ਚਾਣਕਿਆ ਨੀਤੀ: ਪਤੀ ਦੀਆਂ ਇਹ 5 ਕੌੜੀਆਂ ਗੱਲਾਂ ਬਰਬਾਦ ਕਰ ਸਕਦੀਆਂ ਹਨ ਸੁਖੀ ਸੰਸਾਰ, ਅੱਜ ਹੀ ਸੁਧਾਰ ਲਓ ਆਪਣੀ ਆਦਤ !

ਧਰਮ ਡੈਸਕ, ਨਵੀਂ ਦਿੱਲੀ : ਆਚਾਰੀਆ ਚਾਣਕਿਆ ਨੂੰ ਭਾਰਤੀ ਕੂਟਨੀਤੀ ਤੇ ਵਿਵਹਾਰ ਸ਼ਾਸਤਰ ਦਾ ਪਿਤਾਮਾ ਮੰਨਿਆ ਜਾਂਦਾ ਹੈ। ਉਨ੍ਹਾਂ ਦੀ ਪ੍ਰਸਿੱਧ ਰਚਨਾ 'ਚਾਣਕਿਆ ਨੀਤੀ' 'ਚ ਨਾ ਸਿਰਫ਼ ਰਾਜਨੀਤੀ, ਸਗੋਂ ਸੁਖੀ ਵਿਆਹੁਤਾ ਜੀਵਨ ਦੇ ਵੀ ਕਈ ਭੇਦ ਛੁਪੇ ਹੋਏ ਹਨ। ਚਾਣਕਿਆ ਅਨੁਸਾਰ, ਪਤੀ-ਪਤਨੀ ਦਾ ਰਿਸ਼ਤਾ ਭਰੋਸੇ ਅਤੇ ਸਨਮਾਨ ਦੀ ਨੀਂਹ 'ਤੇ ਟਿਕਿਆ ਹੁੰਦਾ ਹੈ।

ਅਕਸਰ ਅਣਜਾਣੇ 'ਚ ਬੋਲੇ ਗਏ ਕੁਝ ਸ਼ਬਦ ਇਸ ਨੀਂਹ ਨੂੰ ਹਿਲਾ ਦਿੰਦੇ ਹਨ ਜਿਸ ਨਾਲ ਰਿਸ਼ਤੇ 'ਚ ਕਿਸੇ 'ਤੀਜੇ ਵਿਅਕਤੀ' ਦੇ ਆਉਣ ਦਾ ਰਾਹ ਖੁੱਲ੍ਹ ਸਕਦਾ ਹੈ। ਆਓ ਜਾਣਦੇ ਹਾਂ ਉਹ 5 ਗੱਲਾਂ ਜੋ ਇਕ ਪਤੀ ਨੂੰ ਆਪਣੀ ਪਤਨੀ ਨੂੰ ਕਦੇ ਨਹੀਂ ਕਹਿਣੀਆਂ ਚਾਹੀਦੀਆਂ:

1. ਕਾਬਲੀਅਤ ਤੇ ਖ਼ੂਬਸੂਰਤੀ 'ਤੇ ਸਵਾਲ ਉਠਾਉਣਾ

ਆਚਾਰੀਆ ਚਾਣਕਿਆ ਕਹਿੰਦੇ ਹਨ ਕਿ ਕਿਸੇ ਵੀ ਵਿਅਕਤੀ ਦਾ ਆਤਮ-ਵਿਸ਼ਵਾਸ ਉਸ ਦੀ ਸਭ ਤੋਂ ਵੱਡੀ ਪੂੰਜੀ ਹੈ। ਜੇਕਰ ਇਕ ਪਤੀ ਵਾਰ-ਵਾਰ ਪਤਨੀ ਦੇ ਲੁੱਕਸ, ਖਾਣਾ ਬਣਾਉਣ ਦੇ ਤਰੀਕੇ ਜਾਂ ਬੱਚਿਆਂ ਦੀ ਪਰਵਰਿਸ਼ ਦੀ ਬੁਰਾਈ ਕਰਦਾ ਹੈ ਤਾਂ ਉਹ ਉਸ ਦੇ ਸਵੈ-ਸਨਮਾਨ ਨੂੰ ਡੂੰਘੀ ਸੱਟ ਮਾਰਦਾ ਹੈ। ਲਗਾਤਾਰ ਹੋਣ ਵਾਲੀ ਆਲੋਚਨਾ ਪਤਨੀ ਨੂੰ ਘਰ ਵਿਚ ਹੀ ਪਰਾਇਆ ਮਹਿਸੂਸ ਕਰਵਾਉਣ ਲੱਗਦੀ ਹੈ ਜੋ ਭਵਿੱਖ ਵਿਚ ਕੌੜਾਪਨ ਪੈਦਾ ਕਰਦੀ ਹੈ।

