ਏਕਦੰਤ ਸੰਕਸ਼ਟੀ ਚਤੁਰਥੀ 2026: ਵਰਤ ਦੌਰਾਨ ਭੁੱਲ ਕੇ ਵੀ ਨਾ ਕਰੋ ਇਹ ਗਲਤੀਆਂ, ਨੋਟ ਕਰੋ ਸਹੀ ਪੂਜਾ ਵਿਧੀ ਅਤੇ ਨਿਯਮ

ਧਰਮ ਡੈਸਕ, ਨਵੀਂ ਦਿੱਲੀ : ਹਿੰਦੂ ਧਰਮ 'ਚ ਗਣੇਸ਼ ਜੀ ਨੂੰ ਪ੍ਰਥਮ ਪੂਜਨੀਕ ਮੰਨਿਆ ਗਿਆ ਹੈ ਅਤੇ ਉਨ੍ਹਾਂ ਦੀ ਕਿਰਪਾ ਪਾਉਣ ਲਈ ਸੰਕਸ਼ਟੀ ਚਤੁਰਥੀ ਦਾ ਵਰਤ ਸਭ ਤੋਂ ਸ਼ੁਭ ਮੰਨਿਆ ਜਾਂਦਾ ਹੈ। ਜੇਠ ਮਹੀਨੇ ਦੇ ਕ੍ਰਿਸ਼ਨ ਪੱਖ ਦੀ ਚਤੁਰਥੀ ਤਿਥੀ ਨੂੰ 'ਏਕਦੰਤ ਸੰਕਸ਼ਟੀ ਚਤੁਰਥੀ' ਵਜੋਂ ਮਨਾਇਆ ਜਾਂਦਾ ਹੈ। ਅਜਿਹੀ ਮਾਨਤਾ ਹੈ ਕਿ ਇਸ ਦਿਨ ਸੱਚੇ ਮਨ ਨਾਲ ਕੀਤੀ ਗਈ ਪੂਜਾ ਵਿਅਕਤੀ ਦੇ ਜੀਵਨ 'ਚੋਂ ਸਾਰੀਆਂ ਰੁਕਾਵਟਾਂ ਨੂੰ ਦੂਰ ਕਰ ਦਿੰਦੀ ਹੈ। ਇਸ ਵਾਰ ਇਹ ਵਰਤ 5 ਮਈ ਨੂੰ ਆ ਰਿਹਾ ਹੈ। ਅਜਿਹੇ ਵਿਚ ਆਓ ਇਸ ਤਿਉਹਾਰ ਨਾਲ ਜੁੜੀਆਂ ਮੁੱਖ ਗੱਲਾਂ ਨੂੰ ਜਾਣਦੇ ਹਾਂ।

ਭੁੱਲ ਕੇ ਵੀ ਨਾ ਕਰੋ ਇਹ ਗਲਤੀਆਂ

ਚੰਦਰ ਦਰਸ਼ਨ ਤੋਂ ਪਹਿਲਾਂ ਭੋਜਨ: ਸੰਕਸ਼ਟੀ ਚਤੁਰਥੀ ਦਾ ਵਰਤ ਚੰਦਰਮਾ ਨੂੰ ਅਰਘ ਦੇਣ ਤੋਂ ਬਾਅਦ ਹੀ ਪੂਰਾ ਹੁੰਦਾ ਹੈ। ਅਰਘ ਤੋਂ ਪਹਿਲਾਂ ਅੰਨ ਦਾ ਸੇਵਨ ਨਾ ਕਰੋ।

ਗਣੇਸ਼ ਜੀ ਦੀ ਪਿੱਠ ਦੇ ਦਰਸ਼ਨ: ਕਿਹਾ ਜਾਂਦਾ ਹੈ ਕਿ ਗਣੇਸ਼ ਜੀ ਦੀ ਪਿੱਠ ਵਿਚ ਦਰਿਦਰਤਾ ਦਾ ਵਾਸ ਹੁੰਦਾ ਹੈ, ਇਸ ਲਈ ਕਦੇ ਵੀ ਉਨ੍ਹਾਂ ਦੀ ਪਿੱਠ ਦੇ ਦਰਸ਼ਨ ਨਹੀਂ ਕਰਨੇ ਚਾਹੀਦੇ। ਹਮੇਸ਼ਾ ਉਨ੍ਹਾਂ ਦੇ ਸਾਹਮਣੇ ਤੋਂ ਹੀ ਪ੍ਰਾਰਥਨਾ ਕਰੋ।

