ਲਾਇਨਜ ਕਲੱਬ ਬੰਗਾ ਸਿਮਰਨ ਦੀ ਮਹੀਨਾਵਾਰ ਮੀਟਿੰਗ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਬੰਗਾ

ਲਾਇਨਜ਼ ਕਲੱਬ ਬੰਗਾ ਸਿਮਰਨ ਵਲੋਂ ਕਲੱਬ ਐਡਮਨਿਸਟ੍ਰੇਟਰ ਲਾਇਨ ਧੀਰਜ ਕੁਮਾਰ ਮੱਕੜ ਅਮਰੀਕਾ ਦੀ ਦਿਸ਼ਾ-ਨਿਰਦੇਸ਼ ਅਨੁਸਾਰ ਚਾਰਟਰ ਪ੍ਰਧਾਨ ਲਾਇਨ ਮੀਨੂੰ ਭੁੱਟਾ ਦੀ ਪ੍ਰਧਾਨਗੀ ਹੇਠ ਕਲੱਬ ਦੀ ਮਹੀਨੇਵਾਰ ਮੀਟਿੰਗ ਕੀਤੀ ਗਈ। ਜਿਸ ਵਿੱਚ ਕਲੱਬ ਦੇ ਉਪ ਪ੍ਰਧਾਨ ਲਾਇਨ ਪ੍ਰੀਆ ਚੋਪੜਾ ਵਲੋਂ ਪ੍ਰਾਥਨਾ ਅਤੇ ਰਾਸ਼ਟਰੀ ਗੀਤ ਨਾਲ ਮੀਟਿੰਗ ਦੀ ਸ਼ੁਰੂਆਤ ਕੀਤੀ। ਕਲੱਬ ਦੇ ਜਨਰਲ ਸਕੱਤਰ ਲਾਇਨ ਵਨੀਤਾ ਕੁਮਾਰੀ ਵਲੋਂ ਜੁਲਾਈ ਮਹੀਨੇ ਤੋਂ ਲੈਕੇ ਨਵੰਬਰ ਮਹੀਨੇ ਤੱਕ ਲਗਾਏ ਗਏ ਸੇਵਾ ਕਾਰਜਾਂ ਦੇ ਪ੍ਰੋਜੈਕਟਾਂ ਵਾਰੇ ਜਾਣੂ ਕਰਵਾਇਆ ਅਤੇ ਦਸੰਬਰ ਮਹੀਨੇ ਵਿੱਚ ਕੀਤੇ ਜਾਣ ਵਾਲੇ ਸਮਾਜ ਸੇਵਾ ਦੇ ਕਾਰਜਾਂ ਵਾਰੇ ਵੀ ਨੋਟ ਕੀਤਾ। ਕਲੱਬ ਦੇ ਖਜਾਨਚੀ ਲਾਇਨ ਰੋਹਿਤ ਚੋਪੜਾ ਵਲੋਂ ਜੁਲਾਈ ਤੋਂ ਨਵੰਬਰ ਤੱਕ ਦੀ ਇਕੱਠੀ ਹੋਈ ਕਲੱਬ ਫੀਸਾਂ, ਖਰਚੇ ਅਤੇ ਬਕਾਇਆ ਰਕਮ ਵਾਰੇ ਦਸਿਆ ਗਿਆ। ਕਲੱਬ ਦੇ ਪੀ ਆਰ ਓ ਲਾਇਨ ਕਮਲਜੀਤ ਰਾਏ ਵਲੋਂ ਕਲੱਬ ਦੇ ਸਹਿਯੋਗ ਨਾਲ ਲਗਾਏ ਗਏ ਸਮਾਜ ਸੇਵਾ ਦੇ ਕਾਰਜ ਦੀ ਮੀਡੀਆ ਰਿਪੋਰਟ ਅਤੇ ਵੱਖ ਵੱਖ ਅਖ਼ਬਾਰਾਂ ਦੀ ਕਟਿੰਗ ਦੀ ਸਲੈਮ ਕਿਤਾਬ ਸਾਰੇ ਲਾਇਨ ਮੈਂਬਰਾਂ ਨੂੰ ਦਿਖਾਈ ਅਤੇ ਮੀਡੀਆ ਦਾ ਧੰਨਵਾਦ ਕੀਤਾ।