2. ਦੂਜੀਆਂ ਔਰਤਾਂ ਨਾਲ ਤੁਲਨਾ ਕਰਨਾ

ਤੁਲਨਾ ਕਰਨਾ ਕਿਸੇ ਵੀ ਰਿਸ਼ਤੇ ਲਈ ਜ਼ਹਿਰ ਸਮਾਨ ਹੈ। ਚਾਹੇ ਉਹ ਤੁਹਾਡੀ ਕੋਈ ਮਿੱਤਰ ਹੋਵੇ, ਰਿਸ਼ਤੇਦਾਰ ਜਾਂ ਕੋਈ ਸੈਲਿਬ੍ਰਿਟੀ— ਆਪਣੀ ਪਤਨੀ ਦੀ ਤੁਲਨਾ ਕਿਸੇ ਹੋਰ ਨਾਲ ਕਦੇ ਨਾ ਕਰੋ। ਹਰ ਵਿਅਕਤੀ ਦੀਆਂ ਆਪਣੀਆਂ ਖੂਬੀਆਂ ਹੁੰਦੀਆਂ ਹਨ। ਚਾਣਕਿਆ ਅਨੁਸਾਰ, ਜਦੋਂ ਤੁਸੀਂ ਤੁਲਨਾ ਕਰਦੇ ਹੋ ਤਾਂ ਪਤਨੀ ਦੇ ਮਨ ਵਿਚ ਅਸੁਰੱਖਿਆ ਅਤੇ ਨਾਰਾਜ਼ਗੀ ਪੈਦਾ ਹੁੰਦੀ ਹੈ ਜੋ ਪਿਆਰ ਨੂੰ ਹੌਲੀ-ਹੌਲੀ ਖ਼ਤਮ ਕਰ ਦਿੰਦੀ ਹੈ।

3. ਅਪਮਾਨਜਨਕ ਸ਼ਬਦਾਂ ਦੀ ਵਰਤੋਂ

"ਤੁਸੀਂ ਹਮੇਸ਼ਾ ਫੇਲ੍ਹ ਹੁੰਦੇ ਹੋ" ਜਾਂ "ਤੁਸੀਂ ਕੁਝ ਵੀ ਠੀਕ ਤਰ੍ਹਾਂ ਨਹੀਂ ਕਰ ਸਕਦੇ", ਇਹ ਗੱਲਾਂ ਭਾਵਨਾਤਮਕ ਹਿੰਸਾ ਵਾਂਗ ਹਨ। ਚਾਣਕਿਆ ਨੀਤੀ ਅਨੁਸਾਰ, ਘਰ ਵਿਚ ਮਿੱਠੀ ਤੇ ਸਨਮਾਨਜਨਕ ਭਾਸ਼ਾ ਹੋਣੀ ਚਾਹੀਦੀ ਹੈ। ਕੌੜੇ ਸ਼ਬਦ ਨਾ ਸਿਰਫ਼ ਝਗੜੇ ਵਧਾਉਂਦੇ ਹਨ, ਸਗੋਂ ਪਤਨੀ ਨੂੰ ਭਾਵਨਾਤਮਕ ਤੌਰ 'ਤੇ ਇਕੱਲਾ ਕਰ ਦਿੰਦੇ ਹਨ।

4. ਸਲਾਹ ਤੇ ਫੈਸਲਿਆਂ ਨੂੰ ਨਜ਼ਰਅੰਦਾਜ਼ ਕਰਨਾ

ਇਕ ਸਫਲ ਵਿਆਹ 'ਚ ਦੋਵੇਂ ਸਾਥੀ ਬਰਾਬਰ ਦੇ ਹਿੱਸੇਦਾਰ ਹੁੰਦੇ ਹਨ। ਜੇਕਰ ਪਤੀ ਲਗਾਤਾਰ ਪਤਨੀ ਦੀ ਸੋਚ, ਭਾਵਨਾਵਾਂ ਜਾਂ ਫੈਸਲਿਆਂ ਨੂੰ ਅਣਸੁਣਿਆ ਕਰਦਾ ਹੈ ਤਾਂ ਰਿਸ਼ਤਾ ਕਮਜ਼ੋਰ ਪੈਣ ਲੱਗਦਾ ਹੈ। ਚਾਣਕਿਆ ਨੀਤੀ ਅਨੁਸਾਰ, ਪਰਿਵਾਰ ਨੂੰ ਸਹੀ ਦਿਸ਼ਾ ਦੇਣ ਲਈ ਪਤੀ-ਪਤਨੀ ਦੋਵਾਂ ਦੀ ਸਲਾਹ ਦਾ ਸਨਮਾਨ ਕਰਨਾ ਲਾਜ਼ਮੀ ਹੈ।

5. ਗੁੱਸੇ ਵਿਚ 'ਤਲਾਕ' ਜਾਂ 'ਪਛਤਾਵੇ' ਦਾ ਜ਼ਿਕਰ

ਗੁੱਸੇ ਵਿਚ ਅਕਸਰ ਇਨਸਾਨ ਆਪਣਾ ਆਪਾ ਖੋ ਦਿੰਦਾ ਹੈ ਪਰ "ਮੈਨੂੰ ਤੁਹਾਡੇ ਨਾਲ ਵਿਆਹ ਕਰਕੇ ਪਛਤਾਵਾ ਹੈ" ਜਾਂ "ਮੈਂ ਤੁਹਾਨੂੰ ਛੱਡ ਦੇਵਾਂਗਾ", ਵਰਗੀਆਂ ਗੱਲਾਂ ਬੋਲਣਾ ਸਭ ਤੋਂ ਘਾਤਕ ਹੈ। ਭਾਵੇਂ ਇਹ ਗੱਲਾਂ ਗੁੱਸੇ ਵਿੱਚ ਕਹੀਆਂ ਗਈਆਂ ਹੋਣ ਪਰ ਇਹ ਮਨ ਵਿਚ ਡਰ ਤੇ ਅਸੁਰੱਖਿਆ ਭਰ ਦਿੰਦੀਆਂ ਹਨ। ਚਾਣਕਿਆ ਅਨੁਸਾਰ, ਸਬਰ ਅਤੇ ਬਾਣੀ 'ਤੇ ਕੰਟਰੋਲ ਹੀ ਇਕ ਸਫਲ ਵਿਆਹ ਦੀ ਅਸਲ ਚਾਬੀ ਹੈ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।