ਰੰਜਿਸ਼ ਦੇ ਚੱਲਿਦਆਂ ਨੌਜਵਾਨ ਨੂੰ ਮਾਰੀ ਗੋਲੀ, ਚਾਰ ਖਿਲਾਫ਼ ਕੇਸ ਦਰਜ

ਅੰਮ੍ਰਿਤਪਾਲ ਸਿੰਘ ਪੁੱਤਰ ਲਖਵਿੰਦਰ ਸਿੰਘ ਵਾਸੀ ਪੱਤੀ ਵਧਾਈ ਕੀ ਭਿੱਖੀਵਿੰਡ ਨੇ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ਵਿਚ ਦੱਸਿਆ ਕਿ ਉਹ ਤੇ ਉਸਦਾ ਤਾਇਆ ਜਸਵਿੰਦਰ ਸਿੰਘ ਆਪਣੇ ਘਰ ਦੇ ਬਾਹਰ ਗੇਟ ’ਤੇ ਖੜੇ ਸੀ। ਦੁਪਹਿਰ ਕਰੀਬ ਢਾਈ ਵਜੇ ਉਸਦਾ ਭਰਾ ਗੁਰਲਾਲ ਸਿੰਗ ਗਲੀ ਵਿਚ ਘਰ ਵੱਲ ਨੂੰ ਤੁਰਿਆ ਆ ਰਿਹਾ ਸੀ।ਇਸੇ ਦੌਰਾਨ ਡੀਏਵੀ ਸਕੂਲ ਵੱਲੋਂ ਸਵਿਫਟ ਕਾਰ ਨੰਬਰ ਪੀਬੀ02 ਈਡਬਲਿਯੂ 1152 ਆਈ। ਜਿਸ ਵਿਚ ਪ੍ਰਭਦੀਪ ਸਿੰਘ ਪ੍ਰਭ ਪੁੱਤਰ ਹਰਪਾਲ ਸਿੰਘ ਵਾਸੀ ਸੁਰਸਿੰਘ ਅਤੇ ਗੁਰਭਿੰਦਰ ਸਿੰਘ ਟਿੱਡਾ ਪੁੱਤਰ ਸੁਖਦੇਵ ਸਿੰਘ ਬੱਬਾ ਵਾਸੀ ਭਿੱਖੀਵਿੰਡ ਤੋਂ ਇਲਾਵਾ ਦੋ ਅਣਪਛਾਤੇ ਸਵਾਰ ਸਨ। ਪ੍ਰਭਦੀਪ ਸਿੰਘ ਅਤੇ ਗੁਰਭਿੰਦਰ ਸਿੰਘ ਟੱਡ ਦੇ ਗੁਰਲਾਲ ਸਿੰਘ ਦੇ ਪਿੱਛੋਂ ਪਿਸਟਲ ਤਾਣ ਲਿਆ ਅਤੇ ਆਪਣੀ ਕੁੱਟਮਾਰ ਦਾ ਬਦਲਾ ਲੈਣ ਦੀ ਗੱਲ ਕਹਿਣ ਲੱਗਾ। ਜਦੋਂ ਉਸਦਾ ਭਰਾ ਉਥੋਂ ਭੱਜਝਣ ਲੱਗਾ ਤਾਂ ਗੁਰਭਿੰਦਰ ਸਿੰਘ ਨੇ ਪਿਸਟਲ ਨਾਲ ਗੋਲੀ ਚਲਾ ਦਿੱਤੀ, ਜੋ ਗੁਰਲਾਲ ਦੇ ਮੋਢੇ ਕੋਲ ਲੱਗੀ ਤੇ ਉਹ ਜਖਮੀ ਹੋ ਗਿਆ। ਉਸਨੇ ਦੱਸਿਆ ਕਿ ਉਕ ਲੋਕਾਂ ਵੱਲੋਂ ਹੋਰ ਵੀ ਫਾਇਰ ਕੀਤੇ ਗਏ, ਜਿਨ੍ਹਾਂ ਤੋਂ ਉਹ ਵਾਲ ਵਾਲ ਬਚੇ। ਉਨ੍ਹਾਂ ਨੇ ਗੁਰਲਾਲ ਸਿੰਘ ਨੂੰ ਕਸਬੇ ਦੇ ਆਨੰਦ ਹਸਪਤਾਲ ਵਿਚ ਦਾਖਲ ਕਰਵਾਇਆ ਹੈ।