ਮਹਾਰਾਸ਼ਟਰ ਤੋਂ ਪੁੱਜੀ ਰੱਥ ਯਾਤਰਾ ਦਾ ਬੁੱਢਲਾਡਾ ਪਹੁੰਚਣ ’ਤੇ ਸਵਾਗਤ

ਚਤਰ ਸਿੰਘ, ਪੰਜਾਬੀ ਜਾਗਰਣ ਬੁਢਲਾਡਾ : ਸ਼ਾਂਤੀ ਅਤੇ ਭਾਈਚਾਰੇ ਦਾ ਸੰਦੇਸ਼ ਲੈ ਸੰਤ ਨਾਮਦੇਵ ਦੇ ਜਨਮ ਅਸਥਾਨ ਪੰਡਰਪੁਰ (ਮਹਾਂਰਾਸ਼ਟਰ) ਤੋਂ ਤਪ ਅਸਥਾਨ ਘੁੰਮਾਣ ਸਾਹਿਬ (ਪੰਜਾਬ) ਤਕ ਚੱਲੀ ਅਲੌਕਿਕ ਰੱਥ ਯਾਤਰਾ ਦਾ ਅੱਜ ਬੁੱਢਲਾਡਾ ਪਹੁੰਚਣ ’ਤੇ ਸ਼ਾਨਦਾਰ ਸਵਾਗਤ ਕੀਤਾ ਗਿਆ। ਇਸ ਮੌਕੇ ਨਾਮਦੇਵ ਭਾਈਚਾਰੇ ਤੋਂ ਇਲਾਵਾ ਵੱਡੀ ਗਿਣਤੀ ਵਿੱਚ ਸ਼ਹਿਰ ਦੇ ਲੋਕ ਹਾਜ਼ਰ ਸਨ। ਇਸ ਮੌਕੇ ਵਿਧਾਇਕ ਪ੍ਰਿੰਸੀਪਲ ਬੁੱਧ ਰਾਮ, ਚੇਅਰਮੈਨ ਸਤੀਸ਼ ਕੁਮਾਰ ਸਿੰਗਲਾ ਅਤੇ ਨਾਮਦੇਵ ਸਭਾ ਦੇ ਪ੍ਰਧਾਨ ਹਾਕਮ ਸਿੰਘ ਜੱਸਲ ਵੱਲੋਂ ਯਾਤਰਾ ਦਾ ਨਿਘਾ ਸਵਾਗਤ ਕੀਤਾ ਗਿਆ। ਸੰਤ ਨਾਮਦੇਵ ਮਹਾਰਾਜ ਦੀ ਝਾਂਕੀ ਅਤੇ ਉਨ੍ਹਾਂ ਦੇ ਚਰਨਾਂ ਦੇ ਦਰਸ਼ਨ ਕਰ ਕੇ ਮੱਥਾ ਟੇਕਣ ਵਾਲੇ ਸ਼ਰਧਾਲੂਆਂ ’ਚ ਭਾਰੀ ਉਤਸਾਹ ਦੇਖਣ ਨੂੰ ਮਿਲਿਆ। ਇਸ ਯਾਤਰਾ ਨੂੰ ਮੁਹਾਰਾਸ਼ਟਰਾ ਦੇ ਪੰਡਰਪੁਰ ਤੋਂ ਚੱਲ ਕੇ ਭਾਰਤ ਦੇ ਵੱਖ-ਵੱਖ ਸੂਬਿਆਂ ਤੋਂ ਹੁੰਦੇ ਹੋਏ ਪੰਜਾਬ ਦੇ ਬੁਢਲਾਡਾ ਸ਼ਹਿਰ ’ਚ ਰਾਤ ਨੂੰ ਠਹਿਰਾਅ ਉਪਰੰਤ ਘੁੰਮਾਣ ਸਾਹਿਬ ਲਈ ਰਵਾਨਾ ਹੋਈ। ਇਸ ਮੌਕੇ ਯਾਤਰਾ ਬਾਰੇ ਜਾਣਕਾਰੀ ਦਿੰਦਿਆਂ ਸੰਘ ਦੇ ਸੂਰਿਆਕਾਂਤ ਅਤੇ ਮਨੋਜ ਮਾਂਡਰੇ ਨੇ ਦੱਸਿਆ ਕਿ ਸੰਤ ਨਾਮਦੇਵ ਕਰੀਬ 700 ਸਾਲ ਪਹਿਲਾਂ ਆਪਣੇ ਜਨਮ ਸਥਾਨ (ਮਹਾਰਾਸ਼ਟਰ) ਵਿਖੇ ਆਏ ਸਨ। ਸ਼ਾਂਤੀ, ਸਮਾਨਤਾ ਅਤੇ ਭਾਈਚਾਰਕ ਸਾਂਝ ਦਾ ਸੰਦੇਸ਼ ਲੈ ਕੇ ਸੈਰ ਕਰਨ ਲਈ ਗਏ ਸਨ ਅਤੇ ਆਪਣਾ ਆਪ ਸਮਾਂ ਉੱਥੇ ਬਿਤਾਇਆ ਸੀ। ਉਨ੍ਹਾਂ ਕਿਹਾ ਕਿ ਇਸ ਮਹਾਨ ਸੰਤ ਦੀਆਂ ਸਿੱਖਿਆਵਾਂ ਨੂੰ ਦੇਸ਼ ਦੇ ਕੋਨੇ ਕੋਨੇ ਵਿੱਚ ਪਹੁੰਚਾਉਣ ਲਈ ਇਹ ਅਲੌਕਿਕ ਰੱਥ ਯਾਤਰਾ ਸ਼ੁਰੂ ਕੀਤੀ ਗਈ ਹੈ, ਜਿਸ ਵਿੱਚ ਸੰਤ ਨਾਮਦੇਵ ਦੀਆਂ ਚਰਨ ਪਾਦੁਕਾ ਨੂੰ ਸ਼ਾਮਲ ਕੀਤਾ ਗਿਆ ਹੈ, 1200 ਕਿਲੋਮੀਟਰ ਦਾ ਸਫ਼ਰ ਤੈਅ ਕਰ ਰਹੇ ਹਨ। ਇਸ ਮੌਕੇ ਬਲਵੀਰ ਸਿੰਘ, ਹਰਦਿਆਲ ਸਿੰਘ ਦਾਤੇਵਾਸ, ਸੰਤਾ ਸਿੰਘ, ਭੋਲਾ ਸਿੰਘ, ਹਰਮੇਲ ਸਿੰਘ, ਮਾ. ਬਲਵੀਰ ਸਿੰਘ, ਗੁਰਤੇਜ ਸਿੰਘ ਆਦਿ ਹਾਜ਼ਰ ਸਨ।