ਰਗ-ਰਗ 'ਚ ਭਰੀ ਹੁੰਦੀ ਹੈ ਕ੍ਰਿਏਟਿਵਿਟੀ ! ਕਲਾ ਦੇ ਖੇਤਰ 'ਚ ਝੰਡੇ ਗੱਡਦੇ ਹਨ ਇਨ੍ਹਾਂ 3 ਰਾਸ਼ੀਆਂ ਦੇ ਜਾਤਕ

ਧਰਮ ਡੈਸਕ, ਨਵੀਂ ਦਿੱਲੀ : ਦੁਨੀਆ ਵਿੱਚ ਹੁਨਰਮੰਦ ਤਾਂ ਬਹੁਤ ਹੁੰਦੇ ਹਨ, ਪਰ ਕੁਝ ਲੋਕ ਅਜਿਹੇ ਹੁੰਦੇ ਹਨ ਜਿਨ੍ਹਾਂ ਨੂੰ ਕਲਾ ਦੀ ਸਮਝ 'ਕੁਦਰਤੀ ਦੇਣ' ਵਜੋਂ ਮਿਲਦੀ ਹੈ। ਤੁਸੀਂ ਅਕਸਰ ਦੇਖਿਆ ਹੋਵੇਗਾ ਕਿ ਕੁਝ ਲੋਕ ਬਿਨਾਂ ਕਿਸੇ ਖਾਸ ਸਿਖਲਾਈ ਦੇ ਵੀ ਸੁਰਾਂ ਨਾਲ ਖੇਡ ਲੈਂਦੇ ਹਨ, ਪੇਂਟਿੰਗ ਵਿੱਚ ਜਾਨ ਪਾ ਦਿੰਦੇ ਹਨ ਜਾਂ ਆਪਣੀ ਅਦਾਕਾਰੀ ਨਾਲ ਸਭ ਦਾ ਦਿਲ ਜਿੱਤ ਲੈਂਦੇ ਹਨ। ਜੋਤਿਸ਼ ਸ਼ਾਸਤਰ ਅਨੁਸਾਰ, ਸਾਡੇ ਜਨਮ ਸਮੇਂ ਗ੍ਰਹਿਆਂ ਦੀ ਸਥਿਤੀ ਇਹ ਤੈਅ ਕਰਦੀ ਹੈ ਕਿ ਸਾਡੇ ਅੰਦਰ ਕਿਹੜੀ ਪ੍ਰਤਿਭਾ ਛੁਪੀ ਹੋਈ ਹੈ।

ਅੱਜ ਅਸੀਂ ਉਨ੍ਹਾਂ 3 ਖਾਸ ਰਾਸ਼ੀਆਂ ਦੀ ਗੱਲ ਕਰਾਂਗੇ ਜਿਨ੍ਹਾਂ ਦੀ ਰਗ-ਰਗ 'ਚ ਰਚਨਾਤਮਕਤਾ (Creativity) ਵਸੀ ਹੁੰਦੀ ਹੈ। ਇਹ ਲੋਕ ਕਲਾ ਦੇ ਖੇਤਰ 'ਚ ਨਾਂ ਤੇ ਸ਼ੋਹਰਤ ਦੋਵੇਂ ਕਮਾਉਂਦੇ ਹਨ।

1. ਬ੍ਰਿਖ ਰਾਸ਼ੀ (Taurus)

