੱਤਰ ਨੂੰ ਬੇਹੱਦ ਸ਼ੁਭ ਮੰਨਿਆ ਗਿਆ ਹੈ। ਪੁਸ਼ਯ ਨਕਸ਼ੱਤਰ ਦੇ ਸਵਾਮੀ ਸ਼ਨੀ ਹਨ। ਇਸ ਯੋਗ ਵਿਚ ਕਿਸੇ ਨਵੇਂ ਕੰਮ ਦੀ ਸ਼ੁਰੂਆਤ ਕਰਨਾ ਫਲਦਾਇਕ ਹੁੰਦਾ ਹੈ ਤੇ ਕੰਮ ਵਿਚ ਵਾਧਾ ਹੁੰਦਾ ਹੈ।

ਇਹ ਚੀਜ਼ਾਂ ਖਰੀਦਣਾ ਹੁੰਦੈ ਸ਼ੁਭ

ਖੇਤੀ ਨਾਲ ਜੁੜੀਆਂ ਚੀਜ਼ਾਂ, ਗੈਜੇਟ, ਪੜ੍ਹਾਈ ਨਾਲ ਜੁੜਿਆ ਸਾਮਾਨ, ਫਰਿੱਜ, ਏਸੀ, ਵਾਹਨ, ਘਰ, ਸੋਨਾ ਤੇ ਚਾਂਦੀ ਆਦਿ।

ਪੁਸ਼ਯ ਨਕਸ਼ੱਤਰ 'ਚ ਸੋਨਾ, ਚਾਂਦੀ ਤੇ ਵਾਹਨ ਦੀ ਖਰੀਦਾਰੀ ਨੂੰ ਸ਼ੁਭ ਮੰਨਿਆ ਜਾਂਦਾ ਹੈ। ਇਸ ਨਾਲ ਧਨ ਦੀ ਦੇਵੀ ਦੀ ਕਿਰਪਾ ਪ੍ਰਾਪਤ ਹੁੰਦੀ ਹੈ ਅਤੇ ਧਨ ਵਿਚ ਵਾਧਾ ਹੁੰਦਾ ਹੈ। ਇਸ ਤੋਂ ਇਲਾਵਾ, ਇਸ ਯੋਗ ਨੂੰ ਨਿਵੇਸ਼ ਕਰਨ ਲਈ ਵੀ ਸ਼ੁਭ ਮੰਨਿਆ ਜਾਂਦਾ ਹੈ। ਪੁਸ਼ਯ ਨਕਸ਼ੱਤਰ 'ਚ ਸ਼੍ਰੀਹਰਿ ਤੇ ਮਾਂ ਲਕਸ਼ਮੀ ਦੀ ਪੂਜਾ ਕਰਨ ਦਾ ਵੀ ਵਿਸ਼ੇਸ਼ ਮਹੱਤਵ ਹੈ।