ਗੁੱਸੇ ਉੱਪਰ ਕਾਬੂ ਤੇ ਮਾਨਸਿਕ ਸਕੂਨ : ਕਿਹੜੇ ਲੋਕਾਂ ਲਈ 'ਮੋਤੀ' ਹੈ ਇਕ ਜਾਦੂਈ ਰਤਨ?

ਧਰਮ ਡੈਸਕ, ਨਵੀਂ ਦਿੱਲੀ : ਚੰਦਰਮਾ ਤੋਂ ਪ੍ਰਭਾਵਿਤ ਹੋਣ ਕਾਰਨ ਮੋਤੀ ਦਾ ਸਿੱਧਾ ਅਸਰ ਸਾਡੇ ਸੁਭਾਅ ਅਤੇ ਸੋਚਣ ਦੀ ਸ਼ਕਤੀ 'ਤੇ ਪੈਂਦਾ ਹੈ। ਮੋਤੀ ਨੂੰ ਸਭ ਤੋਂ ਸੌਮਯ (ਸ਼ਾਂਤ) ਪਰ ਪ੍ਰਭਾਵਸ਼ਾਲੀ ਰਤਨਾਂ 'ਚੋਂ ਇਕ ਮੰਨਿਆ ਗਿਆ ਹੈ। ਬਹੁਤ ਸਾਰੇ ਲੋਕ ਇਸਨੂੰ ਸਿਰਫ਼ ਫੈਸ਼ਨ ਲਈ ਪਹਿਨਦੇ ਹਨ, ਪਰ ਰਤਨ ਜੋਤਿਸ਼ ਅਨੁਸਾਰ ਨਿਯਮਾਂ ਨੂੰ ਜਾਣੇ ਬਿਨਾਂ ਮੋਤੀ ਧਾਰਨ ਕਰਨਾ ਫਾਇਦੇ ਦੀ ਬਜਾਏ ਨੁਕਸਾਨ ਵੀ ਪਹੁੰਚਾ ਸਕਦਾ ਹੈ।

ਮੋਤੀ ਪਹਿਨਣ ਦੇ ਫਾਇਦੇ

ਕਿਹੜੇ ਲੋਕਾਂ ਲਈ ਹੈ ਫਾਇਦੇਮੰਦ?

ਮੇਖ, ਕਰਕ, ਬ੍ਰਿਸ਼ਚਕ ਤੇ ਮੀਨ ਰਾਸ਼ੀ ਦੇ ਜਾਤਕਾਂ ਲਈ ਮੋਤੀ ਬੇਹੱਦ ਸ਼ੁਭ ਮੰਨਿਆ ਗਿਆ ਹੈ।

ਜਿਨ੍ਹਾਂ ਲੋਕਾਂ ਦੀ ਕੁੰਡਲੀ 'ਚ ਚੰਦਰਮਾ ਕਮਜ਼ੋਰ ਜਾਂ ਅਸ਼ੁਭ ਪ੍ਰਭਾਵ 'ਚ ਹੋਵੇ, ਉਨ੍ਹਾਂ ਨੂੰ ਵੀ ਮੋਤੀ ਧਾਰਨ ਕਰਨ ਦੀ ਸਲਾਹ ਦਿੱਤੀ ਜਾਂਦੀ ਹੈ।

ਜਿਨ੍ਹਾਂ ਲੋਕਾਂ ਨੂੰ ਛੋਟੀਆਂ-ਛੋਟੀਆਂ ਗੱਲਾਂ 'ਤੇ ਬਹੁਤ ਜ਼ਿਆਦਾ ਗੁੱਸਾ ਆਉਂਦਾ ਹੋਵੇ, ਉਨ੍ਹਾਂ ਨੂੰ ਵੀ ਮੋਤੀ ਧਾਰਨ ਕਰਨਾ ਚਾਹੀਦਾ ਹੈ।

ਜੋ ਲੋਕ ਅਕਸਰ ਨੀਂਦ ਨਾ ਆਉਣ ਜਾਂ ਬੇਚੈਨੀ ਤੋਂ ਪਰੇਸ਼ਾਨ ਰਹਿੰਦੇ ਹਨ, ਉਨ੍ਹਾਂ ਲਈ ਵੀ ਮੋਤੀ ਪਹਿਨਣਾ ਚੰਗਾ ਮੰਨਿਆ ਜਾਂਦਾ ਹੈ।

