ਪੁਰਾਤਨ ਪਰੰਪਰਾ ਜਾਂ ਮਾਡਰਨ ਟ੍ਰੈਂਡ? ਮੁੰਡਿਆਂ ਦੇ ਕੰਨ ਵਿੰਨ੍ਹਵਾਉਣ 'ਤੇ ਕੀ ਕਹਿੰਦੇ ਹਨ ਸਾਡੇ ਪੂਰਵਜ ਤੇ ਸ਼ਾਸਤਰ

ਧਰਮ ਡੈਸਕ, ਨਵੀਂ ਦਿੱਲੀ : ਅੱਜ ਦੇ ਸਮੇਂ ਮੁੰਡਿਆਂ ਦਾ ਕੰਨ ਵਿੰਨ੍ਹਵਾਉਣਾ ਤੇ ਬਾਲੀ ਪਹਿਨਣਾ ਟ੍ਰੈਂਡ ਮੰਨਿਆ ਜਾਂਦਾ ਹੈ। ਲੋਕ ਇਸਨੂੰ ਫੈਸ਼ਨ ਦੇ ਤੌਰ 'ਤੇ ਅਪਣਾਉਂਦੇ ਹਨ। ਪਰ ਭਾਰਤੀ ਸੰਸਕ੍ਰਿਤੀ 'ਚ ਇਹ ਸਿਰਫ਼ ਸ਼ਿੰਗਾਰ ਜਾਂ ਆਧੁਨਿਕ ਫੈਸ਼ਨ ਨਹੀਂ ਹੈ, ਸਗੋਂ ਇਕ ਬਹੁਤ ਮਹੱਤਵਪੂਰਨ 'ਕਰਣਵੇਧ ਸੰਸਕਾਰ' ਹੈ। ਸਾਡੇ ਪੂਰਵਜਾਂ ਨੇ ਇਸਨੂੰ 16 ਸੰਸਕਾਰਾਂ ਵਿੱਚ ਸ਼ਾਮਲ ਕੀਤਾ ਸੀ, ਜਿਸ ਦੇ ਪਿੱਛੇ ਡੂੰਘੇ ਧਾਰਮਿਕ, ਜੋਤਿਸ਼ ਅਤੇ ਵਿਗਿਆਨਕ ਕਾਰਨ ਛਿਪੇ ਹੋਏ ਹਨ। ਆਓ ਇੱਥੇ ਜਾਣਦੇ ਹਾਂ।

ਕਰਣਵੇਧ ਸੰਸਕਾਰ ਦਾ ਧਾਰਮਿਕ ਤੇ ਜੋਤਿਸ਼ ਮਹੱਤਵ

ਸ਼ਾਸਤਰਾਂ ਅਨੁਸਾਰ, ਮਨੁੱਖ ਦੇ ਜਨਮ ਤੋਂ ਲੈ ਕੇ ਮੌਤ ਤਕ 16 ਸੰਸਕਾਰ ਦੱਸੇ ਗਏ ਹਨ, ਜਿਨ੍ਹਾਂ ਵਿੱਚੋਂ ਕਰਣਵੇਧ (ਕੰਨ ਵਿੰਨ੍ਹਣਾ) ਨੌਵਾਂ ਸੰਸਕਾਰ ਹੈ। ਇਸ ਦੀ ਪਾਲਣਾ ਸਦੀਆਂ ਪਹਿਲਾਂ ਤੋਂ ਕੀਤੀ ਜਾ ਰਹੀ ਹੈ। ਜੋਤਿਸ਼ ਸ਼ਾਸਤਰ ਦੀ ਮੰਨੀਏ ਤਾਂ ਕੰਨ ਵਿੰਨ੍ਹਵਾਉਣ ਨਾਲ ਰਾਹੂ ਤੇ ਕੇਤੂ ਵਰਗੇ ਛਾਇਆ ਗ੍ਰਹਿਆਂ ਦੇ ਨਕਾਰਾਤਮਕ ਪ੍ਰਭਾਵ ਘੱਟ ਹੁੰਦੇ ਹਨ। ਕੰਨ ਦਾ ਹੇਠਲਾ ਹਿੱਸਾ ਸਿੱਧੇ ਤੌਰ 'ਤੇ ਦਿਮਾਗ ਤੇ ਸੁਣਨ ਸਮਰੱਥਾ ਨਾਲ ਜੁੜਿਆ ਹੁੰਦਾ ਹੈ। ਧਾਰਮਿਕ ਮਾਨਤਾ ਹੈ ਕਿ ਕੰਨ ਵਿੰਨ੍ਹਵਾਉਣ ਨਾਲ ਜਾਤਕ ਦੀ ਉਮਰ ਤੇ ਬੁੱਧੀ ਟਚ ਵਾਧਾ ਹੁੰਦਾ ਹੈ। ਇਹੀ ਕਾਰਨ ਹੈ ਕਿ ਪੁਰਾਣੇ ਸਮੇਂ ਵਿੱਚ ਮੁੰਡਿਆਂ ਦੇ ਕੰਨ ਜ਼ਰੂਰ ਵਿੰਨ੍ਹੇ ਜਾਂਦੇ ਸਨ।