ਬ੍ਰਿਖ ਰਾਸ਼ੀ ਦੇ ਸੁਆਮੀ ਸ਼ੁੱਕਰ ਦੇਵ ਹਨ, ਜਿਨ੍ਹਾਂ ਨੂੰ ਕਲਾ, ਸੁੰਦਰਤਾ ਅਤੇ ਐਸ਼ੋ-ਆਰਾਮ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ। ਇਸ ਰਾਸ਼ੀ ਦੇ ਜਾਤਕਾਂ ਵਿੱਚ ਚੀਜ਼ਾਂ ਨੂੰ ਸੁੰਦਰ ਬਣਾਉਣ ਦਾ ਇੱਕ ਜਨਮਜਾਤ ਗੁਣ ਹੁੰਦਾ ਹੈ। ਇਨ੍ਹਾਂ ਦੀ ਆਵਾਜ਼ 'ਚ ਅਕਸਰ ਇਕ ਖਾਸ ਕਿਸਮ ਦੀ ਮਿਠਾਸ ਹੁੰਦੀ ਹੈ। ਇਹ ਚੰਗੇ ਗਾਇਕ ਜਾਂ ਸੰਗੀਤਕਾਰ ਬਣ ਸਕਦੇ ਹਨ। ਇਨ੍ਹਾਂ ਨੂੰ ਘਰ ਸਜਾਉਣ, ਪੇਂਟਿੰਗ ਕਰਨ ਜਾਂ ਅਜਿਹੀਆਂ ਚੀਜ਼ਾਂ ਬਣਾਉਣ 'ਚ ਮਜ਼ਾ ਆਉਂਦਾ ਹੈ ਜੋ ਅੱਖਾਂ ਨੂੰ ਸਕੂਨ ਦੇਣ। ਬ੍ਰਿਖ ਰਾਸ਼ੀ ਵਾਲੇ ਕਿਸੇ ਵੀ ਕਲਾ ਨੂੰ ਬਾਰੀਕੀ ਨਾਲ ਸਿੱਖਣ ਦਾ ਸਬਰ ਰੱਖਦੇ ਹਨ ਜੋ ਉਨ੍ਹਾਂ ਨੂੰ ਇਸ ਖੇਤਰ 'ਚ ਸਫਲ ਬਣਾਉਂਦਾ ਹੈ।

2. ਕਰਕ ਰਾਸ਼ੀ (Cancer)

ਕਰਕ ਰਾਸ਼ੀ ਦਾ ਸੁਆਮੀ ਚੰਦਰਮਾ ਹੈ ਜੋ ਮਨ ਤੇ ਕਲਪਨਾਵਾਂ ਦਾ ਕਾਰਕ ਹੈ। ਕਰਕ ਰਾਸ਼ੀ ਦੇ ਲੋਕ ਬਹੁਤ ਭਾਵੁਕ ਹੁੰਦੇ ਹਨ ਅਤੇ ਇਹੀ ਭਾਵਨਾਵਾਂ ਉਨ੍ਹਾਂ ਦੀ ਕਲਾ ਦੀ ਸਭ ਤੋਂ ਵੱਡੀ ਤਾਕਤ ਬਣਦੀਆਂ ਹਨ। ਇਹ ਦੂਜਿਆਂ ਦੇ ਦੁੱਖ-ਸੁੱਖ ਨੂੰ ਗਹਿਰਾਈ ਨਾਲ ਮਹਿਸੂਸ ਕਰਦੇ ਹਨ, ਇਸ ਲਈ ਇਹ ਬਿਹਤਰੀਨ ਲੇਖਕ ਜਾਂ ਕਲਾਕਾਰ (Actor) ਸਾਬਤ ਹੁੰਦੇ ਹਨ। ਇਨ੍ਹਾਂ ਦੀ ਕਲਪਨਾ ਸ਼ਕਤੀ (Imagination power) ਬਹੁਤ ਮਜ਼ਬੂਤ ਹੁੰਦੀ ਹੈ। ਇਹ ਖ਼ਾਲੀਪਨ ਵਿੱਚ ਵੀ ਸੰਭਾਵਨਾਵਾਂ ਦੇਖ ਲੈਂਦੇ ਹਨ। ਕਰਕ ਰਾਸ਼ੀ ਦੀ ਕਲਾ 'ਚ ਹਮੇਸ਼ਾ ਇਕ 'ਹਿਊਮਨ ਟੱਚ' ਹੁੰਦਾ ਹੈ, ਜੋ ਸਿੱਧਾ ਲੋਕਾਂ ਦੇ ਦਿਲਾਂ ਨੂੰ ਛੂਹ ਲੈਂਦਾ ਹੈ।

3. ਤੁਲਾ ਰਾਸ਼ੀ (Libra)

