ਦਿੜ੍ਹਬਾ ਨੇੜੇ ਭਿਆਨਕ ਸੜਕ ਹਾਦਸਾ: ਪਿੱਕਅੱਪ ਨੇ ਕਾਰ ਨੂੰ ਮਾਰੀ ਟੱਕਰ, ਇੱਕ ਦੀ ਮੌਤ

ਹਰਮੇਸ਼ ਸਿੰਘ ਮੇਸ਼ੀ, ਪੰਜਾਬੀ ਜਾਗਰਣ, ਦਿੜ੍ਹਬਾ। ਦਿੜ੍ਹਬਾ ਅੰਦਰ ਓਵਰ ਬ੍ਰਿਜ ਦੇ ਖਤਮ ਹੁੰਦੇ ਪਾਤੜਾਂ ਰੋਡ ਉੱਤੇ ਸਵੇਰੇ ਇੱਕ ਦੋ ਗੱਡੀਆਂ ਦੇ ਵਿੱਚ ਭਿਆਨਕ ਟੱਕਰ ਹੋਣ ਨਾਲ ਇੱਕ ਵਿਅਕਤੀ ਦੀ ਮੌਤ ਤੇ ਮੌਕੇ ਉੱਤੇ ਹੀ ਮੌਤ ਹੋ ਗਈ ਹੈ। ਜਾਣਕਾਰੀ ਅਨੁਸਾਰ ਤਿੰਨ ਵਿਅਕਤੀ ਏਅਰਪੋਰਟ ਦਿੱਲੀ ਤੋਂ ਮਹਿਲਾਂ ਚੌਂਕ ਨੂੰ ਜਾ ਰਹੇ ਸਨ। ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

ਜਾਣਕਾਰੀ ਦਿੰਦੇ ਹੋਏ ਜਾਂਚ ਅਧਿਕਾਰੀ ਤਰਸੇਮ ਲਾਲ ਸ਼ਰਮਾ ਨੇ ਕਿਹਾ ਕਿ ਦਿੜਬਾ ਅੰਦਰ ਪਾਤੜਾਂ ਰੋਡ ਤੇ ਇੱਕ ਕਾਰ ਨੂੰ ਪਿੱਛੋਂ ਤੇਜ਼ੀ ਨਾਲ ਆ ਰਹੀ ਵੀ ਪਿੱਕ ਅੱਪ ਨੇੇ ਜ਼ੋਰਦਾਰ ਟੱਕਰ ਮਾਰੀ। ਜਿਸ ਨਾਲ ਕਾਰ ਵਿੱਚ ਸਵਾਰ ਤਿੰਨ ਵਿਅਕਤੀਆਂ ਵਿੱਚੋਂ ਇੱਕ ਵਿਅਕਤੀ ਦੀ ਮੌਕੇ ਉੱਤੇ ਹੀ ਮੌਤ ਹੋ ਗਈ ਹੈ। ਮ੍ਰਿਤਕ ਦੀ ਪਛਾਣ ਮੇਜਰ ਸਿੰਘ ਪੁੱਤਰ ਭੁਪਿੰਦਰ ਸਿੰਘ ਵਾਸੀ ਬੀਰ ਕਲਾਂ ਉਮਰ 50 ਸਾਲ ਹੋਈ ਹੈ।

ਉਸ ਦੇ ਨਾਲ ਬੈਠੇ ਇੱਕ ਡਰਾਈਵਰ ਅਤੇ ਇੱਕ ਹੋਰ ਵਿਅਕਤੀ ਦਾ ਬਚਾਅ ਹੋ ਗਿਆ ਹੈ। ਮ੍ਰਿਤਿਕ ਮੇਜਰ ਸਿੰਘ ਏਅਰਪੋਰਟ ਦਿੱਲੀ ਤੋਂ ਆਪਣੇ ਕਿਸੇ ਸਾਕ ਸਬੰਧੀ ਨੂੰ ਛੱਡ ਕੇ ਵਾਪਸ ਆਪਣੇ ਪਿੰਡ ਵੀਰ ਕਲਾਂ ਜਾ ਰਿਹਾ ਸੀ। ਪੁਲਿਸ ਨੇ ਪਿਕਅਪ ਡਰਾਈਵਰ ਸ਼ਕਤੀ ਸਿੰਘ ਵਾਸੀ ਸੂਰਤਗੜ੍ਹ ਰਾਜਸਥਾਨ ਦੇ ਖਿਲਾਫ ਪਰਚਾ ਦਰਜ ਕਰ ਲਿਆ ਹੈ। ਸ਼ਕਤੀ ਸਿੰਘ ਮੌਕੇ ਤੋਂ ਫਰਾਰ ਹੋ ਗਿਆ ਹੈ। ਪੁਲਿਸ ਉਸਦੀ ਭਾਲ ਕਰ ਰਹੀ।