ਡਾ. ਰਘੁਬੀਰ ਸੂਰੀ ਨੂੰ ਵੱਡੀ ਗਿਣਤੀ ’ਚ ਸ਼ਖ਼ਸੀਅਤਾਂ ਵੱਲੋਂ ਸ਼ਰਧਾਂਜਲੀਆਂ ਭੇਟ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਸਰਹਿੰਦ : ਪ੍ਰਸਿੱਧ ਆਯੁਰਵੈਦਿਕ ਮਾਹਰ, ਸਮਾਜ ਸੇਵੀ ਅਤੇ ਰਾਸ਼ਟਰੀ ਸਵੈਸੇਵਕ ਸੰਘ (ਆਰਐੱਸਐੱਸ) ਨਾਲ ਲੰਮੇ ਸਮੇਂ ਤੋਂ ਜੁੜੇ ਡਾ. ਰਘੁਬੀਰ ਸੂਰੀ ਦੇ ਭੋਗ ਦੀ ਰਸਮ ਸਰਹਿੰਦ ਵਿਖੇ ਸੰਪੰਨ ਹੋਈ। ਇਸ ਮੌਕੇ ਵੱਡੀ ਗਿਣਤੀ ਵਿੱਚ ਲੋਕਾਂ ਨੇ ਹਾਜ਼ਰੀ ਭਰ ਕੇ ਵਿੱਛੜੀ ਆਤਮਾ ਨੂੰ ਸ਼ਰਧਾਂਜਲੀ ਭੇਟ ਕੀਤੀ ਅਤੇ ਉਨ੍ਹਾਂ ਦੇ ਜੀਵਨ ਤੇ ਯੋਗਦਾਨ ਨੂੰ ਯਾਦ ਕੀਤਾ। ਭੋਗ ਰਸਮ ਵਿੱਚ ਵੱਡੀ ਗਿਣਤੀ ਵਿੱਚ ਲੋਕਾਂ ਨੇ ਸ਼ਿਰਕਤ ਕੀਤੀ। ਸ਼ਰਧਾਂਜਲੀ ਦੌਰਾਨ ਵੱਖ-ਵੱਖ ਸ਼ਖ਼ਸੀਅਤਾਂ ਨੇ ਕਿਹਾ ਕਿ ਡਾ. ਸੂਰੀ ਨੂੰ ਇੱਕ ਵਿਦਵਾਨ, ਸਮਾਜ ਸੁਧਾਰਕ, ਉਦਯੋਗਪਤੀ ਅਤੇ ਰਾਸ਼ਟਰਭਗਤ ਵਜੋਂ ਜਾਣਿਆ ਜਾਂਦਾ ਸੀ। ਉਨ੍ਹਾਂ ਨੇ ਆਪਣੇ ਜੀਵਨ ਵਿੱਚ ਸੇਵਾ, ਅਨੁਸ਼ਾਸਨ ਅਤੇ ਸਮਾਜਿਕ ਭਲਾਈ ਨੂੰ ਤਰਜੀਹ ਦਿੱਤੀ। ਵੱਖ-ਵੱਖ ਰਾਜਨੀਤਿਕ ਪਾਰਟੀਆਂ ਭਾਰਤੀ ਜਨਤਾ ਪਾਰਟੀ (ਭਾਜਪਾ), ਆਮ ਆਦਮੀ ਪਾਰਟੀ (ਆਪ) ਅਤੇ ਕਾਂਗਰਸ ਦੇ ਨੁਮਾਇੰਦਿਆਂ ਨੇ ਵੀ ਭੋਗ ਰਸਮ ਵਿੱਚ ਸ਼ਿਰਕਤ ਕੀਤੀ ਅਤੇ ਪਰਿਵਾਰ ਨਾਲ ਸੰਵੇਦਨਾ ਪ੍ਰਗਟ ਕੀਤੀ। ਆਰਐੱਸਐੱਸ ਦੇ ਸੀਨੀਅਰ ਆਗੂਆਂ ਤੇ ਪ੍ਰਚਾਰਕਾਂ ਨੇ ਵੀ ਵੱਡੀ ਗਿਣਤੀ ਵਿੱਚ ਹਾਜ਼ਰੀ ਭਰੀ। ਉਨ੍ਹਾਂ ਨੇ ਡਾ. ਸੂਰੀ ਨੂੰ ਸੰਘ ਦਾ ਸੰਸਥਾਪਕ ਪ੍ਰਚਾਰਕ ਵਜੋਂ ਯਾਦ ਕੀਤਾ ਅਤੇ ਸਰਹਿੰਦ ਵਿੱਚ ਸੰਘ ਸਰਗਰਮੀਆਂ ਦੀ ਸ਼ੁਰੂਆਤ ਉਨ੍ਹਾਂ ਵੱਲੋਂ ਕੀਤੇ ਜਾਣ ਦਾ ਜ਼ਿਕਰ ਕੀਤਾ। ਇਸ ਮੌਕੇ ਬੁਲਾਰਿਆਂ ਨੇ ਡਾ. ਸੂਰੀ ਨੂੰ ਆਧਿਆਤਮਿਕ ਅਤੇ ਸਮਾਜਿਕ ਸੇਵਾ ਨੂੰ ਜੋੜਨ ਵਾਲੀ ਵਿਲੱਖਣ ਸ਼ਖ਼ਸੀਅਤ ਦੱਸਿਆ। ਡਾ. ਸੂਰੀ ਦੇ ਪੁੱਤਰ ਡਾ. ਹਿਤੇਂਦਰ ਸੂਰੀ ਨੇ ਵੀ ਪਿਤਾ ਦੀ ਵਿਰਾਸਤ ਨੂੰ ਜਾਰੀ ਰੱਖਣ ਦਾ ਵਾਅਦਾ ਕੀਤਾ। ਭਾਜਪਾ ਜ਼ਿਲ੍ਹਾ ਪ੍ਰਧਾਨ ਦੀਦਾਰ ਸਿੰਘ ਭੱਟੀ ਨੇ ਦੱਸਿਆ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਡਾ. ਸੂਰੀ ਦੇ ਦੇਹਾਂਤ ’ਤੇ ਡੂੰਘਾ ਦੁੱਖ ਪ੍ਰਗਟ ਕੀਤਾ ਹੈ। ਇਸ ਮੌਕੇ ਕੇਂਦਰੀ ਮੰਤਰੀ ਗਜੇਂਦਰ ਸਿੰਘ ਸ਼ੇਖਾਵਤ, ਵਿਦਿਆ ਭਾਰਤੀ ਅਤੇ ਕਈ ਧਾਰਮਿਕ ਤੇ ਸਮਾਜਿਕ ਸੰਸਥਾਵਾਂ ਵੱਲੋਂ ਸ਼ੋਕ ਸੰਦੇਸ਼ ਪ੍ਰਾਪਤ ਹੋਏ। ਭੋਗ ਰਸਮ ਵਿੱਚ ਮੌਜੂਦ ਪ੍ਰਮੁੱਖ ਵਿਅਕਤੀਆਂ ਵਿੱਚ ਭਾਜਪਾ ਦੇ ਕੌਮੀ ਜਨਰਲ ਸਕੱਤਰ ਤਰੁਣ ਚੁੱਘ, ਭਾਜਪਾ ਪੰਜਾਬ ਦੇ ਕਾਰਜਕਾਰੀ ਪ੍ਰਧਾਨ ਅਸ਼ਵਨੀ ਸ਼ਰਮਾ, ਵਿਧਾਇਕ ਲਖਬੀਰ ਸਿੰਘ ਰਾਏ, ਦੀਦਾਰ ਸਿੰਘ ਭੱਟੀ, ਪ੍ਰਦੀਪ ਗਰਗ, ਸਾਬਕਾ ਵਿਧਾਇਕ ਕੁਲਜੀਤ ਸਿੰਘ ਨਾਗਰਾ, ਬਾਬਾ ਪਰਮਜੀਤ ਜੀ (ਹੰਸਾਲੀ ਵਾਲੇ), ਪੰਡਤ ਪੰਕਜ, ਜੰਮੂ ਤੋਂ ਸਵਾਮੀ ਜੀ, ਸੰਤ ਧਰਮ ਆਰਾਧਨਾ ਨੰਦ (ਨੰਗਲੀ ਆਸ਼੍ਰਮ), ਮਹੰਤ ਸਵਾਮੀ ਨਰਿੰਦਰ ਦਾਸ ਜੀ ਮਹਾਰਾਜ, ਜਾਗਰਣ ਪ੍ਰਕਾਸ਼ਨ ਸਮੂਹ ਦੇ ਸੀਜੀਐੱਮ ਮਹਿੰਦਰ ਕੁਮਾਰ, ਜੀਐੱਮ ਭਰਪੂਰ ਸਿੰਘ, ਡਾ. ਸੰਜੀਵ ਕੁਮਾਰ, ਸੀਏ ਅਸ਼ਵਨੀ ਗਰਗ, ਸੀਏ ਅਜੈ ਅਲੀਪੁਰੀਆ, ਜਗਦੀਪ ਚੀਮਾ, ਗੁਰਵਿੰਦਰ ਸਿੰਘ ਭੱਟੀ, ਰਮੇਸ਼ਵਰ ਜੀ (ਆਰਐੱਸਐੱਸ), ਰਾਮਗੋਪਾਲ ਜੀ, ਜਗਦੀਸ਼ ਵਰਮਾ, ਵਿਨੀਤ ਸ਼ਰਮਾ, ਉਮੇਸ਼ ਸੂਦ, ਸਤਪਾਲ ਗਰਗ, ਹਰਜੀਤ ਮੱਕੜ, ਪ੍ਰਾਂਤ ਪ੍ਰਚਾਰਕ ਨਰਿੰਦਰ (ਆਰਐੱਸਐੱਸ), ਚੰਦਰਕਾਂਤ (ਗੌ ਸੇਵਾ ਪ੍ਰਮੁੱਖ), ਰਾਜਵੀਰ ਸਿੰਘ (ਜੈਪੁਰ), ਗੌਰਵ, ਅਰੁਣ ਗੁਪਤਾ (ਸੈਸ਼ਨ ਜੱਜ, ਫਤਿਹਗੜ੍ਹ ਸਾਹਿਬ), ਚੰਡੀਗੜ੍ਹ ਤੋਂ ਵਿਜੈ ਅਤੇ ਭੁਵਨੇਸ਼ਵਰ, ਦਿੱਲੀ ਤੋਂ ਸਤੀਸ਼ ਜੈਨ ਅਤੇ ਰਾਕੇਸ਼ ਮਿੱਟਰ, ਵਿਦਿਆ ਭਾਰਤੀ ਦੇ ਖੇਤਰੀ ਸੰਗਠਨ ਸਕੱਤਰ ਵਿਜੈ ਕੁਮਾਰ ਨੱਡਾ, ਅਚਿੰਦਰ ਪਾਲ ਗੋਇਲ ਅਤੇ ਸਾਬਕਾ ਮੰਤਰੀ ਡਾ. ਹਰਬੰਸ ਲਾਲ ਵੀ ਸ਼ਾਮਲ ਸਨ।