ਸਮਾਜਸੇਵੀ ਕੰਮਾਂ ’ਚ ਮੋਹਰੀ ਭੂਮਿਕਾ ਨਿਭਾਅ ਰਿਹਾ ਹੈ ਰੋਟਰੀ ਕਲੱਬ ਇੰਟਰਨੈਸ਼ਨਲ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਮਲੋਟ : ਰੋਟਰੀ ਕਲੱਬ ਇੰਟਰਨੈਸ਼ਨਲ ਦੀ ਮਲੋਟ ਸ਼ਾਖਾ ਮਲੋਟ ਸ਼ਹਿਰ ’ਚ ਸਥਾਪਤ ਕੀਤੀ ਜਾ ਰਹੀ ਹੈ, ਜਿਸਦਾ ਨਾਮ ਰੋਟਰੀ ਕਲੱਬ ਮਲੋਟ ਚੈਂਪੀਅਨਜ਼ ਰੱਖਿਆ ਗਿਆ ਹੈ।. ਰੋਟਰੀ ਕਲੱਬ ਇੰਟਰਨੈਸ਼ਨਲ ਦੇ ਸਮਾਜ ਸੇਵਾ ਕਾਰਜ ਜਿਵੇਂ ਕਿ ਸ਼ਾਂਤੀ ਬਣਾਈ ਰੱਖਣਾ, ਸਮਾਜ ਵਿੱਚ ਮੈਡੀਕਲ ਕੈਂਪ ਲਗਾ ਕੇ ਲੋੜਵੰਦਾਂ ਦੀ ਸੇਵਾ ਕਰਨਾ ਅਤੇ ਸਕੂਲਾਂ ’ਚ ਵਿਦਿਆਰਥੀਆਂ ਨੂੰ ਮੁੱਢਲੀਆਂ ਸਹੂਲਤਾਂ ਮੁਹੱਈਆ ਕਰਵਾਉਣ ਦੇ ਨਾਲ-ਨਾਲ ਪੋਲੀਓ ਖਾਤਮੇ ਦਾ ਕੰਮ ਚੰਗਾ ਮਾਹੌਲ ਬਣਾਉਣ ’ਚ ਮੋਹਰੀ ਭੂਮਿਕਾ ਨਿਭਾ ਰਿਹਾ ਹੈ। ਅੰਤਰਰਾਸ਼ਟਰੀ ਪੱਧਰ ’ਤੇ 1905 ’ਚ ਸਥਾਪਿਤ ਕਲੱਬ ਦੀਆਂ ਲਗਭਗ 46,000 ਸ਼ਾਖਾਵਾਂ ਅਤੇ ਲਗਭਗ 15 ਲੱਖ ਮੈਂਬਰ ਹਨ। ਪੂਰੇ ਭਾਰਤ ’ਚ 4000 ਸ਼ਾਖਾਵਾਂ ਰਾਹੀਂ ਲਗਭਗ 157000 ਮੈਂਬਰ ਕੰਮ ਕਰ ਰਹੇ ਹਨ। ਮਲੋਟ ਸ਼ਾਖਾ ਰੋਟਰੀ ਡਿਸਟ੍ਰਿਕਟ 3090 ਦੇ ਅਧੀਨ ਕੰਮ ਕਰੇਗੀ ਅਤੇ ਮਲੋਟ ਸ਼ਾਖਾ ਦੇ 15 ਮੈਂਬਰਾਂ ਨੂੰ ਜ਼ਿਲ੍ਹਾ ਗਵਰਨਰ ਮਾਣਯੋਗ ਭੁਪੇਸ਼ ਮਹਿਤਾ ਅਤੇ ਜ਼ਿਲ੍ਹਾ ਸਕੱਤਰ ਮਨੀਸ਼ ਮਹਿਤਾ ਅਤੇ ਜ਼ਿਲ੍ਹਾ ਸਕੱਤਰ ਪ੍ਰਸ਼ਾਸਨਿਕ ਰੋਟੇਰੀਅਨ ਦੇਵਿੰਦਰ ਮਿਗਲਾਨੀ ਵੱਲੋਂ ਪਿੰਨ ਪਾਉਣ ਦੇ ਨਾਲ ਰੋਟਰੀ ਸਹੁੰ ਚੁਕਾਈ ਜਾਵੇਗੀ। ਇਹ ਸਮਾਗਮ ਬਜਾਜ ਰੈਸਟੋਰੈਂਟ ’ਚ ਆਯੋਜਿਤ ਕੀਤਾ ਜਾ ਰਿਹਾ ਹੈ। ਨਵੀਂ ਬਣੀ ਸ਼ਾਖਾ ਦੇ ਚਾਰਟਰ ਪ੍ਰਧਾਨ ਨਵੀਨ ਗੋਇਲ, ਸਕੱਤਰ ਰਾਕੇਸ਼ ਮੋਹਨ ਮੱਕੜ ਅਤੇ ਕੈਸ਼ੀਅਰ ਸੰਦੀਪ ਮੰਗਲਾ ਦੇ ਨਾਲ ਰੋਟੇਰੀਅਨ ਅਸ਼ੋਕ ਗੋਇਲ, ਸਤੀਸ਼ ਗਰਗ, ਸਤੀਸ਼ ਗਰਗ ਪੰਜਵਾ, ਪੁਰਸ਼ੋਤਮ ਬਾਂਸਲ, ਰਵੀ ਗਰਗ, ਵਿਕਰਮ ਸੇਤੀਆ, ਰਵੀ ਕਾਂਤ ਵਾਟਸ, ਪਰਮਿੰਦਰ ਸੇਤੀਆ, ਨਾਗੇਸ਼ ਗਰਗ, ਆਸ਼ੂਦੀਪ ਗਰਗ, ਸੋਨੂੰ ਜਿੰਦਲ ਅਤੇ ਬਿਮਲ ਮਿੱਤਲ ਨੂੰ ਰੋਟੇਰੀਅਨ ਮੈਂਬਰ ਵਜੋਂ ਸਹੁੰ ਚੁੱਕੀ ਜਾਵੇਗੀ।