Vastu Tips : ਕੀ ਗਲਤ ਦਿਸ਼ਾ ਦੀ ਊਰਜਾ ਰੋਕ ਰਹੀ ਹੈ ਤੁਹਾਡੀ ਤਰੱਕੀ? ਬਿਨਾਂ ਤੋੜ-ਭੰਨ ਦੇ ਅੱਜ ਹੀ ਬਦਲੋ ਘਰ ਦੀ ਕਿਸਮਤ

ਧਰਮ ਡੈਸਕ, ਨਵੀਂ ਦਿੱਲੀ : ਵਾਸਤੂ ਸ਼ਾਸਤਰ (Vastu Shastra) ਮੁੱਖ ਤੌਰ 'ਤੇ ਊਰਜਾ ਦੇ ਪ੍ਰਵਾਹ ਤੇ ਉਸ ਦੇ ਸੰਤੁਲਨ 'ਤੇ ਅਧਾਰਤ ਹੈ। ਕਈ ਵਾਰ ਘਰ ਬਣਾਉਂਦੇ ਸਮੇਂ ਅਣਜਾਣੇ 'ਚ ਕੁਝ ਵਾਸਤੂ ਦੋਸ਼ ਰਹਿ ਜਾਂਦੇ ਹਨ ਜਿਨ੍ਹਾਂ ਨੂੰ ਠੀਕ ਕਰਨ ਲਈ ਕੰਧਾਂ ਜਾਂ ਕਮਰਿਆਂ ਨੂੰ ਤੋੜਨਾ ਬਿਲਕੁਲ ਜ਼ਰੂਰੀ ਨਹੀਂ ਹੈ। ਤੁਸੀਂ ਰੰਗ, ਸ਼ੀਸ਼ਿਆਂ, ਸਹੀ ਦਿਸ਼ਾ ਤੇ ਪ੍ਰਤੀਕਾਂ ਜ਼ਰੀਏ ਵੀ ਇਨ੍ਹਾਂ ਦੋਸ਼ਾਂ ਨੂੰ ਆਸਾਨੀ ਨਾਲ ਦੂਰ ਕਰ ਸਕਦੇ ਹੋ। ਆਓ ਜਾਣਦੇ ਹਾਂ ਇਸ ਬਾਰੇ।

ਦਿਸ਼ਾ ਅਨੁਸਾਰ ਰੰਗਾਂ ਦੀ ਚੋਣ

ਹਰ ਦਿਸ਼ਾ ਦਾ ਵਿਸ਼ੇਸ਼ ਰੰਗ ਤੇ ਤੱਤ ਹੁੰਦਾ ਹੈ। ਜੇਕਰ ਤੁਹਾਡੇ ਘਰ ਦਾ ਕੋਈ ਕਮਰਾ ਵਾਸਤੂ ਅਨੁਸਾਰ ਸਹੀ ਦਿਸ਼ਾ 'ਚ ਨਹੀਂ ਹੈ ਤਾਂ ਬਿਨਾਂ ਕੰਧਾਂ ਨੂੰ ਤੋੜੇ ਸਿਰਫ਼ ਸਹੀ ਰੰਗ ਦਾ ਧਿਆਨ ਰੱਖਦੇ ਹੋਏ ਵੀ ਉੱਥੋਂ ਦਾ ਦੋਸ਼ ਦੂਰ ਕੀਤਾ ਜਾ ਸਕਦਾ ਹੈ। ਉਦਾਹਰਨ ਦੇ ਤੌਰ 'ਤੇ ਉੱਤਰ-ਪੂਰਬ ਦਿਸ਼ਾ 'ਚ ਹਮੇਸ਼ਾ ਹਲਕਾ ਨੀਲਾ ਜਾਂ ਚਿੱਟਾ ਰੰਗ ਕਰਵਾਓ। ਉੱਥੇ ਹੀ ਘਰ ਦੇ ਦੱਖਣ-ਪੱਛਮ ਕੋਨੇ 'ਚ ਪੀਲਾ ਜਾਂ ਮਿੱਟੀ ਦਾ ਰੰਗ (Earth Tones) ਕਰਵਾਉਣਾ ਸਭ ਤੋਂ ਵਧੀਆ ਮੰਨਿਆ ਜਾਂਦਾ ਹੈ।

