ਸ਼ਨੀ ਜੈਅੰਤੀ 'ਤੇ ਭੁੱਲ ਕੇ ਵੀ ਨਾ ਖਾਓ ਇਹ ਚੀਜ਼ਾਂ, ਨਹੀਂ ਤਾਂ ਨਾਰਾਜ਼ ਹੋ ਜਾਣਗੇ ਨਿਆਂ ਦੇ ਦੇਵਤਾ

ਧਰਮ ਡੈਸਕ, ਨਵੀਂ ਦਿੱਲੀ : ਹਿੰਦੂ ਧਰਮ ਵਿੱਚ ਸ਼ਨੀ ਜਯੰਤੀ ਦਾ ਵਿਸ਼ੇਸ਼ ਮਹੱਤਵ ਹੈ। ਨਿਆਂ ਦੇ ਦੇਵਤਾ ਅਤੇ ਕਰਮਫਲ ਦਾਤਾ ਸ਼ਨੀਦੇਵ ਨੂੰ ਸਮਰਪਿਤ ਇਹ ਦਿਨ ਉਨ੍ਹਾਂ ਦੀ ਕਿਰਪਾ ਪਾਉਣ ਦਾ ਸਭ ਤੋਂ ਸ਼ੁਭ ਮੌਕਾ ਮੰਨਿਆ ਜਾਂਦਾ ਹੈ। ਧਾਰਮਿਕ ਮਾਨਤਾਵਾਂ ਅਨੁਸਾਰ, ਸ਼ਨੀਦੇਵ ਸਾਡੇ ਕਰਮਾਂ ਦੇ ਆਧਾਰ 'ਤੇ ਫਲ ਦਿੰਦੇ ਹਨ। ਸ਼ਨੀ ਜੈਅੰਤੀ ਦੇ ਦਿਨ ਵਰਤ, ਦਾਨ ਅਤੇ ਪੂਜਾ-ਅਰਚਨਾ ਦੇ ਨਾਲ-ਨਾਲ ਖਾਣ-ਪੀਣ ਦਾ ਵੀ ਵਿਸ਼ੇਸ਼ ਖ਼ਿਆਲ ਰੱਖਣਾ ਜ਼ਰੂਰੀ ਹੈ। ਕੁਝ ਅਜਿਹੀਆਂ ਚੀਜ਼ਾਂ ਹਨ ਜਿਨ੍ਹਾਂ ਦਾ ਸੇਵਨ ਇਸ ਦਿਨ ਗ਼ਲਤੀ ਨਾਲ ਵੀ ਨਹੀਂ ਕਰਨਾ ਚਾਹੀਦਾ। ਜੇਕਰ ਤੁਸੀਂ ਇਨ੍ਹਾਂ ਨਿਯਮਾਂ ਦੀ ਅਣਦੇਖੀ ਕਰਦੇ ਹੋ ਤਾਂ ਸ਼ਨੀਦੇਵ ਨਾਰਾਜ਼ ਹੋ ਸਕਦੇ ਹਨ। ਅਜਿਹੇ ਵਿੱਚ ਆਓ ਇਸ ਦਿਨ ਨਾਲ ਜੁੜੇ ਮਹੱਤਵਪੂਰਨ ਨਿਯਮਾਂ ਨੂੰ ਜਾਣਦੇ ਹਾਂ।

ਭੁੱਲ ਕੇ ਵੀ ਨਾ ਖਾਓ ਇਹ ਚੀਜ਼ਾਂ

ਤਾਮਸਿਕ ਭੋਜਨ

ਸ਼ਨੀਦੇਵ ਅਨੁਸ਼ਾਸਨ ਅਤੇ ਸਾਤਵਿਕਤਾ ਦੇ ਪ੍ਰਤੀਕ ਹਨ। ਸ਼ਨੀ ਜੈਅੰਤੀ ਦੇ ਪਵਿੱਤਰ ਮੌਕੇ 'ਤੇ ਮਾਸ, ਮੱਛੀ ਜਾਂ ਮਦਿਰਾ (ਸ਼ਰਾਬ) ਦਾ ਸੇਵਨ ਪੂਰੀ ਤਰ੍ਹਾਂ ਵਰਜਿਤ ਹੈ। ਅਜਿਹਾ ਕਰਨ ਨਾਲ ਕੁੰਡਲੀ 'ਚ ਸ਼ਨੀ ਦੋਸ਼ ਵਧਦਾ ਹੈ ਅਤੇ ਵਿਅਕਤੀ ਦੇ ਜੀਵਨ ਵਿੱਚ ਆਰਥਿਕ ਤੇ ਮਾਨਸਿਕ ਪਰੇਸ਼ਾਨੀਆਂ ਵਧ ਸਕਦੀਆਂ ਹਨ।

