‘ਭਾਰਤ ਕੋ ਜਾਣੋ’ ਪ੍ਰਸ਼ਨੋਤਰੀ ਮੁਕਾਬਲਾ ਕਰਵਾਇਆ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਪਟਿਆਲਾ : ਖੇਤਰੀ ਪੱਧਰ ਦਾ ਪ੍ਰਸ਼ਨੋਤਰੀ ਮੁਕਾਬਲਾ ‘ਭਾਰਤ ਕੋ ਜਾਣੋ’ ਸਫਲਤਾਪੂਰਵਕ ਏਵੀਐਨ ਰਿਜ਼ੋਰਟ, ਭਟਾਮੰਡੀ, ਪਾਉਂਟਾ ਸਾਹਿਬ ਵਿਚ ਕੀਤਾ ਗਿਆ, ਜਿਸ ਵਿਚ ਜੰਮੂ–ਕਸ਼ਮੀਰ, ਹਿਮਾਚਲ ਪ੍ਰਦੇਸ਼, ਚੰਡੀਗੜ੍ਹ ਤੇ ਪੰਜਾਬ ਤੋਂ ਪ੍ਰਤਿਭਾਵਾਨ ਵਿਦਿਆਰਥੀਆਂ ਨੇ ਭਾਗ ਲਿਆ। ਇਹ ਮੁਕਾਬਲਾ ਰਾਜ ਪੱਧਰ ’ਤੇ ਜੇਤੂ ਰਹੀਆਂ ਟੀਮਾਂ ਦਰਮਿਆਨ ਹੋਇਆ, ਜਿਸ ਦੌਰਾਨ ਕਾਫ਼ੀ ਤਿੱਖਾ ਮੁਕਾਬਲਾ ਦੇਖਣ ਨੂੰ ਮਿਲਿਆ। ਕਲਾਸ ਸੱਤਵੀਂ–ਰੋਜ਼ ਦੇ ਅਥਰਵ ਅਤੇ ਕਲਾਸ ਅੱਠਵੀਂ–ਮੇਰੀਗੋਲਡ ਦੀ ਪਵਿਨੀ ਮਹਾਜਨ ਨੇ ਜ਼ੋਨਲ ਪੱਧਰ ’ਤੇ ਸਾਂਤਵਨਾ ਇਨਾਮ ਹਾਸਲ ਕਰਕੇ ਡੀ.ਏ.ਵੀ. ਪਬਲਿਕ ਸਕੂਲ, ਪਟਿਆਲਾ ਦਾ ਨਾਮ ਰੌਸ਼ਨ ਕੀਤਾ। ਉਨ੍ਹਾਂ ਦਾ ਸ਼ਾਨਦਾਰ ਪ੍ਰਦਰਸ਼ਨ ਉਨ੍ਹਾਂ ਦੀ ਮਿਹਨਤ, ਸਮਰਪਣ ਅਤੇ ਅਕਾਦਮਿਕ ਉਤਕ੍ਰਿਸ਼ਟਤਾ ਦਾ ਸਪਸ਼ਟ ਪ੍ਰਮਾਣ ਹੈ। ਸਕੂਲ ਦੇ ਪ੍ਰਿੰਸੀਪਲ ਵਿਵੇਕ ਤਿਵਾਰੀ ਨੇ ਵਿਦਿਆਰਥੀਆਂ ਨੂੰ ਉਨ੍ਹਾਂ ਦੀ ਉਪਲੱਬਧੀ ਲਈ ਵਧਾਈ ਦਿੱਤੀ।