ਮੋਤੀ ਧਾਰਨ ਕਰਨ ਦੀ ਸਹੀ ਵਿਧੀ

• ਕੋਈ ਵੀ ਰਤਨ ਤਦ ਹੀ ਫਲ ਦਿੰਦਾ ਹੈ ਜਦੋਂ ਉਸਨੂੰ ਪੂਰੀ ਵਿਧੀ-ਵਿਧਾਨ ਨਾਲ ਪਹਿਨਿਆ ਜਾਵੇ।
• ਮੋਤੀ ਨੂੰ ਚਾਂਦੀ ਦੀ ਅੰਗੂਠੀ 'ਚ ਜੜਵਾ ਕੇ ਕਨਿਸ਼ਠਾ (ਸਭ ਤੋਂ ਛੋਟੀ ਉਂਗਲ) 'ਚ ਪਹਿਨਣਾ ਉੱਤਮ ਮੰਨਿਆ ਗਿਆ ਹੈ।
• ਧਾਰਨ ਕਰਨ ਤੋਂ ਪਹਿਲਾਂ ਅੰਗੂਠੀ ਨੂੰ ਕੱਚੇ ਦੁੱਧ ਤੇ ਫਿਰ ਗੰਗਾਜਲ ਨਾਲ ਸ਼ੁੱਧ ਕਰ ਲਓ।
• ਚੰਦਰ ਦੇਵ ਦੇ ਮੰਤਰ 'ਓਮ ਸ਼ਰਾਮ ਸ਼ਰੀਮ ਸ਼ਰੌਮ ਸ: ਚੰਦਰਮਸੇ ਨਮ:' ਦਾ ਘੱਟੋ-ਘੱਟ 108 ਵਾਰ ਜਾਪ ਕਰੋ।
• ਮੰਤਰ ਜਾਪ ਤੋਂ ਬਾਅਦ ਅੰਗੂਠੀ ਨੂੰ ਭਗਵਾਨ ਸ਼ਿਵ ਦੇ ਚਰਨਾਂ ਵਿੱਚ ਅਰਪਿਤ ਕਰੋ, ਕਿਉਂਕਿ ਚੰਦਰਮਾ ਮਹਾਦੇਵ ਦੇ ਮੱਥੇ 'ਤੇ ਸੁਸ਼ੋਭਿਤ ਹੈ।
• ਇਸਨੂੰ ਸੋਮਵਾਰ ਦੀ ਸਵੇਰ ਜਾਂ ਪੂਰਨਮਾਸ਼ੀ ਦੇ ਦਿਨ ਧਾਰਨ ਕਰਨਾ ਸਭ ਤੋਂ ਸ੍ਰੇਸ਼ਠ ਹੁੰਦਾ ਹੈ।

ਕਦੋਂ ਨਾ ਪਹਿਨੋ ਮੋਤੀ?

ਜੇਕਰ ਤੁਹਾਡੀ ਕੁੰਡਲੀ 'ਚ ਚੰਦਰਮਾ ਪਹਿਲਾਂ ਹੀ ਬਹੁਤ ਮਜ਼ਬੂਤ ਸਥਿਤੀ 'ਚ ਹੈ ਤਾਂ ਮੋਤੀ ਪਹਿਨਣ ਤੋਂ ਬਚਣਾ ਚਾਹੀਦਾ ਹੈ। ਇਸ ਨਾਲ ਭਾਵਨਾਵਾਂ ਦਾ ਉਛਾਲ (Emotional Overload) ਹੋ ਸਕਦਾ ਹੈ। ਇਸ ਦੇ ਨਾਲ ਹੀ ਗ਼ਲਤ ਤਰੀਕੇ ਜਾਂ ਗ਼ਲਤ ਸਲਾਹ ਨਾਲ ਮੋਤੀ ਪਹਿਨਣ 'ਤੇ ਤੁਹਾਨੂੰ ਕਈ ਤਰ੍ਹਾਂ ਦੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਹਮੇਸ਼ਾ ਕਿਸੇ ਤਜਰਬੇਕਾਰ ਜੋਤਸ਼ੀ ਨੂੰ ਆਪਣੀ ਕੁੰਡਲੀ ਦਿਖਾ ਕੇ ਹੀ ਮੋਤੀ ਪਹਿਨਣਾ ਚਾਹੀਦਾ ਹੈ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।