Bada Mangal 2026: ਇਕ ਨਹੀਂ, ਦੋ ਨਹੀਂ, ਇਸ ਵਾਰ ਹੋਣਗੇ ਪੂਰੇ 8 ਵੱਡੇ ਮੰਗਲਵਾਰ; 19 ਸਾਲਾਂ ਬਾਅਦ ਕਿਉਂ ਬਣ ਰਿਹਾ ਹੈ ਇਹ ਸ਼ੁਭ ਸੰਯੋਗ?

ਧਰਮ ਡੈਸਕ, ਨਵੀਂ ਦਿੱਲੀ: ਹਿੰਦੂ ਪੰਚਾਂਗ ਅਨੁਸਾਰ, ਜੇਠ ਦਾ ਮਹੀਨਾ ਵਿਸ਼ੇਸ਼ ਤੌਰ 'ਤੇ ਸੰਕਟਮੋਚਨ ਹਨੂਮਾਨ ਜੀ ਨੂੰ ਸਮਰਪਿਤ ਹੁੰਦਾ ਹੈ। ਇਸ ਮਹੀਨੇ ਆਉਣ ਵਾਲੇ ਮੰਗਲਵਾਰਾਂ ਨੂੰ 'ਵੱਡਾ ਮੰਗਲ' ਜਾਂ 'ਬੁੜ੍ਹਵਾ ਮੰਗਲ' ਕਿਹਾ ਜਾਂਦਾ ਹੈ, ਪਰ ਸਾਲ 2026 ਦਾ ਜੇਠ ਮਹੀਨਾ ਬਹੁਤ ਖ਼ਾਸ ਹੋਣ ਵਾਲਾ ਹੈ। ਜੋਤਿਸ਼ ਗਣਨਾਵਾਂ ਅਨੁਸਾਰ, ਪੂਰੇ 19 ਸਾਲਾਂ ਬਾਅਦ ਇਕ ਅਜਿਹਾ ਦੁਰਲੱਭ ਸੰਯੋਗ ਬਣ ਰਿਹਾ ਹੈ ਜਿਸ ਵਿਚ ਪੂਰੇ 8 ਵੱਡੇ ਮੰਗਲਵਾਰ ਆਉਣਗੇ।

ਇਹ ਸੰਯੋਗ ਭਗਤਾਂ ਲਈ ਕਿਸੇ ਵਰਦਾਨ ਤੋਂ ਘੱਟ ਨਹੀਂ ਕਿਉਂਕਿ ਇੰਨੇ ਲੰਬੇ ਸਮੇਂ ਤੋਂ ਬਾਅਦ ਹਨੂੰਮਾਨ ਜੀ ਦੀ ਵਿਸ਼ੇਸ਼ ਉਪਾਸਨਾ ਦਾ ਇੰਨਾ ਵੱਡਾ ਮੌਕਾ ਮਿਲ ਰਿਹਾ ਹੈ।

ਕਿਉਂ ਬਣ ਰਿਹਾ ਹੈ ਇਹ ਦੁਰਲੱਭ ਸੰਯੋਗ?

ਆਮ ਤੌਰ 'ਤੇ ਜੇਠ ਮਹੀਨੇ 'ਚ 4 ਜਾਂ 5 ਮੰਗਲਵਾਰ ਹੁੰਦੇ ਹਨ, ਪਰ ਇਸ ਵਾਰ 'ਅਧਿਕ ਮਾਸ' ਯਾਨੀ ਪੁਰਸ਼ੋਤਮ ਮਹੀਨੇ ਕਾਰਨ ਬੁੜ੍ਹਵਾ ਮੰਗਲ ਦੀ ਮਿਆਦ ਵਧ ਗਈ ਹੈ। ਜਦੋਂ ਵੀ ਜੇਠ ਦੇ ਮਹੀਨੇ ਅਧਿਕ ਮਾਸ ਦਾ ਸੰਯੋਗ ਬਣਦਾ ਹੈ ਤਾਂ ਮੰਗਲਵਾਰਾਂ ਦੀ ਗਿਣਤੀ ਵੱਧ ਜਾਂਦੀ ਹੈ। ਇਸ ਤੋਂ ਪਹਿਲਾਂ ਅਜਿਹਾ ਅਦਭੁਤ ਸੰਯੋਗ 19 ਸਾਲ ਪਹਿਲਾਂ ਦੇਖਿਆ ਗਿਆ ਸੀ। ਇਸ ਮਹਾ-ਸੰਯੋਗ 'ਚ ਹਨੂਮਾਨ ਜੀ ਦੀ ਪੂਜਾ ਕਰਨ ਨਾਲ ਭਗਤਾਂ ਨੂੰ ਅੱਠ ਗੁਣਾ ਫਲ ਪ੍ਰਾਪਤ ਹੋਵੇਗਾ ਅਤੇ ਕੁੰਡਲੀ ਦੇ ਗ੍ਰਹਿ ਦੋਸ਼ਾਂ ਤੋਂ ਵੀ ਮੁਕਤੀ ਮਿਲੇਗੀ।