ਫਾਇਦੇ

• ਕੰਨ ਦੇ ਹੇਠਲੇ ਹਿੱਸੇ 'ਚ ਇੱਕ ਅਜਿਹਾ ਪੁਆਇੰਟ ਹੁੰਦਾ ਹੈ, ਜਿਸਦਾ ਸਿੱਧਾ ਸਬੰਧ ਅੱਖਾਂ ਦੀਆਂ ਨਸਾਂ ਨਾਲ ਹੁੰਦਾ ਹੈ। ਕੰਨ ਵਿੰਨ੍ਹਣ ਨਾਲ ਇਸ 'ਤੇ ਦਬਾਅ ਪੈਂਦਾ ਹੈ, ਜਿਸ ਨਾਲ ਅੱਖਾਂ ਦੀ ਰੌਸ਼ਨੀ ਤੇਜ਼ ਹੁੰਦੀ ਹੈ।
• ਕੰਨ ਵਿੰਨ੍ਹਵਾਉਣ ਨਾਲ ਦਿਮਾਗ ਦੇ ਖੱਬੇ ਤੇ ਸੱਜੇ ਹਿੱਸੇ ਦੇ ਵਿਚਕਾਰ ਊਰਜਾ ਦਾ ਸੰਚਾਰ ਵਧਦਾ ਹੈ। ਇਸ ਨਾਲ ਮੁੰਡਿਆਂ ਦੀ ਯਾਦਦਾਸ਼ਤ ਤੇ ਇਕਾਗਰਤਾ (Focus) ਵਿੱਚ ਸੁਧਾਰ ਹੁੰਦਾ ਹੈ।
• ਇਸ ਨਾਲ ਅਜਿਹੀਆਂ ਨਸਾਂ ਵੀ ਜੁੜੀਆਂ ਹੁੰਦੀਆਂ ਹਨ, ਜਿਨ੍ਹਾਂ ਨੂੰ ਸਰਗਰਮ ਕਰਨ ਨਾਲ ਭੁੱਖ ਵਧਦੀ ਹੈ ਅਤੇ ਪਾਚਨ ਪ੍ਰਣਾਲੀ ਠੀਕ ਰਹਿੰਦੀ ਹੈ।

ਕਦੋਂ ਤੇ ਕਿਵੇਂ ਕਰਵਾਓ?

ਸ਼ਾਸਤਰਾਂ ਅਨੁਸਾਰ, ਮੁੰਡਿਆਂ ਦਾ ਕਰਣਵੇਧ ਸੰਸਕਾਰ ਬਿਖਮ (Odd) ਸਾਲਾਂ ਜਿਵੇਂ ਕਿ 3, 5, ਜਾਂ 7 ਸਾਲ ਦੀ ਉਮਰ 'ਚ ਕਰਨਾ ਸ਼ੁਭ ਮੰਨਿਆ ਜਾਂਦਾ ਹੈ। ਮੁੰਡਿਆਂ ਦਾ ਹਮੇਸ਼ਾ ਪਹਿਲਾਂ ਸੱਜਾ ਕੰਨ ਵਿੰਨ੍ਹਿਆ ਜਾਂਦਾ ਹੈ ਜਦੋਂਕਿ ਕੁੜੀਆਂ ਦਾ ਖੱਬਾ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।