ਤੁਲਾ ਰਾਸ਼ੀ 'ਤੇ ਵੀ ਸ਼ੁੱਕਰ ਦਾ ਹੀ ਸ਼ਾਸਨ ਹੈ ਪਰ ਇੱਥੇ ਸ਼ੁੱਕਰ ਦਾ ਪ੍ਰਭਾਵ ਥੋੜ੍ਹਾ ਵੱਖਰਾ ਹੁੰਦਾ ਹੈ। ਤੁਲਾ ਰਾਸ਼ੀ ਵਾਲੇ ਸੰਤੁਲਨ (Balance) ਅਤੇ ਆਧੁਨਿਕਤਾ ਦੇ ਸ਼ੌਕੀਨ ਹੁੰਦੇ ਹਨ। ਇਨ੍ਹਾਂ ਨੂੰ ਕੱਪੜਿਆਂ, ਐਕਸੈਸਰੀਜ਼ ਅਤੇ ਸਟਾਈਲ ਦੀ ਗਜ਼ਬ ਦੀ ਸਮਝ ਹੁੰਦੀ ਹੈ। ਇਹ ਬਿਹਤਰੀਨ ਫੈਸ਼ਨ ਡਿਜ਼ਾਈਨਰ ਜਾਂ ਆਰਕੀਟੈਕਟ ਬਣ ਸਕਦੇ ਹਨ। ਤੁਲਾ ਰਾਸ਼ੀ ਵਾਲੇ ਕਿਸੇ ਵੀ ਕੰਮ ਨੂੰ ਬਹੁਤ ਹੀ ਸਲੀਕੇ ਅਤੇ ਗ੍ਰੇਸ (Grace) ਨਾਲ ਕਰਦੇ ਹਨ। ਉਨ੍ਹਾਂ ਦੀ ਕਲਾ ਵਿੱਚ ਇਕ ਖਾਸ ਕਿਸਮ ਦੀ ਰਾਇਲਟੀ ਝਲਕਦੀ ਹੈ। ਇਹ ਉਦੋਂ ਤਕ ਚੈਨ ਨਾਲ ਨਹੀਂ ਬੈਠਦੇ ਜਦੋਂ ਤੱਕ ਇਨ੍ਹਾਂ ਦਾ ਕੰਮ ਪੂਰੀ ਤਰ੍ਹਾਂ ਪਰਫੈਕਟ ਅਤੇ ਦਿਖਣ 'ਚ ਸੁੰਦਰ ਨਾ ਲੱਗੇ।

ਕਿੱਥੇ ਮਿਲਦਾ ਹੈ ਇਸਦਾ ਅਧਾਰ?

ਜੋਤਿਸ਼ ਦੇ ਪ੍ਰਾਚੀਨ ਗ੍ਰੰਥਾਂ ਜਿਵੇਂ 'ਬ੍ਰਿਹਤ ਪਰਾਸ਼ਰ ਹੋਰਾ ਸ਼ਾਸਤਰ' ਅਤੇ 'ਸਾਰਾਵਲੀ' 'ਚ ਗ੍ਰਹਿਆਂ ਦੇ ਸੁਭਾਅ ਦਾ ਵਿਸਥਾਰ ਨਾਲ ਵਰਣਨ ਹੈ। ਇਨ੍ਹਾਂ ਗ੍ਰੰਥਾਂ ਅਨੁਸਾਰ ਸ਼ੁੱਕਰ ਤੇ ਚੰਦਰਮਾ ਦਾ ਮਜ਼ਬੂਤ ਹੋਣਾ ਵਿਅਕਤੀ ਨੂੰ ਕਲਾਪ੍ਰੇਮੀ ਤੇ ਰਚਨਾਤਮਕ ਬਣਾਉਂਦਾ ਹੈ। ਕਿਉਂਕਿ ਇਨ੍ਹਾਂ ਤਿੰਨਾਂ ਰਾਸ਼ੀਆਂ ਦਾ ਸਬੰਧ ਇਨ੍ਹਾਂ ਹੀ ਗ੍ਰਹਿਆਂ ਨਾਲ ਹੈ, ਇਸ ਲਈ ਇਨ੍ਹਾਂ ਦਾ ਕਲਾ ਵੱਲ ਝੁਕਾਅ ਸੁਭਾਵਿਕ ਮੰਨਿਆ ਜਾਂਦਾ ਹੈ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।