ਇਸ ਮੀਟਿੰਗ ਵਿੱਚ ਸਪੈਸ਼ਲ ਗੈਸਟ ਵਜੋਂ ਮੋਹਿਤ ਫੈਨਾਸ਼ਿਅਲ ਸਰਵਿਸ ਕੰਪਨੀ ਦੇ ਫਾਉਂਡਿਗ ਪਾਰਟਨਰ ਸ਼੍ਰੀ ਮੋਹਿਤ ਢਲ ਜੀ ਸ਼ਾਮਲ ਹੋਏ ਅਤੇ ਮੀਟਿੰਗ ਵਿੱਚ ਸ਼ਾਮਲ ਮੈਂਬਰਾਂ ਨੂੰ ਇਨਵੈਸਟਮੈਂਟ ਨਾਲ ਸਬੰਧਤ ਅਤੇ ਬੈਕਿੰਗ ਨਾਲ ਸਬੰਧਤ ਵਿਚਾਰ ਸਾਝੇ ਕੀਤੇ, ਮੀਟਿੰਗ ਦੇ ਪ੍ਰੋਟੋਕਾਲ ਤੋਂ ਖੁਸ਼ ਹੋਕੇ ਮੋਹਿਤ ਢਲ ਨੇ ਅਪਣੀ ਅਤੇ ਅਪਣੀ ਪਤਨੀ ਦੀ ਲਾਇਨਜ ਕਲੱਬ ਬੰਗਾ ਸਿਮਰਨ ਦੀ ਮੈਂਬਰਸ਼ਿਪ ਵੀ ਅਪਲਾਈ ਕੀਤੀ। ਮੀਟਿੰਗ ਵਿੱਚ ਸ਼ਾਮਲ ਸਮੂਹ ਲਾਇਨ ਮੈਂਬਰਾਂ ਦਾ ਕਲੱਬ ਪ੍ਰਧਾਨ ਲਾਇਨ ਮੀਨੂੰ ਭੁੱਟਾ ਵਲੋਂ ਧੰਨਵਾਦ ਕੀਤਾ ਗਿਆ ਅਤੇ ਦਸਿਆ ਕਿ ਬਹੁਤ ਜਲਦ ਸਮੂਹ ਲਾਇਨ ਮੈਂਬਰਾਂ ਦੇ ਸਹਿਯੋਗ ਨਾਲ ਹੋਰ ਵੀ ਵੱਖਰੇ ਵੱਖਰੇ ਢੰਗ ਦੇ ਸਮਾਜ ਸੇਵਾ ਦੇ ਕਾਰਜ ਅਤੇ ਲੋੜਵੰਦ ਪਰਿਵਾਰਾਂ ਦੀ ਮਦਦ ਦੇ ਪ੍ਰੋਜੈਕਟ ਲਗਾਏ ਜਾਣਗੇ ਅਤੇ ਮੀਟਿੰਗ ਦੌਰਾਨ ਹਰਨੇਕ ਸਿੰਘ ਦੋਸਾਂਝ ਨੂੰ ਮੁੜ ਉਪ ਪ੍ਰਧਾਨਗੀ ਅਤੇ ਸ਼ਰਨਦੀਪ ਦੋਸਾਂਝ ਨੂੰ ਮੈਂਬਰਸ਼ਿਪ ਚੇਅਰਮੈਨ ਦੇ ਅਹੁਦੇ ਨਾਲ ਜੁਮੇਵਾਰੀ ਦਿੱਤੀ ਗਈ ਅਤੇ ਲਾਇਨਜ ਕਲੱਬ ਪ੍ਰਤੀ ਸੋਂਹ ਚੁਕਵਾਈ ਗਈ। ਇਸ ਮੀਟਿੰਗ ਦੋਰਾਨ ਪ੍ਰਧਾਨ ਮੀਨੂੰ ਭੁੱਟਾ ਦੇ ਨਾਲ ਸਮੂਹ ਲਾਇਨਜ ਕਲੱਬ ਬੰਗਾ ਸਿਮਰਨ ਦੇ ਮੈਂਬਰ ਸ਼ਾਮਲ ਹੋਏ।