ਦੁੱਧ ਤੇ ਚਿੱਟੀਆਂ ਚੀਜ਼ਾਂ

ਜੋਤਿਸ਼ ਸ਼ਾਸਤਰ ਅਨੁਸਾਰ, ਸ਼ਨੀਦੇਵ ਨੂੰ ਚਿੱਟੇ ਰੰਗ ਦੀਆਂ ਚੀਜ਼ਾਂ ਪਿਆਰੀਆਂ ਨਹੀਂ ਹਨ। ਇਸ ਦਿਨ ਦੁੱਧ, ਦਹੀਂ ਜਾਂ ਚਿੱਟੀ ਮਿਠਾਈ ਦਾ ਸੇਵਨ ਕਰਨ ਤੋਂ ਬਚਣਾ ਚਾਹੀਦਾ ਹੈ। ਜੇਕਰ ਦੁੱਧ ਪੀਣਾ ਜ਼ਰੂਰੀ ਹੋਵੇ, ਤਾਂ ਉਸ ਵਿੱਚ ਥੋੜ੍ਹੀ ਜਿਹੀ ਹਲਦੀ ਜਾਂ ਕੇਸਰ ਮਿਲਾ ਕੇ ਪੀਓ।

ਮਸਰਾਂ ਦੀ ਦਾਲ

ਸ਼ਨੀ ਜੈਅੰਤੀ 'ਤੇ ਮਸਰਾਂ ਦੀ ਦਾਲ ਦਾ ਸੇਵਨ ਵਰਜਿਤ ਮੰਨਿਆ ਗਿਆ ਹੈ। ਮਸਰਾਂ ਦੀ ਦਾਲ ਦਾ ਸਬੰਧ ਮੰਗਲ ਗ੍ਰਹਿ ਨਾਲ ਹੁੰਦਾ ਹੈ, ਅਤੇ ਮੰਗਲ ਤੇ ਸ਼ਨੀ ਦੇ ਵਿਚਕਾਰ ਸ਼ਤਰੂਤਾ (ਦੁਸ਼ਮਣੀ) ਦਾ ਭਾਵ ਮੰਨਿਆ ਜਾਂਦਾ ਹੈ। ਇਸ ਦਿਨ ਇਸ ਦਾ ਸੇਵਨ ਕਰਨ ਨਾਲ ਜੀਵਨ 'ਚ ਕਲੇਸ਼ ਅਤੇ ਦੁਰਘਟਨਾਵਾਂ ਦੀ ਸੰਭਾਵਨਾ ਵੱਧ ਸਕਦੀ ਹੈ।

ਲਾਲ ਮਿਰਚ ਤੇ ਤਿੱਖੇ ਮਸਾਲੇ

ਸ਼ਨੀਦੇਵ ਨੂੰ ਤਿੱਖਾ ਅਤੇ ਲਾਲ ਰੰਗ ਨਾਪਸੰਦ ਹੈ। ਨਾਲ ਹੀ ਇਸ ਨੂੰ ਤਾਮਸਿਕ ਵੀ ਮੰਨਿਆ ਜਾਂਦਾ ਹੈ। ਅਜਿਹੇ 'ਚ ਇਸ ਦਿਨ ਭੋਜਨ ਵਿੱਚ ਲਾਲ ਮਿਰਚ ਦੀ ਵਰਤੋਂ ਕਰਨ ਦੀ ਬਜਾਏ ਕਾਲੀ ਮਿਰਚ ਜਾਂ ਹਰੀ ਮਿਰਚ ਦੀ ਸੀਮਤ ਮਾਤਰਾ ਵਿੱਚ ਵਰਤੋਂ ਕਰਨੀ ਚਾਹੀਦੀ ਹੈ।

ਕੱਚਾ ਨਮਕ

ਭੋਜਨ ਦੇ ਉੱਪਰੋਂ ਨਮਕ ਪਾ ਕੇ ਖਾਣ ਤੋਂ ਪਰਹੇਜ਼ ਕਰੋ। ਇਹ ਨਾ ਸਿਰਫ਼ ਸਿਹਤ ਲਈ ਨੁਕਸਾਨਦੇਹ ਹੈ, ਸਗੋਂ ਜੋਤਿਸ਼ ਦੇ ਨਜ਼ਰੀਏ ਤੋਂ ਵੀ ਇਸ ਦਿਨ ਇਸਨੂੰ ਅਸ਼ੁਭ ਮੰਨਿਆ ਜਾਂਦਾ ਹੈ।

ਕੀ ਖਾਈਏ?

ਸ਼ਨੀ ਜੈਅੰਤੀ 'ਤੇ ਕਾਲੇ ਤਿਲ, ਮਾਂਹ ਦੀ ਦਾਲ, ਖਿਚੜੀ ਅਤੇ ਸਰ੍ਹੋਂ ਦੇ ਤੇਲ ਨਾਲ ਬਣੀਆਂ ਚੀਜ਼ਾਂ ਦਾ ਸੇਵਨ ਅਤੇ ਦਾਨ ਕਰਨਾ ਬਹੁਤ ਸ਼ੁਭ ਹੁੰਦਾ ਹੈ। ਇਸ ਦਿਨ ਸਾਤਵਿਕ ਭੋਜਨ ਗ੍ਰਹਿਣ ਕਰਨ ਨਾਲ ਸ਼ਨੀਦੇਵ ਪ੍ਰਸੰਨ ਹੁੰਦੇ ਹਨ ਅਤੇ ਸਾੜ੍ਹਸਤੀ ਤੇ ਢਈਆ ਦੇ ਨਕਾਰਾਤਮਕ ਪ੍ਰਭਾਵ ਘੱਟ ਹੁੰਦੇ ਹਨ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।