ਸਕੂਲ ’ਚੋਂ ਕਣਕ ਤੇ ਕੀਮਤੀ ਸਾਮਾਨ ਚੋਰੀ

ਸਕੂਲ ’ਚੋਂ ਕਣਕ ਤੇ ਕੀਮਤੀ ਸਾਮਾਨ ਚੋਰੀ

ਅਜੇ ਸਿੰਘ ਨਾਗੀ, ਪੰਜਾਬੀ ਜਾਗਰਣ, ਫਿਲੌਰ : ਬੀਤੀ ਰਾਤ ਚੋਰਾਂ ਨੇ ਸਰਕਾਰੀ ਪ੍ਰਾਇਮਰੀ ਸਮਾਰਟ ਸਕੂਲ ਖਹਿਰਾ ’ਚ ਦਾਖ਼ਲ ਹੋ ਕੇ ਡੇਢ ਕੁਇੰਟਲ ਕਣਕ, ਚਾਰ ਪੱਖੇ, ਦੋ ਸੀਪੀਯੂ ਤੇ ਟੂਟੀਆਂ ਸਮੇਤ ਹੋਰ ਸਮਾਨ ਚੋਰੀ ਕਰ ਲਿਆ। ਸਕੂਲ ਇੰਚਾਰਜ ਪੂਜਾ ਨੇ ਦੱਸਿਆ ਕਿ ਸਵੇਰੇ ਸਕੂਲ ਪਹੁੰਚਣ ’ਤੇ ਸਾਮਾਨ ਖਿਲਾਰਿਆ ਹੋਇਆ ਮਿਲਿਆ, ਜਿਸ ਤੋਂ ਬਾਅਦ ਪਿੰਡ ਵਾਸੀਆਂ ਤੇ ਗ੍ਰਾਮ ਪੰਚਾਇਤ ਨੂੰ ਸੂਚਿਤ ਕੀਤਾ ਗਿਆ। ਜਾਣਕਾਰੀ ਮਿਲਣ ’ਤੇ ਥਾਣੇਦਾਰ ਜਸਵਿੰਦਰ ਸਿੰਘ ਮੌਕੇ ’ਤੇ ਪਹੁੰਚੇ ਤੇ ਕਿਹਾ ਕਿ ਚੋਰਾਂ ਦੀ ਭਾਲ ਜਾਰੀ ਹੈ ਤੇ ਉਨ੍ਹਾਂ ਨੂੰ ਜਲਦੀ ਕਾਬੂ ਕੀਤਾ ਜਾਵੇਗਾ। ਇਸ ਮੌਕੇ ਸਤਨਾਮ ਸਿੰਘ ਪੰਚ, ਵਰਿੰਦਰ ਸਿੰਘ ਖਹਿਰਾ ਵਾਈਸ ਚੇਅਰਮੈਨ, ਦੀਪ ਕਲਸੀ ਸਾਬਕਾ ਪੰਚ, ਸਕੂਲ ਸਟਾਫ ਤੇ ਪਿੰਡ ਵਾਸੀ ਹਾਜ਼ਰ ਸਨ।