ਪੀਆਰਟੀਸੀ ਪਨਬਸ ਤੇ ਰੋਡਵੇਜ਼ ਕਾਮਿਆਂ ’ਤੇ ਢਾਇਆ ਤਸ਼ੱਦਦ ਨਿੰਦਣਯੋਗ : ਵਿਰਲੀ

ਸੁਖਜਿੰਦਰ ਸਿੰਘ ਮੁਲਤਾਨੀ, ਪੰਜਾਬੀ ਜਾਗਰਣ ਭੁਲੱਥ : ਕਸਬਾ ਭੁਲੱਥ ਵਿਖੇ ਕਿਰਤੀ ਕਿਸਾਨ ਯੂਨੀਅਨ ਤੇ ਪੈਨਸ਼ਨਰਜ ਐਸੋਸੀਏਸ਼ਨ ਦੇ ਆਗੂ ਜਸਵੰਤ ਵਿਰਲੀ ਨੇ ਕਿਹਾ ਕਿ ਪੀਆਰਟੀਸੀ ਪਨਬਸ ਤੇ ਰੋਡਵੇਜ਼ ਕਾਮਿਆਂ ਦੇ ਹੱਕੀ ਸੰਘਰਸ਼ ਨੂੰ ਦਬਾਉਣ ਲਈ ਪੁਲਿਸ ਬਲਾਂ ਦੁਆਰਾ ਢਾਇਆ ਗਿਆ ਤਸ਼ੱਦਦ ਪੱਗਾਂ ਉਤਾਰਨ ਤੇ ਕੱਪੜੇ ਪਾੜਨ ਤਕ ਕੀਤਾ ਗਿਆ ਅਤੀ ਨਿੰਦਨਯੋਗ ਤਸ਼ੱਦਦ ਬਹੁਤ ਹੀ ਘਟੀਆ ਮਾਨਸਿਕਤਾ ਦਾ ਨਤੀਜਾ ਹੈ। ਇਸ ਘਟੀਆ ਕਾਰਨਾਮੇ ਦੀ ਅਸੀਂ ਨਿਖੇਧੀ ਕਰਦੇ ਹਾਂ। ਉਨ੍ਹਾਂ ਪੰਜਾਬ ਸਰਕਾਰ ਤੋਂ ਮੰਗ ਕਰਦਿਆਂ ਕਿਹਾ ਕਿ ਪੰਜਾਬ ਸਰਕਾਰ ਗੱਲਬਾਤ ਰਾਹੀਂ ਰੋਡਵੇਜ਼ ਤੇ ਪੀਆਰਟੀਸੀ ਕਾਮਿਆਂ ਦੀਆਂ ਮੰਗਾਂ ਤੁਰੰਤ ਮੰਨ ਕੇ ਜਲਦੀ ਹੱਲ ਕੱਢੇ।