ਤੁਲਸੀ ਦੀ ਵਰਤੋਂ: ਗਣੇਸ਼ ਜੀ ਦੀ ਪੂਜਾ 'ਚ ਤੁਲਸੀ ਦੇ ਪੱਤਿਆਂ ਦੀ ਵਰਤੋਂ ਵਰਜਿਤ ਮੰਨੀ ਜਾਂਦੀ ਹੈ। ਅਜਿਹੇ ਵਿੱਚ ਉਨ੍ਹਾਂ ਨੂੰ ਸਿਰਫ਼ 'ਦੂਰਵਾ' (ਘਾਹ) ਹੀ ਅਰਪਣ ਕਰੋ।

ਤਾਮਸਿਕ ਭੋਜਨ: ਇਸ ਦਿਨ ਘਰ ਵਿਚ ਲਸਣ, ਪਿਆਜ਼ ਜਾਂ ਮਾਸਾਹਾਰੀ ਭੋਜਨ ਦੀ ਵਰਤੋਂ ਬਿਲਕੁਲ ਨਾ ਕਰੋ। ਮਨ ਵਿੱਚ ਗੁੱਸਾ ਜਾਂ ਈਰਖਾ ਵਰਗੇ ਨਕਾਰਾਤਮਕ ਵਿਚਾਰ ਨਾ ਲਿਆਓ।

ਅਰਘ 'ਚ ਗਲਤੀ: ਚੰਦਰਮਾ ਨੂੰ ਅਰਘ ਦਿੰਦੇ ਸਮੇਂ ਪਾਣੀ ਦੀ ਧਾਰਾ ਪੈਰਾਂ 'ਤੇ ਨਹੀਂ ਗਿਰਨੀ ਚਾਹੀਦੀ। ਇਸ ਗੱਲ ਦਾ ਖਾਸ ਧਿਆਨ ਰੱਖੋ।

ਸਹੀ ਪੂਜਾ ਵਿਧੀ

• ਸੂਰਜ ਚੜ੍ਹਨ ਤੋਂ ਪਹਿਲਾਂ ਉੱਠ ਕੇ ਇਸ਼ਨਾਨ ਕਰੋ ਤੇ ਵਰਤ ਦਾ ਸੰਕਲਪ ਲਓ।
• ਚੌਕੀ 'ਤੇ ਲਾਲ ਕੱਪੜਾ ਵਿਛਾ ਕੇ ਭਗਵਾਨ ਗਣੇਸ਼ ਦੀ ਮੂਰਤੀ ਸਥਾਪਿਤ ਕਰੋ।
• ਉਨ੍ਹਾਂ ਨੂੰ ਸੰਧੂਰ, ਅਕਸ਼ਤ (ਚੌਲ) ਅਤੇ ਦੂਰਵਾ ਅਰਪਣ ਕਰੋ।
• 'ਓਮ ਗੰ ਗਣਪਤਯੇ ਨਮਹ' ਦਾ ਜਾਪ ਕਰੋ।
• ਗਣੇਸ਼ ਜਨਮ ਜਾਂ ਇਸ ਵਰਤ ਦੀ ਕਥਾ ਸੁਣੋ ਜਾਂ ਪੜ੍ਹੋ।
• ਚੰਦਰਮਾ ਨਿਕਲਣ 'ਤੇ ਪਾਣੀ, ਦੁੱਧ ਅਤੇ ਅਕਸ਼ਤ ਮਿਲਾ ਕੇ ਅਰਘ ਦਿਓ ਅਤੇ ਗਣੇਸ਼ ਜੀ ਦੀ ਆਰਤੀ ਨਾਲ ਵਰਤ ਦਾ ਪਾਰਣ ਕਰੋ।

ਵਰਤ ਦੇ ਨਿਯਮ ਤੇ ਮਹੱਤਵ

ਏਕਦੰਤ ਸੰਕਸ਼ਟੀ ਚਤੁਰਥੀ ਦੇ ਦਿਨ ਦਾਨ ਦਾ ਵਿਸ਼ੇਸ਼ ਮਹੱਤਵ ਹੈ। ਇਸ ਦਿਨ ਬ੍ਰਾਹਮਣਾਂ ਜਾਂ ਲੋੜਵੰਦਾਂ ਨੂੰ ਤਿਲ ਅਤੇ ਲੱਡੂ ਦਾਨ ਕਰਨ ਨਾਲ ਰੁਕੇ ਹੋਏ ਕੰਮ ਬਣ ਜਾਂਦੇ ਹਨ। ਇਹ ਵਰਤ ਵਿਸ਼ੇਸ਼ ਤੌਰ 'ਤੇ ਮਾਨਸਿਕ ਸ਼ਾਂਤੀ ਅਤੇ ਸੰਤਾਨ ਦੀ ਰੱਖਿਆ ਲਈ ਰੱਖਿਆ ਜਾਂਦਾ ਹੈ।