ਕਰੋ ਇਨ੍ਹਾਂ ਚੀਜ਼ਾਂ ਦੀ ਵਰਤੋਂ

ਵਾਸਤੂ ਸ਼ਾਸਤਰ 'ਚ ਸ਼ੀਸ਼ੇ ਨੂੰ ਊਰਜਾ ਵਧਾਉਣ ਦਾ ਵੱਡਾ ਜ਼ਰੀਆ ਮੰਨਿਆ ਗਿਆ ਹੈ। ਅਜਿਹੇ 'ਚ ਵਾਸਤੂ ਦੋਸ਼ ਨੂੰ ਘਟਾਉਣ ਲਈ ਇਸਦੀ ਵਰਤੋਂ ਕੀਤੀ ਜਾਂਦੀ ਹੈ। ਜੇਕਰ ਤੁਹਾਡੇ ਘਰ ਵਿਚ ਵੀ ਉੱਤਰ ਦਿਸ਼ਾ ਦੀ ਕੰਧ ਬੰਦ ਹੈ ਤਾਂ ਉੱਥੇ ਇਕ ਸ਼ੀਸ਼ਾ ਲਗਾ ਦਿਓ। ਅਜਿਹਾ ਕਰਨ ਨਾਲ ਉੱਥੋਂ ਦੀ ਰੁਕੀ ਹੋਈ ਊਰਜਾ ਫਿਰ ਤੋਂ ਸਰਗਰਮ ਹੋ ਜਾਂਦੀ ਹੈ। ਇਸ ਦੇ ਨਾਲ ਹੀ ਘਰ ਦੇ ਵੱਖ-ਵੱਖ ਕੋਨਿਆਂ 'ਚ ਰੁਕੀ ਹੋਈ ਊਰਜਾ ਨੂੰ ਸੁਚਾਰੂ ਕਰਨ ਲਈ ਤੁਸੀਂ ਪ੍ਰਭਾਵਿਤ ਥਾਵਾਂ 'ਤੇ ਕ੍ਰਿਸਟਲ ਬਾਲ (Crystal Ball) ਜਾਂ ਪਿਰਾਮਿਡ ਰੱਖ ਸਕਦੇ ਹੋ।

ਨਕਾਰਾਤਮਕ ਊਰਜਾ ਦਾ ਹੋਵੇਗਾ ਨਾਸ

• ਘਰ ਵਿਚ ਮੌਜੂਦ ਕਿਸੇ ਵੀ ਤਰ੍ਹਾਂ ਦੀ ਨਕਾਰਾਤਮਕਤਾ ਨੂੰ ਦੂਰ ਕਰਨ ਲਈ ਨਿਯਮਤ ਰੂਪ 'ਚ ਕਪੂਰ ਜਲਾਓ। ਇਸ ਨਾਲ ਵਾਤਾਵਰਨ ਸ਼ੁੱਧ ਹੁੰਦਾ ਹੈ ਤੇ ਸਕਾਰਾਤਮਕ ਊਰਜਾ ਦਾ ਪ੍ਰਵਾਹ ਵਧਦਾ ਹੈ।
• ਨਾਲ ਹੀ ਹਫ਼ਤੇ 'ਚ ਇੱਕ-ਦੋ ਵਾਰ ਪਾਣੀ ਵਿਚ ਸਮੁੰਦਰੀ ਨਮਕ ਮਿਲਾ ਕੇ ਘਰ 'ਚ ਪੋਚਾ ਲਗਾਓ। ਨਮਕ ਘਰ ਦੇ ਅੰਦਰ ਦੀ ਸਾਰੀ ਨਕਾਰਾਤਮਕ ਊਰਜਾ ਨੂੰ ਸੋਖ ਲੈਂਦਾ ਹੈ।
• ਜੇਕਰ ਘਰ ਦਾ ਮੁੱਖ ਦੁਆਰ ਗਲਤ ਦਿਸ਼ਾ ਵਿਚ ਹੈ ਤਾਂ ਦਰਵਾਜ਼ੇ ਦੇ ਬਿਲਕੁਲ ਬਾਹਰ ਪੰਚਮੁਖੀ ਗਣੇਸ਼ ਜੀ ਦੀ ਤਸਵੀਰ ਲਗਾਓ ਜਾਂ ਫਿਰ 'ॐ' ਤੇ 'ਸਵਸਤਿਕ' ਦਾ ਸ਼ੁਭ ਚਿੰਨ੍ਹ ਬਣਾਓ।
• ਹਰੇ-ਭਰੇ ਪੌਦੇ ਕੁਦਰਤੀ ਤੌਰ 'ਤੇ ਸਕਾਰਾਤਮਕ ਊਰਜਾ ਨੂੰ ਆਕਰਸ਼ਿਤ ਕਰਦੇ ਹਨ। ਘਰ ਦੇ ਮੁੱਖ ਦੁਆਰ 'ਤੇ ਜਾਂ ਅੰਦਰ ਮਨੀ ਪਲਾਂਟ, ਤੁਲਸੀ ਜਾਂ ਬਾਂਸ (Bamboo) ਦੇ ਪੌਦੇ ਲਗਾਓ। ਇਸ ਨਾਲ ਸਕਾਰਾਤਮਕ ਊਰਜਾ ਦਾ ਪ੍ਰਵਾਹ ਬਹੁਤ ਤੇਜ਼ੀ ਨਾਲ ਵਧਦਾ ਹੈ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।