Ropar News : ਵਿਆਹ ਤੋਂ ਵਾਪਸ ਆ ਰਹੀ ਬੱਸ ਪਲਟੀ, 15 ਤੋਂ ਵੱਧ ਸਵਾਰੀਆਂ ਜ਼ਖ਼ਮੀ

ਦਿਨੇਸ਼ ਹੱਲਣ, ਪੰਜਾਬੀ ਜਾਗਰਣ, ਨੂਰਪੁਰਬੇਦੀ : ਪਿੰਡ ਕਰਤਾਰਪੁਰ ਤੋਂ ਇੱਕ ਵਿਆਹ ਸਮਾਗਮ ਤੋਂ ਵਾਪਸ ਆ ਰਹੀ ਪ੍ਰਾਈਵੇਟ ਬਸ ਨੂਰਪੁਰਬੇਦੀ ਬਸ ਸਟੈਂਡ ਨੇੜੇ ਦੇਰ ਪਲਟਣ ਕਾਰਨ ਇੱਕ ਦਰਜਨ ਤੋਂ ਵੱਧ ਸਵਾਰੀਆ ਜਖਮੀ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ।ਜਖਮੀਆ ਵਿਚ ਮਹਿਲਾਵਾਂ, ਬੱਚੇ ਅਤੇ ਮਰਦ ਸ਼ਾਮਿਲ ਹਨ। ਬਸ ਕੀਰਤਪੁਰ ਸਾਹਿਬ ਦੇ ਪਿੰਡ ਬੈਹਿਲੀ ਨੂੰ ਜਾ ਰਹੀ ਸੀ।

ਮਿਲੀ ਜਾਣਕਾਰੀ ਅਨੁਸਾਰ ਸ੍ਰੀ ਕੀਰਤਪੁਰ ਸਾਹਿਬ ਨੇੜੇਲੇ ਪਿੰਡ ਬਘੇਰੀ ਵਿਖੇ ਵਿਆਹ ਸਮਾਗਮ ਤੋਂ ਬਾਅਦ ਵਾਪਸ ਆ ਰਹੀ ਇੱਕ ਪ੍ਰਾਈਵੇਟ ਕੰਪਨੀ ਦੀ ਬਸ ਨੂਰਪੁਰਬੇਦੀ ਬੱਸ ਸਟੈਂਡ ਦੇ ਨੇੜੇ ਪਹੁੰਚੀ ਤਾਂ ਮੁੱਖ ਡਿਵਾਈਡਰ ‘ਤੇ ਰੋਸ਼ਨੀ ਦੀ ਠੀਕ ਸਹੂਲਤ ਨਾ ਹੋਣ ਕਾਰਨ ਡਰਾਈਵਰ ਨੂੰ ਭੁਲੇਖਾ ਹੋ ਗਿਆ। ਇਸ ਦੌਰਾਨ ਬੱਸ ਦੇ ਖੱਬੇ ਪਾਸੇ ਦੇ ਦੋ ਟਾਇਰ ਡਿਵਾਈਡਰ ਉੱਪਰ ਚੜ੍ਹਣ ਨਾਲ ਬਸ ਸੜਕ ਵਿਚਕਾਰ ਪਲਟ ਗਈ। ਹਾਦਸੇ ਦਾ ਝਟਕਾ ਇੰਨਾ ਜ਼ਬਰਦਸਤ ਸੀ ਕਿ ਬੱਸ ਅੰਦਰ ਬੈਠੀਆਂ ਕਈ ਸਵਾਰੀਆਂ ਜ਼ਖਮੀ ਹੋ ਕੇ ਫ਼ਰਸ਼ ‘ਤੇ ਸੀਟਾ ਵਿਚਕਾਰ ਅਤੇ ਖਿੜਕੀਆਂ ਨੇੜੇ ਫਸ ਗਈਆਂ।

