ਖਾਟੂ ਸ਼ਿਆਮ ਤੇ ਸਾਲਾਸਰ ਧਾਮ ਲਈ ਜਥਾ ਹੋਇਆ ਰਵਾਨਾ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਮੋਗਾ : ਸ਼ਿਆਮ ਸੇਵਾ ਸੁਸਾਇਟੀ ਦੇ ਅਧਿਕਾਰੀ ਵਿਨੋਦ ਪੋਪਲੀ, ਰਾਕੇਸ਼ ਪੋਪਲੀ, ਭੂਪੇਸ਼ ਸ਼ਰਮਾ, ਇੰਦਰ ਮੋਹਨ ਸੂਦ ਅਤੇ ਸੁਸ਼ੀਲ ਭੂਸ਼ਣ ਮੋਗਾ ਦੀ ਜਲੰਧਰ ਕਲੋਨੀ ਦੇ ਸ਼ਿਆਮ ਮੰਦਿਰ ਤੋਂ ਰਾਜਸਥਾਨ ਦੇ ਖਾਟੂ ਸ਼ਿਆਮ ਅਤੇ ਸਾਲਾਸਰ ਧਾਮ ਲਈ ਕੱਲ੍ਹ ਹੋਏ ਸ਼ਿਆਮ ਜਨਮ ਉਤਸਵ ਸਮਾਰੋਹ ਵਿਚ ਝੰਡਾ ਲਹਿਰਾਉਣ ਲਈ ਰਵਾਨਾ ਹੋਏ। ਇਸ ਮੌਕੇ ਸੁਸਾਇਟੀ ਦੇ ਸੰਸਥਾਪਕ ਡਾ. ਕਮਲ ਸ਼ਰਮਾ ਨੇ ਸਾਰੇ ਸ਼ਿਆਮ ਭਗਤਾਂ ਦਾ ਇਸ ਸਮਾਗਮ ਨੂੰ ਸਫਲ ਬਣਾਉਣ ਵਿਚ ਉਨ੍ਹਾਂ ਦੇ ਸਮਰਥਨ ਅਤੇ ਯੋਗਦਾਨ ਲਈ ਧੰਨਵਾਦ ਕੀਤਾ। ਉਨ੍ਹਾਂ ਐਲਾਨ ਕੀਤਾ ਕਿ 1 ਦਸੰਬਰ ਨੂੰ ਏਕਾਦਸ਼ੀ ਵਾਲੇ ਦਿਨ ਸ਼ਾਮ 7:00 ਵਜੇ ਤੋਂ ਰਾਤ 9:30 ਵਜੇ ਤੱਕ ਸ਼ਿਆਮ ਮੰਦਿਰ ਵਿਖੇ ਸ਼ਿਆਮ ਸੰਕੀਰਤਨ ਕੀਤਾ ਜਾਵੇਗਾ। ਆਕਰਸ਼ਣ ਸ਼ਿਆਮ ਬਾਬਾ ਦੀ ਸਜਾਵਟ ਅਤੇ ਦਰਬਾਰ ਹੋਵੇਗਾ। ਸੰਕੀਰਤਨ ਦੌਰਾਨ ਲੰਗਰ ਪ੍ਰਸ਼ਾਦ ਵੰਡਿਆ ਜਾਵੇਗਾ।