ਵੱਡੇ ਮੰਗਲ ਦਾ ਧਾਰਮਿਕ ਮਹੱਤਵ

ਪੌਰਾਣਿਕ ਕਥਾਵਾਂ ਅਨੁਸਾਰ, ਜੇਠ ਮਹੀਨੇ ਦੇ ਮੰਗਲਵਾਰ ਨੂੰ ਹੀ ਹਨੂੰਮਾਨ ਜੀ ਦੀ ਮੁਲਾਕਾਤ ਬਨਵਾਸ ਦੌਰਾਨ ਭਗਵਾਨ ਰਾਮ ਨਾਲ ਹੋਈ ਸੀ। ਇਕ ਹੋਰ ਮਾਨਤਾ ਅਨੁਸਾਰ, ਇਸੇ ਸਮੇਂ ਹਨੂੰਮਾਨ ਜੀ ਨੇ ਭੀਮ ਦਾ ਹੰਕਾਰ ਤੋੜ ਕੇ ਉਨ੍ਹਾਂ ਨੂੰ ਦਰਸ਼ਨ ਦਿੱਤੇ ਸਨ। 'ਵੱਡਾ' ਸ਼ਬਦ ਹਨੂੰਮਾਨ ਜੀ ਦੇ ਵਿਸ਼ਾਲ ਅਤੇ ਸ਼ਕਤੀਸ਼ਾਲੀ ਸਰੂਪ ਦਾ ਪ੍ਰਤੀਕ ਹੈ। ਇਹੀ ਕਾਰਨ ਹੈ ਕਿ ਇਸ ਦੌਰਾਨ ਵੱਡੇ-ਵੱਡੇ ਭੰਡਾਰਿਆਂ ਦੀਆਂ ਅਦਭੁਤ ਪਰੰਪਰਾਵਾਂ ਨਿਭਾਈਆਂ ਜਾਂਦੀਆਂ ਹਨ।

ਪੂਜਾ ਦੀ ਸਹੀ ਵਿਧੀ

• ਸੂਰਜ ਚੜ੍ਹਨ ਤੋਂ ਪਹਿਲਾਂ ਉੱਠ ਕੇ ਇਸ਼ਨਾਨ ਕਰੋ ਅਤੇ ਲਾਲ ਜਾਂ ਸੰਤਰੀ ਰੰਗ ਦੇ ਕੱਪੜੇ ਪਹਿਨੋ।
• ਹਨੂਮਾਨ ਜੀ ਦੀ ਮੂਰਤੀ 'ਤੇ ਚਮੇਲੀ ਦਾ ਤੇਲ ਅਤੇ ਸਿੰਦੂਰ ਮਿਲਾ ਕੇ ਚੋਲਾ ਚੜ੍ਹਾਓ। ਇਸ ਨਾਲ ਬਜਰੰਗਬਲੀ ਤੁਰੰਤ ਖ਼ੁਸ਼ ਹੁੰਦੇ ਹਨ।
• ਇਸ ਦਿਨ ਹਨੂਮਾਨ ਚਾਲੀਸਾ, ਬਜਰੰਗ ਬਾਣ ਜਾਂ ਸੁੰਦਰਕਾਂਡ ਦਾ ਪਾਠ ਕਰਨਾ ਬਹੁਤ ਫਲਦਾਇਕ ਹੁੰਦਾ ਹੈ। 8 ਵੱਡੇ ਮੰਗਲਵਾਰ ਹੋਣ ਕਰਕੇ ਤੁਸੀਂ ਹਰ ਮੰਗਲਵਾਰ ਨੂੰ ਇਕ ਖ਼ਾਸ ਪਾਠ ਦਾ ਸੰਕਲਪ ਲੈ ਸਕਦੇ ਹੋ।
• ਹਨੂੰਮਾਨ ਜੀ ਨੂੰ ਬੇਸਣ ਦੇ ਲੱਡੂ, ਬੂੰਦੀ ਜਾਂ ਗੁੜ ਤੇ ਭੁੰਨੇ ਹੋਏ ਛੋਲਿਆਂ ਦਾ ਭੋਗ ਲਗਾਓ।
• ਪਿਆਸੇ ਨੂੰ ਪਾਣੀ ਪਿਲਾਉਣਾ ਅਤੇ ਭੁੱਖੇ ਨੂੰ ਭੋਜਨ ਕਰਵਾਉਣਾ ਇਸ ਤਿਉਹਾਰ ਦੀ ਸਭ ਤੋਂ ਵੱਡੀ ਪੂਜਾ ਹੈ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।