ਹਾਦਸੇ ਦੀ ਸੂਚਨਾ ਮਿਲਦੇ ਹੀ ਨੂਰਪੁਰਬੇਦੀ ਪੁਲਿਸ ਸਟੇਸ਼ਨ ਦੀ ਟੀਮ, ਥਾਣਾ ਮੁਖੀ ਰੋਹਿਤ ਸ਼ਰਮਾ ਦੀ ਅਗਵਾਈ ਹੇਠ, ਤੁਰੰਤ ਹਾਦਸਾ ਸਥਾਨ ‘ਤੇ ਪਹੁੰਚ ਗਈ। ਪੁਲਿਸ ਨੇ ਸਥਾਨਕ ਲੋਕਾਂ ਦੇ ਸਹਿਯੋਗ ਨਾਲ ਬੱਸ ਵਿਚ ਫਸੀਆਂ ਸਵਾਰੀਆਂ ਨੂੰ ਬਾਹਰ ਕੱਢਿਆ ਅਤੇ ਜ਼ਖਮੀਆਂ ਨੂੰ ਨੂਰਪੁਰਬੇਦੀ ਦੇ ਵੱਖ-ਵੱਖ ਪ੍ਰਾਈਵੇਟ ਹਸਪਤਾਲਾਂ ਵਿਚ ਭਰਤੀ ਕਰਵਾਇਆ। ਪੁਲਿਸ ਵੱਲੋਂ ਹਾਦਸੇ ਦੇ ਕਾਰਨਾ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ਤੇ ਬੱਸ ਨੂੰ ਸਾਈਡ ਤੇ ਕਰਕੇ ਟਰੈਫਿਕ ਨੂੰ ਦਰੁਸਤ ਕਰਵਾਇਆ।

ਸਥਾਨਕ ਸ਼ਹਿਵਾਸੀਆਂ ਨੇ ਵੀ ਬੱਸ ਸਟੈਂਡ ਖੇਤਰ ਵਿਚ ਲਾਈਟਾਂ ਦੀ ਘਾਟ ਨੂੰ ਇਸ ਹਾਦਸੇ ਦਾ ਵੱਡਾ ਕਾਰਣ ਦੱਸਿਆ ਹੈ। ਹਾਦਸੇ ਤੋਂ ਬਾਅਦ ਬੱਸ ਸਟੈਂਡ ਨੇੜੇ ਕੁਝ ਸਮੇਂ ਲਈ ਟ੍ਰੈਫ਼ਿਕ ਪ੍ਰਭਾਵਿਤ ਰਿਹਾ, ਜਿਸ ਨੂੰ ਪੁਲਿਸ ਨੇ ਮਾਮਲੇ ਨੂੰ ਕਾਬੂ ਵਿਚ ਲਿਆ ਕੇ ਬਾਅਦ ਬਹਾਲ ਕਰਵਾ ਦਿੱਤਾ। ਘਟਨਾ ਦੀ ਸੂਚਨਾ ਮਿਲਣ ਤੋਂ ਬਾਅਦ ਤੁਰੰਤ ਪੰਜਾਬ ਮੋਰਚਾ ਦੇ ਕਨਵੀਨਰ ਗੌਰਵ ਰਾਣਾ ਵੀ ਮੌਕੇ ਤੇ ਪਹੁੰਚੇ ਜਿਨਾਂ ਵੱਲੋਂ ਜ਼ਖਮੀ ਦਵਾਈਆਂ ਦੇ ਇਲਾਜ ਲਈ ਜਦੋਂ ਜਹਿਦ ਕੀਤੀ ਗਈ। ਉਨ੍ਹਾਂ ਕਿਹਾ ਕਿ ਸੜਕ ‘ਤੇ ਟੈਫਿਕ ਨਿਯਮਾਂ ਵਿਚ ਕਈ ਪ੍ਰਕਾਰ ਦੀਆ ਖਾਮੀਆਂ ਹੋਣ ਕਾਰਨ ਹਾਦਸਾ ਵਾਪਰਿਆ ਹੈ।