ਪ੍ਰਵਾਸੀ ਪੰਛੀਆਂ ਦੀ ਵਾਪਸੀ ਦਾ ਆਇਆ ਸਮਾਂ, ਬਰਡ ਵਾਚ ਸੈਂਟਰ ਦੀ ਸਥਿਤੀ ’ਚ ਕੋਈ ਸੁਧਾਰ ਨਹੀਂ

ਪੁਲ ਨੁਮਾ ਬਣੇ ਲੱਕੜ ਦੇ ਫੱਟਿਆ ਵਾਲੇ ਟਰੈਕ ਦੀ ਹਾਲਤ ਖਸਤਾ, ਕਦੇ ਵੀ ਵਾਪਰ ਸਕਦਾ ਹਾਦਸਾ। ਲੀਡ ਖ਼ਬਰ: ਲਖਵੀਰ ਖਾਬੜਾ,ਪੰਜਾਬੀ ਜਾਗਰਣ ਰੂਪਨਗਰ : 10 ਕਰੋੜ ਰੁਪਏ ਦੀ ਲਾਗਤ ਨਾਲ ਸਤਲੁੱਜ ਦਰਿਆ ਦੇ ਕਿਨਾਰੇ ਬਣੇ ਬਰਡ ਵਾਂਚ ਸੈਟਰ ਰੂਪਨਗਰ ਦੇ ਬਣੇ ਹਲਾਤ ਪੰਛੀ ਪ੍ਰੇਮੀਆ ਨੂੰ ਨਿਰਾਸ਼ ਕਰ ਰਹੇ ਹਨ ਕਿਉਕਿ ਪੰਛੀਆ ਦੇ ਦਰਸ਼ਨ ਕਰਨ ਲਈ ਟਾਵਰਾਂ ਤੱਕ ਜਾਣ ਲਈ ਬਣੇ ਪੁਲ ਨੁਮਾ ਲੱਕੜ ਦੇ ਫੱਟਿਆ ਵਾਲੇ ਟਰੈਕ ਦੀ ਖਸਤਾਹਾਲ ਕਦੇ ਵੀ ਪੰਛੀ ਪ੍ਰੇਮੀ ਲਈ ਭਾਰੂ ਪੈ ਸਕਦੀ ਹੈ। ਜਾਣਕਾਰੀ ਅਨੁਸਾਰ ਫਰਵਰੀ ਦਾ ਮਹੀਨਾ ਸ਼ੁਰੂ ਹੋ ਗਿਆ ਹੈ ਅਤੇ ਕੁਝ ਹਫ਼ਤਿਆਂ ਵਿਚ ਪ੍ਰਵਾਸੀ ਪੰਛੀ ਘਰ ਵਾਪਸ ਆਉਣੇ ਸ਼ੁਰੂ ਹੋ ਜਾਣਗੇ, ਪਰ ਇਸ ਸਾਲ ਵੀ ਸਰਕਾਰ ਜਾਂ ਸਬੰਧਤ ਜੰਗਲੀ ਜੀਵ ਵਿਭਾਗ ਇਸ ਪੰਛੀ ਨਿਗਰਾਨੀ ਕੇਂਦਰ ਦੀ ਹਾਲਤ ਸੁਧਾਰਨ ਲਈ ਕੁਝ ਨਹੀਂ ਕਰ ਸਕਿਆ। ਹਾਂ, ਇੱਥੇ ਤਾਇਨਾਤ ਇੱਕ ਕਰਮਚਾਰੀ ਨੇ ਆਪਣੇ ਪੱਲੇ ਤੋਂ ਟਰੈਕ ਦੇ ਕੁੱਝ ਫੱਟੇ ਬਦਲਵਾਏ ਦੱਸੇ ਜਾ ਰਹੇ ਹਨ। ਪਰ ਟਰੈਕ ਤੇ ਫੱਟੇ ਟੁੱਟਣ ਕਾਰਨ ਖੱਡੇ ਬਣੇ ਹੋਏ ਹਨ ਅਤੇ ਇਹ ਫੱਟੇ ਇੱਥੇ ਆਉਣ ਵਾਲੇ ਸੈਲਾਨੀਆਂ ਲਈ ਘਾਤਕ ਸਾਬਤ ਹੋ ਸਕਦੇ ਹਨ। ਹਰ ਸਾਲ ਅਕਤੂਬਰ ਵਿਚ ਪ੍ਰਵਾਸੀ ਪੰਛੀ ਸਾਇਬੇਰੀਆ ਨੂੰ ਠੰਡ ਦੇ ਵਿਚਕਾਰ ਛੱਡ ਕੇ ਭਾਰਤ ਅਤੇ ਆਲੇ ਦੁਆਲੇ ਦੇ ਜਲ ਸਰੋਤਾਂ ਵਿਚ ਪਰਵਾਸ ਕਰਦੇ ਹਨ ਅਤੇ ਮਾਰਚ ਮਹੀਨੇ ਤੋਂ ਪਹਿਲਾਂ ਆਪਣੇ ਮੂਲ ਨਿਵਾਸ ਸਥਾਨ ਸਾਇਬੇਰੀਆ ਵਾਪਸ ਚਲੇ ਜਾਂਦੇ ਹਨ। ਜਿਸ ਮਕਸਦ ਲਈ ਇਹ ਪੰਛੀ ਨਿਗਰਾਨੀ ਕੇਂਦਰ ਦਸ ਕਰੋੜ ਰੁਪਏ ਦੀ ਲਾਗਤ ਨਾਲ ਬਣਾਇਆ ਗਿਆ ਸੀ, ਉਹ ਇਸ ਦੇ ਰੱਖ-ਰਖਾਅ ਲਈ ਫੰਡਾਂ ਦੀ ਘਾਟ ਕਾਰਨ ਪੂਰਾ ਨਹੀਂ ਹੋ ਸਕਿਆ। ਇਹ ਪੰਛੀ ਨਿਗਰਾਨੀ ਕੇਂਦਰ ਵਿਦੇਸ਼ੀ ਪ੍ਰਵਾਸੀ ਪੰਛੀਆਂ ਨੂੰ ਦੇਖਣ ਲਈ ਬਣਾਇਆ ਗਿਆ ਸੀ। ਹਾਲਾਤ ਅਜਿਹੇ ਹਨ ਕਿ ਕੇਂਦਰ ਵਿਚ ਵਾਚਟਾਵਰ ਤੱਕ ਪਹੁੰਚਣ ਲਈ ਰਸਤਾ, ਜੋ ਕਿ ਆਕਰਸ਼ਕ ਲੱਕੜ ਦੇ ਫੱਟਿਆ ਨਾਲ ਪੁਲ ਵਾਂਗ ਬਣਾਇਆ ਗਿਆ ਹੈ, ਜ਼ਮੀਨ ਤੋਂ ਚਾਰ ਤੋਂ ਪੰਜ ਫੁੱਟ ਉੱਪਰ ਹੈ, ਅਤੇ ਬਹੁਤ ਸਾਰੇ ਫੱਟੇ ਇਸ ਵੇਲੇ ਟੁੱਟੇ ਹੋਏ ਹਨ। ਪਹਿਲੀ ਵਾਰ ਆਉਣ ਵਾਲੇ ਸੈਲਾਨੀ ਡਿੱਗ ਸਕਦੇ ਹਨ ਅਤੇ ਜ਼ਖਮੀ ਹੋ ਸਕਦੇ ਹਨ। ਜਿਸ ਜਗ੍ਹਾ ਤੇ ਪੰਛੀ ਨਿਗਰਾਨੀ ਕੇਂਦਰ ਬਣਾਇਆ ਗਿਆ ਸੀ, ਉਹ ਸਤਲੁਜ ਦਰਿਆ ਦੇ ਕੰਢੇ ਤੇ ਹੈ। ਇਹ ਪੰਛੀ ਨਿਗਰਾਨੀ ਕੇਂਦਰ ਪਿਛਲੀ ਕਾਂਗਰਸ ਸਰਕਾਰ ਦੇ ਕਾਰਜਕਾਲ ਦੌਰਾਨ ਬਣਾਇਆ ਗਿਆ ਸੀ। ਹਾਲਾਂਕਿ, ਇਸ ਦੀ ਦੇਖਭਾਲ ਲਈ ਕੋਈ ਫੰਡ ਅਲਾਟ ਨਹੀਂ ਕੀਤਾ ਗਿਆ, ਜਿਸ ਕਾਰਨ ਇਹ ਬਹੁਤ ਹੀ ਖਸਤਾ ਹਾਲਤ ਵਿਚ ਹੈ। ਡੱਬਾ ਸੈਂਟਰ ਦੇ ਟਰੈਕ ਦੀ ਮੁਰੰਮਤ ਜ਼ਰੂਰੀ ਹੈ: ਐਡਵੋਕੇਟ ਚੱਢਾ ਵਾਤਾਵਰਣ ਪ੍ਰੇਮੀ ਅਤੇ ਵਕੀਲ ਜਸਪ੍ਰੀਤ ਸਿੰਘ ਚੱਢਾ ਨੇ ਦੱਸਿਆ ਕਿ ਪ੍ਰਵਾਸੀ ਪੰਛੀਆਂ ਵਿਚ ਹਿਮਾਲੀਅਨ ਬੁਲਬੁਲ, ਏਸ਼ੀਅਨ ਕੋਇਲ, ਬਲੈਕ ਫ੍ਰੈਂਕੋਲਿਨ, ਯੂਰੇਸ਼ੀਅਨ ਕੂਟ, ਰੈੱਡ ਕ੍ਰੈਸਟਡ ਪੋਚਾਰਡ, ਬਾਰ-ਹੈੱਡਡ ਗੂਜ਼, ਗ੍ਰੇਟ ਸਪਾਟਡ ਕ੍ਰੇਨ, ਪਾਮ-ਹੈੱਡਡ ਪੈਰਾਕੀਟ, ਗ੍ਰੇਟ ਬਾਰਬੇਟ, ਇੰਡੀਅਨ ਪੀਫੌਲ, ਗ੍ਰੇ ਹੌਰਨਬਿਲ, ਲਿਟਲ ਮੋਰੇਟ, ਰਡੀ ਸ਼ੈਲਡਕ ਅਤੇ ਗੈਲਿਕ ਕ੍ਰੇਨ ਸ਼ਾਮਲ ਹਨ। ਬਰਡ ਵਾਚ ਸੈਂਟਰ ਦੇ ਪਿੱਛੇ ਲੱਕੜ ਦਾ ਪੁਲ ਖਸਤਾ ਹਾਲਤ ਵਿਚ ਹੈ। ਦੇਸ਼ ਤੋਂ ਹੀ ਨਹੀਂ ਸਗੋਂ ਵਿਦੇਸ਼ਾਂ ਤੋਂ ਵੀ ਪੰਛੀ ਵਾਚਕ ਇਸ ਸਥਾਨ ਤੇ ਆਉਂਦੇ ਹਨ। ਟੁੱਟੇ ਹੋਏ ਫੱਟੇ ਕਿਸੇ ਵੀ ਸਮੇਂ ਹਾਦਸੇ ਦਾ ਕਾਰਨ ਬਣ ਸਕਦੇ ਹਨ। ਉਨ੍ਹਾਂ ਕਿਹਾ ਕਿ ਪ੍ਰਸ਼ਾਸਨ ਅਤੇ ਸਬੰਧਤ ਵਿਭਾਗ ਦੋ ਸਾਲਾਂ ਵਿਚ ਟਰੈਕ ਦੀ ਮੁਰੰਮਤ ਕਰਨ ਵਿਚ ਅਸਫਲ ਰਹੇ ਹਨ। ਉਨ੍ਹਾਂ ਜ਼ਿਲ੍ਹਾ ਪ੍ਰਸ਼ਾਸਨ ਨੂੰ ਕੇਂਦਰ ਦੇ ਟਰੈਕ ਦੀ ਹਾਲਤ ਸੁਧਾਰਨ ਦੀ ਅਪੀਲ ਕੀਤੀ। ਡੱਬਾ ਜਲਦੀ ਹੀ ਮੁਰੰਮਤ ਕਰਵਾਈ ਜਾਵੇਗੀ : ਡੀਐਫਓ ਜੰਗਲੀ ਜੀਵ ਵਿਭਾਗ, ਰੂਪਨਗਰ ਦੀ ਡੀਐਫਓ ਮੋਨਿਕਾ ਯਾਦਵ ਨੇ ਕਿਹਾ ਕਿ ਉੱਚ ਅਧਿਕਾਰੀਆਂ ਨੂੰ ਬਰਡ ਵਾਚ ਸੈਂਟਰ ਦੀ ਮੁਰੰਮਤ ਲਈ ਫੰਡ ਮੁਹੱਈਆ ਕਰਵਾਉਣ ਦੀ ਬੇਨਤੀ ਕੀਤੀ ਗਈ ਹੈ। ਫੰਡ ਉਪਲਬਧ ਹੁੰਦੇ ਹੀ ਮੁਰੰਮਤ ਦਾ ਕੰਮ ਕੀਤਾ ਜਾਵੇਗਾ।